السخان المركزي او العادي؟ للضرورة

[Dana’1]

السلام عليكم
اخواني حبيت اسأل شرايكم بالسخان المركزي الي بتدمر؟اتمنى من اي احد جربة يعطيني مدى رضاة عن النظام

وبصفة عامة اي احسن المركزي او سخان بكل حمام؟

[meshwar]

وعليكم السلام ورحمة الله

السخان المركزي احسن
يوفر عليك الصيانه
ومن ناحية السلامة اضمن بدل كل حمام فيه سخان
لو قدر الله انفجر داخل الحمام مصيبه
اما المركزي في العادة يكون فوق السطح اسلم
واذا ركبت 2 يكون افضل في حال تعطل واحد الثاني شغال على طول

والسخان المركزي اعطاله اقل بكثير من السخان العادي

[خبير ديكور]

السخان المركزي وايد احسن اذا تكلفته المادية مناسبة لك

بس بشرط يكون له غرفة من الطابوق فوق السطح مب من الشينكو

تحياتي

[بوحارب]

وعليكم السلام

والله ياخوي عندنا في بيت الوالد سخان مركزي من تدمر وصارله فتره

والحمدلله ماشتكينا منه ولا شي بس التماتيك مال التشغيل يخبط احيانا وتظطر انك تجيب الفني كل فتره عشان يعدل لك البرمجة مال التشغيل


نصيحة اخوية ركب سخانه عادية ابرك وااريح لك بواجد

عندي فيلتين ومسويهم سخان عادي ولا افكر في المركزي ابدا

وشوف هالرابط !


http://www.qatarshares.com/vb/showthread.php?t=143742

[فتى الدوحة]

في حالة تركيب السخان المركزي ،، لازم يكون داخل غرفة في السطح ؟؟
يا ليت اللي عنده خبرة في هالموضوع يفيدنا من ناحية طريقة التركيب وخلافه ..

مع خالص التحيات ..

[حسين بن عاقول]

العادي افضل
تخيل بالشتاء مرة وحدة خبطت عليك السخان المركزي شتسوي ؟؟؟؟؟

[خليفـة]

سؤال بريء لكل من يفضل السخان المركزي :

شنو مصير أهل البيت في حال انقطعت الكهرباء لفترة محدودة ؟
:)

الأجابة ببساطه :
مافي ماي حتى عودة الكهرباء
ولكم القرار
:)

[بروق QTR]

الوالد الله يعطيه الصحه والعافيه مركب خزان مركزي...الصراحه بالصيف مافي اروع منه لانه الماي مايكون حار يصلخ الجلد بحكم انه في غرفه خاصه فوق السطح. ومظلل عليه

ولكن بالشتاء ما يكون الماي حار كثير يكون حار عقب يصير دافئ الدفئ المرغوب فيه و يمكن السبب يكون بحكم بعد مسافة انابيب التوصيل وبرودة الجو الخارجي...

[q6r143]

مشكورين

[تومان55]

السلام عليكم ورحمة الله وبركاته
سمعنا تعليقات كثيره من اخواننا المشاركين
لكن بودي
استعراض تجارب الاخرين عن
مابعد البيع من صيانه السرعه والسعر
امور تعرض لها اصحاب الصخان المركزي
تكلفته كم
ترشيح الشركه

من الامور التى قرئتها من اخواننا المشاركين

مسألة ان الماء الحار في اول ساعه حار ومن ثم يبقى دافء
انك تضع في الحسبان صخانين
ان السخان العادي مشوه منظر الحمام

ننتظر مشاركتكم

[السد]

ارشح شركة البحرية

[badarameen]

السلام عليكم ورحمة الله وبركاته
سمعنا تعليقات كثيره من اخواننا المشاركين
لكن بودي
استعراض تجارب الاخرين عن
مابعد البيع من صيانه السرعه والسعر
امور تعرض لها اصحاب الصخان المركزي
تكلفته كم
ترشيح الشركه

من الامور التى قرئتها من اخواننا المشاركين

مسألة ان الماء الحار في اول ساعه حار ومن ثم يبقى دافء
انك تضع في الحسبان صخانين
ان السخان العادي مشوه منظر الحمام

ننتظر مشاركتكم

صح لو في حد يفيدنا يكون احسن علشان يوم السبت بوقع عقد الحمامات
وابي اعرف مركزي ولا عادي علشان احدد في العقد

[Chambray]

سؤال بريء لكل من يفضل السخان المركزي :

شنو مصير أهل البيت في حال انقطعت الكهرباء لفترة محدودة ؟
:)

الأجابة ببساطه :
مافي ماي حتى عودة الكهرباء
ولكم القرار
:)

هههههههههههه وشدخل
حتى السخان العادي بعد يشتغل بكهرباء :)
وجذيه جذيه بيكون السخان محتفظ بالماي الحار لفترة محدوده :)

[فتى الدوحة]

ارشح شركة البحرية

مرحبا أخوي السد

أنا سمعت بشركة البحرية وفيه ناس أمدحوها ،، بس وش الأفضل : شركة البحرية ولا تدمر ؟

[فتى الدوحة]

؟؟؟؟؟؟؟؟؟؟
محد رد علينا !!

[@@ديزل@@]

؟؟؟؟؟؟؟؟؟؟
محد رد علينا !!

اخوي انا ماخذ من البحريه ضمان 10 سنوات وصيانه دوريه كل سنه هااي تفاقي معاهم

[Dana’1]

اشكر كل من رد سواء مؤيد ام غير مؤيد

البحرية وين مكانهم بالضبط؟ والاسعار كيف؟