افضل عياده اسنان او دكتور

[الفورمان]

صباحكم ورد يا أهل ديرتي الغالين

حبيت تفيدوني ولا تهونون عن افضل دكتور في قطر للاسنان مو افضل من ناحيه الغالي ؟

لان بعض الفئه الله يهديهم يشوفون الغالي ويقولون هذا الزين ><

افضل من كل النواحي حتى لو سعره غالي

[الفورمان]

للرفع

[Abu Deeb]

أخوي في دكتورة إسمعها سوسن الأهل يروحون عندها ويقولون ممتازة
هي بمجمع الكندي الطبي اللي بالنصر
وماتشوف شر إن شاء الله

[طلعة الروح]

عيادة الدكتور تميم.. طريق الوعب مقابل الاوقاف قبل فيلاجيو..
من الحين اقولك الدكتورماعليه كلام بس الله يعينك على اسعاره ومواعيده شوي تطول بس مب وايد ..
واذا لك شده تمشي ع المواعيد عندك عيادة ارميلة للاسنان...
وماتشوف شر يالغالي..
ياريت تقولي شنو مشكلتك بالضبط وبقولك وين احسن مكان...

[ثاني]

ارشح لك الدكتور معين بعيادة الدكتور حسن العبدالله
ممتاز وشغله مرتب والمعدات الي عندهم متطوره
و الاسعار لك عليها بس ارخص من تميم

[المغروره]

تميم ملص وومحمد سعيد
تحيااتي لك

[قلم حائر]

مركز الربيع وفيه مجموعة اطباء واسعار جدا ممتازة وفي طبيب جربته اسمة د/ شبير
وبصراحة المجمع ذي جدا زحمة - تراه زين واسعاره ممتازة جدا
وانشالله اللي بالمنتدى ما ايقصروة

[قطر دزاين]

ترى اللي بقطر كلهم خرطي درت 6 عيادات وشغل بالخير

انصحك اذا مشكلتك كبيره في الاسنان تاخذ عنوان دكاتره من ايران او سوريا

انا ناوي ها الدولتين لاني تعبت من اللي هنا غالي وشغل تمام ما فيش

[UM.Rashid]

انا مدحو لي واحد اسمه د. هيثم كان بعياده الدكتور مروان

بس يقولون انتقل الحين اعتقد اعتقد بجنب مهند دكتور الاطفال

بس الاسعار ما اعرف عنها شي لاني نااااااااااااااويه اروح للحين ما رحت :)

التقويم وما تقويم مدحو لبنت اخوي عمرها 15

مدحو لها الرازي ومروان

بس امها قررت تاخذها الرازي بس تخلص الامتحانات

يقولون التقويم يتراوح من 10 ال 12 الف عنده

بس ما اعرف شامل الرقع والخلع والتنظيف

[طــمــوحــة]

تميم ملص بس غالي شوي

[نعيمه علي]

عيادة دكتور تميم ملص
واذا تقويم ففي نفس العيادة في دكتور ميشيل ممتاز
وانا اتعامل معاهم بصراحة ممتازين

.

[مها88]

ما عليك شر أخوي ...

بس ممكن الأخوان يفيدوني .. وين أحسن عيادةن لتبييض الأسنان ؟؟

ويكون شغلهم نظيف وأسعارهم زينة ؟؟؟

[نعيمه علي]

ما عليك شر أخوي ...
بس ممكن الأخوان يفيدوني .. وين أحسن عيادةن لتبييض الأسنان ؟؟
ويكون شغلهم نظيف وأسعارهم زينة ؟؟؟




في عيادة دكتور تميم
عند دكتور تميم نفسه او دكتور جورج
واعتقد التبيض عندهم ب 2000 بس مش متأكدة
لكن شغلهم ممتاز


.

[يراعٌ فراتي]

اذا شغلة بسيطة فالموجودين ماقصروا عطوك اسماء الدكاترة اللي في الدوحة

اذا السالفة تستاهل السفر
انصحك بحلب فيها افضل دكاترة على مستوى الوطن العربي واسعارهم ممتازة جدا واقل بكثير

وفي عندك

الدكتور مناف طاهر أغا

دكتور معروف على مستوى الوطن العربي

واكثر من مرة شفته على الام بي سي

وعضوا لجنة التحكيم العالمية لاستخدام تطبيقات الليزر في عمليات الاسنان

http://nn-no.facebook.com/group.php?gid=173623280253

[العنيد000]

في دكتور هندي ممتاز ناسي اسمه

في مجمع الشفاء الطبي

[أم وضحى]

بعد اذن صاحب الموضوع


حد جرب عيادة المها للأسنان ؟

وخصوصا الدكتور ايهم ؟

[ريم المدينة]

اشرايكم في المستشفى العسكري؟؟

[ريمية قطر]

الدكتوره عذبه المسند اخصائية تقويم في الرميله للاسنان الله يذكرها بالخير ممتازه

[الفورمان]

تسلمون وماقصرتو على النصايح الطيبه من شباب او بنات

حبيت اقول لكم اني رحت عند دكتور روعه اسمه دكتور حسن في مركز المدينه فرع السد

وراهن عليه كفايه يده خفيفه مره وعملت عنده شيل عصب لضرسين وجسر لثلاث اسنان افضل نوع الي بدون نحاس داخلي ومع تنظيف كامل 10500 والصراحه يستاهل

هذي نصيحتي ترى الاسنان والنظر مافيها خساره

والله ليهينكم

[نعيمه علي]

تسلمون وماقصرتو على النصايح الطيبه من شباب او بنات
حبيت اقول لكم اني رحت عند دكتور روعه اسمه دكتور حسن في مركز المدينه فرع السد
وراهن عليه كفايه يده خفيفه مره وعملت عنده شيل عصب لضرسين وجسر لثلاث اسنان افضل نوع الي بدون نحاس داخلي ومع تنظيف كامل 10500 والصراحه يستاهل
هذي نصيحتي ترى الاسنان والنظر مافيها خساره
والله ليهينكم




اهم شيء لقيت دكتور قدر يفيدك
وارتحت له
ومثل ما قلت مو خساره في الصحة والاسنان
وسلامات ان شاء الله



.