اعمال الديكور

[محمد2]

اخواني وخواتي :
بغيت استشركم في كذا شغلة . لأني شغال في صيانة البيت وصراحة بغيت مشورتكم .
1- بغيت ناس صباغين ديكور علشان الطوف وألأسقف(جبت كذا واحد طبعا منهم البنقال وبعض العرب وطلعوا اي كلام ولا يعرفون في الطماط شي مع احترامي لهم)وبغيت فلبينين اوهنود
2- بغيت اخذ رايكم في لون الغرف النوم بالذات الماستر روم(للعلم الأرضيات رخامية اللون , يعني بيج)هل اخلي الطوف بيج اوابيض واسوي مثل الترخيم
3- الأسقف (طبعا عندي في الماستر جبس معلق . ازخرف واعتق السقف او اتركة مثل ما هو ابيض . )لأن البعض شاروا علي اخلية ابيض لأن التعتيق والترخيم للمجلس والصالة , للعلم ان الماستر روم غرفيتن متداخلتين وكل غرفة 6×7 م يعني كبار , (والوان الطوف.... اخلي غرفة افتح من الثانيه او ثنتينهم نفس اللون؟ )
4- والمجلس والصالة اخليهم اي لون ........ (المجلس عندي 11×5.5متر والكنب لونة كحلي على زيتي . والسقف اشلون اخلية , لأنة دبل جبس )
ونفس السؤال للصالة (5.5×6م)


ملاحظه : مابي الصبغ يتقيد بالاثاث .. بالكثير سنتين وابدل الاثاث !
وماابغي اصبغ كل مرره .. !!

[Eyeliner]

ماعندي اي خبره في اعمال البيت
انشاء الله اهل الخبره تفيدك

[ابـو مــحــــمـــــد]

مرحبا اخوي

بنسبه للصبغ
اذا تبي صباغ ديكور فنان
ويقدر ينسق لك الالوان
ويشكل لك في الحوائط ولاسقف والكرانيش
والشغل ممتاز موجود وجنسيته مصري

اذا حاب طرشة لك رقمه

[دهــن العود]

اخواني وخواتي :
بغيت استشركم في كذا شغلة . لأني شغال في صيانة البيت وصراحة بغيت مشورتكم .
1- بغيت ناس صباغين ديكور علشان الطوف وألأسقف(جبت كذا واحد طبعا منهم البنقال وبعض العرب وطلعوا اي كلام ولا يعرفون في الطماط شي مع احترامي لهم)وبغيت فلبينين اوهنود

2- بغيت اخذ رايكم في لون الغرف النوم بالذات الماستر روم(للعلم الأرضيات رخامية اللون , يعني بيج)هل اخلي الطوف بيج اوابيض واسوي مثل الترخيم

اخوي هذا يعتمد على الإستايل الي انت تبغية لو كان كلاسيكي او مودرن
في رايي كل ماكانت غرفة النوم ألوانها هااديه كل ماكان افضل ولون الارضية لبيج ممكن يمشي معاها معظم الالوان مثل درجات البيج والذهبي والبني حتى الازرق الفاتح او الاخضر حسب ذوقك ، الابيض احسة جامد اذا الغرفة كله ابيض .. ليه ماتفكر في ورق الجدران بصراحة رااقي لغرف النوم ممكن تعمل جهة او جهتين

3- الأسقف (طبعا عندي في الماستر جبس معلق . ازخرف واعتق السقف او اتركة مثل ما هو ابيض . )لأن البعض شاروا علي اخلية ابيض لأن التعتيق والترخيم للمجلس والصالة , للعلم ان الماستر روم غرفيتن متداخلتين وكل غرفة 6×7 م يعني كبار , (والوان الطوف.... اخلي غرفة افتح من الثانيه او ثنتينهم نفس اللون؟ )

على حسب ماقررت للجدران السقف الابيض حلوو وكل ماكان بسيط كان ارقى وممكن تدخل فية الوان من الوان الجدار مثلا لو عملت ورق جدران بيج مع ذهبي تدخل اللون الذهبي المطفي بشكل بسيط في السقف او حتى اللون البني .. حسب الشكل العام والوان الجدار
4- والمجلس والصالة اخليهم اي لون ........ (المجلس عندي 11×5.5متر والكنب لونة كحلي على زيتي . والسقف اشلون اخلية , لأنة دبل جبس )
ونفس السؤال للصالة (5.5×6م)


ملاحظه : مابي الصبغ يتقيد بالاثاث .. بالكثير سنتين وابدل الاثاث !
وماابغي اصبغ كل مرره .. !!

في المجلس والصاله ممكن تختار شي اكثر فخامة وتقدر تدخل الوان جريئة اكثر وممكن تعمل الصيغ ترخيم ناعم بالنسبة للون الكنب عندك اتوقع البيج او درجات الاصفر انسب شي وممكن نفس الفكرة تعمل جهة ورق جدران بلون الكنب او درجاتة والباقي لون محايد
وهذا يرجع لذوقك اخوي




اتمنى اكون افدتك ولو ترجع لصور الديكور بتلقى افكار حلوووة
موفق

[محمد2]

مرحبا اخوي

بنسبه للصبغ
اذا تبي صباغ ديكور فنان
ويقدر ينسق لك الالوان
ويشكل لك في الحوائط ولاسقف والكرانيش
والشغل ممتاز موجود وجنسيته مصري

اذا حاب طرشة لك رقمه

الرجال خوي اشتغل لك شي (يعني شغل نظيف , مجربه )
اذا مشتغل لك وشغله نظيف ارسل لي رقمة ما عليك امر ,

[محمد2]

اتمنى اكون افدتك ولو ترجع لصور الديكور بتلقى افكار حلوووة
موفق

اخوي دهن العود وين القى صور الديكور ؟؟؟

[دهــن العود]

معظم مواقع الديكور بتلقى فيها صور متنوعه
صور لديكورات غرف النوم وغرف الصالات والمعيشة والاستقبال

انت بس اكتب في قوقل وبتشوف صور كثييييرة


اذا تحب اساعدك بصور معينة انا حاضرة


بالتوفيق

اختك دهن العود :)

[qatar-2022]

بالتوفيق

[RAHA]

بعطيك بعض النصائح بخصوص الصبغ

بالنسبة للغرف قد ما تقدر يكون اللون أبيض او كريمي او درجات البيج
خاصة غرف النوم و ذلك حتى تتحكم بالأثاث فالألوان الفاتحه تعطيك حريه في التغيير

بالنسبة للأسف أنسب لون هو الأبيض و إذا تبي تغير عندك درجات البيج الفاتحه
اما بخصوص التعتيق و الترخيم فهذا يعتمد على مزاجك و الشغل النظيف

الصاله العادة فيها تغيير دائم فأنصح بالأبيض فهو الانسب للتغيير
و إذا تبي ادلع نفسك ركب ورق جدران
ممكن تركب زخارف جبسيه عباره عن مربعات و تركب داخل المربع ورق جدران

هناك اختيارات كثيره و لكن كله يعتمد على الذوق

[بروق QTR]

من بعد اذن صاحب الموضوع ياليت الاخت دهن العود او صاحب الموضوع يبعثون لنا رقم الاخ المصري

ونكون شاكرين لكم

[محمد2]

معظم مواقع الديكور بتلقى فيها صور متنوعه
صور لديكورات غرف النوم وغرف الصالات والمعيشة والاستقبال

انت بس اكتب في قوقل وبتشوف صور كثييييرة


اذا تحب اساعدك بصور معينة انا حاضرة


بالتوفيق

اختك دهن العود :)

تسلمين وما تقصرين اختي دهن العود




بعطيك بعض النصائح بخصوص الصبغ

بالنسبة للغرف قد ما تقدر يكون اللون أبيض او كريمي او درجات البيج
خاصة غرف النوم و ذلك حتى تتحكم بالأثاث فالألوان الفاتحه تعطيك حريه في التغيير

بالنسبة للأسف أنسب لون هو الأبيض و إذا تبي تغير عندك درجات البيج الفاتحه
اما بخصوص التعتيق و الترخيم فهذا يعتمد على مزاجك و الشغل النظيف

الصاله العادة فيها تغيير دائم فأنصح بالأبيض فهو الانسب للتغيير
و إذا تبي ادلع نفسك ركب ورق جدران
ممكن تركب زخارف جبسيه عباره عن مربعات و تركب داخل المربع ورق جدران

هناك اختيارات كثيره و لكن كله يعتمد على الذوق

تسلمين اختي راحة وبغيت اسألج:
1-اش رايج في اللون اللؤلؤي لماستر روم (اللي فية لمعة نفس الصدفة)
2-بالنسبة (لورق جدران انا ما ارتاح له (لأني جربته في التسعينيات ومع الحرارة ينفصل عن الطوفة)
3-لوسمحتي بغيت تشرحين لي تركيب زخارف جبسية على ورق جدران



من بعد اذن صاحب الموضوع ياليت الاخت دهن العود او صاحب الموضوع يبعثون لنا رقم الاخ المصري

ونكون شاكرين لكم

افا والله(عزيز وغالي)انت صاحب الموضوع وما يحتاج تستأذن