سعودية توافق لزوجها بـ "ثانية" مقابل كيلو ذهب

[الخارجية]

وافقت زوجة سعودية على رغبة زوجها في الزواج من أخرى مقابل كيلو ذهب يقدر ثمنه بـ 150 ألف ريال ( 40 الف دولار تقريبا).


وقالت صحيفة(عناوين) السعودية الإلكترونية امس إن الزوج صارح زوجته برغبته في الزواج من امرأة أخرى وكي يرضيها ويحصل على موافقتها على الزواج اصطحبها إلى سوق الذهب .


وتابعت الصحيفة:"وهناك طلبت الزوجة من البائع أثقل طقم في المحل بغض النظر عن الشكل الجمالي فقال لها البائع إن أثقل ما لديه يصل وزنه إلى كيلو من الذهب فسألته عن سعره فأجاب، 150 ألف ريال، فوافقت الزوجة على شرائه مما أذهل الزوج الذي توقع أن تختار زوجته طقم ذهب في حدود 20 ألف ريال ليقع في ورطة لم يكن يتوقعها، ولكن كي يتزوج المرأة الثانية أضطر الزوج إلى دفع قيمة الكيلو" .


وأوضح بدر بن صالح العقيلى مدير احد فروع الذهب أن" الزوج دفع أمام زوجته عربون 10 آلاف ريال، وعاد في اليوم الثاني ودفع باقي المبلغ وهو غاضب منهي وقال :ورطتني كنت أعطيتها طقم بحدود 20 ألف ريال لماذا أخبرتها عن الكيلو؟!".

[ميموري]

بصراحه زين سوت فيه

كسر خاطرها اغلى من 150 الف

بس الرجال عشان (سكره ساعه) مستعد يسوي اي شي

وهي شاطره استغلت هالشي

عفيه عليها

(بس وين الكبد القويه اللي بتبلعه عقب)

وماعتقد رجال بيفتح بيتين بيتغالى الـ 150الف

دامك مب قد الشغله لا تبدى فيها

صارت موضه ان الرجال يعدد

حتى لو هو بالرجوله بس (شكل)

مثل اغلبية شبابنا

ولا تقولون عنوسه وماعنوسه

هذي تبرييرات كذب

اللي يخاف على بنات بلاده من العنوسه مايخلي الكبار ويتزوج الصغار

ولا يخلي الفقيره ويتزوج الغنيه

وجهة نظر واتمنى ماجرحت حد

واللي على راسه ريشه < شيسوى بها؟؟

[هتـان قطر]

ان كيدهن عظيم..:funny:

وهو ماشالله دام انه حاط فكرة الزواج في راسه...بيدفع عساه مليون

[STAR]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:

[هتـان قطر]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:

شوفي ستار الوحدة تعرف زوجها عدل..اذا يستاهل ومعدنه طيب وقايم بكل واجباته

ما فيها شي..مرده بيرجع وما الحب الا للحبيب الاولي..

اما ان كان عله وعال قلبي....لا بالله فرقاه عيد وزين جات منه ..فكة

[ابو محمد7]

بصراحه زين سوت فيه

كسر خاطرها اغلى من 150 الف

بس الرجال عشان (سكره ساعه) مستعد يسوي اي شي

وهي شاطره استغلت هالشي

عفيه عليها

(بس وين الكبد القويه اللي بتبلعه عقب)

وماعتقد رجال بيفتح بيتين بيتغالى الـ 150الف

دامك مب قد الشغله لا تبدى فيها

صارت موضه ان الرجال يعدد

حتى لو هو بالرجوله بس (شكل)

مثل اغلبية شبابنا

ولا تقولون عنوسه وماعنوسه

هذي تبرييرات كذب

اللي يخاف على بنات بلاده من العنوسه مايخلي الكبار ويتزوج الصغار

ولا يخلي الفقيره ويتزوج الغنيه

وجهة نظر واتمنى ماجرحت حد

واللي على راسه ريشه < شيسوى بها؟؟

اعتقد من الخطأ التعميم هني ! انا اقصد عبارة " عشان سكرة ساعه "

مب كل من يعدد يكون دافعه سكرة ساعه او نزوة مثل مايقولون ربما يكون البعض او قلة

التعدد قرار كبير ويعني تحمل اعباء اسرة ثانية بكل مسؤلياتها وهالشي يحتاج مضاعفة للوقت والجد والانفاق

مانبي نخوض في موضوع التعدد ماراح نستفيد وايد

للعلم فقط انا مب من المشجعين على التعدد ولكن طبعا اقبله واحترمه لان الدين اباحه

[meme~qatar]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:


هههههههههههه

وانا بعد:nice:

[رذاذ]

موضوع مكر ر ر ر ر ..
والشرع حلل اربعه.

شالمشكله يعني لو تزوج الواحد على زوجته الا في سبب الا اسباااااااااااااب لجل يخطي هالخطوة ..

فالاحسن من المراه تكون ايجابيه وتكفي تطفيش بسلوبها او بتجاهلها لزوجها . ومب غلط لو الواحد رجع شبابه من جديد ^_^ :)

الى حاب بعطيه رقم خطاابه

[الخارجية]

ليش مكرر

[STAR]

شوفي ستار الوحدة تعرف زوجها عدل..اذا يستاهل ومعدنه طيب وقايم بكل واجباته

ما فيها شي..مرده بيرجع وما الحب الا للحبيب الاولي..

اما ان كان عله وعال قلبي....لا بالله فرقاه عيد وزين جات منه ..فكة


موضوع مكر ر ر ر ر ..
والشرع حلل اربعه.

شالمشكله يعني لو تزوج الواحد على زوجته الا في سبب الا اسباااااااااااااب لجل يخطي هالخطوة ..

فالاحسن من المراه تكون ايجابيه وتكفي تطفيش بسلوبها او بتجاهلها لزوجها . ومب غلط لو الواحد رجع شبابه من جديد ^_^ :)



هم بعد بتم متمسكة برأيي ...:tease:

[ميموري]

ومب غلط لو الواحد رجع شبابه من جديد ^_^ :)




اي شباب يرجع؟؟

هذي اكبر كذبه عايشينها

لو الواحد يترك الصبغ ويجابل ويهه بالمرايه ويشوف اي شباب يرجع؟؟

اذا في فترة الشباب الله بالخير

عيل لشيب شيكون؟؟

هذا الكلام لشيابنا قبل

كان الواحد يتزوج من هو في الطعش (17-18-19)

وعقب 20 سنه تكون حرمته يابت له (15 ولد)

ويكون عمره (37-38-39)

بس الحين وين؟؟

الواحد مايتزوج الا انبيره صاك الثلاثين اذا مو الاربعين

بعد 20 سنه كم يكون عمرك؟؟؟؟

ومافيه الا ولدين والا بالكثيييير 3

الله بالخير يالشباب

<< بعض الناس بينطقون اليوم:secret:

[كازانوفا]

يعني ما عرف يرجع شبابه الا مع زوجه جديده يا سبحان الله

لهدرجه الزوجه الاولى بتكون خلاااااص انهت صلاحيته وبيجددها مع غيرها مش معها

والله عشنا وشفنااااا

[ابو محمد7]

انا ما اشوف ان موضوع التعدد موضوع للنقاش وكل واحد يقول رايه مع او ضد ! الله سبحانه وتعالى شرع التعدد يعني احنا بنعترض عليه وكل واحد يقول اسبابه ويحاول يقنع الناس !

التعدد مباح ولكن مب معناه ان كل انسان لازم انه يعدد !

اللي يقدر يكون مسؤول عن عائلتين وعنده الوقت والجهد والمال وراح يعدل بينهم في هالاشياء الثلاثة بيصرف عليهم وبيقوم فيهم من كل الجوانب وبيهتم بتربية عياله كلهم ومايقصر بشي الله يوفقه لكن محد يختلف على ان هالشي صعب جدا جدا هاليومين ويحتاج الى جهد كبير.

مرة اخرى انا مب من مؤيدين التعدد لكن هذا حكم الدين ولازم نقبله

[ماريسا]

شوفي ستار الوحدة تعرف زوجها عدل..اذا يستاهل ومعدنه طيب وقايم بكل واجباته

ما فيها شي..مرده بيرجع وما الحب الا للحبيب الاولي..

اما ان كان عله وعال قلبي....لا بالله فرقاه عيد وزين جات منه ..فكة

شالفايدة اذا العين مب مليانة :omen2:

[ماريسا]

عموماً هالمرة ذكية و بتكون اذكى لو بعدها طلبت الطلاق :nice:

[ضوى]

مسكين هالزوج لانه زوجته قدرته ب150 الف بس !!!!!!!!!!

[المقهوره]

لو انا ماطلبت درهم

لاني ماراح اوافق ابدااااااااااااااااااااااااااااااااااااااااااااااا ااااااااااااااااااااااااااا على زوجه ثانيه

[H.Alrumaihi]

موضوع التعدد راجع للرجل والمرأة في نفس الوقت ..
اذا كان الرجل يعرف من نفسه انه راح يخرب بيته الاول ويخرب علاقته بزوجته الاولى .. لايتزوج
اما اذا يدري ان مرته بتوافق وهو مب مقصر معاها .. ويعرف ان بيقدر يتحكم في البيتين في نفس الوقت .. الامر راجعله

واما العدل مالعدل فالله عزوجل يقول .. " ولن تستطيعوا ان تعدلوا بين النساء ولو حرصتم .. "

بالنسبة لعمر الرجل هذا امر انا دائما اناقش فيه الشباب .. يقولك العمر المفترض والمناسب 25 ..
بالنسبة لي اعتبر عمر كبير .. والحل هو نرجع على ايام قبل كانو يتزوجون واعمارهم 18 او 19 او اقل يمكن
اما هالزمن الله المستعان بس

[BuFaisal]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:

ان كان الزوج سيعدل بين الاثنتين فلا مانع من زواجه شرعيا
وبكل اسف اسلوب الحريم الذي اخترتيه هو سبب العناد وكثرة الطلاق والعقل زينة
اذا قرر الزوج يثني ما راح تمنعينه باسلوبج هذا بل سيسلك اسلوب اخر مثل المسيار او زواج بدولة اخرى حتى لا يخسرك

[tulepq]

زين بعد منه عطاها ويه ورد لها الشور ..

ولا أبسط ما فيها كان عرس وإنتهى الأمر ..

بس هو اللي يكسر الخاطر مسكين ..


سؤال جانبي للشباب : لو واحد منكم قرر يتزوج ال2 بيشاور زوجته ؟؟ وبرضووووه بعد كبيره مثل هذي ؟؟

لو تام على الأولى مب أخير لك ؟

[يراعٌ فراتي]

الشرع حلل 4

بتندم وخل الكيلو ينفعها
بكرة يعايرها وكل ما بطلت حلجها
بيقول لها كيلووووووووووو الذهب

هذا اذا ما سمها

بام كيلو

[كركم]

انا اشوف ان تصرفها ذكي..زوجها في كل الأحوال بيتزوج...عاد يتزوج بحسرة وقهر....ولا يتزوج بحسرة وقهر وكيلوا ذهب...اكيد الثانية

[بـــــــنت النوخـّــــذه]

اههههههههههه المره ينقص عليها بسرعه :)

سمعت عن وحده بعد في الدوحه زوجها خذ الثانيه وطلبت منه يشتري لها فيلا وسياره ويكتبهم باسمها مقابل السكوت :nice:

يلا الله يستر عليهم 00

بس سؤال: ليش المرأه تتطلب هذه الاشياء مقابل الموافقه على الزوجه الثانيه ؟؟ يعني ليش تطلب شي متعلق بالماده ؟؟؟

هل حد سمع بطلبات اخرى غير الماده افيدونا افادكم الله

[ميموري]

اههههههههههه المره ينقص عليها بسرعه :)

سمعت عن وحده بعد في الدوحه زوجها خذ الثانيه وطلبت منه يشتري لها فيلا وسياره ويكتبهم باسمها مقابل السكوت :nice:

يلا الله يستر عليهم 00

بس سؤال: ليش المرأه تتطلب هذه الاشياء مقابل الموافقه على الزوجه الثانيه ؟؟ يعني ليش تطلب شي متعلق بالماده ؟؟؟

هل حد سمع بطلبات اخرى غير الماده افيدونا افادكم الله

اقل شي تلعب ع المضمون

هو رايح رايح

اقل شي تكسب شي وعقب .....

اخاف اقول الكلمه يشوتوني انا من المنتدى

<< والله ان تنطق اليوم لو يقرى زوجها هالكلام

[بـــــــنت النوخـّــــذه]

اقل شي تلعب ع المضمون

هو رايح رايح

اقل شي تكسب شي وعقب .....

اخاف اقول الكلمه يشوتوني انا من المنتدى
<< والله ان تنطق اليوم لو يقرى زوجها هالكلام


قولي وعلى ضمانتي اههههههههههههه<<<<انا وياج باند اليوم :nice:

[أ التميمي]

تسلميييييييين يالغاليه

[سحـابة خيـر]

:nice:

يعطيها العافيه

لو طلبت اكثر جان زيييين :omen2:

لاهنت يالخارجيه:victory:

[عضو نشيط]

يا جماعه صدقوني مهما الرجل فكر بالثانية فبكل الأحوال يرجع السبب من الأولى أكيد مقصره في حقه وهي ماراح تحس لأنها في دنياها
>
>
>
>

لا هـــــــيـــــــــه

[هدهد سليمان]

تستاهل تستاهل :)

[حقيقه]

ردينا للمواضيع اللي تنرفز

كيلو ذهب بهالوقت ولا شيء
المفروض اطلع عيونه قبل ماتسمح له بالزواج من الثانيه

يعني ماتخلي شيء ينقصها من ضروريات الحياه وحقوقها

ومن الافضل انها عقب ماتخليه يفلس تطلب الطلاق وتخليه يولي يروح يرد شبابه مع الثانيه يعله مايرد

يعني هو يرد شبابه وهي تكون الضحيه

[babyskin]

شاطرة وبعدين عادي ممكن تسويله
كيك اوت

[مشتاقة لقطر]

من فترة وحدة سعودية كانو كاتبين قصتها بالنت

اطلبت بيت باسمها ومن سجله باسمها طلبت الطلاق يوم طلقها تزوجت واحد ثاني وجابته بالبيت يسكن معاها

انقهر وودوه العيادة النفسية من القهر

[رايق]

لو على كيلو ذهب .. مب مشكله

الخوف الطلبية تكون كيلو يورانيوم مخصب عالي الجودة للأستخدام العسكري
:shy:

[بنت^البحرين1]

كيلو ذهب بس ؟؟ جان كاسرة ظهره وقاصفة عمره وشاريه الماس

بس بصراحة هي مالعبتها صح .. الحين وناسة الكيلوو جم يوم .. لكن لين يات ليلة عرسه والله قلبها بيولع ناررر من الحرة .. مابتقدر

[قطرية مثقفة]

هههههههههههههههه ردودكم واااايد حلوة ،،،،،،،،،،، :nice:

[حقيقه]

من فترة وحدة سعودية كانو كاتبين قصتها بالنت

اطلبت بيت باسمها ومن سجله باسمها طلبت الطلاق يوم طلقها تزوجت واحد ثاني وجابته بالبيت يسكن معاها

انقهر وودوه العيادة النفسية من القهر


احسسسسسسسسسسن زين ماسوت

[الخارجية]

:nice:

يعطيها العافيه

لو طلبت اكثر جان زيييين :omen2:

لاهنت يالخارجيه:victory:

يشرفني مرورك lce-Tea

[بو خليفه 123]

عشان كذا سعر الذهب مرتفع بالسوق ..


فكره طيبه اذا كم كيلو ذهب بيزوجنا ال 4 :nice:

[هند88]

هههههههههههههههههههههههههههههه
ذكيه..

[PRINCESS]

كيلو ذهب ويروح يتزوج؟:rolleyes2:
يااااارخص الرخص:tease:
حلوه ابيع واشتري بالبشر وبكيان عائلي كامل بكيلو ذهب
ال2 مايسوون بنظري
لا المره ولا الرجال

[نور الحور]

وينكم يا مكافحة الاتجار بالبشر .....؟؟؟؟؟؟؟؟؟؟؟:telephone:
هههههههههههه

موضوع يقهر ما أواطن مواضيع التعدد ترفع الضغط :anger1:

[%حورية قطر%]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:

:nice::nice::nice::nice::nice::nice:

احم وانا بعـــــــــــد :victory:

بس هي غبيه المفروض عقب ما شرالها الذهب تطلب الطلاق لوووووول

[الخارجية]

يشرفني مروركم

[سحابة]

هههههه ... عني شخصيا راح اوافق بزواجه عالثانية بمقابل (( ورقة طلاقي )):secret:


وانا نفسك بعد .. ورقه الطلاق هي الشرط
والمصيبه ان فيه ناس يبخلون على زوجاتهم وعيالهم بس لا جاء يتزوج طلعت الفلووس ياجعله تطلع عيون العدو ..

[الخارجية]

(( ورقة طلاقي )) كلام كبير والله ... اذا تزوج عليها زوجها على طول اتقولة ورقة طلاقي تبغي تعرف قيمتها عند زوجها .. بس داخل القلب ارجوك تحمل اتجيب ورقة الطلاق ههههه عليكم حركات وقت الصج يختلف الكلام ... ودك من البداية اتوفق في زوجة صالحة علشان ماتعدد .. صدقوني البنت اللي فيها خير زوجها يداريها ويخاف عليها .. مايتزوج عليها ويخاف يجرحها ..

[مبارك سعد]

من فترة وحدة سعودية كانو كاتبين قصتها بالنت

اطلبت بيت باسمها ومن سجله باسمها طلبت الطلاق يوم طلقها تزوجت واحد ثاني وجابته بالبيت يسكن معاها

انقهر وودوه العيادة النفسية من القهر

يعني نفس السبب المرأة تغار من الثانية والرجل يغار من الرجل الذي تزوج من مطلقتة لا وجالس في

البيت اللي سجلها بأسمها خخخخخخخخخخخخخ عيل لاتلومون المرة اذا غارت لان الغيرة بعد فيكم ههههههههههه

الحال من نفس الحال