دستور
16-06-2010, 09:42 AM
يالربع إشتريت لعيالي سياره فخمة آخر موديل فيها جميع الإمتيازات والكماليات وأنظمة الأمان وسيارة مش أي سيارة وبتعيش مع عيالي سنين حتى لو جات موديلات جديدة ماراح تكون أحسن من سيارتي لأن سيارتي فيها من التطور اللي ماتقدر شركات السيارات تجيب تطور مثله إلا يمكن بعد مية سنة بعد مش أكيد وبصراحة خذيت وقت كثير وانا أفكر وشهي أحسن سيارة لين الله هداني على هالسيارة الأكثر من ممتازة وماهمني كم أدفع فيها لأنها بتفرح إعيالي وبيتفاخرون فيها قدام الناس
وبعد ماشتريت هالسيارة الجميلة ما باقي إلا الدريول إللي كفو إنه يسوق السيارة وتعبت لين حصلت دريول ممتاز يقدر يسوق هذي السيارة المتطورة ويحافظ عليها ولا يسوي فيها حوادث تخطر على سلامة حلالي وعيالي وبعد ما أكد لي السايق إنه كفو سلمته السيارة لكن صراحه الدريول خيب ظني فيه سار مافيه يوم يمر إلا إما دخل له في طوفه ولادعم له سيارة ثانية خسرني واجد وسار خطر على سلامة الحلال والعيال وكل مسألته ليش سويت حادث ونت سايق ممتاز يرد علي ويقول ( بابا أنا دريول زين ليسن فيه بس هذا تاني نفر غلطان ) ولين ألحين ونا أصدقه لأني خابر إنه سواق ممتاز لكن الظاهر إنه مايعرف يتحكم في هذي السيارة وبصراحة صبرت عليه واجد
أبي حل من عندكم ..... أكيد بتقولون شف لك دريول ثاني ممتاز وعنده خبرة وفنش الدريول الغشيم قبل لا يعدم السيارة ويضر بحلالك وعيالك .
السيارة الفخمة هي فكرة تطوير التعليم عسى الله يطول عمر القيادة الرشيدة اللي جابت لنا هالفكرة وصرفت عليها ( هيل بلا كيل ) على شان نتفاخر قدام الشعوب الأخرى بتعليمنا
الدريول هم القائمين على تنفيذ الفكرة صحيح إنه تم إختيارهم على أساس سليم (الظاهرمنهم ) ولكن لما نزلوا للميدان بين انهم مش قد الفكرة سوو مثل الدريول الغشيم اللي عنده ليسن بس مايعرف يسوق هم صراحة عندهم مؤهلات علمية وشهادات خبرة بس ما عرفوا ينفذون الفكرة بين اليوم والثاني مدخلينها في طوفة عووفونا بالفكرة خلونا نحن لطريقة التعليم القديمة اللي فرحنا يوم تبدلت
( بابا أنا دريول زين ليسن فيه بس هذا تاني نفر غلطان ) المشكلة انه يوم تكلم الراي العام من خلال وسائل الاعلام ضد اخطائهم نقلوا للادارة العليا بالمجلس الاعلى للتعليم صورة غير صحيحة قالوا فيها هذولا معارضين فكرة تطوير التعليم والصحيح ان الراي العام واقف ضد أخطائهم ويطالبهم بتنفيذ فكرة تطوير التعليم بالطريقة الصحيحة
والدليل على كلامي مستوى الكثير من الطلاب في القراءة والكتابة التي هي أساس التعليم على ما أعتقد في مادتي اللغة العربية واللغة الإنجليزية .
أختم بسؤال موجه إلى سمو رئيس المجلس وسمو نائب الرئيس
أما آن الأوان في إعادة النظر في منفذي فكرة تطوير التعليم ؟
وشكرا"
وبعد ماشتريت هالسيارة الجميلة ما باقي إلا الدريول إللي كفو إنه يسوق السيارة وتعبت لين حصلت دريول ممتاز يقدر يسوق هذي السيارة المتطورة ويحافظ عليها ولا يسوي فيها حوادث تخطر على سلامة حلالي وعيالي وبعد ما أكد لي السايق إنه كفو سلمته السيارة لكن صراحه الدريول خيب ظني فيه سار مافيه يوم يمر إلا إما دخل له في طوفه ولادعم له سيارة ثانية خسرني واجد وسار خطر على سلامة الحلال والعيال وكل مسألته ليش سويت حادث ونت سايق ممتاز يرد علي ويقول ( بابا أنا دريول زين ليسن فيه بس هذا تاني نفر غلطان ) ولين ألحين ونا أصدقه لأني خابر إنه سواق ممتاز لكن الظاهر إنه مايعرف يتحكم في هذي السيارة وبصراحة صبرت عليه واجد
أبي حل من عندكم ..... أكيد بتقولون شف لك دريول ثاني ممتاز وعنده خبرة وفنش الدريول الغشيم قبل لا يعدم السيارة ويضر بحلالك وعيالك .
السيارة الفخمة هي فكرة تطوير التعليم عسى الله يطول عمر القيادة الرشيدة اللي جابت لنا هالفكرة وصرفت عليها ( هيل بلا كيل ) على شان نتفاخر قدام الشعوب الأخرى بتعليمنا
الدريول هم القائمين على تنفيذ الفكرة صحيح إنه تم إختيارهم على أساس سليم (الظاهرمنهم ) ولكن لما نزلوا للميدان بين انهم مش قد الفكرة سوو مثل الدريول الغشيم اللي عنده ليسن بس مايعرف يسوق هم صراحة عندهم مؤهلات علمية وشهادات خبرة بس ما عرفوا ينفذون الفكرة بين اليوم والثاني مدخلينها في طوفة عووفونا بالفكرة خلونا نحن لطريقة التعليم القديمة اللي فرحنا يوم تبدلت
( بابا أنا دريول زين ليسن فيه بس هذا تاني نفر غلطان ) المشكلة انه يوم تكلم الراي العام من خلال وسائل الاعلام ضد اخطائهم نقلوا للادارة العليا بالمجلس الاعلى للتعليم صورة غير صحيحة قالوا فيها هذولا معارضين فكرة تطوير التعليم والصحيح ان الراي العام واقف ضد أخطائهم ويطالبهم بتنفيذ فكرة تطوير التعليم بالطريقة الصحيحة
والدليل على كلامي مستوى الكثير من الطلاب في القراءة والكتابة التي هي أساس التعليم على ما أعتقد في مادتي اللغة العربية واللغة الإنجليزية .
أختم بسؤال موجه إلى سمو رئيس المجلس وسمو نائب الرئيس
أما آن الأوان في إعادة النظر في منفذي فكرة تطوير التعليم ؟
وشكرا"