ضم الملحق الخارجي الى المنزل

[بدوور]

عندنا مشكلة صغيرة في البيت ذلك ان الوالد طول الله عمره جعل الملحق الخارجي بعيد عن البيت نوعا ما_ حوالي اربع اوخمس امتار_ وهي مسافه كبيره مع الظرووف الجويه الحالية خاصة ان الملحق يضم المطبخ الرئيسئ والمخزن وغرفه خدم
والان نفكر جديا ان احنا نستقل المسافه الفاضية ونربط بين الملحق والبيت والمطلوب لا هنتو حد يصمم وينفذ هذا الربط بطريقة هندسية راقيه ............... اذا حد يعرف شخص في هذا المجال ياريت يفيدنا وانا ادري انكم ما تقصروون

[شموخ دائم]

,

,



مرحبا

ما شاء الله مساحه زينه وممكن تستفيدون منها

الاحسن يكون السقف كونكريت بين الملحق والبيت ويركب عليه عازل

وعلى الاجناب المنيوم زجاج لونه غامق عاكس او طابوق اذا المكان كاشف

والارضيه سيراميك ومع التكييف بتكون ممتازه

ممكن تكون غرفه طعام او مكان جلسه او للصغار ياكلون فيها

ملاحظه

اهم شي مافي مكيفات من البيت او الملحق ترمي هواء حار بهذا المساحه

حتى ما تضطرون تغيرون اماكن المكيفات

بالتوفيق لكم


,

,



اخوك



شموخ دائم

[dss911]

فعلا راي اخوي شموخ دائم ممتاز

[بوبندر]

انا امسوي هذي الفكره بصورلك بعد شوي بانزل لك الصوره لنه الصوره ابلغ من الكلام

[بوبندر]

هذا الله يسلمك
تم فتح جزء طوفت المطبخ الداخلي وتم توصيله بي ممر + تم وضع مغسله في الممر
هذي الفتحه كما في الصوره
http://up5.up-images.com/up//uploads/images/images-9076f0a960.jpg (http://fashion.azyya.com). (http://uploadpics.a2a.cc). (http://www.a2a.cc)
وهذا الممر وفي اخره الملحق ..بدايته المطبخ ثم غرف الخدم
http://up5.up-images.com/up//uploads/images/images-b9a3114089.jpg (http://fashion.azyya.com). (http://uploadpics.a2a.cc). (http://www.a2a.cc)
http://up5.up-images.com/up//uploads/images/images-cbbd842913.jpg (http://fashion.azyya.com). (http://uploadpics.a2a.cc). (http://www.a2a.cc)
ارجو اني افدتك..وعلى فكره هذا الممر كيربي ...دبل تيوب مع صبيه +عازل قار اوفر لك وشغل 100%100 ..وذا تبين العمال انا حاضر انا كفيلهم..تحياتي

[الطبيشي]

بصراحه شغل عدل يابوبندر والله يوفق الجميع

[wadha-qa]

ما شاء الله الافكار حلوه وفعاله

بالتوفيق اختي

[حمد]

انا ما ايد الفكرة بتاتا ....من الخطا ربط المطبخ الرئيسي بالبيت واماكن الجلوس ..... راح تتاذون من ريحة الطبخ

[طموحة]

أخوي حمد في شفاط يطلع الريحة برا

صراحة عجبتني الافكار

بالتوفيق اختي

[بدوور]

انا امسوي هذي الفكره بصورلك بعد شوي بانزل لك الصوره لنه الصوره ابلغ من الكلام

تسلم بو بندر ويعطيك الله العافية وابقي رقم تلفون العمال او المقاول

[بوبندر]

تسلم بو بندر ويعطيك الله العافية وابقي رقم تلفون العمال او المقاول

شوفي الخاص

[بدوور]

تسلم بو بندر ما قصرت

[auto body]

اقترح عمل كويك سبان مع العازل وتغطيتة بالمنيوم كبرك السباحة وتكييفة ويكون سلاح ذو حديين

[بدوور]

اقترح عمل كويك سبان مع العازل وتغطيتة بالمنيوم كبرك السباحة وتكييفة ويكون سلاح ذو حديين

ممكن تعطيني فكرة عن الكويك سبان ماهو وما مميزاته وجزاك الله خير