ابي استقيل من شغلي وبقدم مكان ثاني

[ورقــة أمــل]

السلام عليكم

ابي استقيل من قطر للبترول وادور لي شغل بمكان ثاني بصراحه لوعوا جبدي وااااااااااااايد

زهقووووووووني

فارجوكم اللي يعرف مكان يكون نفس مستوى قطر للبترول من ناحية الرواتب و فيه فرص لتطوير الموظفين واهم شي الراحة النفسية ياريت ما يبخل علي,, حرام قاعده اضيع وقتي ومستقبلي فشي انا ماحبه ومع ذلك تقبلت الوضع وقلت الحمدلله بس خلاص طفح الكيل ايم فيد اب....

[بويوسف]

ابتعدي عن الوزارات الحكومية .. مافيه تطوير ولارواتب ولا امتيازات .

[tulepq]

إذكري الله أختي وعيني منه خير ..

إنتي الحمدلله ما تشتغلين في بيت أهلهم ..:anger1:


إنتي تشتغلين عند حكومتج .. :nice:

والله ما الومج .. ترا أغلبهم صار يتصرف كأن المكان ملكه ..

هذا غير سياسة ( توسيخ الملفات ) اللي صارو يتبعونها أنذال القوم وأرذلهم ..

لأجل المحسوبيات ..

إخذيها مني نصيحه : قعدي إنتي على جبدهم وخليها تنفرك بحقدها لين الله يشوف لهم ..

هذولا ناس مرضى ومعتوهين إذا يظنون إن الشغل صار ( ورث العايله ) ..

وبشريني عنج ..

[الألماسي]

حاولي تنقليـن من القسـم اللـي انتي فيه قبل ما تستقيلين . .

[antar]

قوة

الله يعينك و يوفقك ان شاء الله

بس مثل المؤسسه مش راح تحصل
وقت العمل مقبول+زيدات سنوية+علاوة سنوية ممتازة+تطوير اذا كان عندك طموح+راتب عالي مش الاعلى بس من ضمن الأعلى و الحمدالله.

ما اعتقد راح تحصلها بمكان ثاني
اللهم أذا رحت احد الشركات الجديدة
كفاية وقت دوامهم + كمية ضغط الشغل

بس في النهاية
أرزاق و توافيق من سبحانه

[شبح الصمت]

أختـي لا تقدمين أستقالتج إلا لين تحصلين لج وظيفة مضمونـه

والله يوفقج ويسهل لج أمورج

[hamoor4ever]

غلطانه حد يطلع من البترول

[ورقــة أمــل]

ابتعدي عن الوزارات الحكومية .. مافيه تطوير ولارواتب ولا امتيازات .

اكيد



إذكري الله أختي وعيني منه خير ..

إنتي الحمدلله ما تشتغلين في بيت أهلهم ..:anger1:


إنتي تشتغلين عند حكومتج .. :nice:

والله ما الومج .. ترا أغلبهم صار يتصرف كأن المكان ملكه ..

هذا غير سياسة ( توسيخ الملفات ) اللي صارو يتبعونها أنذال القوم وأرذلهم ..

لأجل المحسوبيات ..

إخذيها مني نصيحه : قعدي إنتي على جبدهم وخليها تنفرك بحقدها لين الله يشوف لهم ..

هذولا ناس مرضى ومعتوهين إذا يظنون إن الشغل صار ( ورث العايله ) ..

وبشريني عنج ..


عافتهم نفسي ما ابيهم

والسالفة سالفة مزاج

:(

[tulepq]

اكيد




عافتهم نفسي ما ابيهم

والسالفة سالفة مزاج

:(



إذا عطتج قطوه أحلى من اللي بالتوقيع بتقعدين على جبودهم ؟؟ :victory:

[ورقــة أمــل]

حاولي تنقليـن من القسـم اللـي انتي فيه قبل ما تستقيلين . .

مافي مجال انقل للاسف :rolleyes2:


قوة

الله يعينك و يوفقك ان شاء الله

بس مثل المؤسسه مش راح تحصل
وقت العمل مقبول+زيدات سنوية+علاوة سنوية ممتازة+تطوير اذا كان عندك طموح+راتب عالي مش الاعلى بس من ضمن الأعلى و الحمدالله.

ما اعتقد راح تحصلها بمكان ثاني
اللهم أذا رحت احد الشركات الجديدة
كفاية وقت دوامهم + كمية ضغط الشغل

بس في النهاية
أرزاق و توافيق من سبحانه


والله انا عندي طموح اكمل بس مايبوني اكمل حاليا :(

وماهمني لو في ضغط بس اهم شي ارتاح نفسيا

[ورقــة أمــل]

أختـي لا تقدمين أستقالتج إلا لين تحصلين لج وظيفة مضمونـه



والله يوفقج ويسهل لج أمورج

هذا اللي بسويه ان شاء الله


غلطانه حد يطلع من البترول

اللي يده في النار مب مثل اللي يده بالماي

[bu abdulla]

السلام عليكم

ابي استقيل من قطر للبترول وادور لي شغل بمكان ثاني بصراحه لوعوا جبدي وااااااااااااايد

زهقووووووووني

فارجوكم اللي يعرف مكان يكون نفس مستوى قطر للبترول من ناحية الرواتب و فيه فرص لتطوير الموظفين واهم شي الراحة النفسية ياريت ما يبخل علي,, حرام قاعده اضيع وقتي ومستقبلي فشي انا ماحبه ومع ذلك تقبلت الوضع وقلت الحمدلله بس خلاص طفح الكيل ايم فيد اب....
وشو التخصص ع الخاص ... كم سنه خبرة

[Q.N.B]

شنهي شهادتج أو تخصصج ؟؟؟

[ورقــة أمــل]

إذا عطتج قطوه أحلى من اللي بالتوقيع بتقعدين على جبودهم ؟؟ :victory:

لا اقولج مافكر ان اقعد نفسيتي تعبت

صعب تعاملين مع ناس مزاجييين يطورون اللي يبونه ويرقون اللي يبونه

[ورقــة أمــل]

شنهي شهادتج أو تخصصج ؟؟؟

شحقه؟

بلييز اللي يعرف مكان يقولي وبروح اقدم بنفسي

[ROSE]

الله يوفقج فديتج ترى كل مكان نفس الشي

اخذيها نصيحه يمكن المكان اللي انتي فيه افضل الف مره من مكان ثاني

استخيري قبل اكثر من مره وشوفي اللي قلبج يرتاح له


واذا شفتي نفسج مب مرتاحه كلش

اول شي قدمي على شغل وتاكدي انج حصلتي عليه

بعدين قدمي اجازتج لا تقدمينها وانتي قاعده بالبيت

لان نظرة المكان اللي بتروحين له تختلف بعد للوحده اللي تقدم وهي على راس عملها عن الوحده اللي قاعده

بالبيت

سأليني انا

[Q.N.B]

شحقه؟

بلييز اللي يعرف مكان يقولي وبروح اقدم بنفسي




شحقه معصبه ؟؟؟ سؤال عادي شفيه يعني طالب أسمج وأنا مادري ؟؟؟

لأن في تخصصات يبغونها عندنا وهذا سبب سؤالي بس

ومابي أعرف تخصصج ولا أبي اعرف شهادتج بطلنا خلاص

[wadha-qa]

اختي استخيري قبل ما تسوين اي شي

البترول من احسن الجهات ياليت يقبلوني و بطلع من البلدية :(

[jassim_9]

شحقه معصبه ؟؟؟ سؤال عادي شفيه يعني طالب أسمج وأنا مادري ؟؟؟

لأن في تخصصات يبغونها عندنا وهذا سبب سؤالي بس

ومابي أعرف تخصصج ولا أبي اعرف شهادتج بطلنا خلاص

معاك حق اخوي عيل هي ليش طارحه الموضوع
وجزاك الله الف خير
واذا الواحد يدور شغل على المزاج يقعد في بيتهم احسن

[ورقــة أمــل]

شحقه معصبه ؟؟؟ سؤال عادي شفيه يعني طالب أسمج وأنا مادري ؟؟؟

لأن في تخصصات يبغونها عندنا وهذا سبب سؤالي بس

ومابي أعرف تخصصج ولا أبي اعرف شهادتج بطلنا خلاص

اخوي كل اللي ابي اعرفه من الموضوع مثل ماذكرت اي احد يعرف اماكن ممكن اقدم فيها بروح اقدم وتوكل على الله

لو في وظيفة معينة ممكن اعرف شنو المطلوب وبشوف نفس مؤهلاتي ولا لا وبقدم

واسمحلي مابي احط تخصصي على العام

[@north_star@]

سبحان الله وبحمده ...سبحان الله العظيم

[ورقــة أمــل]

معاك حق اخوي عيل هي ليش طارحه الموضوع
وجزاك الله الف خير
واذا الواحد يدور شغل على المزاج يقعد في بيتهم احسن


ارجوا انك ما تتكلم كأنك شغال معاي لانك ماتدري بظروفي وقاعد تقول على المزاج جنك مسؤولي

انا طارحة الموضوع ابي اعرف شنو الاماكن اللي ممكن تكون مماثلة لقطر للبترول وفيها امكانية لتطوير الموظف مثل ماذكرت اللي يعرف يقولي واللي مايعرف بعد الله يجزيه خير

[ورقــة أمــل]

اختي استخيري قبل ما تسوين اي شي

البترول من احسن الجهات ياليت يقبلوني و بطلع من البلدية :(


هي فعلا من احسن الجهات بس المشكلة في المكان اللي انا فيه

[OREO]

عليكم السلام ورحمة الله وبركاته ..

1- خلصتي برنامج التدريب ؟
2- عليج انذارات ؟

[خالـــــد]

اذا مو محتاجه للشغل استقيلي وريحي بالج

والمبدعه تقدر تشغل وقتها في عيالها وبيتها وتخلي حياتها شعلة نشاط وبيتها جنه

اما اذا كنتي محتاجه الشغل فادعو الله ان يوفقتج في شغلك ويحنن عليج قلوب مدرائك :)

موفقه باذن الله

[ورقــة أمــل]

عليكم السلام ورحمة الله وبركاته ..

1- خلصتي برنامج التدريب ؟
2- عليج انذارات ؟

اي خلصت من زمان انا موظفة مش متدربة

وماعلي انذارات

[ورقــة أمــل]

اذا مو محتاجه للشغل استقيلي وريحي بالج

والمبدعه تقدر تشغل وقتها في عيالها وبيتها وتخلي حياتها شعلة نشاط وبيتها جنه

اما اذا كنتي محتاجه الشغل فادعو الله ان يوفقتج في شغلك ويحنن عليج قلوب مدرائك :)

موفقه باذن الله


الله يسلمك على الدعوة الطيبة

[تحداني]

.. عافك الخاطر خلاص ..
هذا الإحساس صعب .. وخاصه ان كان الشخص يرغب في العمل والتطوير والإبداع
ولكن المساحات ضيقه .. والرغبه عاليه

.
.
حاسه فيج .. وإحساس يفجر الصبر
الله ينور طريقك



ما شاء الله عليج يا كيو .. انتي شغاله في قطر للبترول
فمعطم القطاعات الصناعيه تبعيتها للبترول
فالبدائل عندك كبيره ..
وأتوقع مخرجات قطر للبترول من ناحيه اللغه.. والإبداع عاليه


جربي شل
وجربي قطر ستيل


لانهم عملوا مقابله لأختي وطلباتهم " بكالوريوس هندسه "


جملك الله برضى الرحمن

[ورقــة أمــل]

.. عافك الخاطر خلاص ..
هذا الإحساس صعب .. وخاصه ان كان الشخص يرغب في العمل والتطوير والإبداع
ولكن المساحات ضيقه .. والرغبه عاليه

.
.
حاسه فيج .. وإحساس يفجر الصبر
الله ينور طريقك



ما شاء الله عليج يا كيو .. انتي شغاله في قطر للبترول
فمعطم القطاعات الصناعيه تبعيتها للبترول
فالبدائل عندك كبيره ..
وأتوقع مخرجات قطر للبترول من ناحيه اللغه.. والإبداع عاليه


جربي شل
وجربي قطر ستيل


لانهم عملوا مقابله لأختي وطلباتهم " بكالوريوس هندسه "


جملك الله برضى الرحمن

والله انتي حليوه وحاسة فيني صح كلامج الواحد يبي يبدع بس يحكرون لك وفوقها صعب الواحد يبدع في شي مايحبه

الله يجزيج خيررر وبشوف شل

[بدور]

ما تنلامين اذا قدمتي إستقالتج حتى بناتنا استقالوا من البترول بسبب سوء معاملة

الاجانب وحطموهم وذلوهم وشغلوهم في مكان ما يرتبط بتخصصهم وحاولوا ينقلون لأقسام

ثانيه ارفضوا طلبهم ... للإسف حتى المسئولين القطريين ما يقدرون يلبطون عند الاجانب

كل كلمه والثانيه يقولون لج كلنا نعاني من معاملة وظلم الاجانب بس ما نقدر نسوي شي

الله يعينج على الحاله النفسيه

[فلفل حار]

حاولي تنقليـن من القسـم اللـي انتي فيه قبل ما تستقيلين . .

آش حادكم تدخلون هالشركـات وآنتو مب قدهـا ...:secret:
على قولة هامـور حد يعاف البتـروول ...!


الله يعينج ومافي رواتب عاليه بلا كـرف وتعـب ...
قدمي أوراقج في الجزيره الرياضيـه ...


ترا يبون موظفيــن لكن مستقبلهم مب مضمـون ...
وآذا تبين دوام راحات بس الراتب مش محرز عندج الداخليـه آو لخويـا ...:)

[بيرق العز]

الله يوفقج يارب ويساعدج وييسر امرج
في مثل يقول ( امسك مجنونك لا يجي لك اجن منه)
اسئلي مجرب كنت في قطر للبترول وطلعت منه بسبب سواء المعامله خصوصا من شخص كل اللي دخلو مركز التدريب اشتكو منه لانه يشوف القطري دم ضرسه بس الحمدلله شاتوه من التدريب.
ماقول غير ربي يوفقج ويساعدج ويسخرهم لج يارب
نصيحة مجرررررررب لاتطلعين الا اذا حصلتي وظيفة مثل ماقالت اختنا روز لاتطلعين الا اذا حصلتي مكان وداومتي فيه كم من يوم لاني توهقت يوم طلعت .
نصيحه لوجه الله لاتطلعين لاتطلعين لاتطلعين الا اذا حصلتي مكان قبل ولا تستعجلين

[بو راشد 1]

لا اقولج مافكر ان اقعد نفسيتي تعبت

صعب تعاملين مع ناس مزاجييين يطورون اللي يبونه ويرقون اللي يبونه


والله اعرف شعورك، انا شغال في qp و على قوله ميحد حمد:

لو كان ما بي كتبته جفّت اقلامي :secret: من حرّتي ابدع امثالي وغنّيها

ولكن عليج بالصبر (خاصه اذا عليج اقساط و التزامات)

و qp بعد احسن من غيرها وعلى قوله المثل:

العور على العميان باشا

[روح الاطلس]

الاولمبية والجمارك يقولون زينه

طيب انتي بحدود كم تتوقعين الراتب عشان نشوف لج الاماكن اللي تعطي رواتب مقاربه لراتبج :)

[وضحى قطر]

استقيلي وانا باشتغل بدالج :shy:



ابييييي اشتغللللللللللللللللللللللللللللللللللللللللل :weeping:


بالتوفيق حبيبتي :)

[الجووري]

عافتهم نفسي ما ابيهم

والسالفة سالفة مزاج

:victory:

[hamoor4ever]

ترى على فكره اختي اعرف كثير طلعو من البترول وعقب ارجعو ، نصيحتي قضبي مينونج لا ايجيج الاين منه نصيحه اخو وترى اغلب الاماكن فيها مشاكل

[moonبنتnight]

يوم قريت العنوان 00 قلت هذا لي أنا فكر فيه 00
يوم شفت أنج شغله في قطر البترول 00 قلت جعدي على جبدهم 000 في حكومة موخالصين منهم 00 لازم واحد يتعب في شغله 00 ولازم حرقة الاعصاب 00 ما في شي يجي بسهل 00 لي عندج تقدرين عليهم لانج عرفتهم عدل 00

[Qatarianes]

انا خريج هندسه وشغال في قطر للبترول وفي قسم من اروع مايكون التقطير فيه جاي دايركت بتعليمات من المدراء الي في قسمي( ماقصرو بذمتي) وصارمه واهتمام خاص والمعاش ولا اروع
صارلي سنه ونص ومرتاح نفسياً والبي سي بي ( جدول التطوير) مالي ماشي على قدم وساق

رفيجي جا من قسم مقبره بنفس الشركه وجا عندنا وليومج يحمد ربه ومستانس ويذكر لي تفاصيل العنا وحياكة المكائد له في قسمه القديم

يعتمد على القسم وانتي لا تخلين احد يحاول يطفشج من الشغل بعض اللوبي ( المتشكل ضد القطريين) يعمل على تطفيشنا عشان نقول افف وافف وبنطلع وبنغير الشركه وصارت في الي كان ماسك مكاني
لكن اذا عندك قوة شخصيه واصرار بتمشي كلامك على الي فوقك ( طبعاً باالاسلوب والحنكه السياسيه هههه )


مجمل الحديث : مانبيج تندمين لا طلعتي من هالشركه,, حاولي قدر الامكان كاسري الموارد البشريه انج تغيرين القسم او ناقشي مديرج بهالموضوع

او خطه باء وقفي في وجه منو يطفشج وانتي قطريه بتحصلين كل شي حولج في صالحج مب ضدج.
كلن كانت بدايته صعبه مع الشركه وانا بالذات كان يضربني المسؤول خطوط دخان ومسيعيد وراس لفان وانا لست بحاجه لها لكن اول ايام هي اصعب ايام
ويحاول يطفشك ويدخلك عرض بجو الشغل

اذكر قصه قالتها لي احدى الموظفات الي يات القسم قبلي انه مسؤولها( طبعاً هندي ههه) في اول يوم لها قالها روحي المكتب الفلاني اخذي خوذه وروحي دخان هههههه
طبعاً هي كبنت تنرفزت وتعقدت وتمت اسبوع ماتداوم وكرهت نفسها لكن الحين متثبته وماشيه امورها لانها وعت لتفكيرهم وتحدتهم.


الله يوفقج وانشالله تكونين اقوى من جذي.. لانه هالشركات تحتاج لهل النفسيات الطموحه مب الي تستسلم لهل النوع من التطفيش او الخ

عموماً انا بنيت كلامي على واقع معروف في شركتنا وهو تطفيش القطريين اليداد وتخدريهم وعدم اعطائهم شغل الخ الخ
لكن اتمنى انه مب هذي هي القصه وياج

لكن ان كانت كذلك.. فاعليج بنصيحتي وقاتلي ترا قطر للبترول هي ام الشركات والشغل فيها مايندم عليه احد =)

موفقه اختي والسلام

[الخاتم]

ابتعدي عن الوزارات الحكومية .. مافيه تطوير ولارواتب ولا امتيازات .

وانا اؤيد هذا الكلام

[طلعة الروح]

القضيه اللي بيتم يلف ويدور عليها الشعب القطري : تطفيش الاجانب للقطريين بالافعال والاقوال والتلميحات والمؤامرات من تحت الطاوله... يعرفها ويقدرها كل اللي انكوى بنارها.......

هاي غير المناصب اللي يصعدون فيها على حساب القطريين بعد تطفيشهم....

اذا مافي وقفه حازمه للموضوع ضد هؤلاء الرعاع والصالعيك في حين انه القطريين بهالعدد البسيط حرام في كل مسؤول عن هالقضيه اكله وشربه وعيشته ان ما وجد حل لهالفضيحه اللي باتت تؤرق كثير من الموظفين القطريين خصوصا في القطاعات الخاصه..

[ابوسعود]

الله يعينج اختي

وافضل راي اشوفه اوكيه حسب الطرح والردود

هو التدرج يعني اول شي تطلبين النقل لقسم اخر

مانفع تقدمين على شغل ثاني وبعدين تقدمين استقالتج بعد

ضمان الوظيفه

والله كريم

[Adhoc]

أختي في الله: أنا أتكلم لك عن واقع خبرة أيضا اتخ\ي الخطوات التالية:
1- الاستخارة في البقاء في قطر للبترول او الالتحاق بغيرها
2- ضعي كل السلبيات والايجابيات للبترول والمكان اللي بتلتحقين منه
3- وازني في الأمور للنقطة السابقة
4- الكل لامني لما اتخذت خطوة الاستقالة بس شريت نفسي وراحتي بس اتخذت الخطوة بعد اجازة طويلة مع نفسي بدون تأثير من أحد واستشرت بعدها واستخرت والموضوع أخذ مني 3 شهور لحد ما اخذت القرار
4- اذا مستعدة لتحدي جديد في مجال عمل آخر اعتقد الكل ممكن يساعد لو عرفنا التخصص والخبرة.
شي واحد بقوله ويمكن ما يوافقني عليه الكثير الشهادات بعد البكالوريوس مالها تأثير في الترقيات كثر ما يكون لخبراتك العملية وشهاداتك التقنية لتخصصك واللي تزيد من كفاءتك المهنية
وربي يوفق ولا تنسين تعلمينا بالتخصص والخبرة يمكن نقدر نساعد

[المخفي]

ايش تخصصج

[BURBERRY]

قطر للبترول احسن شي

راتب ممتاز + دورات و تطوير

حاولي تصبرين .. ولا انتقلي لقسم ثاني

[طلعة الروح]

اولا خلونا نتفق على شغله البنت الله يوفقها وينصرها بس لازم تتصور انها وين ما تروح بتواجه هالفئه على فكره لاحظت في اغلب الردود الحلول الوقتيه ولوم الموظفه على اساس انها المسؤوله عن مايحدث بالنصح بالعدول او التحويل تاره وباللوم بانها يجب ان تناضل لتواجه الخصوم تاره اخرى انا معاكم انه هاي جزء من الحل بس المشكله في مثل هذي القضايا تجاهل المسبب الاصلي واللي هم من لايخاف ولا يخشى من مسؤولين الدوله من القطريين سواءا ضعاف النفوس منهم او اللي لهم مصلحه من الوضع كونه مسك منصب وماعليه من الباقي وثانيا حثالة المجتمعات الخارجيه المنفلتين في مكاتب الدوله عندنا بالشركات والمؤسسات... ياجماعه غلط انحاسب الموظفين المتضررين ونقوله استقيل ولا انتقل وغيره من الحلول الوقتيه ونترك قرعات الاجانب ترعى وتعشش بالبلد على حساب المواطنين...ردوا للسبب وبتعرفون انه هذي شكاوي جماعيه يوميه ومب شي جديد على تاريخ الوظايف القطري...فأرد وأقول اذا مافي وقفه حازمه مافي داعي للفلسفه الزايده بنظل نعاني ونعاني من هالتخبط وعقب نقول مافي قطريين مؤهلين للعمل وهم مطفشينهم اصلا من اعمالهم...

[ياقوته]

بصراحه وبدون للف ودوران من المسؤول عن حالة التطفيش عند الأغلبيه
خلونا نكون صريحين
ما أحد يختلف ان هؤلا ءالقوم تخدمهم مصالح لأبعاد القطريين من المناصب
والإستيلاء عليها بارده مبرده
اللحين عندنا للأسف فئتين من أبناء القطريين
الفئه الأولى الي ما تخاف الله تدور على مصلحتها وتقرب الأجانب عن أهلها الأصليين
بسبب الخوف على المنصب وما يآخذ أبن بلده المنصب
الفئه الثانيه المغلوب على أمره من القطريين وهم الأغلبيه
مؤامرات تحاك عليه من الفئه الأولى ومن الأجانب
طيب أيش الحل ... الحل من منظوري المجرب
هو الألمام بكل المعلومات التي تخص مجاله ( قاصده فيها )
معرفة كل قوانيين من ( حقوق وواجبات المهنه )
العمل الجاد والمعرفه المتكرره والمتجدده
تساعد اي قطري من الثبات في اي قسم لو أقوى جهه وأعلى جهه تنوي
تطفشه ما تقدر لأن الكثير لا يعرف ثغرات العمل فايسقط فيها
وللأسف هناك فئه من أبناء الوطن لا يحب العمل ويجعل الآخرين يعملون مكانه ( فئه خاصه )
مثل ما قالت أحدى المشاركات يخلون القطري مخدر ومرتاح عشان يطلع هو بصوره
وهذا المواطن ما يعرف أي شي عن العمل ( إستراتيجيه خبيثه ) للأسف والبعض فرحان فيها

[M!ss Vimto]

أنا كنت في qp
وقدمت استقالتي الشهر الي طاف :)
بخصوص الي مايعرف الوضع ..
محد مرتاح بالكيو بي غير السينير اما القطريين الجينير الله يكون ابعونهم..

خريجين شمال الاطلنطي... درستو عالفاضي
وطبعا هذي عن تجربتي الشخصيه...

[فلتة زمانها]

حبوبه ما انصحج تستقيلين تحملي والله اخاف تندمين عقب
قدمي في قطر للغاز واوكسي واكسن موبيل اذا نادوج واقبلوج وقتها استقيلي
الله يوفقج ان شاءالله*

[bu abdulla]

معاك حق اخوي عيل هي ليش طارحه الموضوع
وجزاك الله الف خير
واذا الواحد يدور شغل على المزاج يقعد في بيتهم احسن
معاك حق شكلها تستعبط و مهب جاده

[بومبارك505]

يمدحون مؤسسة قطر

[بوخالد911]

قبل الاستقالة

فكرري بتغيير الادارة

تغيير داخلي يعني

مووفقة

[فتى الجود]

يقولون

خلك على مينونك
لا يجيك اللى اجن منه

عموماً الحكومة لما تروح بتحس نفس انك تشتغل في كراج او كهرجي
لانظام وظلم والأمور تعبانة ترى مب مثل قطر للبترول

[الـعــضــيـد]

السلام عليكم

ابي استقيل من قطر للبترول وادور لي شغل بمكان ثاني بصراحه لوعوا جبدي وااااااااااااايد

زهقووووووووني

فارجوكم اللي يعرف مكان يكون نفس مستوى قطر للبترول من ناحية الرواتب و فيه فرص لتطوير الموظفين واهم شي الراحة النفسية ياريت ما يبخل علي,, حرام قاعده اضيع وقتي ومستقبلي فشي انا ماحبه ومع ذلك تقبلت الوضع وقلت الحمدلله بس خلاص طفح الكيل ايم فيد اب....


والله مالومج
وترى التغير حلو
لان حنا في زمن نحتاج المكان الي في راحة نفسية
تحياتي لج والله يوفقج

بس على ما اعتقد يمدحون مؤسسة qf

[بدون]

الله يعينج و يوفقج باللي يسرج:)

[حرقطر]

انا معاج اختي

بس مثل رواتب قطرللبترول مافي واذا قلتي قطرفانديشن هنااااك ادرمر

انا عن نفسي سار لي 12 سنه في قطرللبترول والمدير التابع لي تغير 5 مرات وكل مايجيبون واحد يطلع حرامي

بس اخر واحد قطري وعنده ذمه والحمد الله بس بعد ماسوى لي شي .

وانا قاعد بس علشان ابلس على الحراميه لكبار من جنسيات اخرى في حد يشتري مركب صغير

ب خمس ملاااااين واخر شي يطلع المركب مايسوى 100 الف لااااااا ويطبع اول مايوصل ويرفعون الي عطى امر

بشرااااااااء

[قطرية فذة]

اول اطلبي تغير داخلي اذا مارتحتي لك الحق بالتغير

[المغروره]

سالفه مزاااج
شي ثااني ناس ادور شغل وناس مزااج
اقعدي مكانج لاجيج اجن منه
مزاااج مزاج بالبيت

[Bu Rashid]

انا معاج اختي

بس مثل رواتب قطرللبترول مافي واذا قلتي قطرفانديشن هنااااك ادرمر

انا عن نفسي سار لي 12 سنه في قطرللبترول والمدير التابع لي تغير 5 مرات وكل مايجيبون واحد يطلع حرامي

بس اخر واحد قطري وعنده ذمه والحمد الله بس بعد ماسوى لي شي .

وانا قاعد بس علشان ابلس على الحراميه لكبار من جنسيات اخرى في حد يشتري مركب صغير

ب خمس ملاااااين واخر شي يطلع المركب مايسوى 100 الف لااااااا ويطبع اول مايوصل ويرفعون الي عطى امر

بشرااااااااء



معقوووووله ... جديد ويغرق على طول


بالنسبه للاخت .. كما ذكر احد الاخوان يفضل ان تنتقلي الى دائره اخرى
الا اذا كنتي مظلومه الانتقال جيد وخصوصا عندج خبره من قطر للبتروووول

[بـن عدوان]

الشيخة قبل لا تقدمين استقالتج جوفي لج وظيفة

جربي تروحين بروة ,,,

[طموحة]

أختي اذا تبين الراحة وزارات

واذا تبين الرواتب شركات قطاع خاص ..

[قلم حائر]

شوفي يا قلبي مستوى الشركات عالي واذا تبين نفس المستوى عندج قطر فاونديشن نفسهم واعلى
بس المشكلة ما ياخذون حد بالساهل انا قدمت عندهم - وشوفي الشركات اللي بمسيعيد:telephone:
وربي اوفقج انشالله

[غريم قطر]

ياجماعه البنت تقول عافتهم النفس يعني مستحيل تقدر تكمل وياهم ثاني شي الموظف اذا مش مرتاح في مكان عمله مستحيل راح ينتج شي .... نصيحتي لج روحي بروه الصراحه عندهم راحه نفسيه غير انهم يطورون من موظفينهم ويطرشون دوارت حق النورث اذا كان مؤهلج العلمي ثنويه واذا كنتي جامعيه بعد بيهتمون فيج توكلي على الله روحي قدمي وشوفي الوضع ولايفوتج صاير عندهم تعديل في درجات الموظفين من يومين زادوهم دراهم ههههههههههههههه

[HADi]

السلام عليكم

اختي ليش حاطه قرار الاستقاله في بالج ..

ترى كل شخص يمر بمرحله بين فتره وفتره خاطره يضيق ويبي يستقيل

لكن مثل سحابة الصيف مسيرها تعدي ...

اذا انتي مظلومه في المكان الي انتي فيه وحاولتي ولا نفع ..

فكري في النقل ..الى مكان ثاني داخل الشركه


قطر للبترول مميزتها حلوه وصعب تحصلينها في مكان ثاني

انا فيها ومريت في مرحله كنت ابي اطلع بس لما نقلت ارتحت


الله يوفقج ان شاء الله

[missperfect]

ربي يعينج ويووفقج ،، ترى كل مكان بتحصلين في مشاكل يعني مافي وظيفه ماتخلو من المشاكل ،، ولاتتسرعين باستقالتج ترى موضوع الشغل صاااير صعب بهالايام

قولي الحمدلله وتصبري:)