المعرض التجاري في قاعة المعارض

[جوال 11]

في الساعة العاشرة والربع صباحا اليوم تواجدت في المعرض التجاري المقام في قاعة المعارض مع العلم بأن مواعيد العمل الساعة العاشرة إلا أن لا تكاد تحصل على موقف وأزدحام وكثرة المتسوقين .
وما نريد أن تحاور فيه ما اسباب تهافت الناس على التبضع من المعرض ؟
قد تكون من الأسباب :
1- أحتكار التجار المحليين ورفعهم الأسعار حتى وهم يعرضون في المعرض .
2-أسعار مناسبة للبضائح المستوردة من الخارج .
3- تنوع البضائع المستوردة .

[فلفل حار]

آبي عضو واحد يقولي شالآغراض المميزه آلي بهالمعرض ومانشوفها برع ...!



اللهم تجمع كم محل والبيع علي المستهلكين بالآسعـار الدبل ...
آحسن شي ناخذ فكـره عن الآغراض آلي نشوفها هناكـ ونروح نشتريها من نفس المحلات المتوزعه في الدوحه بدال مايضربون علينا دبل السعـر ...

[لمعة الالماس]

المعرض السنة مب حلو معني درته كامل بس ما عجبني والكواليتي للمنتجات صفر

وكل شي قديم ومكرر وشفته العام

رحت ولا خذت شي غير الجبن :)

بس صج المعرض زحمه ومافي مواقف لان مدة المعرض قصيره بيخلص يوم الاربعاء

[عضو نشيط]

أن أشوف السبب الرئيسي للإزدحام هو

....وجود بضائع متنوعه في مكان واحد تغنيك عن اللف والدوران في شوارع الدوحه وزحماتها ،،

وللا السعر والجوده والنوعيه ما أشوف شئ من هالمميزات بالمعرض ،،

وما أقول إلا ،،،، الله يهدي الناس وبالذات الحريم ،،،

:omen2: :tease: :tease: :omen2:

[بـــــــنت النوخـّــــذه]

المعرض هالسنه الاسعار في متناول الجميع يعني (غير مبالغ فيها ) ومتعاونين مع المشتري 00

اما بالنسبه لحلو ولا مهب حلو هذا راجع لذوق كل واحد ومتطلباته لولا اختلاف الاذواق لبارت السلع ^____^

[ميموري]

الحمدلله مارحت له

من وجهة نظري

نصب وعلى عينك ياتاجر

يعني فيه اغراض تنباع برى بارخص اذا ادورون الرخص

واذا الجوده لا اعتقد وجود جوده في بضاعة( تعاد وتعاد وتعاد وتعاد..)

وتنشل من مكان لثاني

والتميز <---- no comment

[رياني qtr]

اقول خلكم على اغراض الحساء ترى هذا حدكم خلو المعارض لهلها

[almaf1a]

المعرض

غالي - زحمه - الكولتي تعبان - تاخذ الشئ اليوم ب150 بكره تحصله نفسه ب 550

[القلم الصريح]

اغلب اللي فالمعرض موجود في زون سنتر

[قطرية7]

مااعرف مارحته لي الحين:rolleyes2:

[ابو محمد7]

انا كل اللي اعرفه ان الاهل يقولون زحمة واقبال كبير

ولحد الحين محد ذكر اسباب او تفسير غير شخص او اثنين !

هل ممكن يكون السبب مجرد شراهة شراء وتسوق !

[لمعة الالماس]

الزحمة لان الناس تحب تشوف شنو الجديد

وشنو البضاعه السنة

وزحمة لان مدة قصيرة وبيخلص

[مشتاقة لقطر]

هو من ناحية الاسباب لتسوقنا احنا الحريم هو اشباع لرغبة الشراء من اجل الشراء فقط

انا وحدة فيني طبع >> ماعتبره ميزة
ماحب ارجع البيت والبوك باقي فيه شي حتى مرات حتى 10 ريال ما ابقيها .. يعني حتى لو بامر دكان نبي شي يكون البوووك زيرووووو


من ناحية المعارض .. عن تفسير سبب الزحمة والغلاء بقطر ..
انه هالمعارض نادرة جدا يعني تقريبا 4 بالسنة

اما دول الخليج مثل الامارات واعتقد الكويت كل يوم فيه معرض بمكان لين الناس مللو من كثرتها والعارضين من قلة الزوار ينزلون بالاسعار للحضيض وهذا في صالح المشتري

[نور اعيوني]

المعرض مب حلو كلشششششش وزحمه على الفاضي وشكله معرض زون سنتر مب معرض تجاري..

[شموع قطريه]

شماطيط واغراض تشيييييب واسعار مبالغ فيها ..

[ابو محمد7]

هو من ناحية الاسباب لتسوقنا احنا الحريم هو اشباع لرغبة الشراء من اجل الشراء فقط

انا وحدة فيني طبع >> ماعتبره ميزة
ماحب ارجع البيت والبوك باقي فيه شي حتى مرات حتى 10 ريال ما ابقيها .. يعني حتى لو بامر دكان نبي شي يكون البوووك زيرووووو


من ناحية المعارض .. عن تفسير سبب الزحمة والغلاء بقطر ..
انه هالمعارض نادرة جدا يعني تقريبا 4 بالسنة

اما دول الخليج مثل الامارات واعتقد الكويت كل يوم فيه معرض بمكان لين الناس مللو من كثرتها والعارضين من قلة الزوار ينزلون بالاسعار للحضيض وهذا في صالح المشتري



الاعتراف بالحق فضيلة

تحية مني للاجابة الصريحة المباشرة اللي نفتقدها

[بنت^البحرين1]

اذا نفس المعرض اللي قالت لي عنه رفيجتي وفيه بحرينيات عرضوا عبايات .. والله مايسوى .. قالت لي عن محل معروف عندنا اقصى شي يبيعون العباة ب 130 دينار ، يعني 1300 ريال .. بس لما يروحون معارض في قطر ترفع السعر العباة اللي تبيعها فالبحرين ب 70 دينار تروح قطر تبيعها ب 130 دينار ..


ترى الكل حفظ هالشي .. ينزل السعر برع وفي قطر يرتفع يوصل للدبل .. لانكم عطيتوا فكرة للناس انكم ماتكاسرون فصاروا يرفعون لان يقولون مردهم بيشترون

[لاجل QT]

وبعد من ضمن الاسباب وجود بضائع متنوعة في مكان واحد يعنى مايحتاي تتنقل من سوق لين سوق ...

[الصريحه]

اقول خلكم على اغراض الحساء ترى هذا حدكم خلو المعارض لهلها

والله الحسا فيه اشياء حلوه وجوده واسعارهم زينه ياليت التجار يتعلمون منهم بس

[الصريحه]

اذا نفس المعرض اللي قالت لي عنه رفيجتي وفيه بحرينيات عرضوا عبايات .. والله مايسوى .. قالت لي عن محل معروف عندنا اقصى شي يبيعون العباة ب 130 دينار ، يعني 1300 ريال .. بس لما يروحون معارض في قطر ترفع السعر العباة اللي تبيعها فالبحرين ب 70 دينار تروح قطر تبيعها ب 130 دينار ..


ترى الكل حفظ هالشي .. ينزل السعر برع وفي قطر يرتفع يوصل للدبل .. لانكم عطيتوا فكرة للناس انكم ماتكاسرون فصاروا يرفعون لان يقولون مردهم بيشترون

والله ندري والشره على مسؤولينا اللي مخلينهم يلعبون علينا التجار اللي داخل واللي برى

[سحابة]

مافكرت اروحه ماحب الاماكن الزحمه مع ان البنات امدحوه وقالو حلو.. واكثر شي مدحوه فيه الدراريع والعبايات.

[شوق الصحاري]

السبب ان جميع البضائع متنوعه وفي مكان واحد..

بس الكثير يقولون ان اسعار المعارض اغلى من بره..والله اعلم..

وربما لان المده قصيره تصير الزحمه اكثر..

وشكرا

[الجني]

انا بنتي اشترت 5 جلابيات بـ 20 ريال الجلابية = 100 ريال

[سحـابة خيـر]

مادري مامدحوه وايد هالسنه

يعني البضايع مكرره

ولا نفس البياعين بعد ,,,دليل ان مافيه اختلاف

بس السبب الرئيسي انه شامل كلشي بمكان واحد ,,بدل الفرفره بالاسواق

[أم نوره]

بالنسبه لي ما شريت الا شيء بسيط
وتوزيعات حق حفلة تخرج بنتي وباالعافيه نزلت السعر
بصراحه الاسعار غاليه وااااااااااااااااااااااااااااااايد عن قبل
وكل ما عجبني شيء اخذت بطاقة المحل وبروح لهم على سعه محلهم احسن اقصد داخل قطر

[الاستثمار]

معرض فاشل

[روح الاطلس]

هل هو نفس العام ؟؟

سؤال طيب ليه كل معرض يجيبون نفس العارضين كل سنة ؟ ونفس الدول ؟

يعني كل سنه مصر وسوريا وايران والعطور حقت الكويت !

يعني خلصوا الدول ؟ وين تونس وين المغرب وين الجزائر

عاد اللي يقهر نشوف 4 او 5 من سوريا وعندهم نفس البضايع ( جلابيات + نعل )
ونفس الحكاية مع المصريين
نلقى اكثر من ستاند ونفس المعروضات

اذكر كانو يجيبون صينيين مدري هالسنة جابوا او لا !!

وليه مايكون المعرض انترناشيونال من كل الدول بدل مو كل سنة جايبين لنا نفس الدول!

[ضوى]

اعتقد توقيت المعرض جدا سئ لانه فترة امتحانات للاسف

شخصيا مارحته ولا اظن اني راح اروح له ، واتوقع راح يصير هالمعرض شهر 8

[مــــلاك]

مارحته ولا افكر اروحه ... لاني ماحب المعارض زحمه وعفسه على شي ما يسوى
واغلب الي راحوه قالوا مكرر ومافيه شي جديد ...

بالنسبه للعبايات البحرينيه .. بصراحه الاسعار مبالغ فيها بشكل خيالي
<<< اتكلم عن المعرض الي صار قبله ونفس المحل سمعت انه موجود حاليا

انا مسويه عبايات في الخبر من فتره ونفس الديزاين
العبايه طلعت علي ب 450 سويت 2 ب 900
وفي المعرض نفسهم نفسهم الوحده ب 1500 :eek5:

والزيج نفسه ينباع في سوق المحرق عند محل العبي ب 80 ريال
واذا زاد 100 يكفي للعبايه وللشيله ونفسه انباع في المعرض الي قبل
مع العبايه ب 1800 :rolleyes2: والله حرام
بس للاسف في ناس يشترون وهذا الي مطمعهم فيكم ...

[مساهم فنان]

المعرض

غالي - زحمه - الكولتي تعبان - تاخذ الشئ اليوم ب150 بكره تحصله نفسه ب 550
من تجربة الأهل : اشتروا زيت الزيتون الأصلي من السوريين الغرشة الكبيرة بـ 25ريال ، 4 بـ100 ريال ... ثاني يوم راحوا لنفس الدكان يبون زيادة من الزيت لآنه زين ،قال لهم الغرشة بـ100 ريال ، والأربع بـ400ريال ..قالوا له :اشلون أمس شارين الغرشة بـ25 ريال ... قال : كنا غلطانين ...
قالوا مانبيه اشدعوى في الدوحة أرخص ....

[koketa]

ما رحت المعرض بس غالبا أخذ منه شباصات فقط

[بوحارب]

محد رافع من هيبة هالمعرض الا اخواتي في الله الحريم

والشباب اللي يروحون يدورون البنات في الأسواق !

[بن محمود]

اقول خلكم على اغراض الحساء ترى هذا حدكم خلو المعارض لهلها

الحساء ( الشوربة ) طعمه حلو .. بالذات حساء العدس .. مغذي ومفيد صراحة
بس انت ماحددت اي نوع من الحساء اللي تقصده يعني حساء دجاج او عدس او غيره ؟
.. لأني بصراحة افكر اروح المعرض بس علشان الاكل ( يعني الجبن وهالسوالف ) لكن اذا عندهم حساء ..
اتمنى تفيدني وتوضح اكثر :tease:

[بن محمود]

اقول خلكم على اغراض الحساء ترى هذا حدكم خلو المعارض لهلها


الحساء ( الشوربة ) طعمه حلو .. بالذات حساء العدس .. مغذي ومفيد صراحة
بس انت ماحددت اي نوع من الحساء اللي تقصده يعني حساء دجاج او عدس او غيره ؟
.. لأني بصراحة افكر اروح المعرض بس علشان الاكل ( يعني الجبن وهالسوالف )

لكن اذا عندهم حساء بعد .. ..
اتمنى تقول لي من اي قسم شريته ؟ :secret:

[قطرية فذة]

الاسعار غاليه جداً

مثال بسيط

جاره لنا اشترت ( مخمه تنظيف ) بـ 100 ريال

ومثلها موجود في دوحة سنتر بـ 50 ريال

/

برؤيتي الشخصيه لأحد المحلات يبيع جلابيات جميله حقاً
لكن سعرها مبالغ فيه بدرجه كبيره
فنوعيه القماش والكرستالات الموجوده فيه لاتستحق المبلغ
ان يكون ب 200 أو 250 للجلابيه الواحده؟! الخامه رديئة

غير ان الملابس الشفافه التي تشبه ثوب النشل ( صناعه هنديه )
بلغت قيمته للقصير منه 300 ريال والطويل منه 600 ريال

بالرغم من اني اشتريت النوع الطويل قبل هذا المعرض
المعرض السابق اشترت الطويل بـ 200 ريال بعد الخصم

امر آخر

الاحذيه الهنديه المصنوعه من الجلد كانت تباع قبل هذا المعرض بقيمه 10 ريالات
وفي المعرض الآن تباع بـ 60 ريال

كنت استقصي فحسب

حتى استقصيت بخصوص الاجار للمحل وهل رخيص ام غالي؟

فبعض المحلات الاجار ب 18 ألف

والحقيقه المبلغ كبير لمده اسبوعين؟!

يسر الله الخير للجميع

[qatar-2022]

رحت وياليتني مارحت مب شي احسه عادي وأقل من عادي.. بس الشي الوحيد اللي ابي اعرفة ليش هالزحمة تقول اول مرة يشفون معرض..
(اغلب اللي فالمعرض موجود في زون سنتر) ومثل ماقال اخوي القلم الصريح..

[zeknon]

انا رحت المعرض او ياليتني مارحت
بالنسبة للاغراض الجودة صفر كلها من الصين
اما السجاد الايراني مبالغين في سعرة تقوول يحسبونا كلنا هوامير
والاثاث من محل في شارع سلوى مدبل الاسعار
ولاحظت في تجولي في المعرض كثرة البائعات اللي تحاول تغري الشباب بلبسها ومكياجها
وبعيني شفت وحدة تواعد واحد من الشباب انها بتتصل علية وين المنظمين عن هالمسخرة اللي تصير
وكيف يسمحون بدخول هالاشكال للبلاد
الضاهر انة المعروف معرض تجاري بس المستور معرض شي ثاني وانتوا ااكيد فاهمين
اما بناتنا في المعرض ماقوول الا الله يهديهم البعض منهم وليس الكل
مالوم الشباب مسوين زحمة في المعرض
والمفروض المنظمين يخصصون المعرض للعائلات فقط حتى البنت اللي تجي لحالها ماتدخل الا مع اخوها ولا ابوها ولا زوجها
هذا رايي في المعرض

[المغروره]

اشوفه عاادي وغالي مع ان كل بضاايعه من زون سنتر المعرض شهر 1 احلاااا
والصينيين ماقصرووووووووووا ضاربيين ضربتهم بالاسعار

[بيت الخليج]

بلنسبه للمعرض كان وايد حلو وزحمه زحمه زحمه والحمد لله اقبال شديد من الزباين وبلنسبه الى اتكلمو عليه اتصور ما زاروا المعرض ولا دشوه والاسعار تراهه هي هي مازادت ولا نكصت وبلنسبه للي ماعاجبهم كل واحد ورايه والسموحه منكم

[بيت الخليج]

المعرض وايد حلو بلا تعليق

[جوال 11]

بلنسبه للمعرض كان وايد حلو وزحمه زحمه زحمه والحمد لله اقبال شديد من الزباين وبلنسبه الى اتكلمو عليه اتصور ما زاروا المعرض ولا دشوه والاسعار تراهه هي هي مازادت ولا نكصت وبلنسبه للي ماعاجبهم كل واحد ورايه والسموحه منكم

فيه مثل يقول ما يمدح السوق إلا من ربح فيه