سؤال للخبراء

[عنوب]

سؤال للخبراء ،، ارجوا انكم تفيدوني
انا عندي اسهم الدولي الاسلامي ، وما اريد اكتتب في الزيادة اللي في شهر 6 ،
اشرايكم شنو احسن وقت لبيع الاسهم ، علما بانني اريد ان استفيد منها اقصى فائدة...
وشكرا لكم

[الرسام القطري]

أخي العزيز

لاتبيع نهائيا وخله إستثمار لك وحق عيالك
أنا من كم سنه شريت الف سهم وبفضل الله عندي 5000 سهم الحين

لاتبيع وأكتتب وتعوذ من الشيطان

بيع اي سهم الى الدولي أو المصرف أو الأسلامية

هذي نصيحة
وأذا محتاج لاتبيعه أقل من 500 ريال للسهم

[عنوب]

الف شكر اخوي الرسام
والله صعبه اخليهم استثمار ، لاني بحتاجهم حق البيت والبنيان.
عاد شنهو رايك؟

[الرسام القطري]

أنت شوف وين مصلحتك يالغالي

أذا بتبيع بيع على 500 أو 450


والله يوفقك

[mE mYself & i]

لا تفرط بأسهم البنوك

[مهندس]

الأخ عنوب مع التحية

والله يا أخ عنوب أنا من الناس الي لايمكن إني أنصح حد يبيع أو يشتري أسهم.
لأني أعتقد إن هذا الأمر أمر شخصي فقط.
ولا لأحد حق لأنك حتى لو خسرت لاسمح الله مافي حد بيعوضك فلوسك.

خلاصة الكلام إني أقسم بالله ماودي أجاوب على سؤالك و يا كثر الأخوان و الأخوات الي سألوا عن البيع والشراء و لم أنصحهم لأني أعتقد إني مب الشخص المناسب للنصيحة, و لكن أنا ودي أوضحلك كم نقطة يكمن تساعدك على إتخاذ قرارك إنت.


أولا معظم الأرباح للدولي كانت غير تشغيلية يعني إحتمال من محفظة سهمية أو أرض أو عقار و تم بيعة...يعني إحتمال من الصعب تشوف نفس الأرباح السابقة أضف إلى ذالك زيادة رأس المال للضعف.

ثانيا.الزيادة الي تشوفها خمسة بالمية ...هي حقيقة عشرة بالمية لأن الأسهم تضاعفت فالزيادة تكون (5%*2=10% طبعا هذا إذا لو إنك حتى الأن لم تبيع أسهم المنحة), يعني الحمد لله إلى الأن جالك خير ومن طمع طبع.


بالنسبة للتوضيح الي قلتة عن إنك تبا تستفيد بأقصى حد من السهم
إسمحلي أقولك هذي وجهة نظر غير دقيقة, لأن الشخص متى ما إقتنع إن السعر الي وصلة السهم مناسب للبيع باع (طبعا القرار لازم يكون مدعوم بالتحاليل الأساسية و الفنية و البيانات المالية للسهم), وبعدين يا أخي إذا بعت بالسعر الي إقتنعت فية لازم ما تتحسف إذا إرتف زود. يمكن الأخوان بيطمعونك.
والقناعة كنز لا يفنى

بالأخير القرار قرارك . و إحسب الأرباح و الأسعار و الفوائد وو وو و و و و و و و و بعدين قرر

بالتوفيق إنشاء الله.

[عنوب]

اشكركم جميعا وجزاكم الله الف خير
اخوي المهندس اقتعتني في نقطة الاقتناع السعر جزاك الله خير