ابي رايكم في المشكلة

[AL.GOLD]

ابي مشورتكم فـ مشكلة

الحين اذا الواحد عندة ايميل وحاط بيناته شخصية فيه وهذا الايميل تهكر :weeping:

وصارت تجية تهديدات من اشخاص مجهولة وش الحل في هذة الحاله

[يعوث]

1 رفع شكوى الى الوحدة او الادارة المختصة في الجرائم الالكترونية
2 عدم الانصياع للتهديد فالتهديد لغه الضعفاء
3 لاداعي للخوف من البيانات الشخصيه فهي ليست ذنب او فضيحة

[koketa]

اتصل بكيوتل يمكن عندهم فكره

[فلفل حار]

راسل أخونـا جاجاسم ...
راح يفيدكـ آن شالله ...



في الوقت الحالـي لاتبعث ولا ترد على التهديدات ...

[الأصيلة]

طيب إذا فيه صور شخصية
الخاصة بالمسنجر...

[فارس الكلمة]

ما علاقة البيانات الشخصية بالتهديدات ..؟

[Sharshooooor]

الامور جدا سهلة وبسيطة

تروح تقدم شكوى رسمية واكيد التهديد واصل لكم من ايميل او تليفون

واكيد البيانات الشخصية تخص صور خاصة

اهم شي لاترد على التهديدات واذا خفت راح تزيد المشكلة وتعقدها وممكن تدين نفسك اكثر بالموضوع

[بـــــــنت النوخـّــــذه]

لحظه اذا بيانات شخصيه من اسم وعمر ووظيفه ومادري شنهو!!!!!! هذا الي تقصده
خلهم يهددون منيه لي يوم القيامه 0000

اشبيسوون يعني ولكن لا ترسل لهم ولا شي دام السالفه انك رجال ولا فيه صور شخصيه
روح وودي جهازك يسوون له فورمات وخلاص ولا عاد تستقبل او تفتح روابط وحط لك برامج حمايه 000 والله يوفقهم

[AL.GOLD]

ما علاقة البيانات الشخصية بالتهديدات ..؟


الاسم، العمر، وغيره من هذي الامور

[هدهد سليمان]

تروح العاصمه قسم الجرائم الالكترونيه عند الملازم محمود صلاح وتقدم شكوى رسميه وهم بدورهم يقومون بالباقي وما عليك شي ان شاء الله او انك تراسلهم على cccc@moi.gov.qa وتشرح لهم مشكلتك والافضل انك تروح

[إينشتاين]

الاسم، العمر، وغيره من هذي الامور


مافهمنا شنو طبيعة التهديد !!!!

يعني التهديد انهم ينشرون اسمك وعمرك ؟؟؟

[هدهد سليمان]

الحل الثاني الله يسلمك تشوف المايكروسوفت هني في قطر وين مكانهم وتروح لهم واعتقد بيردونه بـ100 دولار مش متأكد من السعر لكن يردونه لك ..

[جرح الزمان]

تروح العاصمه قسم الجرائم الالكترونيه عند الملازم محمود صلاح وتقدم شكوى رسميه وهم بدورهم يقومون بالباقي وما عليك شي ان شاء الله او انك تراسلهم على cccc@moi.gov.qa وتشرح لهم مشكلتك والافضل انك تروح

ليش هم شالوهم من الفلل اللي في الريان الجديد ؟؟

[£عبدالعزيز£]

عندك اكثر من حل

يا انك تشتكي في الشرطة اذا يصير نفس ما قال اخوي هدهد سليمان

او انك تحصل هكر يرجعلك الايميل بكل سهولة وفي دقايق

او انك تراسل شركة الهوتميل .. واعرف واحد رجع ايميله عن طريقهم

..

اما سالفة انك تسوي فورمات للكمبيوتر وتركب عليه برامج حماية

مالها اي علاقة بموضوع سرقة الايميل -_-

لانه التهكير على الايميل ابسط واسهل بوايد من انه الهكر يضطر لانه يهكر على كمبيوترك

عشان يدخل على الايميل

وحتى لو افترضنا انه هكر ذكي ويعرف يهكر على الكمبيوتر

ما راح يضيع وقته وجهده في التهكير على الكمبيوتر عشان يسوي شي يصير في دقايق (سرقة الايميل) -_-

[الصريحه]

مااعرف السموحه بس لسمع كلام الاخوه والله يعينك

[ماريسا]

الله يعينك

[هدى السليطي]

كيوتل الحل

[بومحمد911]

ايش نوع التهديد بالضبط

الله لا يهينك سو لك ايميل جديد وانتهى الموضوع

[ابو محمد7]

1 رفع شكوى الى الوحدة او الادارة المختصة في الجرائم الالكترونية
2 عدم الانصياع للتهديد فالتهديد لغه الضعفاء
3 لاداعي للخوف من البيانات الشخصيه فهي ليست ذنب او فضيحة

واهم شي رقم 2