احسن بنك للتمويل

[koketa]

ألبي اشتري فيلا بس علي بنك او شركه للتمويل ابي نصيحتكم اي احسن تمويل وتسهيلات

[bo_besht]

اذا يقيت اسلامي عندك الصفا الاسلامي
واذا بنك عادي عندك المشرق

[alkoos]

ابعد عن المشرق وربعه لاتاخذ الا من بنوك اسلاميه او مصارف غيره لا تفكر وشوف المصرف عنده خدمة التمويل العقاري اسئل عنها

[koketa]

يقولون ان البنوك الاسلاميه تاخذ فوايد اكثر من غيرها

[Gh2o]

يقولون ان البنوك الاسلاميه تاخذ فوايد اكثر من غيرها

ممكن الفايده اكثر من غيره بس فوايده ثاااااابته فوايد البنوك الربويه متغيره نصيحه والله لا تاخذ الا بنك اسلامي
أن الله (يمحق الربا ) ويربي الصدقات

[عاصم السوري]

اذا بدك عندك بنك الدوحة يمول بشروط لو تحب ابعتلي رقمك

[قطري888]

احسن بنك للتمويل عند بنك اليسر للخدمات المصرفيه بالريان الجديد

[a7med0_0]

مصرف قطر الاسلامي انصحك به

[شركة الفنار]

اسلامي وبس ,, على الاقل تعرف المبلغ الي عليك ومتى بيخلص ,, لكن الربوي كل يوم تزيد ,,
اسئل مب خبره ,, الا موظف بنك سابق ,, اتصل في بنوك اسلاميه من بكره وشوف ارخص ارباح وخذ منهم
وبالتوووووووفيق

[بو خليل]

اولا صباح الورد عليكم كلمكم
ثانيا
بالنسبة لك اخوي الي تسال عت البنك
نصيحة تتعامل مع البنوك الاسلامية مش علشان موضوع فوايد اكثر ولا اقل ولا ثابتة ولا متحركةالموضوع ان الاسلامية حلال وكلة ولا لاربا وانا اخوك
والله يوفقك ان شاء الله
ونفس ما قالو لك الاخوان
شوف الصفى او الي هو نفسة التجاري الاسلامي
وبالتوفيق مرة ثانية اخوي

[الغالي!]

نصيحه وربي انك تندم طول حياتك لاتاخذ الا اسلامي !!!!!!!!!!البنوك الربويه كانك تحارب الله والرسول والله حرم علينا الرباء وذا تبي الله يبارك لك ابعد عن الرباء !!!!!!!!!واللي نصح على البنوك الربويه عقابه عن الله

[_QTR_]

اخوي

لا تاخذ غير من بنك اسلامي

والله اني مرتاح نفسيا اللحين ادش على حسابي واشوف كل قسط ينخصم من السلفية

وانصحك بالصفاء الاسلامي

هو الفرع الاسلامي للبنك التجاري وتعاملهم حلووووو

واذا تبي مستعد اعطيك رقم موظف عندهم قمة في الاخلاق ويحب يساعد القطريين وخدوم والله