شركة فيرجن موبايل والكذب على الناس

[ولد شرق]

يالاخوان
دخلت موقع فيرجن و عجبني رقم و يلست انطر الرقم اسبوع كامل
واليوم الموعد دخلت الساعه 12 الفجر علشان احجز الرقم وطبعا شفت الرقم و بسرعه وبلمح البصر ضفت الرقم لسلة المشتريات وجدام عيني انضاف الرقم للسله وماهي إلا ثواني بسيطه إلا انسحب الرقم مني وطلع لي مسج ان الحجز انتهى وراح عليك الرقم مع ان بين حجز الرقم والدفع هناك 15 دقيقه حسب قوانينهم وانا ماخذت حتى نص دقيقه

ليش الكذب يا فيرجن يا حليفة كيوتل؟

اذا كانت الارقام المميزه محجوزة لناس معينين ليش تلعبون علينا و اتخلونا ندخل و ننطر الرقم علشان نشتريه؟

[بوخالد911]

يمكن غيرك كان اسررع منك بالدفع

وصار من نصيبه

[المليونير الفقير]

صراحه فيرجن اسعار ارقامها منافسه لكيوتل ولفودفون

[ولد شرق]

يمكن غيرك كان اسررع منك بالدفع

وصار من نصيبه

عفوا اخوي انت قريت موضوعي؟
ولا قريت مقتطفات منه؟

اقول لك اخوي الرقم دخل سلة المشتريات جدام عيني

ارجو انك تقرا الموضوع مره ثانيه
وشاكر لك عزيزي

[airbus]

هههههه صارت معاي مليون مرة

[hamoor4ever]

يمكن اخوي النظام انه مايظمن لك اياه حتى لو دخل سله المشتريات مااعتقد هناك تلاعب اكيد حد خذاه قبلك حاسب اخوي تشتكي لايرفعون عليك قضيه هههههه

[أزهلها]

بصراحه نصب في نصب ..

والمشكله فيرجن ( كيوتل ) مستغفلينا وعلى بالهم مانفهم ..

أنا حاط عيني على كم رقم ونفس ماصار لك أخوي صار لي ..

لا وأزيدك

فيه رقم كنت أنتظره الليله بتاريخ 14/6/2010 بينزل
وأول ماجات الساعه 12 دشيت لقيت التاريخ متغير لـــ 16/6/2010

هنا عرفت أن ماعندي سالفه ولا راح اخذه ..

[فلفل حار]

يمكن اخوي النظام انه مايظمن لك اياه حتى لو دخل سله المشتريات مااعتقد هناك تلاعب اكيد حد خذاه قبلك حاسب اخوي تشتكي لايرفعون عليك قضيه هههههه

هههههههههههههههههه:telephone:

[ممنوع اللمس]

في رقم انتظرته تاريخ 6 الرقم كان 333312 كح اخر رقم نفس اول رقم افهموها عااد
المهم حاط رجل على رجل ولابس نظاره وقاعد قدام الشاشه
من متى وانا انتظره
الساعه 11:59:60 الرقم موجود الساعه 12:00:00 الرقم اختفا ؟؟؟؟؟؟؟؟؟

اتصلت عليهم ثاني يوم دخلوني قالو لي اكيد في حد اسرع منك
اقوى انترنت عندي ابو 400 ريال وبرج كيوتل قدام بيتي

الحين في رقم انطره بينزل قريب احتمال 99% بوقف قدام البرج مال كيوتل او فوق البرج ان شاء الله لو فيني حيل ونفس الوقت وبكتب بالكيبورد بأصابع رجولي واديني وان شاء الله يكون الرقم من نصيبي دعواتكم بس :(

[العضو الماسي]

ياناس نصب في نصب فيرجن كيوتل في رقم جلست انتظره الى امس الاحد وراح على وانا انتظره من 5 ايام

وقبلها صارت معاي مرتين

والدفع عن طريق بطاقه وفي ارقام فتره استلامهم شهر 9 شدعوه طالب سياره بوقاتي ولا فانتو حتى انتظره كل هالفتره ولا الكرت طلبيه خاصه - ههههه

[HAMAD9030]

السلام عليكم
بصراحه خرعتوني وضحكتووني في نفس الوقت
انا يالربع انتظر رقم وبكره بينزل ليكوووووون يصير لي
نفس اللي استوى حق الشباب الله يستر ههههههههههه:omg::omg::omg:

[STAR]

عفوا اخوي انت قريت موضوعي؟
ولا قريت مقتطفات منه؟

اقول لك اخوي الرقم دخل سلة المشتريات جدام عيني

ارجو انك تقرا الموضوع مره ثانيه
وشاكر لك عزيزي

اعصابك اخوي... وخيرها في غيرها ان شاء الله:)

[سلطان_قطر]

في رقم انتظرته تاريخ 6 الرقم كان 333312 كح اخر رقم نفس اول رقم افهموها عااد
المهم حاط رجل على رجل ولابس نظاره وقاعد قدام الشاشه
من متى وانا انتظره
الساعه 11:59:60 الرقم موجود الساعه 12:00:00 الرقم اختفا ؟؟؟؟؟؟؟؟؟

اتصلت عليهم ثاني يوم دخلوني قالو لي اكيد في حد اسرع منك
اقوى انترنت عندي ابو 400 ريال وبرج كيوتل قدام بيتي

الحين في رقم انطره بينزل قريب احتمال 99% بوقف قدام البرج مال كيوتل او فوق البرج ان شاء الله لو فيني حيل ونفس الوقت وبكتب بالكيبورد بأصابع رجولي واديني وان شاء الله يكون الرقم من نصيبي دعواتكم بس :(

نفس الرقم كنت انتظره و 3 كمبيوترات مع الربع نتصيد للرقم ونفس الشي دخل السله واختفى ويقولي هذا الرقم محجوز فعلا

يعني انسى بالعربي:)

[احب قطر]

أوضحت دراسة فقهية أن التشهير في الانترنت يأخذ حكم التشهير باللفظ، فيعتبر بذلك قذفاً، وتتجاذب العقوبة الشرعية لهذه الجريمة عدة عقوبات هي «القذف واللعان والتعزير».

واستنتج الباحث الاستاذ الدكتور عبدالله بن فهد الشريف استاذ الفقه في الجامعة الاسلامية بالمدنية المنورة، في دراسته التي جاءت في ظل انعدام الدراسات التي تؤهل للحكم الشرعي من هذه الممارسات، الاسباب والدوافع من التهشير بالآخرين ورميهم بما هم براء منه، وابراز السلبيات التي يراد بها النيل منهم، وانعكاس ذلك على المشهر به وبيان موقف الاسلام من هذه الممارسات غير الاخلاقية، وعقوبة هذا الفعل عند الفقهاء.

وتوصلت الدراسة إلى احكام شرعية لمن يمارس التشهير بالآخرين عبر الانترنت،

أما اذا كانت الالفاظ التي يشهر بها تمس المعتقد او الاخلاق أو الامانة مثل قولهم (انه علماني، ليبرالي، أصولي متشدد، شيعي، وهابي، صوفي ..الخ) فإن المشهر ان لم يثبت ذلك فإنه يعزر بما يراه القاضي .

وعن أسباب فعل جريمة التشهير أوضحت الدراسة بأنها تعود إلى عدة امور أهمها ضعف الوازع الديني، وتأثير البيئة على الفرد، وأصدقاء السوء، والفقر، ووسائل الاعلام المختلفة التي هيأت ورتبت لكثير من الجرائم.

أما دوافع التشهير فتختلف من شخص لآخر، فمنهم الحاسد، وآخر متلذذ بذلك، وثالث مخالف في الفكر أو المعتقد، ورابع مشهر عداوة.

وأشارت الدراسة إلى خطورة استغلال التقنيات الحديثة لارتكاب الجرائم المختلفة وللتشهير بالآخرين ففي هذا حرفُ لهذه التقنية عن نهجها الصحيح، وخطورة استخدام ألفاظ نابية للتشهير بالآخرين من قبل ضعاف النفوس.

وأكدت أن فلسفة الاسلام في تحديد معنيالجريمة على اعتبار كل مايخدش في الدين أو المجتمع أو المال العام او الخاص أو العرض أو النفس بخلاف القانون الذي اعتبر الجريمة سلوكا يضاد مصالح المجتمع وفي هذا قصور واضح. وقد وقف الاسلام في تشريعاته من المجرمين موقفاً قوياً ولذا شرع العقوبات التي تكفل تحقيق الأمن الاجتماعي وتعاقب الذين يحاولون النيل منه.

فحاسبوا يا اخوان من اختيار الالفاظ او التهم ، وبامكان اي شخص يوجه نقد لاي جهة ولكن يكون بطريقة بناءه والابتعاد عن اتهام اي جهة

[h a m a d]

جزاك الله خير اخوي احب قطر

نفس السالفة صارت لي ورحت لهم وكلمتهم وقالوا نفس الكلام في حد اسرع منك خذ الرقم . .

حاسبوا يا شباب , ,

[سهم طايح]

نفس الرقم كنت انتظره و 3 كمبيوترات مع الربع نتصيد للرقم ونفس الشي دخل السله واختفى ويقولي هذا الرقم محجوز فعلا

يعني انسى بالعربي:)



وانا واللي في الميلس كلهم كنا ننتظر الرقم

وراح من صوب واحد من الربع

بدون واسطة او تلاعب

الحركة اللي صارت لكم صارت لي كذا مرة وبعض المرات اشوف الرقم في السله ولين جيت ادفع الاقي السله فاضيه

السالفه كلها توفيق وسرعه

[ابو محمد7]

انا مادري شنو بيستفيد اللي ينزل موضوع يقول هالجهة فيها كذا وكذا على قولة اخونا احب قطر تشهير واتهام !

يا اخي راجع الجهة واستفسر منهم وحاول تحل مشكلتك هذا اذا كنت تبي الحل اصلا

وبعدين ممكن تعرض موضوعك بدون هالعناوين الغريبة ولا هو بس اسلوب جذب علشان الناس تدش وتقرا !

[غير البشر]

:weeping: انا انتظر رقمين :weeping:

شنو الحل يعني اخاف يصيرلي نفس ماصار لك

الله يكون بعونك والله
ليتك امصور الصفحه واتروح اتحاججهم ولو ان بطلعون لك الف سبب

الله يوفقك ان شاء الله

[دوحة الجميع]

أبغي أرقام من فيرجن ... اشلون ياشباب ... علموني من أي موقع ؟

[غير البشر]

أبغي أرقام من فيرجن ... اشلون ياشباب ... علموني من أي موقع ؟


http://www.virginmobile.com.qa/en/Shop/Product-Catalogue.aspx


عااد لاتختار ارقاامي ههههههههههههههههههههههه

[OTOsan]

ونا قول ليش كل ماحطيت عيني على رقم .. اجي الدوام وادش ما الاقيه !!!


اتاري الشباب طابور من الساعه 12 .. ههههههههههههههههه

[ولد شرق]

انا مادري شنو بيستفيد اللي ينزل موضوع يقول هالجهة فيها كذا وكذا على قولة اخونا احب قطر تشهير واتهام !

يا اخي راجع الجهة واستفسر منهم وحاول تحل مشكلتك هذا اذا كنت تبي الحل اصلا

وبعدين ممكن تعرض موضوعك بدون هالعناوين الغريبة ولا هو بس اسلوب جذب علشان الناس تدش وتقرا !

كيف حالك اخوي :)

[هسلان]

البقاء للأسرع :tease:
أنا طلبت رقم مميز والساعة 12 طار مني لواحد اسرع مني
لكن ما خليته طلبته عدة مرات والحبيب شكله يتسوق على الرايق ونسحب منه وشريته أنا على طول والدفع سريع :nice:
عاد إن شاء الله مايكون أنت وتدعي علي :anger1:
خيرها بغيرها وخليك سريع في زمن السرعة :victory: