الاشياء المهمة عند عمل خارطة للبيت

[q6ryah]

السلام عليكم احنا الحين قاعدين نشتغل في خارطة بيتنا عند مكتب الواحة والحمد لله خلصنا من توزيع الغرف والمساحات :الحين المهندس قاعد يشتغل في خريطة الماي والكهرباء وغيره
فابي اعرف منكم شنو الاشياء اللي لازم اركز عليه في هذه الخرايط لان انا وزوجي عليميين وبعد باقي واجهة للبيت لان ماحصلنا .
انا قلت للمهندس يخلي البيت لفل واحد يعني بدون نزلات وصعدات في الصالات وبعد مايخلي البيت مرتفع وايد .والباقي احب اسمع رايكم :telephone:

[q6ryah]

اشدعوة ساعة ولاحد رد

[Almossafer]

مممم

بصراحه اله يعينكم ع البنيان

في اشياء بعد البنيان تقولين لو سويت كذا احسن

المهم

المكيفات اسبلت ولا

اذا اسبلت حاولي تخططين وين تحطين المكيفات من الحين علشان البيبات قبل الصبيه

مو تتوهقين بعدين تبين تغيرين مكان المكيف ماتقدرين ماتلقين بيب للمكيف

واي استفسار انا حاضر وبالتوفيق

[أم وضحى]

اختي نصيحه لوجه الله
في موضوع عندج مثبت في اعلى هذا القسم
اسمه ( اخطاء في البناء او الديكور ندمت عليها بعد الانتهاء.. شاركنا بتجرتك !! )
اقريه عدل عشان اتجنبين اخطاء الاخرين
وتصير عندج فكره عن امور البنيان ومتطلباته

[السد]

عليج بكهرباء البيت

[r07]

قبل ما تبدون بالكهربا ـتأكدي ان التوزيع هذا عاجبج 100% وما راح تغيرين رايج بعدين وتقولين ابغي افتح صالتين او غرفتين على بعض لأن اكيد بتطلع لج اعمدة وبتخرب عليج الشكل...لذلك من الحين اذا تبين تفتحين اماكن على بعض ترى هذا وقتها ....بالنسبه للكهربا خل يحط لكم نقاط تلفون في كل الغرف وكذلك التلفزيون حتى لو مابغيتو تركبون من البدايه بس على الأقل تكونون اسستو لها...بالنسبه للتلفزيون في الصاله حطو له اكثر من نقطه لأن يمكن تغيرون رايكم بعدين...بالنسبه لاضاءة السقف... ممكن تحطون ثريا بالاضافه الى ليتين جانبيين او ربعه على حسب حجم الغرفه....بالنسبه لأضاءة الجدران بعد فكرو وين تبون تحطونها...فكرو في توزيع ال مطبخ وين تبون الفرن والثلاجه...بالنسبه لسوكتات خلوها دبل سوكت مب سوكت واحد مثلا في غرفة النوم تحتاجون سوكت على جانبين السرير وعند التسريحه او طاولة المكتب واكيد عند التلفزيون...فكرو في الأماكن اللي بتحطون فيها خزانة ملابس هذي ما تحتاج سوكت....يعني بطريقه مختصره فكرو في توزيع الأثاث وبناء عليه حددو اماكن السوكتات وبعد اماكن المكيفات ونصيحتي تحطون سبلت يونت لأن شكله احلى من الويندو..شي اخير خلو السقف مرتفع على الأقل 4امتار ونصف ماراح يصفى لكم منها غير يمكن اربع امتار بعد تشطيب الأرضيات والجبس..ترى هالشي يعطي فخامه و وسع للبيت...بالتوفيق

[شموخ دائم]

,

,



مرحبا

نصيحتي لك

حطي بالخريطه الي تحتاجينه والي ما تحتاجينه

على سبيل المثال

اول شي

حطي ملاحق

حطي مجالس خارجيه

حتى لو مالك حاجه فيهم الان راح توفرين على نفسك جهد كبير مستقبلا

لان الرخصه واظافه احمال الكهرباء موجوده بالبيت

الشي المهم الثاني

توزيع الكهرباء اماكن الليتات والاجهزه من الان لازم تتخيلين الاثاث وشنو بتحطين بكل حائط

ثالث

صندوق الكهرباء المجمع شوفي مكانه وين الان !! حتى ما يخرب عليك منظر الصاله

رابعا

اضائه خارجيه للبيت على البيت نفسه دائما ننسى هذا الموضوع وحديقه البيت

خامسا

البوابه الرئيسيه للبيت اذا عليها مظله او برنيطه راح تسبب لكم مشاكل مستقبلا اذا كانت نازله

وسيارات نقل الاثاث او تنكر الماي او سياره مطافي لاقدر الله ما تدخل البيت

الاحسن ما نستخدمها بالديكور او يكون ارتفاعها 3 متر و90 سم الحد الي يسمح بدخول السيارات الكبيره


وبالتوفيق لكم

والله يجعله منزل مبارك

,


,



اخوك


شموخ دائم

[ahmed jasim]

الخرايط يكونون بالحجم الكبير موب a3 علشان تشوفين كل شىء على الطبيعة
وأسألي المهندس عن كل صورة فى الرسمة وليش موجودة
وإلا بتحصلين صندوق الكهرباء فى واجهة الصالة مو تحت الدرج
وايرات المكيف 6 ملم وهذى يغطى لين 2.5 طن سبليت
عمل دكتات فى التصميم لتغطية بايبات المجاري والماء
يمدحون السخان المركزي حتى مايخترب ديكور الحمام
أبواب الغرف سعرهم يبتدى من المتر وإذا أكبر من متر فتدفعين قيمة بابين
الشبابيك سعرهم يبتدى من المتر حتى لو كان ربع متر
مهم يكون عندك إستشاري بس لا تعتمدين عليه إلا فى النصيحة لما تختلفين مع المقاول
لين تتفقين مع المقاول خلى دفعة أخيرة (6 أشهر بعد التسليم)

[Chambray]

على التركيز الي ركزته في الخرايط
الا ان في الواقع شئ ثاني
اخطاء هندسيه طلعت من احجام الابواب ، عرض الدرج . مكان صندوق الكهرباء إلخ ......
بس الحمد لله لحقت اعدل اشياء وفي اشياء ماقدرت الحق عليها
ولازال اكتشاف الاخطاء قائم حتى هذه اللحظه

لاتنسين اختي ان صنودق الكهرباء لازم يكون في الطابق الثاني بنفس مكانه صندوق كهرباء صغير للطابق الثاني .. هذا شئ مهم لاتنسينه ..

[q6ryah]

المسلفر وام وضحىوالسد اسعدني مروركم وفعلا الكهرباء موضوع حساس

[q6ryah]

قبل ما تبدون بالكهربا ـتأكدي ان التوزيع هذا عاجبج 100% وما راح تغيرين رايج بعدين وتقولين ابغي افتح صالتين او غرفتين على بعض لأن اكيد بتطلع لج اعمدة وبتخرب عليج الشكل...لذلك من الحين اذا تبين تفتحين اماكن على بعض ترى هذا وقتها ....بالنسبه للكهربا خل يحط لكم نقاط تلفون في كل الغرف وكذلك التلفزيون حتى لو مابغيتو تركبون من البدايه بس على الأقل تكونون اسستو لها...بالنسبه للتلفزيون في الصاله حطو له اكثر من نقطه لأن يمكن تغيرون رايكم بعدين...بالنسبه لاضاءة السقف... ممكن تحطون ثريا بالاضافه الى ليتين جانبيين او ربعه على حسب حجم الغرفه....بالنسبه لأضاءة الجدران بعد فكرو وين تبون تحطونها...فكرو في توزيع ال مطبخ وين تبون الفرن والثلاجه...بالنسبه لسوكتات خلوها دبل سوكت مب سوكت واحد مثلا في غرفة النوم تحتاجون سوكت على جانبين السرير وعند التسريحه او طاولة المكتب واكيد عند التلفزيون...فكرو في الأماكن اللي بتحطون فيها خزانة ملابس هذي ما تحتاج سوكت....يعني بطريقه مختصره فكرو في توزيع الأثاث وبناء عليه حددو اماكن السوكتات وبعد اماكن المكيفات ونصيحتي تحطون سبلت يونت لأن شكله احلى من الويندو..شي اخير خلو السقف مرتفع على الأقل 4امتار ونصف ماراح يصفى لكم منها غير يمكن اربع امتار بعد تشطيب الأرضيات والجبس..ترى هالشي يعطي فخامه و وسع للبيت...بالتوفيق

مشكور اخوي عالرد الاكثر من رائع بس اربع امتار ونص لارتفاع الغرف مايخلي الدرج مرتفع ومتعب لاني قريت ان لازم مايزيد الارتفاع عن الاربع وربع

[q6ryah]

,

,



مرحبا

نصيحتي لك

حطي بالخريطه الي تحتاجينه والي ما تحتاجينه

على سبيل المثال

اول شي

حطي ملاحق

حطي مجالس خارجيه

حتى لو مالك حاجه فيهم الان راح توفرين على نفسك جهد كبير مستقبلا

لان الرخصه واظافه احمال الكهرباء موجوده بالبيت

الشي المهم الثاني

توزيع الكهرباء اماكن الليتات والاجهزه من الان لازم تتخيلين الاثاث وشنو بتحطين بكل حائط

ثالث

صندوق الكهرباء المجمع شوفي مكانه وين الان !! حتى ما يخرب عليك منظر الصاله

رابعا

اضائه خارجيه للبيت على البيت نفسه دائما ننسى هذا الموضوع وحديقه البيت

خامسا

البوابه الرئيسيه للبيت اذا عليها مظله او برنيطه راح تسبب لكم مشاكل مستقبلا اذا كانت نازله

وسيارات نقل الاثاث او تنكر الماي او سياره مطافي لاقدر الله ما تدخل البيت

الاحسن ما نستخدمها بالديكور او يكون ارتفاعها 3 متر و90 سم الحد الي يسمح بدخول السيارات الكبيره


وبالتوفيق لكم

والله يجعله منزل مبارك

,


,



اخوك


شموخ دائم

ماشاء الله عليك تطرقت حق امور جدا مهمة بس عندي سؤال المهندس خلى مجمع الكهرباء في مدخل البيت من داخل وفوق في الصالة تعتقد المكان زين

[q6ryah]

الخرايط يكونون بالحجم الكبير موب a3 علشان تشوفين كل شىء على الطبيعة
وأسألي المهندس عن كل صورة فى الرسمة وليش موجودة
وإلا بتحصلين صندوق الكهرباء فى واجهة الصالة مو تحت الدرج
وايرات المكيف 6 ملم وهذى يغطى لين 2.5 طن سبليت
عمل دكتات فى التصميم لتغطية بايبات المجاري والماء
يمدحون السخان المركزي حتى مايخترب ديكور الحمام
أبواب الغرف سعرهم يبتدى من المتر وإذا أكبر من متر فتدفعين قيمة بابين
الشبابيك سعرهم يبتدى من المتر حتى لو كان ربع متر
مهم يكون عندك إستشاري بس لا تعتمدين عليه إلا فى النصيحة لما تختلفين مع المقاول
لين تتفقين مع المقاول خلى دفعة أخيرة (6 أشهر بعد التسليم)

تخيل اخوي المهندس خلى صندوق لكهرباء في الواجهة مب تحت الدرج لان اقرب للملاحق شرايك؟
وبخصوص الدفعة الاخيرة هذه تكون عشان عدم التاخير ولتصليح العيوب في حال ظهورها لا سمح الله

[Almossafer]

صندوق الكهربا لا تخلينه بواجهة البيت


حطيه مكان مايخرب البيت


تحت الدرج او اي مكان غير الواجهه