للي راحو اليابان والصين

[بورصجي_جديد]

السلام عليكم

قررت ان شاء الله في هالاجازه اني اروح اليابان والصين سياحه:nice:

وبيروح معي واحد من الربع لكم عليه شوي دبدوب:omen2: ويبي يسوي عملية ليزر في اليابان

فبغيت اسال اذا احد يعرف مستشفى او عياده زينه في اليابان متخصصه بالمجال هذا

واي شي تامروني عليه من الصين واليابان تراني حاضر :victory:


تقبلو تحياتي

[الخنجر]

في اليابان خذ معاك فلوس زيادة .. وترجعون بالسلامة

[وحيد-الشوق]

الله يعينك عاللغة في الصين واليابان اغلب الشعب مايعرفون انجليزي

وثانيا الاكل راح تتعب من اكلهم في اليابان كل مكان لازم تاكل اكل بحري وماعندهم غير السوشي

وفي الصين حاسب من الحشرات هههههههههههه لأنهم على قولة واحد شعبهم اي شيء يتنفس ياكلونه

ومثل ما قال اخوي الخنجر لاتنسى تاخذ معاك فلوس زيادة حق اليابان :)

مع ذلك الصين واليابان بلاد تستحق التجربة وتروح وترجع بالسلامة بخصوص المستشفيات ماعندي علم

:)

[بورصجي_جديد]

السلام عليكم


مشكورين على الرد والنصايح فعلا الربع قالو لي ان اكثر شي بتتلعوز فيه الاكل !!

الله يعينا مالنا الا المعلبات

انتظر رد اهل الخبره في المستشفيات

تقبلو تحياتي

[asadfg]

اريغاتو

[DEMAC]

اليابان بلد غاليه, والاكل لازم يحطون فيه خمر ,ومنطقة معرضه لزلازل بشكل يومي ,وزحمه اكثر من اللي عندنا............ لكن حلو الواحد يزورها لو مره وحده في العمر لانها بلد مطوره جدا,ونظيفة ,وشعبها طيبين ومنظمين

[بو علي]

انا رحت اليابان كم مره والصراحه خوش ديره وناس في منتهى الادب والاحترام. شعب فعلا طيب. بش مشكلتهم ما يعرفون انجليزي فعليك اخوي بلغة الاشاره.

بالنسبه للكاش مب كل مكاين السحب تشتغل عليها بطاقاتنا. بس ممكن تسحب عادي من مكاين البنوك او الفندق لو كان كبير وفيه مكاين سحب.

بالنسبه للأكل في طوكيو بتحصل وايد مطاعم هنديه في المناطق السياحيه ممكن اتدور في النت قبل السفر. والمطاعم العالميه بعد في كل مكان مكدونلد وكنتاكي وغيره. بس طبعا المطاعم الحلال نادره.

واتروح وترجع بالسلامه.

[البدع]

ما ادري عن الصين

بس مستشفيات اليابان سيئة جدا

لاتغتر بالتكنولوجيا عندهم

هذا كلام دكتور سعودي

مدح في كل شيء باليابان الا المستشفيات

قال السعودية افضل بكثير

[أغلى البشر]

اليابان بلد يستحق الواحد يروح له بصراحة بلاد منظمة ونظيفة وناسهم طيبيين وخدوميين بالنسبة للأكل المطاعم الهندية والتركية متوفرة في طوكيو اما خارج طوكيو فقليل جدا
بصرحة المستشفيات ما جربناها وما عندي معلومات عنها

وبالتوفيق لكم وترجعوون بالسلامة

[بورصجي_جديد]

مشكورين يالربع على الرد والله يسلمكم

وباقي على السفر اسبوعين وأي شي توصوني عليه من الصين واليابان انا حاضر

تقبلو تحياتي

[كبير المجلس]

خلى بالك من الاكل فى الصين لتاكل كلاب او قطط او اى شئ اخر ، اما سمك او اكل نباتى

[qatar.1995]

الوعد في الصين بسلام ترجع

[q6ryah]

تروحون وترجعون بالسلامه

اما بخصوص العلاج

فالافضل انك تكلم السفاره وعن تجربه


وهي اللي تعطيك عناوين المستشفيات المصرح لها

اما الصين فاعتقد انه يوجد مكتب طبي قطري بس مااعرف باي منطقه


حاسب من كلام الناس هذا علاج وصحه مو لعبه


واخر شي لاتحرمنا من الصور والتقارير خصوصا لليابان لاني ناويه اروح لها


الصين زرتها بس منطقه كونزو كان في اكل عربي حلال لا تحاتي


المطاعم وايد بس مايمنع تاخذ وياك اجبان ومعلبات

[بودندن]

تروح وترجع بالسلامه بالعكس كل شي تمام هناك المطاعم العربية ولاسلامية باليابان او الصين حتى الاسواق والمجمعات فيها الرخيص والغالي بكل مكان بالعالم .