نشل حقيبة سيدة قطرية في باريس والمسروقات تصل الى 75 ألف يورو

[الوسيط العقاري]

باريس ( الشرق الأوسط )
11 يونيو 2010

تمكن نشالان يركبان دراجة نارية وسط العاصمة الفرنسية باريس من إختطاف حقيبة يد من العائلة الحاكمة في قطر تزور باريس للسياحة وحسب الموقع الإلكتروني لصحيفة ( الباريزيان) نشر الخبر أمس فإن السائحة القطرية لم تصب بإضرار جسدية في الحادث لكنها تقدمت ببلاغ قدرت فيه المسروقات بنجو 75 الف يورو مابين سعر الحقيبة والهواتف الجوالة الثمينة والمجوهرات التي كانت بداخلها بالإضافة الى 20 الف يورو ولم تكن السائحة الخليجية هي الضحية الوحيدة للنشالين ..

تفاصيل الخبر هنا : http://aawsat.com/details.asp?section=31&issueno=11518&article=573407&feature=

[الاستثمار]

:omg::omg::omg::omg::omg:

[miss-qatr]

75 ألف يورو اوووووووف :(

احنا الحين على أبواب الصيف ياجماعه مافي داعي للأشيا الثمينه بالشنطه

على الأقل اذا انباقت الشنطه دافع بلا


يعطيكم العافيه على الخبر

[mubarak2000]

اصلا مافية داعي حق باريس مافيها الا النصابين والحرامية العرب والافارقة , صارت جنها من دول العالم الثالث

[وطن]

الله يعوضها خير

مادري ليش يتمشون في الشوارع بالكشخة كلها وبالأشياء الثمينه في شنطهم

ترى باريس ولندن وغيرهم مب مثل الدوحة

[بوخالد911]

هلا

الشررهة ع السائحات
لما يطلعوون يتمشوون
ياخذوون كل فلووسهم وياهم
ويلبسوون أحلى وأغلى المجوهرات


عيل مدرري وش فايدة بطاقات البنووك؟!؟

[بو فهد]

على مااعتقد المرة الثانية بيخطفونها بدل الشنطة اذا عرفوها بيقولون هذي صيد ثمين

[بسيط المبسوط]

الله يعوضها خير ان شاءالله

[فـــــواز]

ولا نشدت عنهم ياشيخ اهم شي على كل حال سلامتها وسلامه روحها


ونفس النوعيه هذي لو نسرقت ما ظني بتهتم يمكن للمبلغ قد تعرضها وخوفها من الموقف

٧٥٠٠٠ يورو يعني بالقطري ٣٠٠٠٠٠ الف تقريبا تمشي بالشارع وش بيسون فيها اكيد بنتشلونها والحين كني بهم يدورنها دوارها يبونها اهي اكثر من اغراضها

[simsim1963]

الحمدلله على سلامتها . المشكله مب الشنطه اصلا أحنا بننسرق سوا بالبطاقه والا بالنصابين نحتاج الى توعيه وتثقيف واحتياط أمان . ياريت من المراكز التدريسيه الموجودة بالبلد تعقد محاضرات وندوات بالتعاون من الجهات الحكوميه عن اسليب النصب وكيف أخذ الحيطه والحذر منهم .

[Gh2o]

يعني بالقطري اكثر من 300 الف ؟؟ شدعوه !!!؟؟!!

[mosahm]

ولا نشدت عنهم ياشيخ اهم شي على كل حال سلامتها وسلامه روحها


ونفس النوعيه هذي لو نسرقت ما ظني بتهتم يمكن للمبلغ قد تعرضها وخوفها من الموقف

٧٥٠٠٠ يورو يعني بالقطري ٣٠٠٠٠٠ الف تقريبا تمشي بالشارع وش بيسون فيها اكيد بنتشلونها والحين كني بهم يدورنها دوارها يبونها اهي اكثر من اغراضها

زين ماخطفوها وطالبوا بفدية
ياناس احمدوا ربكم على النعمه وبلاش فشخرة زايدة

[حنان k]

تستاهل ما جاها محدن قالها تهايط بشوارع باريس يعني محدن عنده دراهم إلا هي .. مفروض تصلي صلاة شكر لله أنها ما خطفوها , الفلوس تتعوض لكن الروح وش عوضها لا راحت

[التيما]

اتصور المبلغ كله في الشنطه .. والغريبة تتمشى في ربوع باريس من غير حماية !! على فرض انها من العائله ؟؟؟ اهم شي ماصار لها ضرر ولا اللي راح يتعوض ..

[بوجبر]

هاذي الافعاااااااااااااال محد اسويها الا؟؟؟؟؟؟؟؟؟؟

[فـــــواز]

ما ادري والله اذكر الموضوع هنا للفايده او اذكره حطه بموضوع منفصل

على العموم بذكره للفايده العامه هنا وبالعامه


يالقطريين يالي تحبون تسون الخير في كل مكان ترا حنا حطاين العين علينا بشكل عام مستغلاين طيبتنا وحبنا للخير

الي بيسافر في اي كان في اي مطار في العالم او برا حتى
اي احد ماتعرفه لاتوقف عنده يسالك لاترد عليه كنك ماتعرف لغته لو هو عربي اللي خايف علي نفسه وروحه واهله واغراضه وفلوسه يتبع هذي النصيحه ولو هو كان شيبه كبير او عجوز كبيره

بذكر لكم قصص وامثله صارت العام والسنه هذي وقبل سنين بعد
المهم في واحد بالمطار اماراتي اظن العام وسمعنا بالي صار جاء واحد يساله عن شي
المهم الحبيب يسال وياخذ معاه وفي واحد يراقبه هذا الي يساله يلفت انتباه له والثاني قام وسرق اغراضه بدون مايحس
2- قبل كم اسبوع استقبلت ايميل الا هو فيديو فيه غرشه ماي قاعد يقلب فيها ولايبين غير الماي الي فيها المهم شال القرطاس منها الا داخل مخدرات الله يكفينا الشر
هنا النصيحه لاتشيل اي احد عبري كلش عيال الحرام ماخلو للعيال الحلال شي
والسوالف كثيره لكن مجرد الواحد يكون فطن قي كل شي ويشغل مخه ويخلي عنه هذي الصفه الحميده في وقت معين وهي خارج البلاد

[بـــــــنت النوخـّــــذه]

زين ما تل يدها وكسرها لما شرد 0000

سووها بوحده اعرفها سببو لها كسر باليد من تلته للشنطه :(

يلا معوضين بس عاد خفو من الكشخه مثل ماقالو الدول الاوروبيه مهب نفس الخليج :nice:

[مستثمر 999]

الله يعوضها خير

[La Bella]

الله يعوضها خير

[الوسيط العقاري]

بس مب كنه المبلغ قوي شوي ..؟ خخخخخ

الله يعوضها خير ..

[naklan]

درس لها علشان تكون حذره قي المره القادمه

الحذر من اخواننا العرب في باريس والباقي مقدور عليهم :vampire:

:taunt:

[حقيقه]

75 ألف يورو

300000 الف ريال
:omg:

انا لو اتمشى يمكن مافيها شنطتي الا 1000 ريال :eek5:

[jassem777]

الله يسامحها شايله الشغلات الثمينه في شنطه وتمشي فيهم

الله يعوها اخير منها انشالله

[ميموري]

والله شي

حراميه عارفين ايش يسرقون

3 سرقات ببطبطه وحده؟؟؟

والشرطه عجزت فيهم وهي عارفه خط سيرهم؟؟

اكيد الحراميه ( اخوانا) والشرطه ( ربعنا)

وبين الخوان والربع خيط رفيع جدا

كلهم نكفلهم

وافهم يالبيب

[شعنونة قطر]

رايحه باريس سياحه وللا كشخه واستعراض ؟
مازاد عن حده انقلب ضده
قرف

[شوق الصحاري]

الله يعوضها خير

مادري ليش يتمشون في الشوارع بالكشخة كلها وبالأشياء الثمينه في شنطهم

ترى باريس ولندن وغيرهم مب مثل الدوحة

كلامج صح 100%

[عين قطر]

اولا السالفه مب صحيحه .. جريدة الشرق الاوسط مبالغين شوي
ثانيا في بعض الردود .. لا تليق وفيها عدم احترام للاخت لو كانت القصة حقيقيه
ثالثا مستحيل وحده اي وحده تمشي في باريس ومعها هالمبلغ .. لان الناس فاهمه وواعية ..

[المليونير الفقير]

الله يعوضها خير والحمدلله على السلامه باريس مافيها امان حتى فالفنادق بلاوي

[الـقـاسـي]

ماودي اتشمت بس اذا كان صدق السالفه تستاهل محد قال لها تروح تهايط هناك وتكشخ خل تحمل اخره الزبو

[شواروفسكي]

لاحول والا قوة الا بالله

الله يعوضها خير

[Gentleman]

فيه عصابات مغربية في الشانزيليزيه متخصصة في نشل وسرقة الخليجيين وخصوصاً في المنطقة الهادئة في نهاية الشارع (الطرف الآخر من قوس النصر قرب فندق كونكورد). فيه طرارات مغربيات يطلبون فلوس ولما تطلّع المحفظة عشان تعطيهم شي فيه ناس ثانيين يراقبون ويثبتون الجيب اللي تحط فيه المحفظة. وأنا صار معاي هالشي ولكن لدهشتي أرجع لي الحرامي المغربي محفظتي بعد أن تكلم معاي وعرف بأنني قطري وأنا حتى لم أحس به لما وضع يده في جيبي.

[qatar-2022]

الله يعوضها خير .. والحمد الله على سلامتها..

[شبح الصمت]

الله يعوضها خير

ياخي احد يشل في شنطته هالكثر ومره بعد لا حول ولا قوة لها


الله يهداهم في خزانات في الفنادق تحط الاشياء الثمينه فيها

الله يعوضهم خير

[S A L M A N]

والله بصراحه
هي الغلطانه !

عيل شنطه فيها 75 الف يورو !!

[S A L M A N]

فيه عصابات مغربية في الشانزيليزيه متخصصة في نشل وسرقة الخليجيين وخصوصاً في المنطقة الهادئة في نهاية الشارع (الطرف الآخر من قوس النصر قرب فندق كونكورد). فيه طرارات مغربيات يطلبون فلوس ولما تطلّع المحفظة عشان تعطيهم شي فيه ناس ثانيين يراقبون ويثبتون الجيب اللي تحط فيه المحفظة. وأنا صار معاي هالشي ولكن لدهشتي أرجع لي الحرامي المغربي محفظتي بعد أن تكلم معاي وعرف بأنني قطري وأنا حتى لم أحس به لما وضع يده في جيبي.

:eek5:

وشقالك !!

[فزعـــــ قطر ـــــة]

http://www.uaekeys.com/fwasel/www.uaekeys.com27.gif
الله يعوض عليها اهم شي سلامتها وحذار من هالتصرفااات ..المفروض تكون واعيه للحركات هاذي وبعدين لحد يكشخ بهالشنط الغاليه ويحط فيها مبالغ ضخمه والمجوهرات غلط والله غلط ماتخافوون على عمركم
http://www.uaekeys.com/fwasel/www.uaekeys.com27.gif

[alfahad1]

لي صديق اسيوي يعمل معي في الشركه قالي ان صديقه راح للمملكه لأداء العمره وهو

راد خل سيارته وكان المفتاح فيها وراح المحل ورد إلا وسيارته انباقت وهذه القصه

صارلها شهرين .......... فأحترسوا في السفر تجنبوا المشاكل ولا تكونوا صداقات

ولا تنسوا الصلواة والادعيه في السفر

[سهم طايش]

وشحادها على عمرها تشيل مبلغ بالقيمة في يدها

في شي اسمه كردت كارت

[koketa]

الله يعوضها خير

[ummalaz]

75 الف يورو سبحان الله
الله يعوض

[الكعبى جروب]

امان يا دوحة

[Ghost]

في مرة طلعت مغ الشباب وطبعا هم ساكنين ومتجنسين ومعاي مبلغ قالو لي انتا مجنون ما حد بيشيل فلوس كله بالبطاقة حتى المواصلات بالبطاقة

[Liali]

الله يعوضها خير ... باريس الحراميه كثير

[الكنترول]

ياحرام والله ما خلوها تستانس بمشترياتها حسبي الله عليهم

[Rashid554]

مادري شفايده بطاقات الـ atm وصناديق الامانات بالفنادق !!

[تاجره]

الله يعوضها خير .. هي اكييد ما خذت معاها 75 الف يورو .. بس سعر الشنطه على سعر المحفظه على سعر اغراض في الشنطه وغيرها وصل لهالمبلغ , الحمدلله جات فالفلوس ما جات فيها

[كهرمان]

الله يعوضها خير ان شاءالله

[captin]

لو هي طالعة تتسيح مثلها باقي عباد الله
جان محد التفت عليها ولادرى عنها
ليش ما يبوقون باقي ملايين السياح اللي يتمشون في الشوارع وراس مالهم
شنطة صغيرة معلقة في الظهر وجوتي رياضة خفيف ولبس عملي للي رايح
يتسيح فعلا مب يستعرض شوفوني وشوفو فلوسي

[العضو الماسي]

ههههههه . رمضان مأثر عليكم . المسروقات تقدر قيمتها ب 75 ألف من جوالات + مجوهرات + الشنطه ويقولكم أشياء ثمينه . و 20 ألف يورو كانت بحوزتها كاش . مش 75 ألف يورو . المسروقات قيمته قريب 75 الف يورو وليس الكاش .

يعني مجموع المسروقات مع المبلغ 95 الف يورو .

[مخطط قطري]

المبلغ مبالغ فيه وايد بس الله يعوضها خير ان شالله