الله يرحم والديكم نبي مستشفى واحد بس..

[هتـان قطر]

20 مليار دولار استثمارات السياحة القطرية حتى 2013 الدوحة ـ الراية :

رصدت قطر 20 مليار دولار للاستثمارات السياحية حتى 2013 ، وتشمل تلك الاستثمارات تنمية لمختلف المرافق السياحية بالدولة لجذب الوفود السياحية ، في إطار خطط الدولة لتنويع مصادر الدخل وتقليص الاعتماد على النفط والغاز.
ويستعد قطاع الضيافة القطري لاستقبال 41 منشأة فندقية خلال العام الجاري ما يقدر بأكثر من 6743 غرفة ووحدة فندقية ، وتصل الزيادة في عدد الفنادق إلى 23 فندقا بنسبة 40% في 2010 مقارنة بعدد الفنادق في سنة 2009 ، وبواقع 4689غرفة أي بزيادة 55% من معدل إجمالي عدد الغرف في السنة الماضية ، وذلك حسب أحدث التقارير الصادرة مؤخراً عن الهيئة العامة للسياحة.
وتشير التقارير إلى أن 90% من الفنادق المقرر افتتاحها في 2010 ذات فئات الأربع والخمس نجوم ، ويرجع الخبراء والمحللون زيادة عدد الفنادق لعام 2010 إلى تأجيل بعض المستثمرين افتتاح منشآتهم الفندقية والتي كان من المقرر افتتاحها في السنتين الماضيتين إلى سنة 2010 ، إضافة إلى حرص الدولة على استضافة العديد من الفعاليات العربية والعالمية والتي من شأنها أن تنشط القطاع الفندقي كاستضافة كأس آسيا2011 وسعيها لاستضافة كأس العالم 2022.
وتبلغ زيادة الفنادق ذات فئات " الثلاث - الأربع - الخمس " نجوم في عام 2009 عن 2008 بنسبة فندقين في كل فئة، وترجع الهيئة العامة للسياحة هذه الزيادة إلى طلب السوق المحلي المدعوم باستضافة قطر لأبرز الفعاليات الرياضية.
وتلعب التسهيلات التي تقدمها الهيئة والدولة لمستثمري القطاع الفندقي في الدولة دورا مهما ، حيث تقوم الهيئة بإصدار تراخيص المنشآت الفندقية والقيام بعمليات التفتيش والتصنيف على الفنادق والشقق الفندقية والتسويق لهذه المنشآت داخل الدولة دون تحصيل أي رسوم، كما ساهمت الدولة في تشجيع المستثمرين في القطاع الفندقي وذلك بالعمل على تخفيض رسوم توصيل الكهرباء عن الفنادق العاملة بنسبة 50%.
أما فيما يتعلق بإجمالي عدد الغرف الفندقية الموجودة في كافة المنشآت الفندقية القائمة في الدولة، فقد أوضحت الإحصائيات زيادة عدد الغرف في 2009 إلى 1728 غرفة فندقية، مما تشكل نسبة 25% من مجموع عدد الغرف الفندقية في سنة 2008.
أما فيما يتعلق بالإحصائيات والأرقام المتعلقة بالمنشآت الفندقية التي تحت الإنشاء، فقد وصل عدد المنشآت الفندقية التي تم منحها ترخيصا مؤقتا للبدء بالإنشاء إلى 118 منشأة ، وحسب المواصفات والمخططات المعتمدة لتلك المشاريع فانه من المتوقع فور مباشرة هذه الفنادق نشاطها إثراء القطاع الفندقي في الدولة بحوالي 21744 غرفة ووحدة فندقية.


:cry2: الله يرحم والديكم نبي مستشفى واحد بس يشعرنا ان احنا في بلد متقدم

ويحفظ كرامتنا كمواطنين

[روح الاطلس]

العنوان في صوب والموضوع في صوب

في العنوان يقولون سياحه !!

المضمون هو بناء فنادق ! لا يكون ربعنا فاهمين السياحه = فنادق ؟

بسسسسسسسسسس خلاص ملينا من كثرة الفنادق مايترسها الا اصحاب المؤتمرات والوفود اللي نستضيفهم .. امحق سياحه والله

[هتـان قطر]

العنوان في صوب والموضوع في صوب

في العنوان يقولون سياحه !!

المضمون هو بناء فنادق ! لا يكون ربعنا فاهمين السياحه = فنادق ؟

بسسسسسسسسسس خلاص ملينا من كثرة الفنادق مايترسها الا اصحاب المؤتمرات والوفود اللي نستضيفهم .. امحق سياحه والله


انتي ركزتي على المبلغ.. 20 مليار دولار

[مستوى الدعم]

مب هني السؤال..

السؤال ليش يزيدون عدد الفنادق..

من يبي يجي عندنا؟

إذا ما في أنشطة سياحية أو مناظر طبيعية تشد الناظرين

أو حتى بنية تحتية تستقبل السياح؟

[هتـان قطر]

مب هني السؤال..

السؤال ليش يزيدون عدد الفنادق..

من يبي يجي عندنا؟

إذا ما في أنشطة سياحية أو مناظر طبيعية تشد الناظرين

أو حتى بنية تحتية تستقبل السياح؟

تأكدوا انه بزيادة عدد السياح سيكون زيادة في الفساد...

ياليت هالمبالغ يتم صرفها على المواطنين وراحتهم ..بدل صرفها

على امور بتفتح علينا باب للفساد نحن في غنى عنه

نسأل الله السلامة

[المليونير الفقير]

ياريت لو يستثمرون هالمليارات في مستشفى عالمي يعالج كل الامراض وناس وايد بيجون هالمستشفى والدوله بتكون مستفيده والمواطنين ايضا وبيكون فيه توفير للمليارات الي تنصرف على العلاج الخارجي وايضا سمعه للبلاد جهاز ابوظبي للاستثمار بيفتح فرع للمستشفى الملكي التايلندي واظن انهم بيربحون ذهب وغير ذالك المواطنين بيفتكون من السفر للخارج ان شاء الله يكون المستشفى من ضمن المخططات لحكومتنا الرشيده

[الموضوعي]

ربعنا مايتعلمون ابداً ليتهم يسون مثل النرويج بلد الأذكياء

[المقهوره]

مايصير ياجماعه يحطون هالمبالغ في بنيه تحتيه مثل الناس والعالم

ولا مستشفى محترم ودكاتره مايذبحون المرضى


هم عاجبهم المشرحه (مستشفى حمد)

وان قلت لهم طيب سفرونا برى على حساب الدوله ، قالوا مافيه ميزانيه تكفي
، قالوا الحاله ماتستاهل العلاج موجود بقطر
وهو اساسا مب موجود

يشرحون الواحد وعقب اذا توهقوا طرشوه برع على شان يموت هناك ويقولون مامات في قطر مات برع في امريكا ولا لندن ولاالمانيا..


حسبي الله عليهم وعلى قوانيين الزفت

[بوخالد911]

انزززين على الأقل يسوون لنا نص مستشفى

!!@@!!

[المقهوره]

المصيبه انهم مايفكرون بعقل ونظره مستقبليه اكثر


الطب مهم جدا لكل الناس والعالم

لما يشوفون دوله مثل قطر عندها الطب متطور ودكاتره ممتازين موجودين

الكل راح يجي على شان سمعه هالمستشفى وطبعا بيدفعون على شان صحتهم مثل ما احنا نسافر وندفع لهم ألوووووف الدولارات


اولا راح توفر على نفسها من ارسال بعض الحالات إلا الخارج
ثانيا تكسب سمعه طيبه في مجال الطب وبيكون هناك ربح مادي كبير .


بس مايفهمون للاسف

[ام السعف]

انزززين على الأقل يسوون لنا نص مستشفى

!!@@!!

قمة القناعة :nice:

[الصريحه]

وياج وياليت يكون بس خاص بالمواطنين تعبنا من الزحمه في كل شيء

[وحيد-الشوق]

اي والله نبي مستشفى واحد سنع بدال المقابر الي حاطينها لنا الي كل يوم والثاني ذابحين لهم واحد الله ياخذهم

كل ما اسمع هالاخبار تنسد نفسي وتجيني ضيقة اتم اقول وافكر معقولة كل هالمليارات الي تنصرف على خرابيط وشوراع مكسره و شراء هاردوز واستثمارت في الربا والحرام وكاس العالم والاسياد ومب قادرين يزيدون المستشفيات والاهم من ذلك استقطاب كوادر طبية ممتازة مب طباخين وقصابين

وانا مع كلمة الاخت روح الاطلس امحق سياحة لأن سياحتنا الله بالخير مافي ولاشيء عدل في الدوحة غير المتحف الاسلامي وسوق واقف والمجمعات

سبحان الله صارت الكورة والرياضة اهم من حياة المواطن والأنسان والله تعبنا بس لا حياة لمن تنادي

الله يرحمنا برحمته :(

[بوخالد911]

قمة القناعة :nice:



ميغسي بوكوووو

:victory::nice::)

[BURBERRY]

اي والله قهر .. ملينا من الفنادق مادري ليش ربعنا يفكرون ان السياحه يعني فنادق

والله احسن لهم لو يسون مستشفى عالمي كبير و متطور ينفع البلاد و العباد و كل الناس بتعالج عنده حتى من برع قطر

و الدوله بتستفيد بتعالج المرضى و بيسكون في الفنادق

مستشفى حمد مهزله و مذله .. ساعات والله مانحصل غرفه لجدي .. و اذا نبي علاج في الخارج قالو مافي ميزانيه
و لا انتظرو دوركم بعد شهوووووووووور .. ياناس هذا مريض ولازم يتعالج بسرعه ..

شدعوه مافي ميزانيه الفايض 9 مليار وين راحت ..!!

حسبي الله و نعم الوكيل

[قطرية7]

الله المستعان ،، اذا سوو مستشفى نبي الطاقم الي فيه يكونون فاهمين شغلهم صح يكون في اهتمام وعنايه شفايده المبنى والاجهزة بدون اهتمام ورعايه

والله الدوحه في مستشفاتها تمتلك اجهزة وادوات ما شفتها بالمستشفيات الي يبعثونه لها بالخارج ،، لكن وين العنايه والاهتمام ،،الله المستعان

[هتـان قطر]

ياريت لو يستثمرون هالمليارات في مستشفى عالمي يعالج كل الامراض وناس وايد بيجون هالمستشفى والدوله بتكون مستفيده والمواطنين ايضا وبيكون فيه توفير للمليارات الي تنصرف على العلاج الخارجي وايضا سمعه للبلاد جهاز ابوظبي للاستثمار بيفتح فرع للمستشفى الملكي التايلندي واظن انهم بيربحون ذهب وغير ذالك المواطنين بيفتكون من السفر للخارج ان شاء الله يكون المستشفى من ضمن المخططات لحكومتنا الرشيده


والله انك صادق..يعني اللي يشوف حالة اهل قطر مع مستشفيات العالم..من تايلند

الى امريكا الى لندن الى المانيا...ليييييييشششش وحنا وش قاصرنا ...؟؟؟

فلوس ومتوفرة..وهذا الموضوع خير دليل 20 ملياااار دولاااااار:rolleyes2:

[هتـان قطر]

ربعنا مايتعلمون ابداً ليتهم يسون مثل النرويج بلد الأذكياء



ليش..وش سووا النرويجيين ..؟؟ نورنا الله ينور عليك لعل وعسى احد ينتبه :omen2:

[هتـان قطر]

مايصير ياجماعه يحطون هالمبالغ في بنيه تحتيه مثل الناس والعالم

ولا مستشفى محترم ودكاتره مايذبحون المرضى


هم عاجبهم المشرحه (مستشفى حمد)

وان قلت لهم طيب سفرونا برى على حساب الدوله ، قالوا مافيه ميزانيه تكفي
، قالوا الحاله ماتستاهل العلاج موجود بقطر
وهو اساسا مب موجود

يشرحون الواحد وعقب اذا توهقوا طرشوه برع على شان يموت هناك ويقولون مامات في قطر مات برع في امريكا ولا لندن ولاالمانيا..


حسبي الله عليهم وعلى قوانيين الزفت



وزارة الصحة من اسوأ وزارات الدولة..والى الان ما وجد الرجل المناسب

اللي بيكون له الفضل من بعد الله في التغيير الجذري من الوضع الصحي المتدني

وضعنا مخزي ومؤسف في بلد المليارات من الدولارات :secret:

[هتـان قطر]

انزززين على الأقل يسوون لنا نص مستشفى

!!@@!!



تحياتي قبل ان تطير ملياراتي ..:nice:

[هتـان قطر]

المصيبه انهم مايفكرون بعقل ونظره مستقبليه اكثر


الطب مهم جدا لكل الناس والعالم

لما يشوفون دوله مثل قطر عندها الطب متطور ودكاتره ممتازين موجودين

الكل راح يجي على شان سمعه هالمستشفى وطبعا بيدفعون على شان صحتهم مثل ما احنا نسافر وندفع لهم ألوووووف الدولارات


اولا راح توفر على نفسها من ارسال بعض الحالات إلا الخارج
ثانيا تكسب سمعه طيبه في مجال الطب وبيكون هناك ربح مادي كبير .


بس مايفهمون للاسف

نتمنى ذلك يالمقهورة..اصبحنا كلنا مقهورين من هذا الوضع


قمة القناعة :nice:




ميغسي بوكوووو

:victory::nice::)

:nice::nice::nice:

[وطن]

الله يكون بالعون يا هتان

اللي مايدري يقول حلبه
واللي يدري متوحل به

خليها على الله

[وطن]

وزارة الصحة من اسوأ وزارات الدولة..والى الان ما وجد الرجل المناسب

اللي بيكون له الفضل من بعد الله في التغيير الجذري من الوضع الصحي المتدني

وضعنا مخزي ومؤسف في بلد المليارات من الدولارات :secret:

:secret:

[هتـان قطر]

الله يكون بالعون يا هتان

اللي مايدري يقول حلبه
واللي يدري متوحل به

خليها على الله



ايوالله يا وطن..لكن شوفي اللي يقهر زود..

118منشأة تحت الانشاء من فنادق ومن وحدات فندقية!!!!

واحنا يوم ربت اختي طاحت رجيلنا واحنا نبحث لها عن غرفة ما لقينا

قلنا خلاص مشتركة لكن وفرو لنا ثلاجة على الاقل نحط عصيرنا فيها

او خلونا نجيب من البيت..

وفروا لنا كبت نحط الاغراض فيها ..اغراضنا على الارض..!!!!

والله قمة الاهانة للمواطن...قلت انتوا بس وصلوني للمسؤول بشتكي

ببرد قلبي شوي..قالوا ماراح يسوي شي هذي قوانين عليكم وعلى غيركم




واحد مم الشيبان يوم تعب..ودوه مستشفى حمد...لقوه تعبان بس قالوا ما فيه غرفة

رجعوه البيت ومتى ما توفرت غرفة بنكلمكم ...الى اي درجة وصلت الاهانة والاستهتار

بصحة المواطن القطري..

واخرتها يتمدحون بانشاء فنادق وشقق للوافدين الاجانب..!!!!!!

حسبنا الله ونعم الوكيل

[هتـان قطر]

وياج وياليت يكون بس خاص بالمواطنين تعبنا من الزحمه في كل شيء


هم لو بحطون لنا مستشفى كبييير يسع الكل ما فيه مانع

لكن لا طلنا بلح الشام ولا عنب اليمن...:(

[هتـان قطر]

اي والله نبي مستشفى واحد سنع بدال المقابر الي حاطينها لنا الي كل يوم والثاني ذابحين لهم واحد الله ياخذهم

كل ما اسمع هالاخبار تنسد نفسي وتجيني ضيقة اتم اقول وافكر معقولة كل هالمليارات الي تنصرف على خرابيط وشوراع مكسره و شراء هاردوز واستثمارت في الربا والحرام وكاس العالم والاسياد ومب قادرين يزيدون المستشفيات والاهم من ذلك استقطاب كوادر طبية ممتازة مب طباخين وقصابين

وانا مع كلمة الاخت روح الاطلس امحق سياحة لأن سياحتنا الله بالخير مافي ولاشيء عدل في الدوحة غير المتحف الاسلامي وسوق واقف والمجمعات

سبحان الله صارت الكورة والرياضة اهم من حياة المواطن والأنسان والله تعبنا بس لا حياة لمن تنادي

الله يرحمنا برحمته :(


ان جيت للصدق اخوي وحيد الشوق الدوحة حلوة باهلها وحلوة في نظر اهلها

حتى لو كانت صحرا...لكن احنا مرينا بطفرة هائلة ما قدرنا نتحملها ونتحمل تبعاتها

كل شي يمر علينا نحس ان احنا غرباء ..غربة وحنا في بلادنا..

المواطن القطري ولله الحمد عايش عيشه زينة لكن وده بالافضل خصوصا

انه متأكد ان بلاده غنية غنى غير طبيعي..ويشوف غيره يتمتع بهذا الخير

وهو ما يطوله شي..والاعجب والاغرب التبرعات اللي تهدر بالملايين

على الدول والشعوب الاخرى...بالله عليكم كيف ما يحس بالقهر

وكيف ما يفكر في تعب اجداده وارواحهم اللي راحت في غياهب الخليج

الى ان جا هذا الخير وعم الخليج...وفي الاخر ياخذه الغير بدون تعب او مشقة!!!!

[وطن]

ايوالله يا وطن..لكن شوفي اللي يقهر زود..

118منشأة تحت الانشاء من فنادق ومن وحدات فندقية!!!!

واحنا يوم ربت اختي طاحت رجيلنا واحنا نبحث لها عن غرفة ما لقينا

قلنا خلاص مشتركة لكن وفرو لنا ثلاجة على الاقل نحط عصيرنا فيها

او خلونا نجيب من البيت..

وفروا لنا كبت نحط الاغراض فيها ..اغراضنا على الارض..!!!!

والله قمة الاهانة للمواطن...قلت انتوا بس وصلوني للمسؤول بشتكي

ببرد قلبي شوي..قالوا ماراح يسوي شي هذي قوانين عليكم وعلى غيركم




واحد مم الشيبان يوم تعب..ودوه مستشفى حمد...لقوه تعبان بس قالوا ما فيه غرفة

رجعوه البيت ومتى ما توفرت غرفة بنكلمكم ...الى اي درجة وصلت الاهانة والاستهتار

بصحة المواطن القطري..

واخرتها يتمدحون بانشاء فنادق وشقق للوافدين الاجانب..!!!!!!

حسبنا الله ونعم الوكيل


ايه يا هتان

خليني ساكته بس
وخلي اللي بالقلب بالقلب


المشكلة لين ولو الاجانب التخطيط للبلاد
وهالأجانب ما تهمهم مصلحة الدولة كثر ما يهمهم طول مدة بقائهم فيها عشان يشفطون من خيراتها
فـ شي طبيعي ما يوصلون المعلومات صح للجهات العليا
وتبتدي الخربطة
وناكلها احنا المواطنين

اسكت احسن لي

:secret:

[هتـان قطر]

ايه يا هتان

خليني ساكته بس
وخلي اللي بالقلب بالقلب


المشكلة لين ولو الاجانب التخطيط للبلاد
وهالأجانب ما تهمهم مصلحة الدولة كثر ما يهمهم طول مدة بقائهم فيها عشان يشفطون من خيراتها
فـ شي طبيعي ما يوصلون المعلومات صح للجهات العليا
وتبتدي الخربطة
وناكلها احنا المواطنين

اسكت احسن لي

:secret:



وطن انتي حاسه بشي؟؟!! :unsure:

[وطن]

وطن انتي حاسه بشي؟؟!! :unsure:

لا أسمع لا ارى لا أتكلم

:secret:

[عبدالمحسن]

للعلم


اعرف واحد من الربع راح المستشفى اليوم الاحد 13/6/2010 وكان تشخيصه ( نزيف في المعده ) ومن الساعه 12 ونص الين الساعه 2 ونص مالقى سرير في استقبال الطواريء

اخر شي تعب نفسيا وجسديا ورجع للبيت
والمصيبه الدكتور الاجنبي قال بتروح كيفك !!!

شدعوه !! أحنا قطاوه ؟ في بلادنا مانحصل سراير ؟ ولا عنايه ؟ ولا طب


يعني لازم نبيع سيارتنا او نتسلف عشان نسافر نتعالج؟


واللي ذابحني الوزراء مايمرضون ؟ مايروحون للطواريء ؟؟ عيالهم مايروحون لطواريء؟ مايشوفون اللي نشوفه ويبدون ملاحظاتهم في مجلس الوزراء؟





اخر شي باقوله تكفى يابو مشعل والله وبالله أني على يقين أنك لا تعلم بما يحصل لنا ، واناشد اي شخص يقدر يكون على صله بسموه يوصل رسالتنا



حترامي

[روح الاطلس]

للعلم


اعرف واحد من الربع راح المستشفى اليوم الاحد 13/6/2010 وكان تشخيصه ( نزيف في المعده ) ومن الساعه 12 ونص الين الساعه 2 ونص مالقى سرير في استقبال الطواريء

اخر شي تعب نفسيا وجسديا ورجع للبيت
والمصيبه الدكتور الاجنبي قال بتروح كيفك !!!

شدعوه !! أحنا قطاوه ؟ في بلادنا مانحصل سراير ؟ ولا عنايه ؟ ولا طب


يعني لازم نبيع سيارتنا او نتسلف عشان نسافر نتعالج؟


واللي ذابحني الوزراء مايمرضون ؟ مايروحون للطواريء ؟؟ عيالهم مايروحون لطواريء؟ مايشوفون اللي نشوفه ويبدون ملاحظاتهم في مجلس الوزراء؟


لا طبعا ... على طول طيارة خاصة خمس ساعات الا هو في ارقى مستشفى بالعالم :) لذلك مايحسون ولا يدرون

قصوا علينا بمدينة طبية ومن يوم خلصت الاسياد الى اليوم 4 سنوات والمباني جاهزة وما فتحوها ! ولا تسألني عن الاسباب :secret:


اخر شي باقوله تكفى يابو مشعل والله وبالله أني على يقين أنك لا تعلم بما يحصل لنا ، واناشد اي شخص يقدر يكون على صله بسموه يوصل رسالتنا



حترامي



هتان اجل اش بتقولين وفيه توقعات ان يصل عدد سكان قطر الى مليونين بحلول منتصف 2011 !!! مليون و800 ألف منهم اجانب وكلهم على مستشفى حمد ( مع انواع واشكال الامراض الغريبة والنادرة من كل جنسيات العالم ) وعاد تزاحم يالمواطن المسكين مع هالجنسيات في الطواريء وألقط ماشاء الله من الفيروسات النادرة :)

[روح الاطلس]

بس تدرون والله عيب كبير ان اسمه مستششفى حمد ( يحمل اسم قائدنا ) وهو بهالمستوى اللي يفشل !! والسمعه سيئة

دائماً في بلد اي مستشفى يحمل اسم ( اميري ) يكون هو الافضل على مستوى الدولة ومايتعالج فيه الا بالتحويل والحالات المستعصية فقط والطارئة

لكن الحال عندنا مقلوب!

[هتـان قطر]

اي والله قهر .. ملينا من الفنادق مادري ليش ربعنا يفكرون ان السياحه يعني فنادق

والله احسن لهم لو يسون مستشفى عالمي كبير و متطور ينفع البلاد و العباد و كل الناس بتعالج عنده حتى من برع قطر

و الدوله بتستفيد بتعالج المرضى و بيسكون في الفنادق

مستشفى حمد مهزله و مذله .. ساعات والله مانحصل غرفه لجدي .. و اذا نبي علاج في الخارج قالو مافي ميزانيه
و لا انتظرو دوركم بعد شهوووووووووور .. ياناس هذا مريض ولازم يتعالج بسرعه ..

شدعوه مافي ميزانيه الفايض 9 مليار وين راحت ..!!

حسبي الله و نعم الوكيل



والامثلة كثيرة اخوي بربري..الله يكون في عون المواطن القطري..المريض :(

[الموضوعي]

مثل ماقال احد المحلل الاقتصاديين ان اللي يحصل في قطر مشروع تجاري لخدمة الوزراء التجار وليس تنمية حقيقة يستفيد منها المواطن البسيط

[صمت 1]

الصبر الصبر ليش مستعجلين تبون مستشفيات وشوارع وبيوت شعبيه وبرلمان واسقاط الديون

وزياده الرواتب وتعديل قانون الموارد البشريه وزياده عدد المدارس الحين

الاجيال القادمه محتاجه اكثر منكم اما جيلنا الحالي عليه السلام استحملو لاجل الاجيال القادمه

الجود من الموجود

[الجني]

اللهم لك الحمد و الشكر و المنه

من كم يوم وديت ولدي عيادة الدوحة

و قفت في الطابور و كنت القطري الوحيد

و كل الأجانب في يدهم بطاقة تأمين صحي

و عندما وصل دوري سألتني

الموظفة : عندك تأمين

قلت : لا

الموظفة : روح ادفع عند الكاونتر

رحت و دفعت و الأجانب رافعين حواجبهم متعجبين ينظرون الي

كان شعور غريب و عجيب

تضاربت فيه مشاعري حول

بلدي , وطني , غترتي و عقالي

انا قدرت ادفع فما بال غيري من ابناء بلدي

احتبست الدمعه في عيني و انا اكتب هذه السطور

[فلتة زمانها]

شفيكم مستعيلين الحين في الميديكال سيتي يجهزون 3 مستشفيات
مستشفى خاص بالنساء والولاده ومستشفى خاص بالاطفال والثالث
عام وبيتحول مستشفى الولاده القديم الى مستشفى خاص للعظام والطواريء
وراح تكون مِنْ المستشفيات العالميه بشهادة لجنة الجي سي اي الامريكيه
بتقولون ليش تاخروا 4 سنين لانه المنشئات كانت مِنْ داخل اي كلام والحين يجهزونها
بشكل طبي هاي غير البحث عن الاف الستاف مِنْ الكادر الطبي اللي يتعاقدون معاهم مِنْ الدول الثانيه المشكله انه الاهتمام بالقطاع الصحي مب ذاك الزود يعني مستشفى
الوكره المفروض يفتح هالسنه واهوا للحين قيد الانشاء وتوقف لفتره معينه بسبة
الميزانيه على قولتهم !!

[بوخالد911]

تحياتي قبل ان تطير ملياراتي ..:nice:

:nice::):):victory::):nice:

[jo0ory.56]

اللهم لك الحمد و الشكر و المنه

من كم يوم وديت ولدي عيادة الدوحة

و قفت في الطابور و كنت القطري الوحيد

و كل الأجانب في يدهم بطاقة تأمين صحي

و عندما وصل دوري سألتني

الموظفة : عندك تأمين

قلت : لا

الموظفة : روح ادفع عند الكاونتر

رحت و دفعت و الأجانب رافعين حواجبهم متعجبين ينظرون الي

كان شعور غريب و عجيب

تضاربت فيه مشاعري حول

بلدي , وطني , غترتي و عقالي

انا قدرت ادفع فما بال غيري من ابناء بلدي

احتبست الدمعه في عيني و انا اكتب هذه السطور



صحيح أخي الجني أكثر شيء يقهر ... احنا ندفع دم قلوبنا ... ونحاول نطلع بأقل سعر ...

وهم ولا هامهم لو صبع يعورهم سووا فحص شامل دام الدفع مب من جيبهم ... الله المستعان

...

[المليونير الفقير]

شفيكم مستعيلين الحين في الميديكال سيتي يجهزون 3 مستشفيات
مستشفى خاص بالنساء والولاده ومستشفى خاص بالاطفال والثالث
عام وبيتحول مستشفى الولاده القديم الى مستشفى خاص للعظام والطواريء
وراح تكون مِنْ المستشفيات العالميه بشهادة لجنة الجي سي اي الامريكيه
بتقولون ليش تاخروا 4 سنين لانه المنشئات كانت مِنْ داخل اي كلام والحين يجهزونها
بشكل طبي هاي غير البحث عن الاف الستاف مِنْ الكادر الطبي اللي يتعاقدون معاهم مِنْ الدول الثانيه المشكله انه الاهتمام بالقطاع الصحي مب ذاك الزود يعني مستشفى
الوكره المفروض يفتح هالسنه واهوا للحين قيد الانشاء وتوقف لفتره معينه بسبة
الميزانيه على قولتهم !!

الله يسمع منج اختي

[Google]

لو يجيبون دكاترة عالميين وسنعيين يعني علماء يعرفون شي يسوون في جميع التخصصات والله تشوفين الناس من جميع العالم اييون قطر عشان يتعالجون صج ان رواتبهم بتكون غالية بس شوفي الفلوس اللي بدش البلد وهذا ينعش السياحة في الدولة صج انهم بياكلون هوا من الجو والرطوبه بس زين يتغير الجلد عندهم ويتجدد ( أشدعوه أفاعي مب أوادم). وتحصل الفنادق ناس تسكنها والمتاحف ناس تزورها وكل معلم سياحي يحصل الناس اللي تبي تشوف قطر وشنو اللي فيها. أشرايج مب فكره.؟ بس ها يقولون لي عشان افتح مكتب طبي لترجمه لجميع الجنسيات هههههه حق سفاراتهم

[فلتة زمانها]

لو يجيبون دكاترة عالميين وسنعيين يعني علماء يعرفون شي يسوون في جميع التخصصات والله تشوفين الناس من جميع العالم اييون قطر عشان يتعالجون صج ان رواتبهم بتكون غالية بس شوفي الفلوس اللي بدش البلد وهذا ينعش السياحة في الدولة صج انهم بياكلون هوا من الجو والرطوبه بس زين يتغير الجلد عندهم ويتجدد ( أشدعوه أفاعي مب أوادم). وتحصل الفنادق ناس تسكنها والمتاحف ناس تزورها وكل معلم سياحي يحصل الناس اللي تبي تشوف قطر وشنو اللي فيها. أشرايج مب فكره.؟ بس ها يقولون لي عشان افتح مكتب طبي لترجمه لجميع الجنسيات هههههه حق سفاراتهم
لالالا عقب الناس بتتحلطم شوفوا راتب الدكتور الاجنبي
مايدرون انه هالدكتور ترك بلاده والجو العجيب والطبيعه اللي هو عايش
فِيهَا وجا عندنا حق الرطوبه والشوارع المحفره والعمال هههههه
اتغشمر

[وطن]

شفيكم مستعيلين الحين في الميديكال سيتي يجهزون 3 مستشفيات
مستشفى خاص بالنساء والولاده ومستشفى خاص بالاطفال والثالث
عام وبيتحول مستشفى الولاده القديم الى مستشفى خاص للعظام والطواريء
وراح تكون مِنْ المستشفيات العالميه بشهادة لجنة الجي سي اي الامريكيه
بتقولون ليش تاخروا 4 سنين لانه المنشئات كانت مِنْ داخل اي كلام والحين يجهزونها
بشكل طبي هاي غير البحث عن الاف الستاف مِنْ الكادر الطبي اللي يتعاقدون معاهم مِنْ الدول الثانيه المشكله انه الاهتمام بالقطاع الصحي مب ذاك الزود يعني مستشفى
الوكره المفروض يفتح هالسنه واهوا للحين قيد الانشاء وتوقف لفتره معينه بسبة
الميزانيه على قولتهم !!

اختي في تطورات كبيرة وجديده على اللي قلتيه

والسبب طبعا ما يرجع للنقطة اللي ذكرتيها ان المباني اي كلام من داخل

المباني مبنيه لاستقبال المستشفيات من ايام الاسياد

وسبب التأخير هو تحويل مستشفى العظام والكسور الى مستشفى نساء وولاده
وهذا مب شي بسيط انهم يغيرون كل التصاميم ويراجعون كل المتطلبات
ياخذ وقت كبير


وبعد في اشياء الواحد ما يبي يتكلم فيها




وبالنسبة لمستشفى الوكرة
قريب جدا على قولتهم

[هتـان قطر]

الله المستعان ،، اذا سوو مستشفى نبي الطاقم الي فيه يكونون فاهمين شغلهم صح يكون في اهتمام وعنايه شفايده المبنى والاجهزة بدون اهتمام ورعايه

والله الدوحه في مستشفاتها تمتلك اجهزة وادوات ما شفتها بالمستشفيات الي يبعثونه لها بالخارج ،، لكن وين العنايه والاهتمام ،،الله المستعان


شنسوي اختي قطرية على الاقل مأوى يأوي المرضى القطريين..:(

[هتـان قطر]

للعلم


اعرف واحد من الربع راح المستشفى اليوم الاحد 13/6/2010 وكان تشخيصه ( نزيف في المعده ) ومن الساعه 12 ونص الين الساعه 2 ونص مالقى سرير في استقبال الطواريء

اخر شي تعب نفسيا وجسديا ورجع للبيت
والمصيبه الدكتور الاجنبي قال بتروح كيفك !!!

شدعوه !! أحنا قطاوه ؟ في بلادنا مانحصل سراير ؟ ولا عنايه ؟ ولا طب


يعني لازم نبيع سيارتنا او نتسلف عشان نسافر نتعالج؟


واللي ذابحني الوزراء مايمرضون ؟ مايروحون للطواريء ؟؟ عيالهم مايروحون لطواريء؟ مايشوفون اللي نشوفه ويبدون ملاحظاتهم في مجلس الوزراء؟





اخر شي باقوله تكفى يابو مشعل والله وبالله أني على يقين أنك لا تعلم بما يحصل لنا ، واناشد اي شخص يقدر يكون على صله بسموه يوصل رسالتنا



حترامي



الحديث يطول وانا اختك..والله ندعي من كل قلوبنا ان المواطن ما تكون روحه رخيصة

لهالدرجة عند مسؤولينا وولاة امرنا..

البلد في خير ونعمه..وما نقصها الا الاهتمام بالمواطن وبصحته وراحته..والا ليش السعي

والعمل..ما دام ما نستفيد منها شي !!!!

[سهوم المنايا]

انا مرة زرت واحد من الاهل من هل السعودية في مستشفى الحرس الوطني

المستشفى هذا بس يخدم العساكر والاقرباء لهم من الدرجة الاولى

مستشفى عالمي بصراحة من حيث الطاقم الطبي ومن حيث كل الامور

[هتـان قطر]

هتان اجل اش بتقولين وفيه توقعات ان يصل عدد سكان قطر الى مليونين بحلول منتصف 2011 !!! مليون و800 ألف منهم اجانب وكلهم على مستشفى حمد ( مع انواع واشكال الامراض الغريبة والنادرة من كل جنسيات العالم ) وعاد تزاحم يالمواطن المسكين مع هالجنسيات في الطواريء وألقط ماشاء الله من الفيروسات النادرة :)


بس تدرون والله عيب كبير ان اسمه مستششفى حمد ( يحمل اسم قائدنا ) وهو بهالمستوى اللي يفشل !! والسمعه سيئة

دائماً في بلد اي مستشفى يحمل اسم ( اميري ) يكون هو الافضل على مستوى الدولة ومايتعالج فيه الا بالتحويل والحالات المستعصية فقط والطارئة

لكن الحال عندنا مقلوب!


اذا بهذا العدد ومستشفى حمد غير قادر على استيعابهم

فكيف بزيادة مليون..لا بالله رحنا فيها..الله لا يحوجنا لهم :secret:


والله بجد نتمنى وزارة الصحة تتطور وتنشئ مستشفيات وعدم الاعتماد

على مستشفى حمد بس..هذا غير الكفاءات الطبية اللازمة

[هتـان قطر]

مثل ماقال احد المحلل الاقتصاديين ان اللي يحصل في قطر مشروع تجاري لخدمة الوزراء التجار وليس تنمية حقيقة يستفيد منها المواطن البسيط

اشهد بأنه صادق .. محد ما كلها الا الهوامير

اما العفاطي..عليهم السلام :(

[هتـان قطر]

الصبر الصبر ليش مستعجلين تبون مستشفيات وشوارع وبيوت شعبيه وبرلمان واسقاط الديون

وزياده الرواتب وتعديل قانون الموارد البشريه وزياده عدد المدارس الحين

الاجيال القادمه محتاجه اكثر منكم اما جيلنا الحالي عليه السلام استحملو لاجل الاجيال القادمه

الجود من الموجود


الجود من الموجود..طيب واذا كان الموجود فااااايض وينطرش برا البلاد

ويستفيد منه غيرنا..ما تحس بقهر

[بوحارب]

الله يرحم والديكم نبي مستشفى واحد بس يشعرنا ان احنا في بلد متقدم

ويحفظ كرامتنا كمواطنين


:(

[فلتة زمانها]

اختي في تطورات كبيرة وجديده على اللي قلتيه

والسبب طبعا ما يرجع للنقطة اللي ذكرتيها ان المباني اي كلام من داخل

المباني مبنيه لاستقبال المستشفيات من ايام الاسياد

وسبب التأخير هو تحويل مستشفى العظام والكسور الى مستشفى نساء وولاده
وهذا مب شي بسيط انهم يغيرون كل التصاميم ويراجعون كل المتطلبات
ياخذ وقت كبير


وبعد في اشياء الواحد ما يبي يتكلم فيها




وبالنسبة لمستشفى الوكرة
قريب جدا على قولتهم
اي قريب جدا هالكلام سمعته مِنْ يوم ماتخرجت مِنْ 2008
لين مايخلصون المستشفى ويجهزون الستاف اقل شيء سنه
الحين مستشفى الكاردياك شغال ويداومون فيه الستاف مِنْ شهر 2 بس
للحين ما افتحوه بشكل رسمي كان خاطري اداوم فيه بس دوام الشفتات صعب علي:(

[محمد2]

اي قريب جدا هالكلام سمعته مِنْ يوم ماتخرجت مِنْ 2008
لين مايخلصون المستشفى ويجهزون الستاف اقل شيء سنه
الحين مستشفى الكاردياك شغال ويداومون فيه الستاف مِنْ شهر 2 بس
للحين ما افتحوه بشكل رسمي كان خاطري اداوم فيه بس دوام الشفتات صعب علي:(

:nice::nice::nice:

[هتـان قطر]

اللهم لك الحمد و الشكر و المنه

من كم يوم وديت ولدي عيادة الدوحة

و قفت في الطابور و كنت القطري الوحيد

و كل الأجانب في يدهم بطاقة تأمين صحي

و عندما وصل دوري سألتني

الموظفة : عندك تأمين

قلت : لا

الموظفة : روح ادفع عند الكاونتر

رحت و دفعت و الأجانب رافعين حواجبهم متعجبين ينظرون الي

كان شعور غريب و عجيب

تضاربت فيه مشاعري حول

بلدي , وطني , غترتي و عقالي

انا قدرت ادفع فما بال غيري من ابناء بلدي

احتبست الدمعه في عيني و انا اكتب هذه السطور


مالومك اخوي الجني اذا غصتك العبرة..ترى كل هذا من محبتنا لبلادنا

وغيرتنا عليها ..ومهما توافد عليها الاجانب من كل صوب بهدف تطويرها

بتظل بلادنا غالية علينا حتى لو رجعنا مئات السنين ورى..

مانبي تطور وحضارة تبنى بايدي اجنبية ..احنا اولى بها واولى بخيرها

اللي بالقلب اكثر من اللي يطلع على اللسان..:(

[بوسلمان 2010]

الي بيونا الله يسلمكم هم الي شايلين امراض هذي الدنيا وبينشورنوها عندنا الله يعيينا والمستشفيات الله المستعان والاجنبي مستشفى خاص هو واعياله وتامين صحي ومدارس خاصه وتذاكر كل سنه والمواطن الله يصبره على مابلاه ربه واغلاط المستشفيات الحكوميه ترى الواحد بيقصر عمره من سبت الهم الله المستعان

[نعيمه علي]

مع كل ما سوف يتم إنجازه في قطر
فعلا نحتاج إلى مستشفى كبير وبه كادر متميز

معكِ هتان وأضم صوتي إلى صوتكِ

اطيب تحياتي
اختك نبض


.

[بوسحيم]

انا اتعالج في مستشفى العمادي
لكن اتمنى يعطوني تأمين صحي عشان ماطب مستشفى حمد كلشششششششش

[هتـان قطر]

شفيكم مستعيلين الحين في الميديكال سيتي يجهزون 3 مستشفيات
مستشفى خاص بالنساء والولاده ومستشفى خاص بالاطفال والثالث
عام وبيتحول مستشفى الولاده القديم الى مستشفى خاص للعظام والطواريء
وراح تكون مِنْ المستشفيات العالميه بشهادة لجنة الجي سي اي الامريكيه
بتقولون ليش تاخروا 4 سنين لانه المنشئات كانت مِنْ داخل اي كلام والحين يجهزونها
بشكل طبي هاي غير البحث عن الاف الستاف مِنْ الكادر الطبي اللي يتعاقدون معاهم مِنْ الدول الثانيه المشكله انه الاهتمام بالقطاع الصحي مب ذاك الزود يعني مستشفى
الوكره المفروض يفتح هالسنه واهوا للحين قيد الانشاء وتوقف لفتره معينه بسبة
الميزانيه على قولتهم !!

وش ورانا اختي فلتة ..بننتظر اهم شي نصفى على مستشفى عدل مثل العالم

واهم اهم نقطة هي الكادر الطبي..ان شالله يتوفقون في اختيارة

[مضاربه]

ماعندنا مستشفى عدل حتى سباير الدكاتره الي فيه تعبانين لعبو في اعصابي لعبه ياربي ليش بلادنا تسوي فينا جذي تبهدلنا في الخارج مايعالجونا حتى لو رحنا على حسابنا وهني تشخيص غلط وحالتنا حاله