للاستفسار عن دكتور اسنان جيد

[عربسات]

السلام عليكم كلكم

ابي حد يدلني عل دكتور اسنان يكون شاطر واسعاره معقوله كلكم تعرفون عيادات الاسنان نفس المنشار طالع واكل نازل واكل والشغل الله بالخير ؟؟؟

انا كنت عند دكتور من اسبوع وذبحني كان يحسب موضوع عصب والشغله بسيطه عطاني البنج 4 مرات وحاول يخلع الضرس ما قدرت استحمل قعدت اصيح عنده ولا فاد بعدين اكتشف ان عندي التهاب وكتبلي على مضاد ومسكن وقالي ارجعلي بعد 3 ايام ورجعت له والنتيجه نفس الشي ..

فيرجى منكم المساعده وادري فيكم ما راح تقصرون وشكراً

..

[الشمريه]

عياده الرازي :)

دكتور: يمان اللحام او دكتور عامر

افضل الدكاتره بالتعامل والاسعار وكل شي تدخلين مرتاحه تطلعين مرتاحه

[bo_hamad]

مركز الاول للاسنان
الدكتور / هاني

عيادة الشفاء
الدكتور / رآفت الخراشي

[بنت العز]

مركز الدوحه التخصصي مقابل الشفاء الطبي
عند اشارات المنتزه
دكتوره اكرام ممتازه للاطفال والكبار عندها قدرة تحمل عجيبة اخلاق ومعامله طيبه

[عربسات]

^^^^^^^^^^^^

مشكورين على التواصل والردود بس يا اشباب بس الاماكن هذي عن تجربه ولا سمعتوا فيهم

وما قصرتوا

[قطرية7]

الدكتور / زهير مراد بمركز الوحده للأسنان الي بالهلال

وسلاامتكم من كل شر

[عربسات]

والله احترت ما اعرف وين اروح ههههههه

[halcrow]

والله احترت ما اعرف وين اروح ههههههه

اذا انت قطري الله لايهينك الدولة مورفه العيادات الخارجية للأسنان فيهم الخير والبركة ومجانا

[مــــلاك]

عن تجربه العيادات الخارجيه ممتاااازه ... بس يمكن المواعيد متاخره
جرب يمكن تكون المواعيد قريبه ... اخر مره تعاملت معاهم 2007

واذا حاب خاص ... عندك دكتوره مجد الهباب ..في النصر خلف هارديز
ممتازه الدكتوره واسعارها عاديه ...وشغلها نظيف والاهم انها ماتسولف وايد:secret:
من تخلص شغلها تختفي من الغرفه بس صج شغلها عدل :nice:

[شيخه123]

أنا جربت مركز المدينه اللي في اللقطه الدكتور أنس وايد زين وعنده صبر .

[bentalgala]

دكتور أيمن عيادة الدوحة
استشاري القسم

[eXpert*]

عن تجربة : عيادة أبولو في المنترة عند الدكتور رامش أو راميش المهم هو هندي بس يتكلم عربي بطلاقه
عالجت ثلاث أسنان من العصب في جلسه وحده من كثر ما يده خفيفة .

[المغروره]

الرازي المدينه واايد زين

[عربسات]

مشكورين وما قصرتوا امممممممممممممممم شكلي بروح عند الرازي والله يوفق الجميع

[5ial al3lya]

اذا تبي تخلع روح حق رافت الخراشي في مركز الشفاء

واذا تبي تعالج روح حق الدكتور يسري فالمنتزه وايد ممتاز و رخيص جدا

[رذاذ]

عيادة المها .. الدكتورة جنان او أيهم
عجيبين بكل معنى الكلمه

يقبل التامين الصحي الاكسا

[Al-Kuwari]

المستشفى القطري اللبناني التخصصي للأسنان مقابل عياده الشرطه فمدينه خليفه

الدكتور جورج حداد

ممتاز وهالكلام عن تجربه

[الريان]

عيادة الاسنان في رميله فاتحين مواعيد العصر واعتقد يوم واحد في الاسبوع
واسعارهم اقل من العيادات الخاصه وافضل منهم من جميع النواحي

[عربسات]

^^^^^^^^^

الرميله غير انهم زحمه مواعيدهم بالاسابيع