افضل ارضية من وجه نظركم؟

[بدوور]

حق المجلس والصالة الداخلية ما افضل ارضية؟ باركيه او بورسلان او رخام ووجرانيت افيدوني جزاكم الله خير

[بوحارب]

السلام عليكم

بالنسبة للمجالس والصالات جرانيت افضل شي من وجهة نظري

والسيراميك للغرف حلو

والدرج رخام

والله يوفقكم

[بويوسف]

المجلس وغرفة الطعام رخام ..

الصالات وغرف النوم الافضل الباركيه او البورسلان ..

ما افضل السيراميك الا للمطابخ ..

[شموخ دائم]

,

,

الموضوع موضوع راحه نفسيه وميول

انتي شنو تحبين في بيتك وشنو ترتاحين له

انا من عشاق الرخام في المجالس والدرج والممرات والجرانيت في البرندات

واحب السجاد في الغرف وباقي الاماكن السجاد

الي يستخدم في الفنادق وتحته اندر لي سميك

والصاله نصها سجاد ونصها رخام يفصل بينهم فاصل ذهبي برواز

يعطي فخامه ومنظر جميل في المكان


بالتوفيق لك



,

,



اخوك




شموخ دائم

[الطبيشي]

يقولون الجرانيت افضل للصاله والمجلس والممرات والغرف بورسلان والدرج رخام .. والله اعلم

[السد]

الرخام لايحبذ استخدامه وذلك بسبب انه يحتاج الى تلميع ( جلي ) وتظهر فيه البقع فهو غير عملي
الجرانيت للمداخل فقط
الصالات يفضل تركيب بورسلان اسباني - درجةاولى
السيراميك معرض للكسر في الحواف

[سهم طايش]

بورسلان اسباني درجة اولى من عند جلفار في طريق سلوى هو الافضل على الاطلاق

[بدوور]

مشكوورين ما قصرتوا

[q6ryah]

اختي انا من رايي تخلين البيت كامل من نفس النوع باركية اوسيراميك او غيرة
لان التنويع يعطي منظر مش حلوكانه مرقع
او تخلين الغرف باركية اوموكيت والصالات بورسلان عشان البيت يكون شكله مرتب

[mr. abdulla]

الصاله والمجلس والممرات والغرف بورسلان والدرج جرانيت في بيتي و السيراميك في الحمامات و المطبخ.. اختي اهم اهم اهم حاجة التركيب.. لازم تتأكدين ان شركة التركيب ممتازة و بعد تكونون فاعدين على راسهم..

[بروق QTR]

آنا رأيي من رأي العضو شموخ دائم

والامر يرجع للراحه النفسيه وشنو ترغب

وبالتوفيق