ادور على ساعه لمبرغيني الحمرا اصليه

[Gh2o]

ابي ساعه اصليه لمبرغيني الحمرا جديده او مستعمله بس بشرط اخت الجديده وشكرا

[حياة]

انا شايفتها في باريس غاليري

[Gh2o]

اي الشيخه شفتها بس ابيها بسعر ارخص من الي بالمحل وشكرا

[قطـ VERTU ـر]

شوف اخوي انا باختصر لكـ الموضوع ,
مآعتقد تحصل جديدهـ لان وكآلتها حصريه حق باريس غاليري .. واسعارهم برع قطر .. اغلى من اسعارهم في قطر .. والتقليد هـ الايااام وآيد على هـ الساعه .. وتقدر تميز الاصلي من التقليد بأكثر من شي .. اول شي سير الساعه الاصليه فيها حديدتين وحده مثلثه وعليها شعار اللمبرقيني وهي اللي تربط بين سير الساعه اليمين واليسار .. والحديده والثانيه اهي اللي تحط داخلها سير الساعه عشان يثبتـ ويكون لونهم يكون اسود بالنسبه حق الساعه الحمرا والصفرا .. وروز قولد بالنسبه حق البنيه .. والتقليد بس فيها حديده وحدهـ واللي هي المثلثه واللي تثبت فيها سير الساعه يكونون جلد .. وفي الساعات التقليد تحت شعار اللامبرقيني اللي في المينا عادة تحصل مكتوب 100 متر .. وفي الاصلي مش موجود .. والحديده اللي تظبط الوقت .. في التقليد النحت مالها تعبان ويتقشر بسرعه .. وفي اللاصليه ثابت .. فـ حاول ماتنغش في مثل هـ الامور لان في ناس في المنتدى يبيعون الاشياء الاصليه مع التقليد وماتعرف شنو الاصلي وشنو التقليد .. ويقولون انها ماتفرق عن الاصليه بشي بس الفروق واضحه .. وفي فروق ثانيه اذا حاب اذكرهآ ممكن اوضحهآ عشان تتأكد انكـ مآخذ الشي الاصلي لو خذته مستعمل ,,

آخبر قبل سنه تقريبا خذنا وحدهـ ب 4000 وشوي من باريس غاليري ..

يعني اذا بتحصل بتحصل مستعملين .. وان شااءالله تعين لكـ وحدهـ نظيفه ..

وان شااءالله قدرت افيدكـ من خبرتي المتواضعه .. وبالتوفيق

[Trader QTR]

اخوي ماعندك الا باريس جاليري