فيرجن موبايل وعملية النصب على الناس في شراء الأرقام !!

[milan.qtr]

بسم الله الرحمن الرحيم

انا بتكلم عن فيرجن موبايل وعملية النصب اللي ينصبون فيها على خلق الله ....

انا اليوم من الساعه 11:58 داخل الموقع وعلى رقم مميز ..... واسوي (تحديث) سريع للصفحه ...

ولين مالقطت الرقم ..... وبعد ماطلعلي (صح) ..... حطيت اد تو باج ... وبعد ماسويت اد تو باج .... طلعلي كل شي اوكي .....

ولما سويت تشيك اوت عشان احط تفاصيلي مثل الاسم ورقم البطاقه ورقم بطاقة البنك .... بقدرة قادر (قالي الباج امتي!!!) يعني انا شاري رقم ب200 اليوم وآعرف كيف اشتري رقم .... لكن انا متأكد إن الموضوع فيه نصب .... طبعا مافيه فايده .....


يعني ممكن اعرف ايش الموضوع ؟؟

[قلب شاعر]

الكل عارف موضوع النصب ....الرقم ينسحب من ناس شغاله في فيرجن في قسم أي تي... ويسحبونه من السله من عندك والكل عارف انا اليوم نفس الشي وكل يوم اصيد الرقم ويعطيني الباق فاضي ...لنهم أسحبوه كل العاده

[al.wafe]

الشيخ والله الموضوع فيه نصب 100%

أنا كنت حاط عيني على رقم وكنت قاعد عالموقع الساعه 11.30 دقيقه

يوم جات 11.56 الرقم مب موجود

فالموضوع في نصب

[][ الوحيد ][]

حاط عيني على ٣ ارقام والله يستر من هالنصب !!!

[الجوكر90]

السلام عليكم
اخوي بقولك شي
من الاخر اذا عندك دليل طلعه شرط ان اي رقم تبيه من فيرجن راح تاخذه
وهم راح تحصل ورقه فيها الارقام مب اي ارقام خشنه من قلب
بس هاي اذا عندك دليل ضدهم
واذا قلت لا ماراح اعطيكم الدليل وبشتكي عليكم هم راح يسبقونك ويشتكون عليك وراح يطالبون بتعويض وقدره 15 او 20 مليون ع حسب المزاج

واذا ماعندك دليل تكلم من اليوم لين بكره محد راح يفتكر فيك الارقام كل يوم تقل والحساب كل يوم يزيد
وخل الي مب عاجبه يشوف شركه ثانيه
وبالتوفيق ان شاء الله

[S 350]

اخوي هالموضوع كل يوم يصير مع الكل مب بس معاك

[qatari_boy77]

الزملاء الأعضاء،
لقد تحدثت إلى أحد أصدقائي من الموظفين في فيرجين موبايل، وقد أعلمني أن عملية شراء الأرقام من على الانترنت تتم بسرعة كبيرة وقد لا تأخذ جزء من الثانية. ولهذا، فإن البعض قد يقوم بمحاولة شراء رقم معين ثم يفاجأ بعد محاولة الشراء أن العملية لم تتم، وأن الرقم لم يعد متوافراً.

وقد شرح لي صديقي هذا أن هذه أشياء خارجة عن ارادتهم. فتخيل، والكلام لصديقي، أن هناك الآلاف من المواطنين والمقيمين الذين يحاولون الحصول على رقم بعينه وفي نفس اللحظة.

كما شرح لي صديقي طبيعة النظام الآلي المعمول به في عملية شراء الأرقام، حيث أكد لي أن النظام آلي كلياً، ولا يمكن تغيير أو تعديل أي عملية شراء طالما تمت.

وقد نصحني صديقي أنه يجب على التعجيل بعملية الشراء إذا أعجبني الرقم، ثم القيام بأي أشياء أخرى من على الانترنت في وقت لاحق، لأنه يتم اجراء الآلاف من الطلبات على نفس الأرقام وفي نفس الوقت، وبطبيعة الحال، فإن نفس الشيء يحدث في جميع انحاء العالم، ولا يوجد سبب يدعو للدهشة في مثل هذه الحالات.

لقد أردت فقط أن أوصل لكم الرسالة والأمانة،

والله على ما أقول شهيد،

[milan.qtr]

طيب ياخوي .... انا عندي ٣ ارقام في بالي .... ولاحظ ان يحطونلك نوت لما تختار رقم وتختاره ينحجزلك ١٥ دقيقه لين ماتدخل بياناتك ......

ان شاء الله لما أختار الآرقام مستقبلا بسوي برنت سكرين .....
ولما يسوون للرقم اد تو باج بسويله برنت سكرين ......
وعقب لما اسوي تشيك اوت ... بتتذكر كلامي ان بيعطيني الرقم مآخوذ !!

أنا متأكد الأرقام (المميزه جدا) .... مصفوطه .... والارقام العاديه والزوينه يحطونها للعالم عشام يقولون مزاد !!


ولي عوده بعد بكره ان شاء الله

[Mody]

والله عدل كلامك صج نصب في نصب مليون في المية وغش وخداع

وازيدكم من الشعر بيت .. شي ثاني يمكن لاحظتوه وصار معاي في كل الارقام

وهو اذا حطيت عينك على رقم وعرفت انه بيتوفر يوم 21 تدش يوم 21 تلقيهم

مادين اسبوع بعد او عشر ايام يعني ماتقدر تشتريه والله مصيبة ذيله ما كنت اتوقع جذي

يعني اما يطيرون الرقم علينا او يمدون فترة العرض بدون سابق انذار لاسباب نجهلها

حسبي الله عليهم

[مسفر2]

انا البارحة الساعه 12 شريت رقم مميز
وتم الاختيار والموافقه وعقب رحت للسله ابي اكمل البيانات الى الرقم رايـــــح
وين مادري؟؟؟؟؟؟
السالفه فيها ( شووووو ولاك بدي مابدي ) يعني بالعربي الفصيح استريحوا ياهل قطر

[الجوكر90]

السلام عليكم
يالربع انا امس خذت رقم ودخل السله
ومره وحده راح الرقم
يوم اتصلت اليوم وسالت وقلت اذا الرقم دخل السله يروح علي
قالوا لي لا بعد 15 دقيقه
قلت لهم ليش
طبعا العذر موجود قالوا يمكن خلل من النظام
قلت لهم مب اول مره وماراح اسكت راح اشتكي عليكم
عاد خل نشوف شالي راح يصير

[(البرنس)]

والله شوف اخوي حتى انا لحظة عليهم شوف هاذي الارقام
3333050
سعره 15 الف
وشوف هذا الرقم
3333020سعره 7500
هم مسوينها على اساس الي بيدخل مابيحصل الرقم وبيتحطم وبياخذ بو 15
ممكن تفسير ثاني !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!

[الجسراوي]

السالفه وما فيها موضوع فيه واحد ( 00000 ) الله يستر عليه لما شاف الاسعار انصدم وقالهم انتوا من صجكم ارفعوا الاسعار بس فيه ( قطريين ) حاجزين بالهبل ارقام عشان تجارتهم وعرضها للناس في الصحف

الاخ المحترم قال هل قطر دفيعه ارفعوا الاسعار هههههههههههههههههه

المهم سالفه مش بس نصب

يعني كيوتل من متى ماشيه صح معانا هل قطر ..؟؟؟ تذكروا بكم كانت الدقايق تنحسب علينا والحين تتصل دولي وياخذون اقل من ربع اللي كانوا يحسبونه علينا ايام الفهلوه على كيفهم في الفريج هع

ياجماعه خلوها على الله من راح يسمعكم ومن راح بيوقف معاكم يا هل قطر .....

حسبنا الله ونعم الوكيل

[alhaddad]

بقيت اسألكم في طريقة الشراء فراغ Card billing address

شنو احط فيه ؟؟

[الجوكر90]

بقيت اسألكم في طريقة الشراء فراغ card billing address

شنو احط فيه ؟؟

يعني صندوق البريد او الايميل
واذا في شي مافهمته حول اللغه وخلها عربيه

[طاش]

الله المستعان

[garmin]

حسبي الله ونعم الوكيل عليهم الواحد مايقدر يقول شي نصب في نصب

[المـهندس]

انا البارحة الساعه 12 شريت رقم مميز
وتم الاختيار والموافقه وعقب رحت للسله ابي اكمل البيانات الى الرقم رايـــــح
وين مادري؟؟؟؟؟؟
السالفه فيها ( شووووو ولاك بدي مابدي ) يعني بالعربي الفصيح استريحوا ياهل قطر

قمة العنصرية !!!!!!
لو كنت تعرف أبسط مبادئ الشراء والحجز والتسوق على الانترنت أو حتى نظام صفحات aspx اللي تستعملها فيرجن موبايل على موقعها .. عرفت أنه لا يمكن لاحد أن يتلاعب بالموضوع .. !!
بس داخل عرض وتتهم العالم !!!

[العضو الماسي]

هالشركه من يوم أفتحت ماسمعنا عنها الا الشكاوي عليها فالمنتديات ... وهم أذن من طين و أذن من عجين ... حسبي الله ونعم الوكيل فيهم .

[كربيتر كام]

اشكره نصب وحتيال اشدعوه كل مابي اخذ رقم يخترب الموقع ويوم يستعدل تحصل الرقم محد وعقب تشوفه بالجرايد ولا بالمحلات اصلا مافي اي مصداقيه وشوفو الفرق بين فودا فون وفيرجن يوم نزلت الارقام بالموقع

[elsahher]

ملحوظة مهمة

اضافة الرقم للسلة لا يعنى حجزة ولا حتى لمدة ثانية واحدة

لانك لو عملت بحث مرة اخرى ستجد الرقم متاح للجميع

بمعنى انت فقط اضفت رقم للسلة لتفاضل بينة وبين ارقام اخرى ضفتها

اما لو حجزت الرقم اصبح الرقم لك وحدك وغير متاح لغيرك ليقوم بحجزة

اذا اعجبك رقم لا تترد فى حجزة مباشرة

حتى لا يضيع عليك

[H A S S A N]

شباب الموضع كله حظ ونصيب ومافي اي تلاعب

بس الي متاكد منه الشباب الي في فيرجن يشترون الارقام حق ربعهم ولهم الحلاوه

[MaRaYaM]

السلام عليكم ورحمة الله وبركاته

مشكور صاحب الموضوع على هالطرح بصراحه .. لا تعليق :no2:
جد والله في البداية خذناها بالعقل قلنا ضغط على الموقع وخطأ بالنظام ونصيب .. والخ
بس افهم يا فهيم "رقم واحد بس" مب طالع لنا ؟؟ مب معقولة
تدخل الساعه 11 وتعطيه ريفرش الأمور طيبة
الساعه 11.95 يوقف الموقع .. الساعه 12.01 راح الرقم
مو مشكلة حظ ونصيب ، رقم رقمين ثلاثة .. ألف ألفين .. كلهم حظ ؟؟؟

وكلام الاخ "كربيتر كام" صحيح مليون % ليش الي صاير بفيرجن ما صار مع فودافون ؟؟؟
ولا عشان فيرجن تابعه كيوتل قاموا يلعبون لعبتهم علينا ؟؟؟

ما نقول الا الله يكون في العون لان الشكوى عليهم ما منها فايدة ، نأذن في خرابة

فمان الله

[M7ammd]

نصب مليون بالميه انا قاعد في المجلس و معاي 9 شباب مثل الورد و فنانين في الكمبيوتر وكلنا نتفق على رقم واحد و للاسف اما الموقع يعلق و يطير الرقم او احجزة و اضيفه لسلة ويقولون لي في حد قبلك خذاه

وصارت لي مع اكثر من رقم

لكن الي اقولة تراها في ذمة العاملين على الشركة و بيجي يوم بيدرون ان الله حق

[ع ــلي]

السسسلام عليــكم
بالنسبه لعمليــه النصب في شــركه فيرجن فهذا مثل ما قل اخوي hassan
يحجزون الارقام لربعهم ولهم الحلاوه ولا يعلق الموقع ليما ياخذون الارقام الي يبون

يعني نصب 100فالميه
وبعدين الي هذا اوله بينعرف تاليه


المششكله ان المجلس الاعلى للاتصالات عارففين وساااكتين ليش
حسبي الله ونعم الوكيل
مشكور اخوي عالموضوع الرائع

[حمد بن سعد]

مليوووون في ليمه نصب وهاي شي طبيعي على كيوتل دام قصو على فودافون وكان العقد واضح انه مافي شركه ثالثه منافسه لاكن قصور على فواد فون ودخل فرع فيرجن لحسابهم بسم كيوتل عن احساب انها لهم

[MaRaYaM]

مليوووون في ليمه نصب وهاي شي طبيعي على كيوتل دام قصو على فودافون وكان العقد واضح انه مافي شركه ثالثه منافسه لاكن قصور على فواد فون ودخل فرع فيرجن لحسابهم بسم كيوتل عن احساب انها لهم


1.000.000 % :thumbup1: