اسمع عن القبح وهذي اول مره اشوفه

[hemoud123]

لقد كرم الله الانسان بالعقل وكذلك بخلقه في احسن صوره ,واكاد اجزم بان الانسان هو الكائن الوحيد القادر وعن عمد على تحويل الجمال الى قبح صرف
ولان الجمال نسبي والقبح كذلك او بصوره اخرى لاوجود في الارض لجمال يخلو من قبح او قبح يخلو من جمال لذلك فالناس تختلف في نظرتها اليهم
ولكني ولاول مرة في حياتي ارى كيف يحول الانسان الجمال الى قبح صرف يخلو من اي لمسه جماليه بعد ان كان جميلا
ففي احد المقاهي او المطاعم دخلت امراتان تبدو عليهما الحشمه , جلستا على طاوله قريبه وكشفتا عن وجهين يشعان جمالا ذكرني بالبيت الذي يقول :
جل من انشاك بدرا كاملا == واجاد الرسم في خط القلم
بعد ان اخذ النادل طلبهما وغاب فتره عاد وفي يديه شيشتين ( عدد 2 شيشه ) وبعد ان جهزهما ناول كل منهما خرطومها , وبدأ صوت الشيشه يعلو وبدأ الدخان يتصاعد من الانوف والافواه
يالله كيف تحول الجمال الى قبح في لحظه ؟
قد يقول البعض انها حريه شخصيه و اقول نعم ولكتها حريه تؤذي الذوق العام !!
لقد سبق لي ان رايت كثيرا نساءا يدخن الشيشه والسيجاره وحتى الحشيش , ولكن شيشه مع الشيله والعباه الخليجيه اقول ما يوارج

[القلب المؤمن]

كيـــــــــــــــــــفهم ..
أقبح مافي موضوعك انك أمعنت النظر فيهم ولم تغض بصرك لا وبعد تتغزل فيهم !!

ماقول غير صحيح اللي اختشوا ماتوا ...الشباب نسوا شي اسمه غض البصر وصارت النساء فرجـــــــــــــــــــه ودائما على خطأ !!

صحيح آخر زمــــــــــــــــــــــــن !!
:rolleyes2:

[مرتبش]

يعني
لو قبيحتين بيكون الامر عادي

المهم هو تشويه الجمال؟ غريب هالمنطق..

عموما لو يسكرون كل محلات الشيشة ابرك لانها مناكر في مناكر

[tulepq]

زمااااااااااااااااااااااان كان ينضرب فينا الوصف .. بالتمسك بأجمل العادات والتقاليد ..

وفي الإعراب يقولون كان : فعل ماضي مبني على الفتح ..

وشوي شوي .. ما ادري من دعا علينا وحسدنا وصارت تطفح علينا طبقه من المجتمع يقولون إنها شريحه من النسيج العام ..

وأنا أشوف مثل هالنسيج ما يسوى شي عند جمال التمسك بتلك التقاليد الرائعه اللي تربينا عليها بدلاً من حالة الإنسلاخ الغير طبيعي ..

هو تم جمال أصلا ؟؟



والله شي مخجل إن البنات بعضهن طبعا يفتخر بتدخين هذه الشيشه .. وتعلوها طبقة من الدخان وكأنه بالضبط دخااااااااااان القطار السريع .

ظاهره خطيرة وإستفحلت ولا بد من وقفه حازمه معهن ..

وإذا جا وقت التطبيق للحد من هذه الظاهره ودي أتخيل بس شكل الوحده وهي تقول أبي شيشه .. ويقولون لها : ممنوووووووووووووووووع ..

بس هذولا من وراهم تعالو قولو لي ..

وحده لا همها تحشم دين .. ولا أبو .. ولا أخو .. ولا زوج ولا ( جنسيتها حتى ) على الأقل تحترم العنابي ..

[فلفل حار]

هالآشكـال المفروض ماتعبرهم حتـي ...
الله يهديهم ...




بس تدرون جات ببالي فكـره ...
آحتراماً للعبايه في دولتنا الحبيبه ...

ليش مايصدر قانون أخلاقي بمنع تقديم الشيشه لكل بنت تلبس عبايه ...؟
حتي لو كان في مكان مسكـر ...




جايز حتي هالبنات آلي يشيشون يخجلون ويستحون شوي ( الله آعـلم )

[Qt.1]

فعلاا موضوعك غريب نوعا ما....فيه غزل ومدح,,, وفيه ذم وتقبيح..
والهدف من الموضوع ضاع...!!

[انسان]

مع احترامي لك يا صاحب الموضوع ولكن لم توفق في هذا الموضوع .

يعني الي ثار استنكارك في السالفه ان وجوهم تشع جمال على قولتك ولابسيين العبايه ويشيشون .

ولا ثار ستنكارك ان اليي يسوونه حرام و هذا شي الله ما يرضاه.....

يعني اللي همك شلون لابسين عبايه ويدخنون " هذا اللي اصابك بالصدمه بس "






عندي سؤال محيرني . انت وين وشلون شفت نسوان يحششون:nono::nono:

[hemoud123]

هالآشكـال المفروض ماتعبرهم حتـي ...
الله يهديهم ...




بس تدرون جات ببالي فكـره ...
آحتراماً للعبايه في دولتنا الحبيبه ...

ليش مايصدر قانون أخلاقي بمنع تقديم الشيشه لكل بنت تلبس عبايه ...؟
حتي لو كان في مكان مسكـر ...




جايز حتي هالبنات آلي يشيشون يخجلون ويستحون شوي ( الله آعـلم )

والله اقتراح في محله
انا اعرف ان البارات في الفنادق يمنع دخول اي واحد يلبس زي خليجي , المفروض ياريت يتم تطبيق نفس الشي على العباءه

[hemoud123]

مع احترامي لك يا صاحب الموضوع ولكن لم توفق في هذا الموضوع .

يعني الي ثار استنكارك في السالفه ان وجوهم تشع جمال على قولتك ولابسيين العبايه ويشيشون .

ولا ثار ستنكارك ان اليي يسوونه حرام و هذا شي الله ما يرضاه.....

يعني اللي همك شلون لابسين عبايه ويدخنون " هذا اللي اصابك بالصدمه بس "






عندي سؤال محيرني . انت وين وشلون شفت نسوان يحششون:nono::nono:

هذا اللي محيرك في الموضوع كله ؟ خلك حيران

[BIG-VEGA]

هالآشكـال المفروض ماتعبرهم حتـي ...
الله يهديهم ...




بس تدرون جات ببالي فكـره ...
آحتراماً للعبايه في دولتنا الحبيبه ...

ليش مايصدر قانون أخلاقي بمنع تقديم الشيشه لكل بنت تلبس عبايه ...؟
حتي لو كان في مكان مسكـر ...




جايز حتي هالبنات آلي يشيشون يخجلون ويستحون شوي ( الله آعـلم )


لاااااا........... يرحم الله والديك
بعضهم يبون سبه علشان يقطون العباه

[غدير البورصه]

امحق مره الي تدخل مطعم

ما خبرنا الحريم يدخلن مطاعم

اخبر ييبون الاكل من المطعم لين البيت للي في خاطرها اكل مطاعم

لكن الحين لا حيا ولا مستحى

[المخفي]

هالآشكـال المفروض ماتعبرهم حتـي ...
الله يهديهم ...




بس تدرون جات ببالي فكـره ...
آحتراماً للعبايه في دولتنا الحبيبه ...

ليش مايصدر قانون أخلاقي بمنع تقديم الشيشه لكل بنت تلبس عبايه ...؟
حتي لو كان في مكان مسكـر ...




جايز حتي هالبنات آلي يشيشون يخجلون ويستحون شوي ( الله آعـلم )

خوفي يفصخون العبي عشان الشيشة خلهم كذي استر

[هداف]

عزتي له حمود عوروا قلبه لانهم مزايين لو اللي يشيشون خالات كان ماخط حرف :)

[الأستاذ]

بل بل حمود .. شرشحوك الربع .. ما يسوى عليك ..
عاد أنت بعد الله يهداك لا تييب السالفة كلها قول شفت منظر ما عجبني وقول إللي شفته ..
قاعد توصف وتصف كلام .. يالله تفضل .. خلوا الشيشة وأستلموك ..
هارد لك ..تعوض في موضوع آخر.. بس بلا تفاصيل وأنا خوك..

[Qt.1]

عزتي له حمود عوروا قلبه لانهم مزايين لو اللي يشيشون خالات كان ماخط حرف :)

:stop::stop:

[هاب الريح]

والله اقتراح في محله
انا اعرف ان البارات في الفنادق يمنع دخول اي واحد يلبس زي خليجي , المفروض ياريت يتم تطبيق نفس الشي على العباءه

اسمحلي حمود اللي تعرفه مب صحيح والصحيح ان المراقص اهي تمنع الزي الخليجي لأن ما يوارج ديسكو مع كوبرا اما البارات مسموح ومخصص لهم لو ما تدري بارات
للخليجيين بالزّي الخليجي .

[bentalgala]

يا أخوي الشكوى لله

أأأنا ذاك اليوم أتصل على فندق أبي أتعشي

يقولي تبين بخمره وإلا بدون

لأنه بخمرة 280 وبدونها 250

يعني الفرق 30 ريال

شلون ما تبي الشباب والبنات يجربون

ما الفرق بس ساعه بيسكورن وزيادة 30 ريال

والله هينه وما يبيلها شي

لا حول ولا قوة إلأا بالله

[ماريسا]

أستغرب من بعض الردود

[الصريحه]

ان كنت تعيب تصرفات البنات معيبه فمعاك حق
وين الاهل؟؟؟؟؟؟؟؟؟؟؟؟ظ

[المخباط]

هالآشكـال المفروض ماتعبرهم حتـي ...
الله يهديهم ...




بس تدرون جات ببالي فكـره ...
آحتراماً للعبايه في دولتنا الحبيبه ...

ليش مايصدر قانون أخلاقي بمنع تقديم الشيشه لكل بنت تلبس عبايه ...؟
حتي لو كان في مكان مسكـر ...




جايز حتي هالبنات آلي يشيشون يخجلون ويستحون شوي ( الله آعـلم )
ياكثر اللي بيحذفون العباية التنكرية
لأنهم ببساطة مش قطريات ولو كان عندها العنابي (مضروب جنبها)

[شموخ قطر]

ياكثر اللي بيحذفون العباية التنكرية
لأنهم ببساطة مش قطريات ولو كان عندها العنابي (مضروب جنبها)

خل يحذفونها ونفتك منهم .. كل الجنسيات قاموا يلبسونها

ويشوهون صورتنا لان الي يشوفهم يعتقد انهم قطريات ..

القطريه الي فيها خير ما راح تقط عبايتها .. وهم مالبسوا

العباه الا لغرض في نفس يعقوب ... والي خايفه ربها قبل

اهلها ما ترضى على نفسها انها تسوي هالحركات ...

الله يهدي بناتنا وشبابنا لما يحبه ويرضاه ..

[فلتة زمانها]

خل يحذفونها ونفتك منهم .. كل الجنسيات قاموا يلبسونها

ويشوهون صورتنا لان الي يشوفهم يعتقد انهم قطريات ..

القطريه الي فيها خير ما راح تقط عبايتها .. وهم مالبسوا

العباه الا لغرض في نفس يعقوب ... والي خايفه ربها قبل

اهلها ما ترضى على نفسها انها تسوي هالحركات ...

الله يهدي بناتنا وشبابنا لما يحبه ويرضاه ..
انزين واللي تقط عبايتها وحجابها في لبنان ومصر ولندن هاذي شنقول عنها
ترى في قطريات يشيشون بس فئه قليله اذكر ايام الجامعه كانوا يشردون مِنْ الدوام ويروحون سوق واقف حَتـے كانوا يعزموني اروح وياهم
والحين مطيحين فالحي الثقافي ترا اهلهم مايدرون آللہ يهديهم ويستر عليهم

[البعد الخامس]

أهم شي أنك تطورت

من التغزل بالخدم

الى التغزل بالبنات الجميلات

كاتب الموضوع كله

لانك توك تعرف كلمة

ما يوارج

تبي تحطها في موضوع


الله يهديك

[Q.N.B]

أهم شي أنك تطورت

من التغزل بالخدم

الى التغزل بالبنات الجميلات

كاتب الموضوع كله

لانك توك تعرف كلمة

ما يوارج

تبي تحطها في موضوع


الله يهديك


ههههههههههههههههههههههههههههههههههههههه

حمود تلثم أحسن لك

بس ممكن تشرح لنا شسالفة التغزل بالخدم ؟؟؟ :)

وبعد ماتشرح التغزل بالخدم أشرح لنا عن البنات الي تشوفهم يحششون ... شلي قطك عندهم وشجابك لهم وشلون كنت تشوفهم وهل هن جميلات ولا نص ونص ... بس أتوقع نص ونص لأن لو جميلات كنت حطيت لنا موضوع بأسم ( الجميلة و الوحش ) الجميلة = الفتاة ... الوحش = الحشيشة

ودامت ديار المنتدى عامرة بمواضيع حمود عن الفتيات الجميلات و القدرة على غض البصر من رؤيتهن :)

[Q.N.B]

حمود تحط موضوع وتهمله ليش ؟

رد على أستفسارات الشباب :)

[الهملة111]

المشكله اغلب الجنسيات العربيه يلبسون الدفه والشيله والي بيشوفهم يقول قطريات لان في بلادينهم يدخنون الشيشه عادي حتى في المنزل المفروض يتم منعهم من ارتداء الزي الوطني تحياتي

[بـــــــنت النوخـّــــذه]

ما بخوض بجانب النظره لان تعتبر اشد من الشيشه الجماعه ماقصرو فيك :)

سؤال :


وسؤال شالفرق بين وحده اتسوي لرجلها فالبيت شيشه واهو مستانس وتاخذ لها كمن نفس من هذي الي يشيشون بها وتقدمه له وبين الوحده الي اتشيش في القهاوي ؟؟؟؟

8
8
8
المثال الي ضربته ماهو الفرق عن واقع سمعته من بنات قطريات متزوجات (كنت في مكان عمل وقاطه اذني لهم )^_^ ويتفاخرون بعد للاسف جيل متأثر ب ليالي الحلميه اههههههههههههه :nice:<<<شر البليه مايضحك

[المغروره]

كيـــــــــــــــــــفهم ..
أقبح مافي موضوعك انك أمعنت النظر فيهم ولم تغض بصرك لا وبعد تتغزل فيهم !!

ماقول غير صحيح اللي اختشوا ماتوا ...الشباب نسوا شي اسمه غض البصر وصارت النساء فرجـــــــــــــــــــه ودائما على خطأ !!

صحيح آخر زمــــــــــــــــــــــــن !!
:rolleyes2:
كلاام صحيح
تحياتي لك

[اسعاف]

لقد سبق لي ان رايت كثيرا نساءا يدخن الشيشه والسيجاره وحتى الحشيش , ولكن شيشه مع الشيله والعباه الخليجيه اقول ما يوارج

مممممممممممممممممممممممممممممممممممممممممممممممممم مممممم

[Q.N.B]

وننتظر الجواب من الأخ / حمود للرد على تعليقات الأعضاء المحترمين

بس شكلنا بنردد ( مطولك ياليل )

[بوسلمان 2010]

الله المستعان والله الظاهره هذي سارت في ازدياد ولا في احد يردعهم وحاطين في بالهم ان محد يدري فيهم وانهم ساترين على انفوسهم والعكس صحيح طبعا انا اخص بكلامي المدخنات بس والله يهديهم ويصلحهم
ان شاء الله

[sh50]

اتوقع هذيلا مب بنات عرب
حتى لولابسين عبي وشيال