ممكن تساعدوني ؟

[بنت^البحرين1]

مساء الخير



ممكن تفيدوني .. اذا موجود في دولة قطر أي جامعة من الجامعات ، وحتى جامعة قطر الحكومية .. جامعة تقدم برنامج دراسة الدكتوراه في الاعلام والعلاقات العامة ؟؟

بحثت بس مالقيت شي ..شفت بعض المواقع لجامعات المدينة التعليمية بس اعتقد هي تقدم للبكالوريوس فقط ..


ساعدوني والله يوفق الجميع

[Realistic]

مساء الخير



ممكن تفيدوني .. اذا موجود في دولة قطر أي جامعة من الجامعات ، وحتى جامعة قطر الحكومية .. جامعة تقدم برنامج دراسة الدكتوراه في الاعلام والعلاقات العامة ؟؟

بحثت بس مالقيت شي ..شفت بعض المواقع لجامعات المدينة التعليمية بس اعتقد هي تقدم للبكالوريوس فقط ..


ساعدوني والله يوفق الجميع


على حسب علمي أن لا يوجد برنامج للدكتوراه في قطر

على الاقل في جامعة قطر مافي .. << متاكد من هالشي

لكن المدينه التعليميه مب متأكد ..


تخصص الاعلام مب موجود الا في جامعة قطر << الي مافيها دكتوراه

وجامعة نورث ويسترن << الي اظن ان مافيها دكتوراه

[مــــلاك]

كان ودي اساعدج بس للاسف ماعرف ... ماحبيت ادخل وما ارد عليج
ان شاء الله تلقين الي تبينه

[روح الاطلس]

لايوجد ولا برنامج للدكتوراه في دولة قطر التي تدعي الرياده في التعليم :)

[بنت^البحرين1]

لايوجد ولا برنامج للدكتوراه في دولة قطر التي تدعي الرياده في التعليم :)

اخوي تقصد في جامعة قطر ؟؟ والا كل الجامعات الموجودة في قطر مافيها ؟؟

[ولد النواخذه]

لا أعلم عن وجود برنامج دكتوراه في جامعة قطر ولكن قد يتوفر في المدينة التعليمية والافضل انج تحاولين تواصلين القائمين على قطر فاونديشن ليفيدونج, عناوينهم متوفرة فالنت بكل تأكيد للتواصل والاستفسار والله يوفق

[بدر711]

اذا تقدري تكملي في مصر اعتقد بتحصلي اللي تبيه واذا عندك امكانيه وتقدري تسافري بريطانيا بيكون افضل بكثير والله يوفقك انا عن نفسي اذا تبي شي من جامعه فرجينيا ممكن اساعدك وشكرا

[المرحب]

ربي يوفقك

ولا أعتقد عندنا في قطر برنامج دكتوراه

[بنت^البحرين1]

مشكورين كلكم


أخوي بدر انا عندي الامكانية على مصر وبريطانيا وقادرة اعتمد على نفسي .. لكن مستصعبة فكرة السفر بروحي والغربة من غير ابوي او اخواني .. الدراسة بتتطلب اني اروح وارجع مب مثل قبل،، صار فيها تشديد على مدة الاقامة في بلد الدراسة وتدقيق عالجواز والدخول والخروج .. ومب كل مرة اهلي بيقدرون ييون معاي .. عشان جذي انا قاعدة احاول القى دولة خليجية عالاقل قريبة مني بدل ماروح بعيد .. عموما اخوي لو فيها جامعة فرجينيا هالبرنامج ياليت تشوف لي اياه وشاكرة لك

ويعطيكم العافية كل ابوكم

[حقيقه]

جربتي تروحين بنفسك للجامعات الموجوده عندنا وان شاءالله تحصلين رد على استفسارك

[روح الاطلس]

اختي انا جاوبتج

لا يوجد اي برنامج دكتوراه في قطر لا في جامعه قطر ولا المدينة التعليمية

احنا الماجستير عندنا لا يتعدى برنامجين الى اربع برامج (اقل من اصابع اليد الوحده)

لو حابة في الامارات اشوف افضل وخاصة ان عندهم عدة جامعات اجنبية
او السعودية لكن السعودية اعتقد صعب تحصلين فيها قبول ( لان الاولوية دائما للسعوديين )
اما قطر لايوجد للأسف :)

[بنت^البحرين1]

اختي انا جاوبتج

لا يوجد اي برنامج دكتوراه في قطر لا في جامعه قطر ولا المدينة التعليمية

احنا الماجستير عندنا لا يتعدى برنامجين الى اربع برامج (اقل من اصابع اليد الوحده)

لو حابة في الامارات اشوف افضل وخاصة ان عندهم عدة جامعات اجنبية
او السعودية لكن السعودية اعتقد صعب تحصلين فيها قبول ( لان الاولوية دائما للسعوديين )
اما قطر لايوجد للأسف :)

أخوي روح الاطلش شاكرة لك جزيل الشكر ... بحاول أبحث عن الجامعات الموجودة فالامارات .. لكن السعودية مو من ضمن الخيارات نهائيا ...


شاكرة لك مرة ثانية وعساك عالقوة

[مستوى الدعم]

مرة كنت في لقاء تعريفي مع ممثلين من جامعات المدينة التعليمية

وسألتهم عن برامج الدراسات العليا..

حسب ما فهمت منهم .. انه جدامهم شوط كبير

قبل ما يعتمدون ويقدمون برامج ماجستير ودكتوراة..

جامعة قطر تقدم برامج الماجستير فقط وفي تخصصات معينة..

من الآخر ما في برامج دكتوراه عندنا مثل ما تفضل العضو/ العضوة روح الأطلس

[ام علاوي]

ماعندي فكره ..بالتوفيق

[AMAAHF]

المدينه التعليميه ممكن تحصلين فيها برنامج دكتوراه..
شوفي جامعات الامارات، عندهم جامعات قويه