السفر عن طريق البحر من الدوحة الى ماليزيا او فلبين

[سهوم المنايا]

السلام عليكم



ماخليت شي للموضوع بس العنوان واضح اخواني والحقيقة انا اكره شي اسمه طياره وخصوصا ذالحين بعد حادثة وفد الجزيرة مع العلم عندي تذكرة مجانية للحضور مباراه قبل النهائي وتذكرة سفر وفندق لكن الظاهر اني بكنسل الروحه هههههههه


مدري اذا فيه رحلات وسفر عن طريق البحر وكم يوم تقريبا ياخذ لما يوصل هذي الدول اذا كان هناك مجال للسفر عن طريق البحر

تحياتي لكم

[qatar-2022]

والله اذا فيه قولي انا بعد اكره السفر عن طريق الطيارة

[سهوم المنايا]

تابع الموضوع معنا وان شاء الله فالك طيب

عسى يجي واحد ويقول فيه والايام ماتزيد على يومين لين الوصول ههههههه

[ضوى]

الحين بالجو 8 ساعات والواحد يهلك اشون بالبحر اتوقع اسابيع

[سهوم المنايا]

ان الطيارة مشكلة يا اختي ضوى تعكر مزاج المسافرين

[rashid-1]

مرحبا خيو

أنا مثلك عندي فوبيا من الطيران

لكن عندي علاج لهاذي الفوبيا وأنا جربتة وتحسن الوضع

العلاج

1- إذا ركبت الطياره أختار المقعد اللي بالنص وطالع بالمقعد اللي أمامك لاتلتفت لايمين ولايسار ؟؟ أبتعد عن الدريشة

2- أنت عندك التفكير أوتماتيكي مثلا ركبت المصعد يجي على بالك انه بيوقف فيك والطياره نفس الشىء إذا ركبتها تفكيرك الأوتماتيكي يشتغل

ف أشلون أتوقف التفكير الأوتماتيكي

تستخدم المنطق والواقع

مثلا إذا أشتغل تفكيرك التماتيكي على طول رد عليه بأن الطيارات كل يوم أطير ولانسمع طياره طاحت إلا حالات نادره

وإيضا ترد على تفكيرك التماتيكي بأن الطياره لها تخضع لصيانة دقيقة ( يعني مافي لعب )

وفوق هذا كله

أن تؤمن أن أجلك إذا جاك مافي مفر

وأتمنى لك رحلة سعيده

وخلني أقولك المقوله من الإنجليزي صديقي يقول travel by plane safe more than walk

[جهام]

بالعكس الواحد لازم يواجه المشكلةويركب الطيارة عشان يتحدى الخوف ....وانا ولله الحمد اي شي اخاف منه احاول اغصب نفسي واسويه عشان ابعد الخوف عني ....اسال مجرب ....

[Arab!an]

والله اخوي انا مادري لكن اتوقع ان السفر عن طريق البحر من الدوحه صعب .. او مافيه رحلات اعتياديه

احتمال تروح دبي او عمان بالسيارة ومن هناك بتلاقي رحلات للهند وبعدها تروح وين ماتبي

غير ان السفر عن طريق البحر لايخلو من اخطار خصوصا في المحيط الهندي .. غير الوقت الطويل وطول المسافه

عموما مثل ماقلت انا اتوقع بس =)

وفي انتظار حد فاهم في الموضوع ونستفيد منه

[أسير الأحلام]

الحين بالجو 8 ساعات والواحد يهلك اشون بالبحر اتوقع اسابيع

انا مع رأيج اختي ضوى .. تعب الطيارة والخرعة شوي من المطبات الجوية قبل لا توصل ماليزيا اهون من السفر بالبحر والي قد يستغرق اكثر من أسبوع ..

بس إذا عندك وقت وحاب تعيش مغامرة قد تكون ممتعة وقد لا تكون .. تقدر تسافر عن طريق البحر ولكن على حسب علمي ليس من الدوحة

[كركم]

اخوي بتخلص اجازتك وانت عادك ما وصلت..تاخذ لها شهور...حاول تتغلب على مخاوفك من الطيارة وترى اللي الله كاتبه بيصير لو تسافر على بعير..<< تطلع منك امثال مب هين..

[yousef545]

انا شغال في المطار و يوميا عندنا اشوف قدامي فترة دوامي بس بين الـ70 لين 100

عملية هبوط و اقلاع و الامور سهالات و حتى مرات طياره اطير دقايق و ترجع مطار الدوحه

عطل فني بسيط ينحل في دقايق و اطير مره ثانيه يعني الامور سهالات بالقووووووووووووووو يالربع

و المكتوب بيصير و انت على نايم على فراشك

[الحجاجي]

البحر سالفه وتعقيده اكثر من الطيارة

والسفر فيه جدا صعب هذا ما سمعت من بعض الأصدقاء

وبالدوحه ما عتقد فيه
لكن من دبي فيه اكيد ..
ومب دايمن لازم حجز مسبق ومتعب ..

اذن الحل

مع بندول نااايت سافر وانت مرتاح

بالتوفيق