موضوع تعبني جدا ... والحل كان .. انسحابي !!!! [الأرشيف]

مشاهدة النسخة كاملة : موضوع تعبني جدا ... والحل كان .. انسحابي !!!!

غيمة مطر

14-06-2010, 08:06 AM

السلام عليكم

موضوعي اليوم مب جديد عليكم جميعا ...

بس بما ان احنا هني كلنا اخوان وخوات حبيت افضفض بعد ان طفح بي الكيل ...

بس ابي اقول ليييييش ياقطر ليييييييش (( خانقتني العبره والله يشهد ))

لله الحمد انا متفوقه من ايام الثانويه واذكر ايامها اجتمعنا ( الطالبات القطريات المتميزات ) مع الشيخه موزه اللي ماقصرت اسمعت منا كل كلمه قلناها واسمعت اقتراحاتنا واحتياجاتنا

والله اذكر كنا نقول اشياء نتمناها وهي تقول ان شاء الله وانها فخوره فينا

تكلمنا عن طريقة التدريس ماتكون بس لنا نتلقى العلم لازم نسعى له والمباني وغيرها وشددنا على رغبتنا بالمدارس المستقله وكان هذا الكلام باواخر 97 او 98 ( ايام ماكانت قطر كلها قطريين وعدد بسيط هم الاجانب ))

والحمدلله شفنا التجربه الحين ... ونظرتنا للمستقبل تحققت حق بناتي اليوم ماااقصرتي ياام الكل

((( حبيت اشكر الشيخه موزه على كل جهودها وانا ادري لو تدري باوضاعنا احنا القطريات اللي شايلين اسم قطر مابترضى علينا والله مابترضى ))

انا قطريه وتخرجت بعد معاناه بالجامعه لصعوبه التخصص وانه جديد للبنات القطريات خاصه وبنفس الوقت كنت ام لاكثر من طفل
جاهدت بمعنى الجهاد على حساب راحتي ( رغم اني والله مب محتاجه للوظيفه كشيء مادي ) لكن حبيت اكون بتخصص نادر واشغله وارفع اسم قطر واغير النظره السطحيه عن البنت القطريه
(( ومب بس انا في بنات غيري كثير عندهم نفس الفكره))

تخرجت بعد معاناه والحمدلله وتوظفت ...

ولكن .........

حسيت اني بديره مب ديرتي ...

ادارتي كلها اجانب ... ورواتب اعلى مني .... وانا بنت قطريه غريبه والكل يبي عليها غلطه وزله رغم اني احب اتعلم واشتغل .....

الكل راتبه اعلى من راتبي ... خير بلادي لغيري .. ليش ؟!!!
(( نرجع نقول ماتهمني كماده بس يهمني التقدير كقيمه ))

يعني انا قطريه لالي تامين صحي ولامدارس خاصه نلعيالي ولابيت الا بدل ب2400 وهم بيوووت وفلل وتلفون ونت ......ليش لان قانون الموارد البشريه الجديد يقول جذي والاجانب عندنا للحين يسرحون ويمرحون بالقانون القديم ... اي قانون ينصف حق الغريب وولد البلد وبنت البلد يرضى بالقليل ...
شاللي عنده هالاجنبي ماعندي ؟؟؟ شهادتي تعادل شهادته والخبره اقدر اكتسبها بسنتين ثلاث وترى انا قطريه يعني ماراح يجي يوم اترك قطر واشتغل برع ... خيري لديرتي .. لكن هذي الاجنبي مرده حق بلاده .. وظيفته بقطر بس لتكوين نفسه ...
ياقطر انا بنتج ... خيري لج وخيرج لي ... ليش تفضلين الغريب علي ياااايمه لييييش ؟؟؟؟

تخيلو بنت قطريه ... الاجنبي يامر وينهي عليها ... والاجنبي اللي له نفس الوظيفه يكبر راسه بعد لان المدير من نفس الجنسيه
ولو رحت كلمت الموارد البشريه القى بعد ولد عمهم ...

صرنا احنا كقطريين ( نفس سكان امريكا الاصلييين ) نادر وجودنا ولو لقيت قطريه او قطري بالعمل في اي قسم ثاني افرح احس بالامان والله

انا مااخذ بريك بدوامي لان دوامي جذي ... ومره كنت ماخذه اجازه عرضيه ورحت احد المطاعم القريبه من الدوام ولقيت الموظفين الاجانب ماخذين بريكاتهم هناااك

يعني ليش يعاملون القطريين بهالمذله لييييش ؟؟؟؟؟

انا شاركت في مؤتمرات ووورش عمل عالميه ... بس عشان ارفع اسمج ياااقطر

والحين وبعد سنتين من المذله ...

قدمت استقالتي وعلقت شهادتي في بيتي وقلت ... قطر ليست للقطرييين

كيفـي

14-06-2010, 08:11 AM

آه يا قلبي..

الله يعوضج خير ان شاء الله..

وعندنا وعندج خير.. وأبن عمك أصمخ..!!

ولا حيــاة لمن تنادي..:(

هتـان قطر

14-06-2010, 08:11 AM

لا تعليق ..غير الله كريم :(

الله يخلف عليك وعلينا

قطرية بعيون

14-06-2010, 08:14 AM

سمعتي اغنية يحلمون هاي حالنا

STAR

14-06-2010, 08:18 AM

افااااااا يا قطر....

كركم

14-06-2010, 08:35 AM

وبتم قطر لغير القطرييييين لييييييييييييييين نشوف تحركات ملموسة للقطريين للمطالبة بحقوقهم..اذا كل واحد بينظلم بينزل موضوع في المنتدى ويطلع كل اللي بخاطره في الوقت اللي لازم هالموضوع يرفعه لأعلى سلطة يقدر يوصل لها..بيتم الحال مثل ماهو عليه..

شبح الصمت

14-06-2010, 08:46 AM

meme~qatar

14-06-2010, 08:49 AM

اه ياقلبي
لا تذكريني بس

ابوسعود

14-06-2010, 08:52 AM

الأصيلة

14-06-2010, 08:52 AM

طيب ايش اللي يمنع ما تجتمعين مرة أخرى بالشيخة موزة وتشرحين لها الوضع..
ترى لها أذن صاغية وقلب حنون ...
وأن شاء الله رح تنصفك وترد لك إعتبارك...

الأصيلة

14-06-2010, 08:53 AM

الطائر الحائر

14-06-2010, 08:54 AM

الله المستعان وحسبنا الله ونعم الوكيل ولا حول ولا قوة الا بالله
انا قطري ياللي تعرفوني ( اغنية ايام الثمانينات )

غيمة مطر

14-06-2010, 08:54 AM

أخـتي غيـمة مطر

أسمحي لي أقولج أنتي طلعتي ضعـيفه ضعيـفة

الحين عطيتهم فرصة

واستانسو أنه بنت البلد والا ولد البلد انهزم قدامهم

الله يسامحج الله يسامحج والله

لكل مجتهد نصيب

ليتج ما اقدمتي على تقديم الاستقالة وقعدتي على قلوبهم

اخوي

الوضع متعب جدا .... ترى مب هينه يكفي دراستي تعبت فيها وذقت فيها الويل ... عشان قطر

وكنت امثل قطر برع والله العالم بالظروف اللي تحتم على المراه انها ماتسافر لازم امحرم واشوف لي محرم من اهلي ... وساعات اكون حامل واتحمل المشقه ...وساعات اخذ عيالي معاي
كلها تعب بتعب وجهاد مع النفس

وبعدها صبرت سنتين مذله وحالتي حاله ...

يعني شوف كم اجمالي التعب بدون تقدير ولين متى بصبر ؟؟ ومن بقدرني اصلاااا ...
محد التفت لاي شي سويته عشان قطر
بيلتفتون الحين
ولاتنسى الكثره تغلب الشجاعه

صدقني الوضع اللي وصلنا له لايحتمل لاااايحتمل

شبح الصمت

14-06-2010, 08:58 AM

أنا بقولكم قصـه عن رفيجي
رفيجي يدوام فالبترول وكان جنير الرجال المهم ووظيفـته ما في فوقه مسؤول سنير ورفيجي مسكين من الناس الشغولين والي يحاول قد ما يقدر يثبـت نفسـه ومع مرور الايام الادارة جابت له موظف هندي وقالو له تعلمه الشغل ورفيجي قام وعلمه الشغل لمدة شهـر .. وبعد الشهر اختفى الموظف الهندي وجاء لرفيجي بعد 6 شهور ،، قاله رفيجي وين كنت قاله ابيك تسوي هالشغل قاله رفيجي اشلون !! ليش انت تأمرني قاله أنه السنير المسؤول عنـك .. رفيجي يحسبـه يتغشمر .. قاله كم رقمك الوظيفـي قاله هذا رقمي وشيك في الكمبيوتر .. وقام يشيك الا طلع عنده أنه صج سنير ..
قام رفيجي وعصـب وشل الكمبيوتر ورذخه من الحره الي فيه وغاب مدة أسبوع .. عقب توكل على الله وقال حسبي الله ونعم الوكيل انا قاعد اجاهد وتعب عشان اوصل لهذه الدرجة ويجي هذا باردة وياخذها مني ولكن رفيجي ما يئس وتم تم لين الحمد لله وصل الحين درجة السنير وهو كان ثانوية ..
اختي مع المثابرة والاجتهاد والعزيمـة راح توصلين لغايتك والتوكل قبل كل شيء على رب العالمين
لكن مع الهزيمة والاحباط راح توصلين لدمار نفسيـتج

غيمة مطر

14-06-2010, 08:58 AM

بصراحه الاستقاله اكبر غلط سويتيه
اذا كل قطري مل قدم استقالته محد تم في الوظيفه
وانتي تفتحين المجال لغير القطري انه يسرح ويمرح
على كيفيه وانتي بالاستقاله خليتيه ياخذ اللي يبيه
وبعدين اختي غيمة مطر خلينا واقعيين شوي ونترك العواطف
مايصير من اول ماداومين تصيرين مديره على طول
وتوج ماصر لج سنتين واذا مثل
ماتفضلتي تخصصج صعب يعني الدوله مب لاقيه قطريين في هالاماكن
يعني مافيه الا الاجنبي وانتي مب صابره وغيرج ماراح يصبر اذا قال نفس
الكلام وفكر بنفس التفكير
ولوصبرتي طلتي اللي تبينه وبتساعدين القطريين اللي من بعدج
تقبلي رائي واحترامي وتقديري
شكرااااااااااا

انا ماقلت ابي مديره

والله ماابي الا تقدير فقط

يعني موظفين بنفس درجتي ووظيفتي ... راتب اعلى .. امتيازات اكثر .. ويسرحون ويمرحون ...

لاتخلوني احسن منهم مااابي

راضيه اكون مثلهم بنفس مميزاتهم بس

ومن قال ان الدوله تبي قطريين بهالمكان ؟!!!

صديقاتي جاو وقدمو عالوظايف ونفس تخصصي ومالقو اي قبول ...

....

غيمة مطر

14-06-2010, 09:00 AM

طيب ايش اللي يمنع ما تجتمعين مرة أخرى بالشيخة موزة وتشرحين لها الوضع..
ترى لها أذن صاغية وقلب حنون ...
وأن شاء الله رح تنصفك وترد لك إعتبارك...

على ايدج

ادري انها تسمع وادري ان مايرضيها اللي يصير

بس شلون اوصل لها ..؟؟

dream~qa

14-06-2010, 09:03 AM

للأسف إذا كل واحد بعد سنتين بيقول مذله وما أقدر أكيد قطر بتكون للأجانب اللي مستعدين للصبر والتحمل واكتساب الخبرة أكثر من القطري .

الله المستعان .

غيمة مطر

14-06-2010, 09:08 AM

للأسف إذا كل واحد بعد سنتين بيقول مذله وما أقدر أكيد قطر بتكون للأجانب اللي مستعدين للصبر والتحمل واكتساب الخبرة أكثر من القطري .

الله المستعان .

من يرضى بالذل في بلاده والاجنبي يسرح ويمرح ؟؟؟؟

:eek5:

وطن

14-06-2010, 09:13 AM

اختي انتي اجانب حاربوج

أنا قطري اللي حاربني اول ما تعينت وانا توني خريجه فريش ولا اعرف شي وهو لازم يعلمني
لين طلبت نقلي من قسمه بعد صبر 3 سنين وزود
والحين الحمدلله مرتاحه وهو للحين يحاول يرجعني عنده
بس طبعا ماله أمل

اختي المفروض تشوفين لج قسم ثاني أو وظيفه ثانية تخدمين فيها بلادج
مو تطلعين من عندهم
والمفروض تصبرين
توج متعينه يعني خبرتج بسيطه مقارنة بهم
شوي شوي وان شاء الله تاخذين مكان مديرهم

نمر بن عدوان

14-06-2010, 09:17 AM

ماريسا

14-06-2010, 09:17 AM

لا حول ولا قوة الا بالله
و حسبي الله و نعم الوكيل على الي كان السبب

غير البشر

14-06-2010, 09:18 AM

الله يكون بعونج اختي
والله شي يقهر لكن لاحيا لمن تنادي
انا خريج سنه 2004 وشاب وعندي طاقات
ومن سنتين ونص قدمت اعفاء من العمل وجلست ابرك لي :)
والسبب ليس الاجنبي بل ولدي بلادي

أخـتي غيـمة مطر

أسمحي لي أقولج أنتي طلعتي ضعـيفه ضعيـفة

الحين عطيتهم فرصة

واستانسو أنه بنت البلد والا ولد البلد انهزم قدامهم

الله يسامحج الله يسامحج والله

لكل مجتهد نصيب

ليتج ما اقدمتي على تقديم الاستقالة وقعدتي على قلوبهم

بصراحه الاستقاله اكبر غلط سويتيه
اذا كل قطري مل قدم استقالته محد تم في الوظيفه
وانتي تفتحين المجال لغير القطري انه يسرح ويمرح
على كيفيه وانتي بالاستقاله خليتيه ياخذ اللي يبيه
وبعدين اختي غيمة مطر خلينا واقعيين شوي ونترك العواطف
مايصير من اول ماداومين تصيرين مديره على طول
وتوج ماصر لج سنتين واذا مثل
ماتفضلتي تخصصج صعب يعني الدوله مب لاقيه قطريين في هالاماكن
يعني مافيه الا الاجنبي وانتي مب صابره وغيرج ماراح يصبر اذا قال نفس
الكلام وفكر بنفس التفكير
ولوصبرتي طلتي اللي تبينه وبتساعدين القطريين اللي من بعدج
تقبلي رائي واحترامي وتقديري
شكرااااااااااا

ترا الاجانب مالهم ذنب ياجماعه
جاهم عرض من قطر برواتب عاليه ومميزات حتى القطري مايشم ريحتها
والي ماعطهم العرض قطري مثلي مثلكم وهم وافقو على العرض
وفوق هذا كله اعطو الاجانب صلاحيات كبيره مثل توظيف وترقيات وغيره
ولاتلوم الاجنبي لما يوقف بصف ولد بلاده ويساعده في التوظيف والراتب والمميزات
لكم اللوم كله على المسئول القطري الي معتمد عليهم وماعطهم كل الي يبونه الله المستعان

غيمة مطر

14-06-2010, 09:23 AM

الله يكون بعونج اختي
والله شي يقهر لكن لاحيا لمن تنادي
انا خريج سنه 2004 وشاب وعندي طاقات
ومن سنتين ونص قدمت اعفاء من العمل وجلست ابرك لي :)
والسبب ليس الاجنبي بل ولدي بلادي

صدقت والله بكل كلمه ..

ترا الاجانب مالهم ذنب ياجماعه
جاهم عرض من قطر برواتب عاليه ومميزات حتى القطري مايشم ريحتها
والي ماعطهم العرض قطري مثلي مثلكم وهم وافقو على العرض
وفوق هذا كله اعطو الاجانب صلاحيات كبيره مثل توظيف وترقيات وغيره
ولاتلوم الاجنبي لما يوقف بصف ولد بلاده ويساعده في التوظيف والراتب والمميزات
لكم اللوم كله على المسئول القطري الي معتمد عليهم وماعطهم كل الي يبونه الله المستعان

يعتقدون ان احنا نبي نوصل مناصب لا والله بس عطوني مثل ماتعطونهم .. يعني شخص مثل خبرتي ومثل شهادتي بس راتبه فوق راتبي وله من الصلاحيات الشي اللي مااحلم فيه .. طيب ليش؟؟؟

ماريسا

14-06-2010, 09:24 AM

للاسف اختي مشكلتنا مانتحمل ونصبر لين مانوصل للي نبيه يعني انتي خلال سنتين مليتي وطلعتي من شغلتج لان الاجانب راتبهم احسن من راتبج ومادري هل كنتي تبين خلال سنتين عمل تصيرين مديره او مسوؤله .اختي الصبر ثم الصبر ولو انج تميتي واثبتي نفسج وتحملتي كان حصلتي نتيجه لكن انج تستقيلين خلال سنتين فهذي انهزاميه ويافرحة الاجانب .

أحسن شي سوته
لأنها مارح توصل لنتيجة
انا شغالة 4 سنين بنفس المكتب و نفس الشغلة و نفس الراتب
و مو مقصرة و مستعدة اتعلم و اكرف مع ذلك مفي تقدير و يحاولون يتصيدون اي غلطة ع الموظف القطري عشان مايعطونه امتياز
و كل 6 شهور لبنانيين يتوظفون قدامي و يرقونهم بعد سنة !!
أستغفر الله العظيم و الله الواحد يفكر يهاجر ينذل برّة و لا ينذل ببلده (أغنى دولة في العالم)
خليها لبني (كرمال عيونك) عليهم بالعافية و حسبي الله و نعم الوكيل

غيمة مطر

14-06-2010, 09:26 AM

للاسف اختي مشكلتنا مانتحمل ونصبر لين مانوصل للي نبيه يعني انتي خلال سنتين مليتي وطلعتي من شغلتج لان الاجانب راتبهم احسن من راتبج ومادري هل كنتي تبين خلال سنتين عمل تصيرين مديره او مسوؤله .اختي الصبر ثم الصبر ولو انج تميتي واثبتي نفسج وتحملتي كان حصلتي نتيجه لكن انج تستقيلين خلال سنتين فهذي انهزاميه ويافرحة الاجانب .

من قال ابي اخذ منصب ؟

ابي نفس حقوق الموظف الاجنبي بنفس وظيفتي ونفس خبرتي وشهادتي يساووون راتبي وصلاحياتي ومستحقاتي معاه بس
صعبه ؟؟؟
ليش شاللي يقدمه لهم وانا مااقدمه ؟؟
خبره سنتين انا وهو خبره سنه ونص بعد ...
هو بكالريوس ... وانا بكالريوس ....
لكن نتساوى في الراتب... والسكن والتعليم والصحه طبعا هو افضل بكثييير

ترضاها انت؟!!!!

غيمة مطر

14-06-2010, 09:28 AM

أحسن شي سوته
لأنها مارح توصل لنتيجة
انا شغالة 4 سنين بنفس المكتب و نفس الشغلة و نفس الراتب
و مو مقصرة و مستعدة اتعلم و اكرف مع ذلك مفي تقدير و يحاولون يتصيدون اي غلطة ع الموظف القطري عشان مايعطونه امتياز
و كل 6 شهور لبنانيين يتوظفون قدامي و يرقونهم بعد سنة !!
أستغفر الله العظيم و الله الواحد يفكر يهاجر ينذل برّة و لا ينذل ببلده (أغنى دولة في العالم)
خليها لبني (كرمال عيونك) عليهم بالعافية و حسبي الله و نعم الوكيل

صااااادقه والله
ياريت بس اللبنانيين
لا الاجانب الاوروبيين والامريكيين هم العماله المقدسه ... اللي كل شغلهم بيرفكت وانهم عقول منجزه وغيرها
واحنا الفئه المستضعفه

لاحول ولاقوة الا بالله

احمد بن علي

14-06-2010, 09:57 AM

الله يكون في عونج بس المفروض انج ماتستسلمين بكل سهوله:nono: وتخلين الدخلاء يتغلبون عليج استحملي اشوي عشان قطر تراها تستاهل منا عمرنا كله والظلم جاي من ناس يعتبرون عيال عمنا:weeping: مب عدوان بس الواحدما يقول الا (قدر الله وماشاء فعل) والله يرزقج من حيث لاتعلمين .......:ok:

الصريحه

14-06-2010, 10:35 AM

ليش استقلتي تظلمي والله معاج
فعلا قطر لغير القطريين

بـــــــنت النوخـّــــذه

14-06-2010, 10:56 AM

اكبر خطأ التخذتيه هو قرار الاستقاله 00 الافضل انج اذا ما ارتحتي غيرتي واجهتج لمكان ثاني ترتاحين فيه نفسيا" على الاقل 0000

ومشكلتج مهب فقط مشكله خاصه بل مر فيها الكثير وانا وحده منهم مكرميني على مستوى الدوله في مجال علمي ومحلك سرّ اتقولين اخذ الشهادات عشان اعلقهم على الطوف في البيت :( بس ما يأست صج المكان الوحيد الي استفاد من الشهادات هي (الطوفه ) بس اشتغلت اههههههه الانسان يجد ويثابر ويخلي نظرته تفائليه حتى في وسط العقبات ماعجبج مكان نقلي مكان اخر ماعجبج المكان الاخر انقلي المكان الاخير 000بسس لا لليأس والتحطيم 000الاجانب للامانه في بعضهم الخير فلا نقط كل شي فوق راسهم 000 اذا اهم يطلعون ويسرحون وماخذين حقهم عليهم بالعافيه مصيرهم بيردون بلادهم 00 لكن بلادنا بتم لنا واحنا اهل هالارض الطيبه 000

نصيحتي لج انج تردين مره ثانيه للوظيفه حتى لو وظيفه غير واشتغلي ولا عليج من حد صدقيني اذا بنشوف فلان ولا علان ونراقبهم بنتعب ومابيتم حد مرتاح 00

اذا الكل بيكرر المقوله قطر لغير القطريين معناته انكم اتشجعون على ان قطر اتكون لغير القطريين وبالتوفيق للجميع :)

نمر بن عدوان

14-06-2010, 01:04 PM

لكن نتساوى في الراتب... والسكن والتعليم والصحه طبعا هو افضل بكثييير

ترضاها انت؟!!!!

اختي ممكن تشرحين لي شلون هو احسن منج في السكن والتعليم والصحه وهل الي تتكلمين عنهم عرب او شقر؟

مــــلاك

14-06-2010, 01:33 PM

حسبي الله ونعم الوكيل انقهرت والله لما قريت كلامج وحسيت بغصه ..
كنت اشوف وضعي في شغلي انه مب شي ومب عاجبني بس الحمد لله ارحم من الي يصير معاج
بموت قهر لو صادفني الي صادفج ... :weeping:
وكلي امرج لرب العالمين ..والله يعوضج خير في شغل افضل منه

فلفل حار

14-06-2010, 02:00 PM

لاحظت شي على مستـوى الدولـه بحكم تنقلي مابين وظيفتين من شركة خاصه إلى جهه عسكريه ...

بحكم وظيفتي الحاليه في جهه عسكـريه آقدر آحكم آنه العسكـري ينصف لما يتعب ويثبت نفسه ...
لما كنت في الشركه الخاصـه ومن آكبر الشركات في قطر وخدمت فيها 7 سنـوات ...

هبــاء منثـورا للآسـف ...!
وهذا الواقع الحاصل مع صاحبة الموضوع والله يكون بعـونـج ...:)
( من ترك شيئاً لله عوضه الله خيراً منه )

ولو تفكـرون فيها ترا الكنتـرول بالشركات بيد الآجانـب على مطالباتهم بحقوقهم ولما توفرت لهم ياخذونها كامله من وآلى ...!
والقطـري دام آنولد في بيت آبـوه خلاص يتم طول عمره في بيت آبـوه بلا توفيـر سكن معقـول آو آبتعاث آعيـاله للمدراس الخـاصه آلي رسوم تكاليفها بالسنه مب آقـل من 30 آلـف ...
بس الحمدلله ع الآقـل الجهات العسكريه كل مدرائي قطريين ومنا وفينا ومايرضون بالظلم آبـــداً وميزة العسكري آنه لو لكـ حق بتاخذه غصبن عن آلي مايرضـى ...

معوضـه خيـر يالطيـبـه ...
الله كريـــم والحمدلله على كل حال دامها مستـوره ...:nice:

ياقوته

14-06-2010, 02:18 PM

أختي أحس بمعاناتك والله أنت أنسانه أحي فيك روح المواطنه وروح الأخلاص
أنت كنز مفقود في هذا البلد بصراحه وبكل قوه أقولها ....معناتك معقده ومركبه
تدرين ليه لأن شخصيتك مخلصه حسنة النيه نظيفة القلب وصادقه وجديه في العمل
وهذا لا يوافق سير العمل في هذا العصر المفتن هناك تنازلات أعتقد تتعارض مع
بقائك والدليل أناس جدد يترقون بشكل أسرع رغم أعتقادي أن القوانيين تسند الموظف
القطري في إرتقاء السلم الوظيفي بأسرع مما يخطر على بالك حدك سنتين خبره ومنها
تترقي في كل سلم وظيفي راقي ولكن أعتقد أن عدم صبرك هو تشابك بين حياتك الشخصيه
وحياتك العمليه وقد تتأثر نفسيتك على البيت سلبا ومع الرؤيه الغير منصفه لحالتك في العمل
جعلك تخرجين منسحبه رغم الأغراء المادي الغير منصف وأعتقد لو كنت غير مسؤوله عن
زوج وأطفال أعتقد أن الأمر كان أسهل .... ولكن أعتقد أنك تسرعتي قليلا تعرفين ليه
لو أنك محاربه قويه وذكيه كان خذتي إجازه بدون راتب حسب ما تجديه من رخص في المنصب
وترتاحين بين الفين والأخرى أستراحة المحارب وهذا ينظم لك أفكارك وبسهاله ربك يفرجها
وهذا ما أملكه بصراحه بعدما أنسحبت مثلك ولكن بدون مميزات تخص وظيفتي رغم مشابهة
حالتي حالتك أرجوا من الله لك التوفيق

غيمة مطر

14-06-2010, 02:54 PM

اختي ممكن تشرحين لي شلون هو احسن منج في السكن والتعليم والصحه وهل الي تتكلمين عنهم عرب او شقر؟

انا اقول لك

له فيلا مأثثه بالكامل ... (( انا بدل سكن 2000 ريال شهريا ))

له تامين صحي ... انا مالي اي تامين صحي ابدا

له تذاكر سنويه له ولزوجه وعياله ومدري كم كيلو للشحن ... انا لي ربع راتبي كبدل تذكره لي بروحي

يوفر له الدوام المدارس الخاصه لابناءه ... وانا عيالي بمدارس حكوميه او مستقله

له تلفون البيت وخط الانترنت مجانا ...

والموجودين في منهم عرب وفي منهم هنود وفي منهم بريطانيين وباكستانيين وانواع ثانيه

الله المستعان

&بوشهد&

14-06-2010, 02:54 PM

والله مهزلة اشلون يحطون مدراء اجانب
حسبى الله ونعم الوكيل

خالـــــد

14-06-2010, 03:03 PM

شوفو يا الربع

الاخت الكريمه صاحة الموضوع لعل الله كتب لكي الخير كله

بيتك وعيالك هم اكبر واغلى واصعب وظيفه اهم شي لا تستقيلين من ادارة بيتك ولا تقصرين معهم والباقي هين

واقول لكل قطري بالعموم ليش انتو قصيرين نفس ؟؟؟؟

اللي الاحظه الواحد توه ما اشتغل سنه يبي يصير مدير ويطالع غيره ......... طبعا الكلام لي انا قبلكم وصدٌقوني مريت فيها قبلكم

الحين صارلي اكثر من 15 سنه في شغلي وترقيت وفهمت الشغل والحمد لله

لكن بالصبر والمثابره بتحصلون اللي تبونه

اما بالنسبه للاجانب ابيكم تعطوني حلول .......... الحين ما تبونا نجيب مهندسين ولا نوظف دكاتره ولا نعين محاسبين

طيب كيف هالمصانع والمؤسسات بتمشي ( ملاحظه شركات البترول واولها قطر للبترول فوق ال 70% الوظائف الاداريه قطريين )

انا معاكم ان في بعض المؤسسات انحياز واضح للاجنبي لكن الحل اننا نصبر لين ما نتمكن ووقتها نقدر نغير

تحياتي

&بوشهد&

14-06-2010, 03:08 PM

انا اقول لك

له فيلا مأثثه بالكامل ... (( انا بدل سكن 2000 ريال شهريا ))

له تامين صحي ... انا مالي اي تامين صحي ابدا

له تذاكر سنويه له ولزوجه وعياله ومدري كم كيلو للشحن ... انا لي ربع راتبي كبدل تذكره لي بروحي

يوفر له الدوام المدارس الخاصه لابناءه ... وانا عيالي بمدارس حكوميه او مستقله

له تلفون البيت وخط الانترنت مجانا ...

والموجودين في منهم عرب وفي منهم هنود وفي منهم بريطانيين وباكستانيين وانواع ثانيه

الله المستعان

ممكن نعرف هذا في اي جهة حكومية او بالعربي وين هالمكان

نسايم قطر

14-06-2010, 03:41 PM

نا مثلج اختي والله ايكون في عونج بس الفرق انا صبرت 12 سنه واخرتها قلت اطلع قبل لا انجلط اعيالي محتاجيني وبيتي محتاج صحتي حروب نفسيه وضغط نفسي واستفزاز كله عشان اقطريه وتبين مصلحة لقطرين شي يقهر والله
مؤسسة حمد تعطي الاجنبي تأمين صحي وتدفع مدارس اعيالهم حتى عمر 18 بمعدل 7000 لكل طفل وفيلا مفروشه وبدلات ولا وفيه علاوة ماركتنج عشان يتسوقون فيها توصل 50% من الاساسي وتلفون مجان واخرتها ايبوقونهم ويصفون عليهم فواتير وسلف على الراتب ويشردون وتعاااااااال دورهم
وتحصل خبراتهم يا بايع في سوبر ماركت ولا نادل مطعم ولا سباك وسمكري وشهادات اوووووه حدث ولا حرج مادري من وين يايبينها
نصيحتي لج خلج بارددده كول حدج وبردي اعصابج وشوفي لج مكان ثاني عندج اجيال تبين اتربينهم وانتي بصحتج وبعافيتج الله ايخليهم لج والله ايباركج لج في وظيفه احسن ان شاء الله

ارين

14-06-2010, 04:13 PM

السلام عليكم

أختي العزيزة صراحة .. تعبت وأنا أقرأ مشكلتك .. وترى إنتي مب أول وحدة تعاني من هـالمسؤولين الأجانب
وتعاملهم السيء مع المرؤوسين القطريين .. سمعت عن كذا حالة يشتكون منهم ..
و ما أقدر أقول لك إلا الله يعينك ويعين أمثالك على المظالم التي تقع عليه .. والله قادر على إزالتها في طرفة عين .. وإذا أراد الله شيئاً فيقول له كن فيكون ..
ولكن الله جعله ابتلاء لي ولك ولغيرك
ليختبر صبرنا وإيماننا به .. ( فالله خلق الإنسان في كبد ) ( الله خلق الموت والحياة ليبلونكم أيكم أحسن عملا ) ..
فاصبري وتوكلي على الله حق توكله ( ومن توكل على الله فهو حسبه )
وإن شاء الله بيجي يوم ويطلعون كل الأجانب من بلدنا .. بس متى ؟

دائماً هذه التساؤلات وغيرها تدور في ذهني .. ما الذي أتى بهم إلينا وبهالكثرة ؟
ستقولون بسبب توافر العمل والرزق .. ولكن هذه أسباب أوجدها الله ..
ومن رأيي السبب الحقيقي لإتيان الله بهم هنا في بلادنا وغيرها من بلاد المسلمين ( الخليج )
هو لكي يتعرفوا على دين الإسلام ويتعايشون مع المسلمين ولكيلا يكون عندهم حجة يوم القيامة بعدم إبلاغهم به ..

شكلي طلعت عن الموضوع .. السموحة
وتقبلي مروري
والله يوفقك لما يحبه ويرضاه

koketa

14-06-2010, 11:10 PM

انت غلطانه انك استقلتي لو نظرت للموضوع بصوره ايجابيه كان عرفتي ان الأجانب موجودين عشان نتعلم ونستفيد منهم عموما قدمي علي شغل واستمري فيه

الـعــضــيـد

15-06-2010, 12:19 AM

اخوي

الوضع متعب جدا .... ترى مب هينه يكفي دراستي تعبت فيها وذقت فيها الويل ... عشان قطر

وكنت امثل قطر برع والله العالم بالظروف اللي تحتم على المراه انها ماتسافر لازم امحرم واشوف لي محرم من اهلي ... وساعات اكون حامل واتحمل المشقه ...وساعات اخذ عيالي معاي
كلها تعب بتعب وجهاد مع النفس

وبعدها صبرت سنتين مذله وحالتي حاله ...

يعني شوف كم اجمالي التعب بدون تقدير ولين متى بصبر ؟؟ ومن بقدرني اصلاااا ...
محد التفت لاي شي سويته عشان قطر
بيلتفتون الحين
ولاتنسى الكثره تغلب الشجاعه

صدقني الوضع اللي وصلنا له لايحتمل لاااايحتمل
ولاتنسى الكثره تغلب الشجاعه

صدقني الوضع اللي وصلنا له لايحتمل لاااايحتمل

معاج حق والله يلوم الي يلومج
والراحة النفسية

دنياغريبة

منهم وفيهم

15-06-2010, 12:24 AM

ااااااااااااااااه اااااااااااااااه ومن سمعج المصيبه ان الظلم احيانا يجي من المدير القطري ويفضل الاجنبي اللي مثل ماقلتي مردده بيرد بلاده ...شقول شاخلي الله المستعان .

ذوق

15-06-2010, 04:36 PM

ليتك لم تقدمي استقالتك - موضوع جدا محطم ومؤلم

وتبقى الدنيا حلوه

15-06-2010, 04:48 PM

معاج بكل كلمة قلتيها

قطر للاجانب

كاشف الغطاء

15-06-2010, 06:41 PM

يجب شن حملة كبيرة على الاجانب ..

وعلى من يوظفهم ..

يد وحدة ماتصفق ,,

لنبدأ من هذا المنتدى

التيما

15-06-2010, 06:57 PM

ليش اختي .. ليش انسحبتي وخليتي لهم الحبل عالقارب .. غلطتي اسمحي لي .. اهلنا اول كانوا معروفين بالصبر ولا نسينا وياما تعبوا .. ماقالوا مب مشتغلين ونقعد بالبيت .. ارجعي .. وأصبري واثبتي كفائتج .. مرده الحق بيرجع لصحابه ..

لا تهملون قطر يا جماعة .. الأجنبي بيخليها عقب ما ياكل ويشبع .. من بيبقى لها يشيلها ؟؟؟ ليش هاليأس ؟؟؟ تخيلي ديرتج مريضه بتخلينها وتتخلين عنها ؟؟؟ عيل ما ينفع نقول " أنا من قطر "

Master_qtr

15-06-2010, 07:35 PM

والله انا اشووف المشكلة مو من الاجنبي..بالعكس ...الشغل مع الاجنبي مريح جدا..انا اتكلم عن الامريكان والاوروبين مو العرب والهنود ..

المكشلة ..مشكلة ربعنا اللي وظفوهم ...وعطوهم اكثر من حقهم ..

فرقة الصقور

15-06-2010, 07:43 PM

من قال ابي اخذ منصب ؟

ابي نفس حقوق الموظف الاجنبي بنفس وظيفتي ونفس خبرتي وشهادتي يساووون راتبي وصلاحياتي ومستحقاتي معاه بس
صعبه ؟؟؟
ليش شاللي يقدمه لهم وانا مااقدمه ؟؟
خبره سنتين انا وهو خبره سنه ونص بعد ...
هو بكالريوس ... وانا بكالريوس ....
لكن نتساوى في الراتب... والسكن والتعليم والصحه طبعا هو افضل بكثييير

ترضاها انت؟!!!!

لاوالله مايرضي أحد

حسبنا الله ونعم الوكيل

واذا تبين نصيحتي اذا ماحصلتي فرصتج ومايخلونج تشتغلين شوفي لج مكان افضل للتعلم والراحة النفسية وطبعا الراتب

جنوب الدوحه

15-06-2010, 07:53 PM

ليش نحارب الاجنبي .. الي جابه قطري .. والي وظفه قطري .. والي حط القانون قطري .. يعني المشكله فينا مب فيهم ..

هناك اجانب شهاداتهم يمكن تكون مش معتمده او مزوره ولكن عندهم خبره عمليه ووظفوهم ..

احين القطري لي خذ شهاده عن طريق الانتساب ما يعتمدونها مع العلم ان عدد القطريين قليل ..

:(