العذر من كيوتل ولكن يكفي سرقاات

[Ross]

السلام عليكم ورحمه الله وبركاته

يا جماعه الخير انا صارتلي مشكله من كيوتل ولحد اليوم ما انحلت الا وهي

ان الله يطول اعماركم انا من اسبوع وشو رحت كيوتل الرئيسي على شان اشوف كم فاتورتي وادفعها ولقيت المكان زحمه ولقيت المكينه مالت كيوتل فاضيه فقلت خلني ادفع عن طريق المكينه لاني كنت مستعجل وطلعت فاتورتي 450 ريال بس حطيت الملبغ لكن الطامه الكبرى اول ما جاني المسج الا مكتوب فيه انه تم سحب مبلغ 4500 ريال من بطاقتي لحساب كيوتل ولما كلمت كيوتل قالولي روح للشخص الفلاني ورحتله لين مكتبه ودقيت الباب ومافتح مع انه يشوفني عند الباب من ورا الجزاز وبعدها قالولي روح الطابق الفلاني للمسؤول ورحت وقالولي منو قالك ان المسؤل مكتبه هني وحولوني على قسم المكاين وقسم المكاين قالولي احنا مالنا دخل مشكلتك مع الرئيسي ولما اتصلت كيوتل يقولون لي شنو مشكلكتك ولما اشرح المشكله يسكرون في ويهيي ولما اشتكيت قالو لا احنا ما نسكر في وجه العميل بس ي وحده انقطع الخط معاها ورجعت هي اتصلتي وللحين ما رجع شي لي يعني اشهدكم يا جماعه الخير شنو الحل من وجهه نظركم افيدوني الله لا يهيينكم ...

اخوكم ross

[Qtrstyle]

أخوي .. انا ادفع فواتيري من الجهاز واستخدم البطاقه بعد
اول ماتجيك الفاتوره .. وتختار الدفع بالبطاقه .. انت تدخل المبلغ اللي تبي تدفعه .. سواء الفاتوره كامله اقل او اكثر .. مب شرط الفاتوره نفسها ^.^

ودام فاتورتك 450 .. واندفعت 4500 الخطأ منك اكيد

أتمني ان تنحل مشكلتك .. راجع الفرع وانشالله بيقدرون يساعدونك ..
انا مره دفعوني فاتوره وكان في مبلغ في الفاتوره بالغلط .. فرجعو المبلغ في رصيدي ^.^

[شموخ دائم]

,

,


مرحبا اخوي

انا ما ادافع عن كيوتل ولا عمري اشتركت في شي من عروضهم

ولكن ,,,

من الواضح اخوي انك ضغطت على الصفر مرتين بالغلط

وسجل الرقم 4500 بسيطه اخوي

هذا المبلغ الان في رصيدك عند كيوتل

احتفظ بالايصال الي عندك مهم لانه يثبت المبلغ

تقدر تخليه وكل شهر ينسحب منه فاتورتك لين يخلصونه

هذا الحل مافيه عوار راس لك

:)

الحل الثاني الاخوان يفيدونك

,

,


اخوك


شموخ دائم

[JN000N]

,

,


مرحبا اخوي

انا ما ادافع عن كيوتل ولا عمري اشتركت في شي من عروضهم

ولكن ,,,

من الواضح اخوي انك ضغطت على الصفر مرتين بالغلط

وسجل الرقم 4500 بسيطه اخوي

هذا المبلغ الان في رصيدك عند كيوتل

احتفظ بالايصال الي عندك مهم لانه يثبت المبلغ

تقدر تخليه وكل شهر ينسحب منه فاتورتك لين يخلصونه

هذا الحل مافيه عوار راس لك

:)

الحل الثاني الاخوان يفيدونك

,

,


اخوك


شموخ دائم


اتفق معاك.. احتمال تكون ضغطت بالغلط عالصفر ومانتبهت ويصير الخطأ وارد

بس خل الايصال عندك .. عشان كل شهر تندفع فاتورتك اوتوماتيك وكل مره انتبه عالمبلغ اللي عليها فاتورتك.. وشوف هل وصلت ال4500 وخلصت والا ليحين

[أبو طلحه]

هلا الشيخ انا مره المكينة اسحبت علي الفلوس ( دافع كاش)

وما طلعت لي فاتوة وتفاجئت ان الجهاز علق وشار

وكان يوم السبت اعتقد

قالوا لي تعال يوم الاحد مسؤول المكينة مش موجود حاليا

سجلوا رقم التلفون وكم المبلغ وقالوا بيشيكون اذا لقوا زيادة فأنا صادق واذا ما فيه زيادة راحت علي ( يمكن انا نصاب )

واتضح انه المبلغ الزيادة ( الذي دفعته انا ) موجود

وتم دفعها

ولكن

واحد من ربع الوالد

صارت له نفس المشكلة دخل 500 ريال

وكان الرد من كيوتل لا توجد زيادة وطيروها عليه وطبعا اهي في ذمتهم

الي عليك انك تراجع المسوؤل وتخليه يبطل المكينة وبيعد الحساب الي تم دفعه في المكينة مقارنة مع الفواتير الموجودة بالمكينة وبيظهر زيادة لكن اعتقد بيقولون عندك رصيد في حسابك

ومدري اذا كان بيرجعوها لك

الله يعينك

[م. عبدالعزيز]

اذا انحط في حسابك 4500 على رقمك عادي .. ماراح تدفع فواتيرك الجايه لين ماتخلص ال4500
:)

[فلفل حار]

أخوي .. انا ادفع فواتيري من الجهاز واستخدم البطاقه بعد
اول ماتجيك الفاتوره .. وتختار الدفع بالبطاقه .. انت تدخل المبلغ اللي تبي تدفعه .. سواء الفاتوره كامله اقل او اكثر .. مب شرط الفاتوره نفسها ^.^

ودام فاتورتك 450 .. واندفعت 4500 الخطأ منك اكيد

أتمني ان تنحل مشكلتك .. راجع الفرع وانشالله بيقدرون يساعدونك ..
انا مره دفعوني فاتوره وكان في مبلغ في الفاتوره بالغلط .. فرجعو المبلغ في رصيدي ^.^

هذا الصـح ...:nice:






عـفواً آخـوي بس شلون تبي من آي عضو شغال بكيوتل يتجاوب معاكـ على عنوان موضوعكـ ..؟!
تدري آنكـ ممكن تنسجن 6 شهور بتهمة القذف والسب على هالعنـوان ..؟!
مجرد ملاحظه ... :)








وآن شالله كيووتـل يردون لكـ حلالكـ وبتاخذه منهم بطيب خاطر ...
وآذا في موظف في كيوتـل آن شالله يرشدكـ ويختصر لكـ وجهتكـ لمن ووين تروح ... :)

[الصريحه]

الله يسهل امورك ويردونها بسرعه

[hamoor4ever]

باين ان الخطأ منك ويوم تقول يطالع من ورا الزجاج مايفتح اكيد رايح لهم عقب الدوام اما يسكرون عليك مااعتقد الا اذا انك قلت شي غلط وشكلك متحامل وايد وانت تقول مشكلتك طول بالك المشاكل هاذي يبي لها وقت حاول تبعث فيها كتاب للاداره واكيد هم بيشوفون من الجهه اللي تقدر تساعدك وتابع معاهم وان شاء الله يرجع حقك

[Ross]

باين ان الخطأ منك ويوم تقول يطالع من ورا الزجاج مايفتح اكيد رايح لهم عقب الدوام اما يسكرون عليك مااعتقد الا اذا انك قلت شي غلط وشكلك متحامل وايد وانت تقول مشكلتك طول بالك المشاكل هاذي يبي لها وقت حاول تبعث فيها كتاب للاداره واكيد هم بيشوفون من الجهه اللي تقدر تساعدك وتابع معاهم وان شاء الله يرجع حقك



رايح الساعه 12 الظهر

[Sharshooooor]

الصراحة العنوان قوي ومايستاهل للقصة اللي رويتها

مبين من القصة انك زدت صفر واحد وهذي النتيجة

وانا اللي اعرفة ان كيوتل الجهة الوحيدة اللي ماتصرف شيكات استرجاع للمشتركين

يعني ممكن تستفيد من المبلغ غصب مقابل الخدمات

[الجوكر90]

السلام عليكم
اخوي طرشلي كل التفاصيل ع الخاص
والتاريخ وان شاء الله بحاول اساعدتك
وبالتوفيق ان شاء الله

[ماريسا]

اذا انحط في حسابك 4500 على رقمك عادي .. ماراح تدفع فواتيرك الجايه لين ماتخلص ال4500
:)

صــــــــــــــــح

[الـقـاسـي]

اخوي انسى شي يدخل كيوتل ويطلع مره ثانيه .. بيخلون لك الفلوس بحسابك ويقولون لك اذا في ارقام باسمك بيحولون الفلوس عليها ..

[ANONYMOUS]

اللي يقول بالخطا.. !!

واذا اخطأ .. ودفع 4500 ريال بالخطأ ..

خلاص

تروح لكيوتل حلال ..

مافي آاليه معينه ترجع له المبلغ..


راحت عليه.. .؟ ليش المبلغ اندفع في جنوب افريقيا..


المبلغ اندفع بلغلط.. وفي الدوحه.. المفروض 24 ساعه .. ويرجع المبلغ حساب الريال

ويش اللي يمنع مثلا..



واللي يقول خلاص خل فواتير كيوتل تنخصم اتوماتيك لين يخلص المبلغ..


ليش... ال هالدرجه مبلغ 4500 ريال بسيط في نظركم

ليش بيتم لين اخر الشهر عايش ع الجوال

تونا اليوم 11 من الشهر

يمكن ماعنده شي في لحساب




الصراحه في ردود مالها داعي !