رايكم في النيسان بترول الجديد .... ابغي اخذ واحد ومتردد!!!

[مستثمر رشيد]

عجبني النيسان الجديد خاصة في الشكل الخارجي والتجهيزات الداخلية ....

وللاسف الوكالة ماعندها (تيست درايف) تجربة سواقة للنيسان الجديد

ياريت حد يفيدنا عن سواقته وكيف ثباته على الخط ؟؟؟

وهل هو في الراحة والعزم نفس الاندكروزر والكزس ؟؟

يرجى الافادة .... وجزاكم الله خير

[q321]

لا تاخذ

[زمن الغدر]

ماظن فيه عيوب كان سمعنا
وثاني شي لو مب مريح كان حصلت المعارض متتروسه منه
وبالقوه فئه 400 حصان وحش واقوى من الكزس بواجد
وشوف اليو تيوب

[HAMAD2008]

لاتاخذ الحين اصبر بينزل سعره ..الا اذا انت مافيك صبر وعاجبك اشتره لاتخلي شي في خاطرك حلات الموتر اول مايطيح فالسوق ..هذا رايي

شكرا

[فلفل حار]

بصراحه نرفزتني يوم قلت الوكاله ماعندهم تيست درايف ..!!
ومعروف آنه النيسان الجديد الكل مترقبه وناطر وصوله وآلي بيعجبه بيشتريه ومنهم آنت يا صاحب الموضوع ...
آذا الفردان والجاكور والكادليك بجميع فئات السيارات المذكوره ممكن تسوي تيست درايف وآغلبيتهم آغـلى من النيسان ...



نقطه سوده لوكالة صالح حمد المانع ...:mad:

[kuwaiti]

واحد من الربع عنده واحد مكينه يمكن 320 مو ال 400
الصراحه شي فخم من الداخل وشاشات واللون يفتح النفس كله بيج قمه في الفخامه والاناقه
عيوبه
الشكل الخارجي مو شي ( يمكن نتعود عليه مع الايام )
الغماره ( التنده ) الى فوق راسك تجي الى مايعرفون معناها
احسن انها اى كلام يعنى خامتها مو شامواه او مخمل
( للعلم انا سيارتى vxr 2009 )
النيسان افضل من التيوتا وخصوصا بل سعر

[&بوشهد&]

هالقيمة لو تحطها على vx-r ابرك لك

[Gh2o]

اخوي الموتر حلوووووووووو وارخص واكشخ من الكروزر بمليون مره واذا خاطرك فيه ماعليك من حد اشتر والله يوفقك ويعطيك خيره ويكفيك شره مقدما

[مستثمر رشيد]

لا تاخذ

افى !!!


ماظن فيه عيوب كان سمعنا
وثاني شي لو مب مريح كان حصلت المعارض متتروسه منه
وبالقوه فئه 400 حصان وحش واقوى من الكزس بواجد
وشوف اليو تيوب

انا اشوف جذي ... بس نبي افادة مجرب للموتر!!

لاتاخذ الحين اصبر بينزل سعره ..الا اذا انت مافيك صبر وعاجبك اشتره لاتخلي شي في خاطرك حلات الموتر اول مايطيح فالسوق ..هذا رايي

شكرا

مشكور اخوي نفس كلامك قاله لي واحد من الربع ... اصبر لحد شهر 7 ...


بصراحه نرفزتني يوم قلت الوكاله ماعندهم تيست درايف ..!!
ومعروف آنه النيسان الجديد الكل مترقبه وناطر وصوله وآلي بيعجبه بيشتريه ومنهم آنت يا صاحب الموضوع ...
آذا الفردان والجاكور والكادليك بجميع فئات السيارات المذكوره ممكن تسوي تيست درايف وآغلبيتهم آغـلى من النيسان ...

نقطه سوده لوكالة صالح حمد المانع ...:mad:

اخوي فلفل حار .... هذي احد عيوب الوكالة ... لكن ان جيت للمقارنة تويوتا كذلك مافيها تيست درايف .....

واحد من الربع عنده واحد مكينه يمكن 320 مو ال 400
الصراحه شي فخم من الداخل وشاشات واللون يفتح النفس كله بيج قمه في الفخامه والاناقه
عيوبه
الشكل الخارجي مو شي ( يمكن نتعود عليه مع الايام )
الغماره ( التنده ) الى فوق راسك تجي الى مايعرفون معناها
احسن انها اى كلام يعنى خامتها مو شامواه او مخمل
( للعلم انا سيارتى vxr 2009 )
النيسان افضل من التيوتا وخصوصا بل سعر

اتفق معاك اخوي كويتي ... انا ركبته وتصميمه الداخلي ارقى من الاند كروزر بكثير .... ياريتك تكلم صاحبك يقول لنا تقيمه للسيارة من ناحية الاستخدام والعزم؟؟


هالقيمة لو تحطها على vx-r ابرك لك

عندي لاندكروزر 2009 ثماني سلندر ولكن حاب اغير


اخوي الموتر حلوووووووووو وارخص واكشخ من الكروزر بمليون مره واذا خاطرك فيه ماعليك من حد اشتر والله يوفقك ويعطيك خيره ويكفيك شره مقدما


مشكور اخوي وتسلم على النصيحة .... رفعت معنوياتي :nice:

[فلفل حار]

تجربــه منقولـــه ... :)





الباترول الجديد فيه ثبات وهدوء لايوصف .. تجربتي للسيارة وهي فئة السيتي أوبشن اللون الجديد الماروني العنابي كانت مع 3 أشخاص , أنا وزميلي وهو مالك لسيارة لكزس 570 وإثنان أخران واحد من نيسان الشرق الأوسط والأخر يمثل المسعود للسيارات.
البداية عرضنا على مالك اللكزس بالقيادة أولاً وركبنا معة وعند وصولنا لبداية الطريق أصررت علية يدعس
to floor it ودعس وأنا أشاهد تفاصيل وجهة وتعلوها السرور وهو يقول قوي ما شاء الله وعزمة حلو ومن بعد ذلك كان أمامنا دوار فزميلنا الذي يمثل نيسان الشرق الأوسط يقول لاتخفف السرعة على الدوار خلك على سرعة عالية نوعاً ما ودخلنا الدوار بسرعة أعلى من المعتاد والنتيجة هي دخول الباترول وخروجه من الدوار بأقل تمايل يعني لم يتمايل على جنب وهذا كله بفضل الأربع مضخات الهيدروليكية الخاصة بعدم تمايل المركبة. ولازلت أتذكر وهو يقول عزله أفضل من سيارتي يقصد اللكزس 570 !! .
أستلمت زمام الأمور وسقت الباترول بعنف ونحن في السيارة أربع أشخاص وأستخدمت خاصية التربترونك للحد الأقصى لدورات المحرك وأدخل دوار وأطلع من دوار بسرعة عالية .. بكل فخر الباترول كان جبار ومقصورته هادئة وما أعتقد في سيارة بنفس فئتة تقدر تسوي زي ماسوى الباترول في دخولة الدوار وخروجه منه بقليل من الميلان وهذا مفيد جداً للسرعات العالية عنما تضطر أو تتفاجاْ بشيء امامك وتغير مسارك فهو يحافظ ويقلل من التمايل.

تحياتــــــــــــي للجميع ,,,

[فلفل حار]

بعض المواصفات الغير موجوده بالباترول 2010 مقارنة بالكروزر ( منقـــول )




"من خلال تجربتي هذه بعض الموصفات الغير متوفرة في النيسان باترول 2010 مقارنتا باللاند كروزر 2010

1. السيارة ما تشتغل بالريموت كنترول أو ما فيها خاصية التشغيل عن بعد

2. المكيف لا يوجد به خاصية التحكم المنفصل بالتبريد لراكب الأيمن والأيسر بالنسبة للركاب لي فالخلف فقط ولكن موجودة للركاب لي في الامام (السائق والمعيون)

3. الكرسي الأمامي لي جنب السائق (المعيون) لا يوجد به خاصية التحكم الكربائي لجميع الوضعيات مثل كرسي السائق فقط وضعيات محدودة

4. الكرسي الخلفي (الذي خلف السائق والمعيون) ثابت لا يمكن تحريك القاعدة للأمام والخلف

5. الشمسية الأمامية فقط قطعة واحدة لكل من السائق والمعيون لكن الموديل القديم و الاستيشن تحتوي على قطعتين لكل راكب في الأمام

6. لا يمكن فتح الفتحة وإغلاقها بالريموت كنترول أو عن بعد

7. لا يمكن إغلاق النوافذ بالريموت كنترول أو عن بعد فقط يمكنك فتحها

8. خاصية فتح الأبواب أو الدخول للسيارة بدون الريموت أو ماتسمى بالبصمة فقط للأبواب الأمامية (السائق والمعيون) بينما هي متوفرة لجميع الأبواب في اللاند كروزر حتى الباب الخلفي

9. كراسي الدبة ما زالت بالطريقة القديمة أما في اللاند كروزر تقدر تنزلها بمجرد الضغط على الفص لي موجود بجنبها ولكن في النيسان تجد صعوبه في رفعها اذا نزلتها وأحيانا يجب عليك الدخول إلى داخل الدبة لرفعها (ياليت سوها مثل الأرمادا على الأقل)

10. الكاميرا الخلفية محيطها صغير و وضوحها سيئ خصوصا في الليل مقارنتا باللاند كروزر

11. ما ينزل مع ونش مثل اللاند كروزر

12. نظام استشعار النوافذ عند غلقها على أي جسم تنزل اتوماتيكيا (سيفتي) فقط للأبواب الأمامية (السائق والمعيون) وليس الأربع أبواب (هذه المعلومة لحد الحين ماتأكدت أو ما لمحتها من ضمن المواصفات ولكن راح أتأكد وأفيدكم ان شاء الله)

13. لا يوجد رشاشات مياه لتنظيف الليتات أو الإضاءة الأمامية (وهذه المعلومة لحد الحين ماتأكدت أو ما لمحتها من ضمن المواصفات ولكن راح أتأكد وأفيدكم ان شاء الله)

هذه فقط ملاحظاتي من خلال تجربتي ومقارنتي بين السيارتين لأن جميع ما سبق ينزل على اللاند كروزر وأما باقي المواصفات التي لم تذكر فهي لصالح النيسان بلا منازع ومعروفة ما في داعي نتكلم عنها عشان ما يطول الموضوع (قوة المحرك واستخدام البر و و ….)
ولكن أستغرب من بعض الأشخاص الله يهديهم لي يقارنون النيسان باللكزس لأن مثل ما شفتوا لين الحين يفتقر للكثير من المواصفات السابقة ناهيك عن جودة التصنيع
وأنا مب متعصب ولا أميل لأي سيارة منهم ولكن حبيت أوضح لكم بالتفصيل هذه الفروقات من خلال تجربتي الشخصية ولي البعض غافل عنها"

[مستثمر رشيد]

تجربــه منقولـــه ... :)

مشكور اخوي فلفل على النقل ..... صراحة حفزتني زيادة ... :nice:

[فلفل حار]

تجربـة منقـوولـه ...:nice:




الحمد الله تمت تجربة السياره
بصرااااحه يا اخواني النظره الأولى للسيارة كانت باعجاب
بسبب تصميم السيارة
من انظرة الاولى تبين السيارة صغيره مش مثل الأرقام اللي تحسسك ان حجمها قريب من الأرمادا
وانا هذا الشي اعتبره ميزه فالباترول الجديد الصراحه كبر الحجم بس التصميم مبين صغير
وعن الموتر بصراحه من الداخل لايعلى عليه
وعن التجربة ماشالله عالموتر والانظمه اللي فيه للطرقات ماشالله
واحلى ما في الموتر سواقته بصرااااااااااحه رووووووعه
على قولتنا طر طر طر طر ^^
خصوصا السكان ( الدريكسون) خفيييييييف

[فلفل حار]

مواصفات النيسـان الجديــد ...



se-1
محرك 5.6 لتر 8سلندر يولد 320 حصان و 403 تورك
ناقل حركة اوتماتيكي مكون من 5 سرعات
مفتاح ذكي
زر تشغيل المحرك
8ركاب
خشب داخلي
ثلاجة
جنوط كروم مقاس 18
اطارات 265/70 r18
مثبت سرعة
انوار الفرامل بنظام led
أنوار ضباب أمامية
راديو ومشغل سي دي +mp3+6 سماعات +مدخل aux
تعتيم المرايات الجانبية
مكيف االكتروني بتحكم منفصل بدرجة الحراره + مكيف خلفي مع فتحات.
Abs +ebd+ba +.نظام التحكم الديناميكي +انظام المانع للانزلاق +نظام معزز الفرامل
مقعد السائق كهربائي
حساسات امامية وخلفية
8حاملات اكواب
عوارض جانبية للمساعدة على الطلوع
وسائد هواء مزدوجه للسائق والراكب
مرايا كهربائية مع انارة الانعطاف


se-2
(نفس موصفات se1 + الموصفات الي تحت )
نفس الموصفات حق 1 بس زياده
فتحة سقف وعوارض سقفية
باب خلفي كهربائي
se-3
(نفس موصفات se2 + الموصفات الي تحت )
هارديسك لنظام الملاحة
هارديسك لنظام الموسيقى
نظام بلوتوث مثبت على المقود
كميرا خلفية
شاشة مقاس8” أنش
مدخل ايبود .
قياس ضغط الاطارات .
نظام التحكم بالصوت مثبت على المقود
فتحات تكييف مثبته في السقف

انتهينا من se



الحين le-1

محرك 5.6 لتر 8سلندر يولد 400 حصان و 500 تورك
ناقل حركة اوتماتيكي ب7 سرعات مع امكانة النقل اليدوي
مفتاح ذكي
زر تشغيل المحرك
8ركاب
خشب داخلي
ثلاجة
جنوط كروم مقاس 18
هارديسك للموسيقى سعة 2 جيجا
شاشة مقاس7” أنش
نظام بلوتوث مثبت على المقود
مدخل ايبود
فتحات تكييف مثبته في السقف
نظام التحكم بالصوت مثبت على المقود
كميرا خلفية
مشغل دي في دي
شاشه خاصه با الاوف رود
le-t2
(نفس موصفات le1 + الموصفات الي تحت )
نظام تعليق مجهزبالهيدروليك وهيكل بنظام (hbmc)
جنط مقاس 20
قفل ديفرنس
انوار زينون
انوار ترحيب
انوار عند الاقدام
حساس اوتماتيكي لمنع الاصتدام

le-3
(نفس موصفات le2 + الموصفات الي تحت )

مقود تلسكوبي بتحكم كهربائي مكسو بالجلد
فتحة سقف وعوارض سقفية
باب خلفي كهربائي
هارديسك لنظام الملاحة
هارديسك لنظام الموسيقى
شاشة مقاس8” أنش
قياس ضغط الاطارات
مقاعد جلد
. ذاكرة للمقاعد
التحكم بدرجة برودة وحرارة المقاعد الامامية
مقعد الراكب كهرباء مجهز ب 4 وضعيات

==================================

vvip
(تم بيعه بالكامل ) انتجت الشركه 300 سياره فقط لمره واحده وتم بيعها 75 منها في السعوديه
اربع كميرات
شاشات خلفية
اطارات نيكل على انوار الضباب ومرايا وجلد الابواب
مقاعد منفصله
حساس لمثبت السرعه يقيس المسافه بين السياره الاماميه
حساس تنبيه للخروج عن المسار
العالامات الخلفيه مطليه بالذهب الخالص

الاسعار
se - t1
السعر175,000

se - t1 p5
السعر 178,000

se - t2 s/r
181,000

se - t2 s/r p5
السعر184,000

se - t3 s/r
196,000

se - t3 s/r p5
السعر199,000

le - t1
السعر 213,000
le - t1 p5
السعر216,000

le - t2
السعر223,500

le - t3 s/r l/s
السعر239,000

vvip
السعر 300,000

p5 تعني قفل ديفرنس







ونصيحه آسآل عن صرفية البتـروول لآنه الموتر بيعمر عندكـ سنين وبتتملل منه لو بيصرف صرف اليهـد ...

والسموحه ع القصـور يامستثمر رشيد ...
:)

[Gh2o]

اذا أنا مب غلطان احسن صرفيه بالفورويل حاليا لمصلحه البترول الجديد

[القطري554]

انا اقول انتظر سنة 2011 امور كثيرة بتغير

[ساحر برشلونة]

توني جاي اليوم من شركة النيسان

انزلة دفعه 2

لحيه + كروم بالكامل

صراحة الرنغات طالعة روعة

السعر 285 الف

بس موتر

للعلم جربت النيسان من اسبوع " تست دارايف "



تراني متهدد على واحد ,,,, صراحة موتر ماعلىيك من الكلام


بالتوفيق

[غريم قطر]

انا لو عندي هالمبلغ الي طالبينه في والله ماحطه في نيسان الصراحه ... مجرد راي

[نيساني]

والله انا بعد منتظر ينزل سعره بعد تصريح الوزير

عشان اخذ لي واحد

توكل على الله اخوي وبالمبارك مقدما

[Gh2o]

انا لو عندي هالمبلغ الي طالبينه في والله ماحطه في نيسان الصراحه ... مجرد راي

تحطه بشنو ؟؟ تويوتا ؟ خرباته اكثر من الكوري قطع غياره غاليه ميزته الوحيده السعر لا جيت تبيعه

[البدر 8]

اشتري من السعودية فل 240 الف ريال سعودي كميرا وحدة

[بومتعب]

اشتري من السعودية فل 240 الف ريال سعودي كميرا وحدة

ممكن الاسعار لجميع الفئات لوارد السعودية ؟؟؟ وكيف الضمان؟؟؟ وهل المانع يضمنها ويعمل لها السيرفس؟؟؟؟؟؟

[صمتي حزن]

ممكن استفسار ياشباب لوسمحتو

[صمتي حزن]

كم سعر النيسان بترول في الوكاله مش ل في اي بي لا الي تحته على طول
ابيض جلد اوف وايت فل اوبشن بدون ديفديات

[باشا البدو]

شباب اللي يبي نيسان لا يستعجل في المشترى

أنا مبيوع قدامي فل أبشن رقم واحد مب في اي بي اللي تحته على طول ب 242

من راعي معرض يعني شريطي والموتر كان ماشي 2000 بس

[al-obaidly]

ترى تكيفه الظهر حار ولا يبرد نفس الفتك بس الليل اوكي

[السد]

ترى تكيفه الظهر حار ولا يبرد نفس الفتك بس الليل اوكي

يعني المكيف حار اخوي ؟؟؟

[قطرية فذة]

متابعه لجل اني افكر آشتري مثلها

يسر الله لكم

[البدر 8]

في السعودية
الاسعار تبدا من 179 الى 240 فل اوبشن 400 حصان
ولايوجد مشتري قليل جدآ

[قناص 787]

انا ما انصح بالموتر الموتر عند واحد من الربع وفعلا المكيف حااااااااااار الظهر ومايبرد

[نيساني]

انا ما انصح بالموتر الموتر عند واحد من الربع وفعلا المكيف حااااااااااار الظهر ومايبرد




اتمنى واحد عنده النيسان الجديد وبالاخص ال400 حصان ويخبرنا عن مكيفه

وهذا رد من احد ملاك النيسان 2010 في احدى المنتديات ومن الصادق العالم رب العالمين:



:)
عندي سؤال ؟؟؟

بعد ماشفت احدد الردود في منتدى مشهور ان المكيف مايبرد نفس التيوتا وهالخبر والله صدمني وخلاني افكر في التيوتا مع اني حياتي ماخذت تيوتا بس هالمره غير والسبب المكيف

وحاليا عندي الفتك 2007 ومعذبني بعد اخذ الجديد ونفس الكلام والله حرام

ولا اشرايكم اتمنى من اصحاب النيسان وبالاخص ابو ال400حصان الجواب

وشكرا
:)


اخووي انا عندي اياه ومكيفه زين ثلج تقريبا نفس مكيف الكزس 570

:)

ها اشرايكم ؟؟؟وانا واحد مالي مصلحه ولا اني مساهم في شركة النيسان واتمنى ملاكه يوضحون اكثر؟؟؟

ودمتم سالمين:):)

[على نياته]

انصحك تصبر حتى تتضح الرؤيا وخصوصا انه عندك سيارة مافي داعي للعجلة واسأل الله لي وللجميع التوفيق .

[عليان قطر]

الفخامه
والاناقة
دون شك
لكزس فوريل

[qatari 111]

الصرااحه عن تجربه مكيفاات معظم السيارات الجديده مكيفها حاار وقت الظهر اللكزس الفورويل والكروزر والكامري والهيلكس من موديلات 2008 الى الموديل الحالي اما مكيفاات التاهو واليووكن ماشاءالله عليه ثلاجه الصراحه

ويا راعي الموضوع اذا لك نيه تبي تاخذ نيسان خذه وتوكل على الله وواحد من الربع عنده نيسان 2010 اسود في في اي بي اللي اعلى نوع بس الكرسي مب مفصول وماشي 1000 كيلو بس وسبب البيعه عنده اكثر من سياره وهو يحب يجرب ويبيع واذا تبي رقم راعي النيسان طرشلي عالخاص

[Gh2o]

اخوي انا خذت الموتر من كمن يوم والله الحمد لله مستااااانس عليه ومكيفه ماعليه كلام اكثر من ممتاز

[نيساني]

اخوي انا خذت الموتر من كمن يوم والله الحمد لله مستااااانس عليه ومكيفه ماعليه كلام اكثر من ممتاز



اتمنى عدم التأليف .....وان شاء الله ان المعلومه اوضحت:anger1:




وتسلم ياخوي Gh2o على التوضيح والله يعطيك خيره ويكفيك شره:)

[بومتعب]

ممكن الافادة عن اسعارهم ؟؟؟

[مستثمر رشيد]

اليوم كنت في الوكالة وسألت عن النيسان 320 حصان وقال لي الوظف انه غير متوفر حاليا

مع العلم ان سعره 220 الف ريال نهائي ومواصفاته
مخمل / فتحة/ شاشة وملاحة / دي في دي عدد 2/ كيمرا وحدة خلفية / بلوتوث

[نيساني]

من يومين كنت عندهم وسويت تست على ابو 400 والله انه طرب بلا حدود

وعفت اللي عندي ههههههههه

وبالتوفيق ياخوي مستثمر رشيد

[مستثمر رشيد]

من يومين كنت عندهم وسويت تست على ابو 400 والله انه طرب بلا حدود

وعفت اللي عندي ههههههههه

وبالتوفيق ياخوي مستثمر رشيد

مشكور اخوي نيساني ...

امس سقت موتر واحد من الجماعة ... صراحة مرررررررة رهيب ماشاء الله تبارك الله ... فيه قوة عزم جبارة ..... وفرق كبير بين سواقته وسواقة الاندكروزر ..... لذلك قررت ابيع الي عندي واطلب نيسان 320 حصان ..... سجلت اليوم اسمي في قائمة الحجز .... وان شاء الله خبرني موظف المبيعات انه رايح يتم الاتصال فيني في حالة وصول دفعة جديدة ..... والله يجيب الي فيه الخير

[مستثمر رشيد]

كلمت موظف المبيعات وقال لي بأن قائمة الحجوزات طويلة واحتمال الموتر مايوصل على هالشهر خاصة فئة 320 حصان الي قيمته 220 الف ريال

وموعد وصوله غير معروف الى الان .... ولكن هناك احتمال كبير ان تكون الدفعة القادمة موديل 2011

[بومتعب]

كلمت موظف المبيعات وقال لي بأن قائمة الحجوزات طويلة واحتمال الموتر مايوصل على هالشهر خاصة فئة 320 حصان الي قيمته 220 الف ريال

وموعد وصوله غير معروف الى الان .... ولكن هناك احتمال كبير ان تكون الدفعة القادمة موديل 2011

قائمة حجوزات طويلة!!!!!!! وموعد وصوله غير معروف !!!!
الشيخ اخاف هذا كله تمويه عشان يخلون الناس ترغب فيه اكثر مثل ماسووا تويوتا اول مانزل الاندكروزر

[مستثمر رشيد]

قائمة حجوزات طويلة!!!!!!! وموعد وصوله غير معروف !!!!
الشيخ اخاف هذا كله تمويه عشان يخلون الناس ترغب فيه اكثر مثل ماسووا تويوتا اول مانزل الاندكروزر

انا ظنيت مثلك في البداية ولكن اتضح لي عقب ان كلامهم صحيح .... فئة 320 حصان عليها اقبال كبير وهناك قائمة لناس جالسة تنتظر مواترها وبعضهم دافعين 20 الف حجز ...
وشكرا على المشاركة

[خريج اعلام]

الموتر ماعليه كلام

انا اتكلم عن ل 400 حصان والفل ابشن
من افضل المواتر اللي سقتها
رفاهيه- ريافه - قوة - تكنلوجيا - ديزاين - الجلد والخشب اقرب الى الالماني من الياباني

بالعربي موتر كشخه وعملي في نفس الوقت

[اكاديمي]

بالتوفيق للجميع

[سلطان911]

الموتر ماعليه كلام
بالتوفيق

[Bro]

اخوي الموتر حلوووووووووو وارخص واكشخ من الكروزر بمليون مره واذا خاطرك فيه ماعليك من حد اشتر والله يوفقك ويعطيك خيره ويكفيك شره مقدما

:omg: من قال ارخص ??

[بور بلاك]

انا لو عندي هالمبلغ الي طالبينه في والله ماحطه في نيسان الصراحه ... مجرد راي


عيل أحطه في vxr

260 الف او لكزيس 370 الف واخر شي موتر يباني

حرام السعر فيه 370 الف احطه في موتر الماني

ابرك منه 1000 مره

[ابن السادة]

موفق خير اخوي
انا طالب واحد ورايح يوصل على بداية شهر اغسطس بحسب كلام الوكالة

[هذلان]

سؤال مهم .. ليش الناس ترغب فئه الـ 320 حصان اكثر من فئه الـ 400 حصان ؟

[ابن السادة]

سؤال مهم .. ليش الناس ترغب فئه الـ 320 حصان اكثر من فئه الـ 400 حصان ؟

اعتقد لان فئة320 حصان تأتي فول اوبشن وقريبة جدا من فئة 400 حصان فهم يتساون في الشاشة والملاحة وشاشات الديفي دي الخلفية ......

ثاني سبب للاقبال على فئة 320 هو فرق السعر الكبير نوعا ما ففئة ال320 تباع بسعر 220 الف لكن ال400 يباع بسعر 285 الف ريال

اخيرا لما تسأل اي واحد جرب سواقة الفئتين رايح يصعب عليه التمييز مين الاقوى في العزم لانهم قريبين جدا من بعض خاصة وان كلا الفئتين ثماني سلندر

لذلك تجد الاقبال على فئة 320 اعلى من ال400 حصان .

على فكرة انا شفت مواصفات السعودية والامارات واعتقد ان مواصفات المانع هي الافضل خاصة اذا ماقارناها بالسعر ...

[رايح جاي]

زين انك متردد وما خذت
ما يسوى واسمه نيسان
خذلك لكزس

[بوراشد77]

من قالك مافي تيست في تيست لا ويخليك تدخل حصا مر الشركة وجربه وانت احكم عليه
انا عندي vxr 2009 ورفيجي شرا له نيسان الصراحه ركبت معاه ماشاء الله فخم ومريح اريح من vxr وكشخه بس لك عليه شوي غالي

[رنج سبورت]

غريبه الواضح ان سوق السيارات الجديده والمستعمله تعبان هاليومين !!

وجهة نظر خاصه

اذا الموتر يتعدى سعره ال250 الف على طول باخذ لي الماني ابرك من الياباني

ولحد يقول سعره يطيح في البيع لان الراحة ماتثمن بالفلوس !!

الله يوفق راعي الموضوع

[ابن قطر]

اخوي مستثمر اتمنى لك التوفيق

بس صدقني ما في عقب التويوتا الواحد جرب الرنج وجرب الكيان

بس تحمل وتبعد نفسك من سندارة التشيك المستمر والخراب والتصليح والكراجات

ما في عقب الكروزر

وصدقني انقل حديث صديق وبامانة مكيف النيسان مب مثل التويوتاااااااااا وبمرااااااااحل

اضافةالى ان الدبل النظام الكهرباااااااائي مب دفرئنش فتورك القوة في الرمل لصالح الكروزر

انت سالت وانا نقلت لك حديث لصديق وصدقني اغلب الي عندهم النيساااااان الجديد في عوق بالمكيف

وما عليك من الحجي وتوكل على الله اي شي تاخذ بنقولك الف مبرووووووووك

[بوغازي]

مبروك مقدما يعطيك خيره

[غير عنهم]

تويوتا وبس

[خريج اعلام]

المكيف احسن من الفي اكس ار
والكراسي مكيفه
والجلد افضل من الفي اكس ار
مع عز الصيف ماحس بحراره جلد النيسان

[الــهــاجـري]

يا خوي انا بالدمام سعره عندنا ب 225 الف 400 حصان رنقات 20 وشاشه واظن فتحه
ولا في عرض بعد تدفع حول 130 الف والباقي بعد سنتين او ثلاث

[الــهــاجـري]

وتبي الصدق انا باذن الله باخذ موتر الاسبوع الجاي بخذ فكسار 2010 والصراحه لو تاخذ تويوتا احسن لانك شكلك بتمل من النيسان وبتبيعه بيعه فااااااشله هذا اذا جاك زبووون والله بعدين تندم عالاقل تويوتا شيك
وانت وبكيفك
وانا ما اقووولك الا بالتوفيييق واذا تبي شي راسلني على الخاص لاني احب اروح المعارض واشوف السيارات وانا اللي يبيه اي عضو من الاسهم القطريه من الدمام انا حاااضر

[moxor]

بالـتوفــــــــــــــــــــيـق

[مستثمر رشيد]

يرفع لتعم الفائدة

[kakashi]

المشكله ان اكثر الاعضاء اللي يمدحون النيسان الجديد ويمتلكونه عارضين مواترهم للبيع

قمة التناقض !!!!!!!!!!

[بو نووف]

لا تاااخذ

[KBM_X6]

شباب نطروا 2011
لحد يشتر احين الموتر بعده نازل ولازم تاليفات اول سنة من اي وكالة

الحمدلله خذيت لي الماني احين وناوي على النيسان زز بس دووم اطلع من النيسنان الموديل عقب سنتين لجل اسلم من عيوبه ...

والصراحة موتر ما عليه كلام

[qatari 111]

الرجال شرى الموتر وشبع منه وانتوا لين الحين على هالموضوع