رخصة سوق ... استفسار !

[FIRE FLY]

السلام عليكم ورحمة الله وبركاته ...

اخوكم يبي يطلع ليسن ... ما كل همه هالليسن .. طبعا مب عشان التحفيص ولا السرعة ولا ولا ولا ... عشان الوهقة اللي يتوهق فيها كل يوم ولا كل طلعة ولا اي شي يبيه او يبونه الاهل .. وللأسف ما اقدر بحكم اني لا املك ليسن ... :(

فابي استفسر .. هل يمكن ان يوافق لي على استثناء من ادارة المرور على اعطاء الليسن لي ؟؟
وكيف ؟؟

في البداية ..
انا انسان وحيد لابوي وامي .. الوالد الله يحفظه كل فترة وفترة يسافر للأسبوع او لأكثر ..
والوالده الله يرعاها .. تشتغل بس ما عندها ليسن تسوق ...
كما اني الحين بروح الجامعة وما معقولة كل يوم دوام بالجامعة اروح ادور تاكسي صبح وتاكسي ظهر لانه هالشي صار معي فترة 8 اشهر في الثالث ثانوي ( في المدرسة )
وبعد كم يوم ببدا امتحانات وللأسف برضه على هالحال .. تاكسي صبح وتاكسي ظهر ..

عمري بيتم الـ 18 في شهر 12 ..
يعني تقريبا عمري 17 وثلاث ارباع السنة :)

سالت ناس اللي يقول لي ما في واللي يقول لي في .. واللي يقول لازم واسطة واللي يقول لي ولا بالاحلام .. وفتت بحيرة وديرة .. ما عرفت كيف اطلع منها !!!
انا الحمد الله اعرف اسوق .. بس ما ابي اني اسوق بدون ليسن .. ما ابي اسوق وانا مخالف .. اسبب مشاكل لي وللأهلي والسبب انه ما معي ليسن وسايق !!!

مرة شفت بفريجنا دورية شرطة ... طبعا كانت صافة تسجل مخالفات بالعالم اللي واقف مخالف واللي واقف فوق رصيف :p
كلت يالله اساله .. شرطي مرور واكيد يعرف بهالامور ..
سالته ان امكن لي .. قال يطلع لك .. قدم كتاب وروح لمكتب الخرجي واشرح له موقفك وبيتوافق ...
حمدت ربي ..
جهزت هالكتاب وجهزت اوراقي وتوكلت على الله ومشيت ..
دخلت المبنى اللي فيه مكتبه .. طلبت من الاستقبال ابي افوت على مكتب الخرجي .. قال لي مب موجود سالته متى يجي قال ما اعرف .. جا ظابط مدري شرطي المهم لابس الزي الرسمي وقال ابي افوت على الخرجي قاله تفضل ..
قلت في بالي خلاص ما بيخلوني افوت عليه لو طلعت الدنيا ونزلت ..
قلت له وين اقدر اخلص موضوعي قال لي روح عند ظابط التراخيص .. رحت لمكتبه كان مسكر وما جا للحين .. شافني واحد في الاستقبال ... سالني وش موضوعك قلت له كذا كذا كذا ..
قال لي مواليدك والجنسية قال لي ممنوع !! قلت له اصبر علينا لا تسكر علي الباب انا بس اقدم كتاب استثناء .. قال لي ما بيتوافق لك .. وحرك .. :(
تسكر الباب مرة ثانية بوجهي .. وتحيرت وش اسوي .. فحركت .. لاني ما اعرف حد هناك يمشي لي ورقي ولا اعرف وش اسوي بالضبط !!!

قلت خلاص ان شاء الله بعد ما اخلص امتحاناتي بروح لهم مرة ثانية واحاول ..
فبغيت اسال قبل لا اروح لهم بعد الامتحانات واللي بتبدا بعد كم يوم ..

يوافقون لي على طلب الاستثناء ؟؟؟ وهل هالشي موجود ام في عالم الخيال .. :)
اذا اي .. فايش هي الاجراءات اللي لازم اسويها ؟!! ايش اسوي بالظبط ؟؟ وين اروح واتعامل مع من ؟؟ ومن له علاقة بالامر ؟!!
ام كل اللي قاعد اسويه واللي راح اسويه ما منه فايدة ولا راح استفيد منه وراح يتسكر الباب بوجهي !!!

متمني مساعدتكم اخواني ..
واعذرونا على الاطالة ...
:)
اخوكم فاير

[Gh2o]

اعتقد بيعطونك كتشه وممكن تسوق فيها والله يسهل امورك

[Grnas]

تقدم على رخصة تعليم سواقة أو كتشة .. وبعدها بفترة تطلب انك تدخل امتحان السواقة

هذا النظام يوم خذت الليسن

[FIRE FLY]

اعتقد بيعطونك كتشه وممكن تسوق فيها والله يسهل امورك

بس اللي اعرفه الكتشة ممنوع اسوق بها بدون شخص يحمل ليسن ..
فبالتي هل منها فائدة ؟!!!
سمعت انها برضه تنعطى بدون تدريب سواقة ولا شي .. بحيث انه حاملها يتدرب مع نفسه ..
ولا انا غلطان .. :)

[jajassim]

الله يحفظك اخوى

للعلم اخوى الكشة لا تطلع الا بعد ان يصبح عمرك 17 و9 شهور

وحتى اذا نجحت من السواقة قبل ان تكمل ال 18 السيستم لا يطلع الرخصة الا بعد 18 سنة ( العمر كله ) بالرغم من انك نجحت في السواقة ، يعني انتظر لما تكمل ال 18 ( بالكمال والتمام )

وحسب حالتك ،، صعبه ان تحصل على استثناء ،

ومع ذلك قدم طلب استثناء وخلى والداك الله يحفظة يقابل مدير المرور ( ولاتروح بنفسك ) لرفع طلبك لمكتب الوزير ومع ذكر وشرح الاسباب :nice: وربك بيسر ان شاء الله :)

لان مثل هذه الاستثناءات تطلع من مكتب الوزير وليس من ادارة المرور ،،

[عاشق الشهادة]

الله يحفظك اخوى

للعلم اخوى الكشة لا تطلع الا بعد ان يصبح عمرك 17 و9 شهور

وحتى اذا نجحت من السواقة قبل ان تكمل ال 18 السيستم لا يطلع الرخصة الا بعد 18 سنة ( العمر كله ) بالرغم من انك نجحت في السواقة ، يعني انتظر لما تكمل ال 18 ( بالكمال والتمام )

وحسب حالتك ،، صعبه ان تحصل على استثناء ،

ومع ذلك قدم طلب استثناء وخلى والداك الله يحفظة يقابل مدير المرور ( ولاتروح بنفسك ) لرفع طلبك لمكتب الوزير ومع ذكر وشرح الاسباب :nice: وربك بيسر ان شاء الله :)

لان مثل هذه الاستثناءات تطلع من مكتب الوزير وليس من ادارة المرور ،،



اعتبره واحد من اخوانك او من اعيالك واخذه من يدينه وخلص موضوعه عند بوسعد , ولك آجر :)

[jajassim]

اعتبره واحد من اخوانك او من اعيالك واخذه من يدينه وخلص موضوعه عند بوسعد , ولك آجر :)

كلنا اخوان طال عمرك ،، بس السيستم مربوط هناك ،، :looking: :swoon2:

عموما اذا قدم الطلب ، يرسل لي نسخه ، بس عشان خاطرعيونك :nice:

[عاشق الشهادة]

كلنا اخوان طال عمرك ،، بس السيستم مربوط هناك ،، :looking: :swoon2:

عموما اذا قدم الطلب ، يرسل لي نسخه ، بس عشان خاطرعيونك :nice:




وهذا العشم فيك اخوي جاجاسم وما اقول الا رحم الله والديك وكثر الله امثالك .

[استغفرالله]

المفروض الليسن يعطونه من 16 مب 18
مثل امريكا

[Gh2o]

المفروض الليسن يعطونه من 16 مب 18
مثل امريكا

بو18 ومب خالصين من الحوادث والوفيات تبيهم يعطون 16 اذكر الله اخوي :)

[كركم]

صادق ياخوي..والله يحفظ كل شبابنا..

[فلفل حار]

وآلي خذ الليسن وعمره 16 ونص ...
وآلي كان يكنسل المخالفات بالتلفون مع ربعه آلي بالمرور ...:secret:






الله يرحم ...
:weeping:

[FIRE FLY]

الله يحفظك اخوى

للعلم اخوى الكشة لا تطلع الا بعد ان يصبح عمرك 17 و9 شهور

وحتى اذا نجحت من السواقة قبل ان تكمل ال 18 السيستم لا يطلع الرخصة الا بعد 18 سنة ( العمر كله ) بالرغم من انك نجحت في السواقة ، يعني انتظر لما تكمل ال 18 ( بالكمال والتمام )

وحسب حالتك ،، صعبه ان تحصل على استثناء ،

ومع ذلك قدم طلب استثناء وخلى والداك الله يحفظة يقابل مدير المرور ( ولاتروح بنفسك ) لرفع طلبك لمكتب الوزير ومع ذكر وشرح الاسباب :nice: وربك بيسر ان شاء الله :)

لان مثل هذه الاستثناءات تطلع من مكتب الوزير وليس من ادارة المرور ،،

هلا اخوي جاجاسم ..
الرجل اللي في الاستقبال عند مكتب مدير التراخيص ..
قال لي تتدخل مدرسة السواقة بشهر 9 او 10 وتاخذ الليسن في شهر 12
المرة الاولى رحت ويا الوالد .. بس الوالد كان مستعجل عشان الدوام . فاضطريت اني احرك بدون ما افاصل :)

مكتب الوزير ؟؟! اللي اعرفه اللي يمسك الموضوع هو الخرجي .. :)
ان شاء الله بروح ثاني يوم في الاجازة وان شاء الله ونتوكل ويارب تضبط !!

شاكر لك توضيحك ومرورك اخوي الغالي .. :)



اعتبره واحد من اخوانك او من اعيالك واخذه من يدينه وخلص موضوعه عند بوسعد , ولك آجر


كلنا اخوان طال عمرك ،، بس السيستم مربوط هناك ،،

عموما اذا قدم الطلب ، يرسل لي نسخه ، بس عشان خاطرعيونك

جزاكم الله خير وجزى الاخوة جميعا ...
الصراحة اتمنى احصل واحد ييسر لي امري من بعد الله طبعا ..:shy::shy:
بس اخاف الموضوع كلافة على جاجاسم ... وهو مب مجبور عليه .. جزاه الله خير
على وقفته هنا وتوضيحه لي ,....
وكلنا اخوان في الله ولله الحمد .. :)



المفروض الليسن يعطونه من 16 مب 18
مثل امريكا
المشكلة يااخوي انه اغلب الحوادث اذا ما معظمها شباب .. راحت ارواح الشباب وتكسرت قلوب اهاليها ..

الوالد الله يحفظه .. قال بيحلفني يمين في اول يوم اطلع الليسن اني ما اطلع عن سرعة الشارع .. والله يعيننا في حلف اليمين .. :discuss:

في امريكا الامر يختلف من ولاية لولاية .. في ولايات يعطون من الـ 14 .. وفي من 16 و .. و
هالشي يعتمد على طبيعة اهل الولاية .. ان كانوا مع نفسهم ومنتظمين ولا شغل عصابات وجرايم :)

[FIRE FLY]

وآلي خذ الليسن وعمره 16 ونص ...
وآلي كان يكنسل المخالفات بالتلفون مع ربعه آلي بالمرور ...:secret:






الله يرحم ...
:weeping:

هذا نصيبك .. :)
ايام كان الامر عادي ويتنفذ الامر ..
تصدق .. مع انه هالشي صعب انه يصير .. الا واحد من ربعي
تصدق مواليد 95 وطلع الليسن !!!
انا انصدمت كيف طلعه ما ادري !!
والمشكلة بدون تدريب مدرسة ولا شي!!
اول يوم بالليسن استاجر سيارة ورد البيت الفجر . راح ابوه سحب منه الليسن وقال له تشوفه بالاجازة !!!<<<< يستاهل الصراحة :p

[طموحي مبدع]

اخووي قدم على الكجه

رخصة تعليم سواقه

مايقولون لك شي

انا استعملها حاليا

واكثر من مره وقفوني الفزعه واللخويا

يمشووني مايقولون شي

وعشان اريحك اكثر

انا كلمت ادارة المرور في مدينة خليفه وسألتهم عن الكجه

شنو مخالفتها

قالو لي مخالفه 300 ريال اذا مامعاك حد معاه ليسن

ومافيها توقيف ولا فيها حجز موتر

توكل وروح طلعها

بياخذون عليك 475 ريال تقريبا

ود معاك ملكية الموتر الي تبي عليه الكشه

وواسألهم عن باقي الاوراق

[FIRE FLY]

اخوي طموحي ..
يطلعونها للمقيم .؟ اللي اعرفه للقطري فقط

[طموحي مبدع]

انا قطري اخووي

يطلعونها للكل

ومش عمرك بالكشه لين ماتكمل 18

انا ماخذ الكجه شهر 11 2009

الحين كملت 18 بس اخلص امتحاناتي بطلع الليسن

[طموحي مبدع]

واحد من الربع معاي بالصف فلسطيني عنده كجه ومواليد 93

وواحد بكستاني عنده بعد

اخووي الكجه عليها استثناء يعطونها للكل عادي

ام الليسن لا حتى لو كانت في واسطات السستم تغير

[FIRE FLY]

واحد من الربع معاي بالصف فلسطيني عنده كجه ومواليد 93

وواحد بكستاني عنده بعد

اخووي الكجه عليها استثناء يعطونها للكل عادي

ام الليسن لا حتى لو كانت في واسطات السستم تغير

هلا اخوي ...
في استثناء لليسن برضه ... على ما اعتقد انه هالاسثناء ما يخلي الورق يفوت ستسم الكبميوتر !!
انا لانه صاحبي مواليد 95 من 3 اشهر تقريبا طلعها !!

:)

[هدى السليطي]

الله يحفظكم

[طموحي مبدع]

اخوي صاحبك يمكن ابوه متوفي وظروفه صعبه

انا الي اعرفه اذا ابوك شايب ومايقدر يسوق يعطونك ليسن عادي

اخذ كجه وفك عمرك واذا عالثبوت الفزعه واللخويا مايتجمعون الا بنص الليل

ومايحتاي الشباب لما يشوفون ثبوت يخبرونا عنهم

ماعندك مشكله اخوي ولاتضغط على نفسك وتترجاهم مافي فايده اسأل مجرب

الخرجي مايتفاهم على طول بيقول لك القانون قانون وبيطلع نفسه

[@فهد@]

الله يسهل امرك اخوي

استفسار وش الكشه ؟؟؟؟؟ رخصه سياقه موقته ولا شنو ؟؟؟

[M7ammad]

اسمحلي على المداخله Fire fly بس عندي سؤال

انا طالب ان شاء الله رايح ثاني ثنوي .. وبدخل ال16 شهر 7
الوالد الله يرحمه متوفي من 2003 وانا وحيد امي وامي تزوجت شخص وهالشخص مايقدر كليوم يوديني المدرسه وياخذني الا بعد الساعه 7 يعني اكون متأخر ع الدوام وع الرده اتنقع فالشمس لي 2 تقريباً
ماعندنا دريول .. وابوي الله يرحمه متزوج وحدة ثانية (يعني مرت ابوي) وعندي منها 3 اخوان واخت وكلهم شغل الصبح ومحد يوديني واييبني

حالتي اروح ويا رفيجي بس مب كل مره مرات اي ومرات اتوهق

يصير اطلعلي ليسن؟

[FIRE FLY]

اخوي صاحبك يمكن ابوه متوفي وظروفه صعبه

انا الي اعرفه اذا ابوك شايب ومايقدر يسوق يعطونك ليسن عادي

اخذ كجه وفك عمرك واذا عالثبوت الفزعه واللخويا مايتجمعون الا بنص الليل

ومايحتاي الشباب لما يشوفون ثبوت يخبرونا عنهم

ماعندك مشكله اخوي ولاتضغط على نفسك وتترجاهم مافي فايده اسأل مجرب

الخرجي مايتفاهم على طول بيقول لك القانون قانون وبيطلع نفسه

هلا اخوي ...
صاحبي ابوه للين عايش الله يمده بالعمر ويمدنا جميعا .. :)
ولا ازيدك كمان .. عنده بدل الاخ 4 اخوان .. :)
هو بس شكله عنده واسطة قوية ..
هو يمني وتجنس من فترة .. وبعدها باسبوع اخذ الليسن .. :)
كل شي يصير ... :rolleyes2:


الله يسهل امرك اخوي

استفسار وش الكشه ؟؟؟؟؟ رخصه سياقه موقته ولا شنو ؟؟؟
من هالمعنى تقريبا لحد يصير عمرك 18 .. بس بتلاقي مكتوب علةى البطاقة ..
رخصة تدريب سواقة على ما اذكر .. :)



اسمحلي على المداخله Fire fly بس عندي سؤال

انا طالب ان شاء الله رايح ثاني ثنوي .. وبدخل ال16 شهر 7
الوالد الله يرحمه متوفي من 2003 وانا وحيد امي وامي تزوجت شخص وهالشخص مايقدر كليوم يوديني المدرسه وياخذني الا بعد الساعه 7 يعني اكون متأخر ع الدوام وع الرده اتنقع فالشمس لي 2 تقريباً
ماعندنا دريول .. وابوي الله يرحمه متزوج وحدة ثانية (يعني مرت ابوي) وعندي منها 3 اخوان واخت وكلهم شغل الصبح ومحد يوديني واييبني

حالتي اروح ويا رفيجي بس مب كل مره مرات اي ومرات اتوهق

يصير اطلعلي ليسن؟

الله يرحمه اخوي . وجعل مقامه الجنة اخوي ...
صراحة اخوي حالتك اصعب من حالتي !!
اخوي محمد .. لو الواحد بس يعرف له حد من المرور بس يقدر يمشي له ورقه بين الدواير والمكاتب بتلاقي الموضوع يمشي ..
بس لاني ما عرفت حد ما قدرت اخلص موضوعي !
لو تعرف لك حد جرب يااخوي وما تخسر شي .. :)

[M7ammad]

الله يرحمه اخوي . وجعل مقامه الجنة اخوي ...
صراحة اخوي حالتك اصعب من حالتي !!
اخوي محمد .. لو الواحد بس يعرف له حد من المرور بس يقدر يمشي له ورقه بين الدواير والمكاتب بتلاقي الموضوع يمشي ..
بس لاني ما عرفت حد ما قدرت اخلص موضوعي !
لو تعرف لك حد جرب يااخوي وما تخسر شي .. :)

امين يارب !
الحمدلله على كل حال ! ، المشكله الحين الوصي علي عمي
واذا ابي اسوي شي لازم آخذ شوره واخواني اللي من ابوي
اكثرهم رافضين .. يقولون بتضيع مستقبلك ومادري شنو بس انا ماحب السرعة ولا لي فالسباقات واكره سيلين والتطعيس وغيره ..
فمايندرى ! والله يعينك انت بعد
ومثل ماقلولك تقدر تطلع لك كجه .. ومايوقفونك على ماعتقد الشرطة لانه ضروفك ماتساعد تنطر لي شهر 12
واذا وقفوك ولا شي قولهم كذا كذا كذا .. وانا رايح الجامعه وارجع بس
ولاتطلع فليل لانه كله ثبوت

[@فهد@]

اذا كملتوا 17 .. في طريقه نظاميه بس ماقدر اقولها في المنتدي .. هي يبي لها تعب بس نظاميه

قبل 17 صعبه كلش ...

وكل نظام له مداخل بس يبي له الي يعرف له ...

يمكن الاخوان في قسم السيارات بحكم اكثرهم له تعامل مع المرور ممكن يفيدكم في سرعة تطليع الرخصه

لكن لو مافيه طريقه ... خبروني والله كريم

[FIRE FLY]

علمنا على الطريقة يا اخوي ولا هنت .,..