خلاص من 1/7/2010 مافي زحمة سيارات صوب حديقة اسباير

[خالي مشاعر]

اليوم وانا قاطع الطريق كالعاده من الشارع الداخلي خلف فيلاجيو ، وابي اطلع صوب مريخ .... مرورا بحديقة اسباير ... ويوم وصلت البوابة الصفره الي جنب الحديقة ... الا عطاني السكيورتي ... بطاقة مكتوب فيها .... ان من تاريخ 1/7/2010 ... اي سياره راح تمر من هالشوارع وتبي تختصر الطريق راح تدفع رسوم ... واذا كان الشخص الي بيقطع الطريق .... يبغي ينزل الحديقة او اي من المنشأت راح يكون مروره مجاني .

صراحه انا اشوف الطريقة ممتازه ... لانها راح تقلل عدد السيارات الي بتقطع الطريق... والزحمه الي صايره هناك على الشوارع .... صراحه الواحد صار يقعد بالحديقة وخايف على عياله انهم يروحون صوب الشوارع ... ويصير له حادث من هالزحمه .... والكل كان يستخدم هالشوارع .... هنود ... بتان ... باصات .... وغيرها .

الحين انجي حق الطريقة الي بيطبقون فيها الرسوم ... والي فاجأتني صراحه .... قالي السكيورتي .... اذا دخلت من بوابة وطلعت في اقل من 10 دقايق .... فتطبق عليك الرسوم لانك بهالحالة ... جاي تختصر الطريق .. وتتسبب بزحمه في الشوراع الداخلية والقريبة من الاطفال والزوار .... اما اذا ان عملية مرورك بين البوابتين استغرقت ... اكثر من 10 دقايق ... فلاتطبق ويعني انك مش جاي هالشارع للاختصار.

وفي النهاية كاتبين ... ان هذه الرسوم لاتطبق على الي يزورون الحدايق ومباني اسباير

يعني من اليوم روح وشوف المباريات الي حاطينها وود عيالك وانت مب خايف من السيارات

بس ان شاء الله الرسوم تكون عاليه شوي ... عشان السيارات تخف من جنب الحديقة .... ولا نشوف باصات وبياكم تقطع هالشوارع ... الي صراحه مالها عازه تمر هناك .

[جرح الزمان]

الحمد لله اني من اللي يزورون منطقة اسباير

[خالي مشاعر]

ابغي انزل الورقه الي عطوني اياها ... بس ماعرف شلون اسويلها scan

[الصريحه]

يالله مبروك عليكم

[حمد]

الحمد لله اني من اللي يزورون منطقة اسباير

اعتقد ان معنى الكلام الي انقال ... ان ماعليك اي رسوم ... الرسوم بس حق الي يقطع الشارع

[بوهلال]

شي طيب وفكره موفقه

لكن اللي مثلا بينزل اهله واليهال يستانسون وبيطلع في اقل من الفتره المحدده بعد بيدفع .. ؟

[تحداني]

.. ما فهمت هالسالفه ..
وعندي فضول أفهمها .. يا ترى شالحل ؟؟


:)

[وطن]

شي طيب وفكره موفقه

لكن اللي مثلا بينزل اهله واليهال يستانسون وبيطلع في اقل من الفتره المحدده بعد بيدفع .. ؟

خلهم ينزلون شوي شوي على راحتهم
عشان تطول المده عليك

:victory:

[مــــلاك]

شي طيب منهم .. مع ان الضغط بيكون على الشوارع الي حولها .. الله يعين مرتادين هالشوارع
بالنسبه للحديقه بيكون اسلم للي فيها خاصه الاطفال والي يعبرون الشارع او الي يمشون
بس ياريت هالقرار كان قبل لما كان الجو حلو <شهر 1 و 2

[جرح الزمان]

اعتقد ان معنى الكلام الي انقال ... ان ماعليك اي رسوم ... الرسوم بس حق الي يقطع الشارع

وانا اتوقع نفس الشي

بس الغريب اني رحت مرتين بعد هالمشاركه

ولا حد عطاني ورقه

[جرح الزمان]

.. ما فهمت هالسالفه ..
وعندي فضول أفهمها .. يا ترى شالحل ؟؟


:)

في شوارع داخليه بين حياة بلازه وفيلاجو تودي الى اسباير او المناطق الشماليه ( مريخ والريان ومعيذر ) وفي ناس تستخدم هالشوارع هرباً من زحام الشوارع الرئيسيه

وكلام اخونا صاحب الموضوع انهم بيحصلون رسوم ممن يستخدم هالطريق
اما اللي عندهم شغل في اسباير بيعطوهم تصريح .....

[خالي مشاعر]

في شوارع داخليه بين حياة بلازه وفيلاجو تودي الى اسباير او المناطق الشماليه ( مريخ والريان ومعيذر ) وفي ناس تستخدم هالشوارع هرباً من زحام الشوارع الرئيسيه

وكلام اخونا صاحب الموضوع انهم بيحصلون رسوم ممن يستخدم هالطريق
اما اللي عندهم شغل في اسباير بيعطوهم تصريح .....

على كلامهم ومن شكل البوابة نستنتج ان خلال دخولك من البوابه تاخذ ورقه .... ( نفس ورقة بوابة مواقف المطار) .... ونفس الشي .... تسلمها وقت الخروج من البوابة الي طلعت منها .... ولي رح يفرق طريقة الدفع ... والي راح تفرض عليك في حال انك قضيت بين البوابتين اقل من 10 دقايق ...اما اذا قضيت وقت اكثر ... فما راح يكون عليك اي شي .... وطبعا مثل ماهو واضح ان الجماعه يقصدون ان جلوسك اكثر من عشر يفسر انك نزلت منشات اسباير او نزلت الحديقة .... اما اذا اقل فانت جاي تقطع الطريج بس .... وبالتالي انت مب مرغوب فيك ... فيدفعونك ... عشان ماتجيهم مره ثانيه هههههههه .

[مــــلاك]

انزين في ناس ينزلون الجم ...؟؟ وفي ناس ينزلون مسابح سباير << مجمع حمد للرياضات المائيه
يعني الامر ما ياخذ 10 دقايق ...شلون وضعهم بيكون

[حمد]

انزين في ناس ينزلون الجم ...؟؟ وفي ناس ينزلون مسابح سباير << مجمع حمد للرياضات المائيه
يعني الامر ما ياخذ 10 دقايق ...شلون وضعهم بيكون

اختي شفيج تقرين بالمقلوب .... اذا قعدتي اكثر من 10 دقايق .... صار الموضوع مجاني .... انتي راويهم الورقه الي مكتوب فيها وقت دخولك .... وانك قضيتي فوق الـ 10 دقايق ... وماراح يدفعونك شي

ان شاء الله في مفهوم

[مساهم فنان]

قرار صائب

[بوخالد911]

جاني ع البي بي


شي حلوو

[أزهلها]

طريقه معد لها من قبل .. لكن السؤال كم الرسوم وهل المبلغ رادع .!!

[بن رومي]

تمااااااااام والله يبشرك بالخير



انا اليوم كنت اهناك وقت مباراة مادري من الساعة ١٠ و نص

وصراحة صدعت كلللللللش من السماعات



بن رومي*

[بدون]

أفا ، أنا أستخدم الشارع هذا للاختصار :(

[فلفل حار]

آبركـها من ساعـه ...
خل العوايل يستمتعون بالحديـقه شوي ...

[كازانوفا]

والله فكره حلوه

[مــــلاك]

اختي شفيج تقرين بالمقلوب .... اذا قعدتي اكثر من 10 دقايق .... صار الموضوع مجاني .... انتي راويهم الورقه الي مكتوب فيها وقت دخولك .... وانك قضيتي فوق الـ 10 دقايق ... وماراح يدفعونك شي

ان شاء الله في مفهوم



اول شي انا ماقريت بالمقلوب ...ولكن انت الي مافهمت ...

يعني في ناس يوصلون عيالهم للمسابح او الجم .. يعني العمليه ماتاخذ الا خمس دقائق او اقل


وبعدين لاتشغل نفسك وتشرح لي اذا تتكلم بهذا الاسلوب
الكلام وجهته للي قبلك ...

[حمد]

اول شي انا ماقريت بالمقلوب ...ولكن انت الي مافهمت ...

يعني في ناس يوصلون عيالهم للمسابح او الجم .. يعني العمليه ماتاخذ الا خمس دقائق او اقل


وبعدين لاتشغل نفسك وتشرح لي اذا تتكلم بهذا الاسلوب
الكلام وجهته للي قبلك ...


اسف لتزعلين ماقصدت اني اسيء لك

[خالي مشاعر]

أفا ، أنا أستخدم الشارع هذا للاختصار :(

حتى انا مرات استخدمه :shy:

[nym]

فكره حلوه اامن للاطفال
واقل ازعاج

[العضو الماسي]

والله لو يسونها مثل سوق واقف الساعه ب 3 ريال وبعدها ب 1 ريال للساعه أفضل . حتى يوم الخميس والجمعه والسبت مانلاقي شله حديقه البدع من الجاليات المختلفه موجودين هناك وتكون حديقه راقيه شوي على مسماها

[خالي مشاعر]

والله لو يسونها مثل سوق واقف الساعه ب 3 ريال وبعدها ب 1 ريال للساعه أفضل . حتى يوم الخميس والجمعه والسبت مانلاقي شله حديقه البدع من الجاليات المختلفه موجودين هناك وتكون حديقه راقيه شوي على مسماها

الرسوم في اسباير على الي يقطع الشارع مب الي يدخل الحديقة

وماعتقد انهم يحطون رسوم على دخول الحديقة .... هم يبون العوايل تاخذ راحتها مع عيالهم ... ويقل عدد السيارات الي تمر وتزعجهم

[العضو الماسي]

الرسوم في اسباير على الي يقطع الشارع مب الي يدخل الحديقة

وماعتقد انهم يحطون رسوم على دخول الحديقة .... هم يبون العوايل تاخذ راحتها مع عيالهم ... ويقل عدد السيارات الي تمر وتزعجهم

على الي يقطع الشارع وعلى الي يدخل الحديقه الاثنين

وش دراك انه بيدخل يقطع الشارع ولا جاي الحديقه

يمكن يدخل ويتم يسولف له 10 دقايق فالتلفون ويطلع وهو في سيارته :nice:

وبعدين احسن واريح وارقى شوي من البتان والهنود و النيباليين الى فيها هذا الى اقصده لن فئه معينه من الناس تحب بو بلاش فلو سوها على جميع الناس بتلاقي فئه جيده من مرتادين الحديقه :victory:

[المغروره]

شي حلووو
ان شالله صحيح
تحياتي لك

[R.S.C]

خبر مؤسف :) طريقي من مريخ إلى العزيزية من اكثر من 3 سنين

[بنسل]

انزين في ناس ينزلون الجم ...؟؟ وفي ناس ينزلون مسابح سباير << مجمع حمد للرياضات المائيه
يعني الامر ما ياخذ 10 دقايق ...شلون وضعهم بيكون

حسب علمي اذا كان الدخول والخروج من نفس البوابه بدون رسوم

[black@white]

سؤال اللي ساكنين في هذه المنطفه ولا بد لهم من المرور بهذا الطريق عليهم الدفع للدخول والخروج الى
منازلهم فهذا الطريق الاقرب لهم للدخول للحياه بلازا وفلاجيو او منطقه العزيزيه او غيرها

[بعيد الدار]

هلا والله أخواني

أنا بعد ماقريت الموضوع وشفت أسألتكم رحت وسألت واحد من الأمن ورد علي برد شافي

الموضوع وما فيه هو تغريم الناس اللي يدخلون الحديقة ويضيقون على العوائل وزوار الحديقة وهم الناس اللي يختصرون ويدخلون الحديقة فقط للعبور

التوضيح كما وصلني

اللي يدخل الحديقة ويطلع منها في مدة لا تقل عن عشر دقائق هذا يدفع فلوس

واللي يطوال أكثر من عشر دقائق ما يدفع ولا ريال لانه من زوار الحديقة

واللي يدخل ينزل أهله ويطلع هذا مايدفع في حالة أنه طلع من نفس البوابه اللي دخل منها
وهذا دليل أنه مادخل ليختصر الطريق

هذا حتى للي بينزلون أعيالهم للبركة أو للجم يعني أذا ما تبي تدفع مع أنك بتقعد فترة أقل من عشر دقايق أطلع من نفس البوابة اللي أنت دخلت منها

وأنا والله أأيد الفكرة وايد وايد لأن حتى بعض الشباب الله يهديهم تلاقية يتمشى داخل ومطول على المسجل أو أنه يبي يختصر بسرعة وتلاقيه مسرع وهذا يمثل خطر على عيالنا وأهلنا

والحق ينقال بيض الله وجيهم على هالقرار اللي في محله ولمصلحة الجميع

وياليت يكون المبلغ أزيد من عشرة ريال علشان ما أشوف هالهنود والبنغال اللي يختصرون بالباصات والسيارات الكبار ولا أشوف كروة خخخخ

[Grnas]

http://img94.imageshack.us/img94/1867/25432751212.jpg

اعلان اليوم يوضح بعض الاستفسارات. نشر في جميع الجرائد المحلية العربية على ما أظن

[تحداني]

^
^
^

ألحين هالرسوم لكف الأذى والخطر على الأطفال والعوائل والمشاه ؟؟
ولا لتقليل الإزدحام ؟؟


لأني ما فهمت :)

[Grnas]

^
^
^

ألحين هالرسوم لكف الأذى والخطر على الأطفال والعوائل والمشاه ؟؟
ولا لتقليل الإزدحام ؟؟


لأني ما فهمت :)

مدري بس بتفلسف شوي. مو زيادة السيارات وكثرة الازدحام تسبب مشاكل للعوائل والأطفال ومرتادين الحديقة؟

لأنه اذا كان الازدحام قليل او مرور السيارات قليل يكون المكان آمن أكثر لعبور العائلات والاطفال ومرتادين الحديقة

[راسي براسك]

جزااااااااااااااااااااااااااااااااهم الله ألف خيــــر !!
لو تكون للعوائل وبعيد عن العزابيه بعد أحلى وأحلى ..

[R.S.C]

انزين شلى مايخلون الباب مفتوح بعد الساعه 12 فليل :)
لأن ماعتقد بتصير مضايقات او زحمة في هالوقت ؟؟

[missperfect]

خوووش شي والله

[سهم بن سهم]

فرض أي رسوم من هذا النوع وفي أي جهة كانت لابد أن يكون بناء على قرار من مجلس الوزراء الموقر بالموافقة على فرض رسوم وتفويض تلك الجهة لتحصيل تلك الرسوم .

السؤال هذه الجهات كيف تطبق نظام الرسوم دون الرجوع لمجلس الوزراء ؟؟؟؟؟؟؟؟؟

[حمد]

رفع للاهميه

عشان مانشوف بكره ناس ... متعجبه ليش دفعودها :)