يا شباب ما تلاحظون سوق الكروزر انضرب شوي بس ما انهار بعد النيسان؟ [الأرشيف]

مشاهدة النسخة كاملة : يا شباب ما تلاحظون سوق الكروزر انضرب شوي بس ما انهار بعد النيسان؟

ابن قطر

09-06-2010, 11:42 PM

سئوال يراود لذهن اي شاب اعتاد ان يستخدم الكروزر بالذات فبعد نزول النيسان 2010

اعتقد الجميع انتهاء الكروزر لسبب بسيط قوة محرك النيسان ولكن الملفت للامر

ما زال سوق الكروزر في العالي رغم انخفاضه النسبي وقد يكون السبب بالنزول الازمة

الاقتصادية ... ولا نلاحظ تهافت على شراء نيسان بترول 2010 عكس الكروزر عند نزوله

والى الان

وانا طرحت هذا الموضوع لنسمع سويا ارائكم حول الافضلية للكروزر ام النيسان

وتقبلواااااااااا تحياتي

قطراوي للأبد

09-06-2010, 11:46 PM

بالعكس ! ماشوف هالشي @@

يعني صحيح مكينته قويه !!

لكن فرق السعر يسوي شغل بالنسبه لـ وايد من الناس

ابن قطر

09-06-2010, 11:51 PM

بالعكس ! ماشوف هالشي @@

يعني صحيح مكينته قويه !!

لكن فرق السعر يسوي شغل بالنسبه لـ وايد من الناس

اخوي قصدك الشباب يفضلون الكروزر؟؟؟

باشا البدو

10-06-2010, 12:09 AM

انخفاض الاسعار له اسباب منها دخول فصل الصيف واقبال الناس على البيع لغرض قضاء الاجازه

وترقب الناس لنزول الكروزر ال 2011 اللي صاير عليه كلام انه مكينته بتغير

لكن السبب الرئيسي فصل الصيف

عدم تهافت الناس على النيسان بسبب السمعه القديمه عن النيسان انه خراباته واجد

السندان

10-06-2010, 12:15 AM

ابن قطر

10-06-2010, 12:20 AM

1-النيسان صحيح حلو .. لاكن سعره يراه البعض انه مبالغ فيه ويخاف يغامر لانه مايضمن البيعه عقب بكم بتكون
2-الشئ الثاني اغلب الشباب خلاص ماعاد فيه حيل كل سنه سياره بـ200 الف
3- بعد كم شهر بينزل الكلوزر 5700 وبيطير سعره الى 300

يقول يود مجنونك لا يجيك اللى اجن منه

الفرق بين الاثنين تاريخيا يميل الى الاندكروزر
ولاكن ماذا يحمل لنا قاهر الدروب .. الله اعلم
طبعا عطه سنه استخدام واحد مقلوع بيبين كل شئ

شكرا لك

كلامك جميل جدااااااااااا ...

بس السئوال هل نحن بحااااااااااااجه الى كروزر 5700

او اكثر ...

وهل قوة محرك النيسان نحن بحااااااااااجه لها في ظل الرادار المنتشر وكثرة الحفريااااات

والف شكر على المرور...

yousef545

10-06-2010, 01:44 AM

انا عن نفسي ولله مكينة الجي 6 سلندر 2008 وايد علي

مسابق + سيلين + بحر + بر + استعراض + سفر

مايردك التيوتااااااااااا بس الفتك بعد شي و يوم من الايام كنت باخذلي فتك و بعيش حياة هل النياسين هههههه

بس ماصار نصيب و كملنا مسيرة التيوتا

gxr o.z

10-06-2010, 03:48 AM

بالعكس اخوي اشوف كرورزات ٢٠١٠ اكثر من ٢٠٠٩ و٢٠٠٨

والنيسان الجديد اشوفه يمكن واحد او ثنين بالكثير ثلاث فاليوم

فلفل حار

10-06-2010, 07:16 PM

يبقى للكروزر هيبته ...:)

الماضــــي

10-06-2010, 07:34 PM

اخوي كلامك صح ان الكلوزر نزل سعرة بس مش علشان النيسان
بل التويوتا كاملا انخفضت اسعارها لسحبها من الاسواق اكثر من مليون
سيارة بس في جميع الدول وللاسف في قطر مازالت مرتفعة وانخفاضها
بسيط جدا في قطر

السندان

10-06-2010, 08:03 PM

كلامك جميل جدااااااااااا ...

بس السئوال هل نحن بحااااااااااااجه الى كروزر 5700

او اكثر ...

وهل قوة محرك النيسان نحن بحااااااااااجه لها في ظل الرادار المنتشر وكثرة الحفريااااات

والف شكر على المرور...

وانت اخوي ابن قطر كلامك اجمل ..

ومن ناحيتي انا 6 سلندر كافي للفور ويل بس لما نقول كلوزر 200 الف وبدون كماليات مشكله

ولاكن الاعجاب عند البعض بعد مشكله

والمشكله الاخرى انك لابد تاكل على كيفك وتلبس على كيف الناس
والسياره صارت من ضمن اللبس

تحياتي

ابن قطر

11-06-2010, 12:10 AM

:nice::victory:
يبقى للكروزر هيبته ...:)

بو فهد

11-06-2010, 12:35 AM

شوفو الفرق بعد الحادت بين السيارتين

تويوتا

http://www.7ammil.com/upfiles/WxA82689.jpg

http://www.7ammil.com/upfiles/FIF82689.jpg

نيسان

http://www.mekshat.com/pix/upload04/images157/mk155467_22092009y.jpg

http://img2.imageshack.us/img2/4596/22092009002.jpg

خيال شمر

11-06-2010, 04:07 AM

الوعد شهر 8 ... :):):):):)

fahad1

11-06-2010, 09:16 AM

يبقى للكروزر هيبته ...:)

:nice::nice::nice::nice:

هام السحاب

11-06-2010, 09:26 AM

صراحه كـ شكل النيسان الجديد اكشخ و كـ قوه النيسان اقوى بس مبالغين في سعره
يعني نيسان ب 200 الف وايد و فالنهايه يتم نيسان

فلفل حار

11-06-2010, 10:08 AM

بوعبدالعزيز1

11-06-2010, 10:38 AM

بصراحة نيسان شكله مب لين هناك ولا في مقارنه ب تويوتا او لكزس

بومحمد911

11-06-2010, 10:50 AM

نيسان ولا كروزر مرده يصداء الموتر

alkoos

11-06-2010, 01:43 PM

بالعكس اخوي اشوف كرورزات ٢٠١٠ اكثر من ٢٠٠٩ و٢٠٠٨

والنيسان الجديد اشوفه يمكن واحد او ثنين بالكثير ثلاث فاليوم

لا تغتر اكثرهم مجددين مواترهم :)

قطـ VERTU ـر

11-06-2010, 01:44 PM

ع فكـره شباب ...
خبرني واحد من الربع آلي يدرسون في آمريكا آنه النيسان الجديد ممنوع نزوله هناكـ لعدم مطابقة مقاييس السيفتي حسب هيئة المقاييس العالميه ...!

حد عنده خبر بهالخصوص ..؟!
ترا قووووووويه بحق النيسان ولو صج هالكلام هالشي معناه هذا تابوت بقـوة 400 حصـان ...!

وتسلم على الموضوع الطيب يا آبن قطـر ... :)

وآيد سياراتـ ماتدخل امريكآ والسبب في الشروط اللي تفرضها الهيئات هنآكـ .. مثل نسبة التلوث وصرفية البترول لكل ميل و السيفتي واجرائات ثانيه معقده جدا تتعلق بسياسات الشركه .. وحتى النيسان ال 4800 مافي منه في امريكا .. ولا حتى ال 4500 .. اللي موجودين اذا ماخاب ظني نفس الشكل بس ديزل .. ويسمونه نيسان سفاري
والغريب ان من الممكن تحصل لهم اغراض تزويد في امريكا وهم مش موجودين أصلن والمكينه مانزلت على ولا موتر من نيسان ينزل في امريكآ .. والسبب في ان شباب الخليج دفعوا الشركآتـ الامريكيه انهم ينزلون وينتجون اغراض تزويد لهذي المكينه مع العلم ان محد بيستخدمهم في السوق الامريكي ..

وبالنسبه لمحور الموضوع ., وآيد ناس يصدقونـ بان النيسان الجديد مب بس طلع الكروزر من المنافسه الا تعدآهأ ووصل مستوى اللكزس .. وطبعا هـ الشي مستحيل يصيير .. والمبيعات اكبر دليل على هـ الشي ,,

وتبقى للتيوتا قيمته كأكبر صانع سياراتـ ومن ناحية السعر وقت الشراء والبيع و وقت البيع وتوافر قطع الغيار واسعارها مقارنة مع النيسان .. واللي يتكلمون عن المواصفاتـ .. بان النيسان احسن .. النيسان تم تدشينه في شهر 2 سنة 2010 .. والكروزر تم تدشينه في شهر 11 سنة 2007 .. أكيد التقنيات تطورتـ والمواصفات تحسنت لصالح النيسان لان خط انتاجهم جديد .. وخط انتاج التويوتا بيكمل ال 3 سنوات عقب كمن شهر .. بس هـ الشي مايمانع ان الكروزر قاعد يتطور كل سنه وشركة التيوتا كل سنه تزيد مواصفات على حسب احتياجات السوق .. وأكيد انها بترد على النيسان برد قاسي يعلمهم ان التويوتا مب اي احد ينافسهآ ..
وطبعا واضح لاي شخص في قطر وفي الخليج حجم المبيعات للتويوتا واللكزس مقارنة بحجم المبيعات للنيسان والانفنيتي .. وهـ الشي ماعتقد انه راح يتغير لصالح النيسان والانفنتي مادامت التيوتا تنباع في الخليج !

الهملة111

11-06-2010, 02:21 PM

انا استعمل لكروزر منذ عام 1981 حتى الان انسى شي اسمه خراب كد ومد وشيك بيدك اما النيسان سلحان لايغرك مش حق كد وسلامتك ؟؟؟

تدلل قطر

11-06-2010, 08:22 PM

مجرد راي قبل مافي جمس غمارتين او غمارة وربع الحين عند اي شارة او دوار تشوف الجماسي من كل لون الله يرحم قبل مافي الى لاندكروزر او نيسان والحين سار العكس على فكره في السعوديه والامارات ارخص من عندنا والدليل شوف المعارض السيارات الي عندهم وارد وين ويبعونك على سعر قطر هذا فرق وارتفاع الاسعار تحياتي للجميع بدون زعل ؟؟؟؟؟؟؟؟؟؟

لـبـيـه

11-06-2010, 09:20 PM

النيسان من وجهة نظري كان لجميع الفئات من جميع النواحي لاكن اتوقع الحين صار لفئه معينه فقط لسبب ذي اتوقع سوق الكروزر بيتم ويمكن يزيد

مرتبش

11-06-2010, 10:21 PM

ياريت سوق الكروزر ينهار
عشان اخذ لي واحد حق العيد ان شاء الله

ابن قطر

12-06-2010, 01:28 AM

يا جماعة الخير اعرف واحد من الربع مدمن شي اسمه نيسان باع القديم الي عنده با انتظااااااااااااار 2010

تصدقون والله ما اشترى الجديد

تدرون ايش السبب اكتشف انه ما يجي اسبير علاق انا اشوف سبب غير مقنع ومهم بالنسبة له مهم جداااا

ههههههههههههه

ابن قطر

12-06-2010, 01:30 AM

:discuss::discuss:
النيسان من وجهة نظري كان لجميع الفئات من جميع النواحي لاكن اتوقع الحين صار لفئه معينه فقط لسبب ذي اتوقع سوق الكروزر بيتم ويمكن يزيد

بس صدقني راح يردون الفئة المقصودة للبورش كيان والرنج