زوجتي مصره وأنا محتار ........ هل أسمع كلامها أو أتجاهلها [الأرشيف]

انا حره

16-06-2010, 07:18 PM

لاتزعل اخوي بس لهالدرجه انت مو واثق فيها شفيها لاعرفت مرتك راتبك ليه انت مقصر معاها اوشي

صراحه ماشوف في مانع حتى المره الي تشتغل لاحظت ماتعلم زوجها عن راتبها

الحياه الزوجيه مبينيه على الثقه والصراحه ليه تخلوون هالثغرات تخرب مابينك وبينها

الله يخليكم لبعض وهاذا الامر راجع لك انت وحدك انت

الوفي

16-06-2010, 07:20 PM

كثرت المواضيع الهادفه ؟ وخاصه في هذه الايام

طلعة الروح

16-06-2010, 07:21 PM

بصراحه سؤالك غريب اصلا اي حد يقدر يسالني هالسؤال من هلي واجاوبه
فما بالك لو لو كان هالشخص زوجي لو انعكست الآيه يعني..

رجل الجزيرة

16-06-2010, 07:21 PM

والله أنت أعلم منا بزوجتك فإذا هي حنانة في أن تطلب لأي شيء تافه فرأيي لا لأن بعض الزوجات إذا عرفت إن الراتب كبير فتحاول أن تخليك على البلاطة خوفا من أن تتزوج عليها والبعض تحب أن تسرف في أي شيء والبعض تشتري الماركات الغالية للتبهى أمام زميلاتها، وإذا هي من الفاضلات وأتمنى من الله عز وجل أن تكون ذلك فما المانع أن تخبرها.

رجل الجزيرة

16-06-2010, 07:23 PM

!!!!!!!!!!!!!!!!

في زوجه بقطر ما تعرف راتب زوجها

خخخخخخخخخخ غريبه

عموما اخوي هذا شي راجع لك

يمكن تبي تعرف راتبك عشان في شي فبالها

انت بالاول اعرف ليش تبي تعرف و شوف السبب و بعدين فكر تقولها و الا لا

أقسم بالله إن زوجتي ما تعرف كم راتبي ورد أختنا شويهينة عين العقل.

الخير كله

16-06-2010, 07:23 PM

كثرت المواضيع الهادفه ؟ وخاصه في هذه الايام
استراتيجيه..جديده بالمنتدى

رجل الجزيرة

16-06-2010, 07:24 PM

وهي شبتستفيد لو عرفت؟؟؟

مصروفها ويوصلها

بيض الله وجهج.

رجل الجزيرة

16-06-2010, 07:25 PM

sung kyo

16-06-2010, 07:42 PM

براحتك هي زوجتك وأقرب لك من هالمليون عضو اللي راح يردون عليك

شغموم

16-06-2010, 07:53 PM

الأفضل لا تعلم خير شر

رجل الجزيرة

16-06-2010, 07:53 PM

براحتك هي زوجتك وأقرب لك من هالمليون عضو اللي راح يردون عليك

كلام حلو.
:)

محمد افندي

16-06-2010, 07:57 PM

معقولة ؟

ما توقعت فيه عالم يخبون على زوجاتهم اشياء اساسية مثل الراتب !!

لو امرتك ما عرفت راتبك ؟ اجل من يعرف :ٍ

روح الاطلس

16-06-2010, 07:58 PM

يعتمد عليها .. لو انت شايف انها من النوع اللي يصرف ويطلب ويقط الفلوس يمين ويسار الافضل ماتعلمها

لكن لو كانت من النوع المحافظ على القرش :) اشوف عادي تعلمها او تخش عنها

الموضوع من ناحية سلبيات وايجابيات بالاخير يعتمد على شخصية الحرمة وتوقعاتك انت في الحالتين يعني حط سيناريوهين لو عرفت شنو تتوقع بتتصرف؟ ولو ماعرفت ( بتم كل يوم تحن ) :) الله يعينك

روح الاطلس

16-06-2010, 07:59 PM

بس سؤال كم راتبك ؟

لا تخاف محد بيعلم مرتك علمنا وسرك في بير :)

نور اعيوني

16-06-2010, 08:00 PM

تعتمد الاجابه على حسب اذا انت تعرف زوجتك من النوع المبذر وتحب الخساير ممكن تخفي كم راتبك الحقيقي وتقول لها راتب مقارب لراتبك اما اذا بس فضول وانت عارف انها مش النوع اللي ذكرته فعادي تقول لها..

làst çhàncè

16-06-2010, 08:03 PM

قول لها وش المشكله .

مــــلاك

16-06-2010, 08:21 PM

بحكم انها اقرب شخص لك ...
مافيها شي لو عرفت ... واتوقع لو انها موظفه اكيد انت تبي تعرف كم راتبها
شي عادي واكيد فيها فضول ..وكل ممنوع مرغوب ..يعني بتم تصر عليك لين تعرف

اعرف ازواج مايعلمون بعض باللي عندهم ..لاسباب خاصه
مثلا زوجه ماتعلم زوجها براتبها عشان مايعتمد عليها في كل صغيره وكبيره
والزوج نفس الشي يمكن مايعلم عشان ماتحن وتزيد طلباتها

الله يعينكم :secret:

شموع قطريه

16-06-2010, 08:26 PM

هههههه يحليلكم ..

yousef545

16-06-2010, 08:28 PM

انا راااااااااااااااااااتبي .............

لا سوري ماقدر اعلم

عندي لك حل قولها اذا علمتج ماتطلبين شي ههههههههههه

النهار

16-06-2010, 08:29 PM

علمها والي يصير يصير ولاتفتكر

الأصيلة

16-06-2010, 08:51 PM

أمس ولد الجابر واليوم ولد الخال
اشفيكم على زوجاتكم ؟؟؟تعوذوا من الشيطان...
اشوف المنتدى صار مركز الإستشارات العائلية...

البعد الخامس

16-06-2010, 08:52 PM

الحل عندي :

قول لها الراتب بعد الخصومات وليس قبل

مثلاً لوراتبك 20000 وينخصم منه 6000 قول لها راتبي 14000 أحسن حل في

نظري

وقولنا أيش قررت

H.Alrumaihi

16-06-2010, 08:59 PM

انا لو مكانك .. بقولها .. لان هالشي لا عيب ولا فيه شي .. ومثل ماقالوا الاخوان الحياة الزوجية مبنية على الصراحة وماحبذ ان الزوج يخش اشياء على مرته والعكس ..

السموحة اتفلسف وانا للحين ماتزوجت خخخخ

حلف الفضول

16-06-2010, 09:06 PM

بنات حوى ( كيدهم عظيم )
وترى الذيب ما يهرول عبث ( شوف وشو اللي في راسها وراضها اخير لك )
ويقولون ( إصرف ما في الجيب يأتيك ما في الغيب ) عاد انت لاتبخل عليها هذه ام اعيالك ( والا اخاف انها حاسه انك متزوج عليها الله ايعينها )
وياخوك انت كريم اصرف وعط بيمينك ( وراعي النصيفة سالم ) واذا صفيت على النصيفه من راتبك قول الحمدلله
وانا انصحك لا تزعل بنات حوى، مانقدر نصبر عنهم ، أه منهم يأخذون القلب وبطاقة البنك معاه ( إن طاعك الزمن وإلا طيعه)
اما انا لو اميرة قلبي وام عيالي طلبت المصرف المركزي جبته لها ( وانت اتعرف الحريم مايقولون لا لو فيه اكثر بعد يبون )

وفي الختام : اذكركم بالحديث الشريف ( قال رسول الله صلى الله عليه وسلم ( خيركم خيركم لأهله وانا خيركم لأهلي ) وصلى الله عليه وسلم

غدير البورصه

16-06-2010, 09:20 PM

لك الحق انك ما تعلمها
كل انسان له اسراره الخاصه ومب من حق اي مخلوق انه يعرفها.

ANONYMOUS

16-06-2010, 09:26 PM

عطها اي رقم تقريبي اذا ماتبي تقول الصج

شالمشكله

الصريحه

16-06-2010, 09:26 PM

شيء خاص وانت اعلم
انا اعلم كم راتب زوجي
وعادي عندي والله يزيده ويبارك له فيه

ضوى

16-06-2010, 09:28 PM

وين المشكلة اذا عرفت ؟؟؟

سحابة

16-06-2010, 09:32 PM

ابسط حقوقها تعرف راتب زوجها المفروض مايكون فيه اسرار وحواجز بين الزوجين..
انت امنتها على اغلى من الراتب وهو اسمك وقلبك وانها تكون ام لعيالك وقفت على الراتب .

nyzk

16-06-2010, 09:33 PM

قطرية مثقفة

16-06-2010, 09:44 PM

عمري ماسألت زوجي عن راتبه بس اهو بنفسه قالي ،،،،،،،،، إذا الزوج مومقصر على زوجته وعياله مافي داعي المره تصر تعرف راتب زوجها ،،،،،،،،،،،،

الرادار

16-06-2010, 09:46 PM

قولها الاساسي من غير علاوات.

باظلوف

16-06-2010, 09:48 PM

إذا هي شريكة حياتك ليش ما تعرف؟

غريبه الصراحه.. الزوجة هي شريكة الحياة والمفروض تكون الصراحة بين الزوجين والوضوح

قطرية مثقفة

16-06-2010, 09:48 PM

شوف لتقولها راتبك الحقيقي

قولها راتب اعلى من الراتب اللي تاخذه

وقولها ان عندك ايرادات اخرى
وقولها انك ماديا مرتاح ولو حسيت بازعاج بتزوج الثانيه لين الرابعه
صدقني بترتاح من اشيا وايد وبتدور رضاك علشان ماتزوج
طبق هاذي النظريه

وقولنا النتايج عقب

:omg::omg::omg::omg::omg:
لا اشدعوه هي زوجته مش عدوه له ،،،،،،،،،، والزواج شراكه ومافي داعي للخبث واللف والدوران ،،،،،،،،،، علشان الزواج ينجح والمركب تمشي أشوف الصدق مهم في الحياة الزوجية ،،،،،،،،،،،

تحداني

16-06-2010, 09:48 PM

وين المشكلة اذا عرفت ؟؟؟

نفس السؤال يراودني
:)

شعنونة قطر

16-06-2010, 09:58 PM

مافيها شي اذا عرفت بالنسبه لي ريلي يعلمني واساعده في تقسيمات المصاريف وهكذا والحمدلله
الا اذا كانت اللي عندك مشفوحه خخخخ

الجووري

16-06-2010, 09:59 PM

قولها الاساسي من غير علاوات.

ههههههههههههههههههه

الجووري

16-06-2010, 10:03 PM

لا يعجبكم عجب ولا صياااام في رجب

خفووو على نسوووانكم

فلتة زمانها

16-06-2010, 10:34 PM

اخوي عادي قولها مافيها شي يمكن تبي تفوشر جدام ربعها ريلي يشتغل فالمكان الفلاني
وراتبه فوق المادري كم خخخخخخخخ حركات حريم

ضوى

16-06-2010, 10:41 PM

نفس السؤال يراودني
:)

بجد يالغالية وين المشكلة ؟؟؟؟ يعني يوم خطبها ماقالهم عن دخله الشهري ؟؟؟

غزلان

16-06-2010, 10:47 PM

اخوي هذي اشياء خاصه فيك مب المهم تقول ولا ماتقول المهم انت عادي لو عرفت ولا ماتفضل انها تعرف

Gh2o

16-06-2010, 11:04 PM

شي خاص بكل اسره وكل شخص وله ضروفه وطريقته بالتعامل مع الحكومه الداخليه

JN000N

16-06-2010, 11:06 PM

امي ليحين ماتعرف كم راتب ابوي :)

انا اعرف خخخ

لاتقولها لازم اول شي تختبرها صحيح هي زوجتك ومعاك فالسراء والضراء،، لكن في بعض الحريم حنانات،، وواضح ان زوجتك حنانه خاصه وانها مصرره الا تعرف جم معاشك وبعدين انت بتتفادى اشيا وايد لو ماقلتلها منها انها بتحن على راتبك والحنه مب زينه تقطع الرزق،، ومعظم النساء معروفين بسوء التدبير يعني بتصطي على راتبك وابشر بالخير هههههه وبعد بتجوف انت جم راتبك وجم انت تعطيها مصروف واحتمال مايرضيها مصروفها بحكم ان راتبك قوي مثلا،، وغير هذا كله يفضل انك لو بتقولها جم راتبك لاتقول لها الصج

احنا نعرف عن وحده عرفت كل شي يخص راتب ريلها واقساطه وجم يصفى منه وااخ ااخ اخرتها تمت تعايره وتقوله خل ابوك يكد علينا احسن<< بس بسبة ان ينقص من راتبه حق الاقساط

وان يات عالصج مالها حاايه كلش ان تعرفه ومب من حقها بعد حتى لو هي زوجتك والحق معاك لو ماقلتلها

يفضل انك تختبرها تجوف لها مواقف،، جوف بتساعدك او لا،، هل هي مره عااقله وبتشيلك لو طحت والا خرخااشه وهمها البيزات وبس؟؟ اذا طلعت عاقله هذي امن لها اما اذا غيره فخلك حذر شوي
مب عشان هي زوجتك يعني تسلمها الخيط والمخيط من اول الطريق

JN000N

16-06-2010, 11:09 PM

اخوي عادي قولها مافيها شي يمكن تبي تفوشر جدام ربعها ريلي يشتغل فالمكان الفلاني
وراتبه فوق المادري كم خخخخخخخخ حركات حريم

هذي حركات الحريم مب زينه فديتج

تفتح عيون الناس عليهم وياكلونهم واذا لج عين الناس لها عيون وبعدين هاي تسبب الحنه والحنه تقطع الرزق باجر يسولفون فكل مره جوف فلان راتبه جم مب فلان والخ الخ هذي تضره ماتنفعه
احسن خل الناس غافلين والمره لسانها ماينمسك يفرط بسرعه احسن مايقولها عشان لو حد تزبى قدامها ماتروح هي بعد تتزبى وتفتح عيونهم وتكتفي بقول الحمدلله مب مقصر معانا ف ولا شي وبس ومالهم حايه الناس يعرفون كم راتبه

بوغانم995

16-06-2010, 11:11 PM

زوجتي مصره على معرفة كم أتقاضى من راتب شهري

وتلح علي بشكل يومي

منذ أن تزوجتها

أن تعرف كم هو معاشي

فهل أخبرها بذلك أم لا

وما هي السلبيات والإيجابيات التي سوف أجنيها من إخباري لها كم هو معاشي الشهري

والد الخال ....اولاً .....سم..... بسم الله ...........هذه زوجنك حليليك .......وصديقة دربك .....في هذه الحياه ..وفوق ذلك ...شريكتك .......من تفتح عيونك الى ان تنام ......اول من يعرف عنك ..عند الأستيقاض من النوم ..وآخر من تتحدث معه قبل النوم ......فالحياه الزوجيه في عرفي انا ...شفافيه ......مفتوحة بين الزوج وزوجته........لاتوجد اسرار أو اسوار بين الزوجين .........!!! ..سؤال...هل الزوجه تعمل ؟؟؟؟....واذا كانت كذلك .....وطلبت ....معرفة راتبها ...وتمنعت ......ماهو موقفك ......من هذا .....طبعاً في شرع الولايه بصفتك ...الزوج ورب الأسره .......لن تمانع .......على ...شرط ....اتكون السالفه ...محصوره ...بينكم .....وهذه اسرار بيت ليسة للنشـــــــــر ......وكذلك الحال بنسبه عليك .....
أخي العزيز ....... منحقك .....معرفة القصد ...من السؤال .......هل النيه حسنه او مبيته ....فابطريقه رومنسيه .......تعرف القصد ....وبعدين ترى راحة الضمير شىء ....جيد .....ويبعد ..عن ..شريكة ....حياتك الشكوك ....قأذا بتعدت الشكوك ابتعد عدو الأنسان الأول .....ابليس .......الذي اقرب أعوانه أليه الذي يهدم بيت أسره مستقر .......نسأل الله العلي القدير ان يبعد عنكم المشاكل ماضهر منها ومابطن ......وبسسسسس

سحـابة خيـر

16-06-2010, 11:17 PM

مادري ليش أشك بهالموضوع:omen2:

:nop:

وطن

16-06-2010, 11:20 PM

اخوي هذي زوجتك انت
واكيد انت اكثر واحد بتكون عارف ايجابيات وسلبيات اخبارها

بعدين لو انعكس السؤال وانت اللي كنت تبي تعرف راتبها وهي خاشه عليك
شنو شعورك؟؟ كل ما خبيت عليها اكثر كل ما زاد فضولها اكثر
الانسان بطبعه فضولي

في الأخير مافيها شي لو عرفت راتبك !!
يعني ربعك وأهلك ما يدرون كم راتبك ؟؟
خاش عليهم كلهم مثلا؟؟
منو أقرب لك ؟؟ زوجتك ام عيالك أو ربعك ؟؟

واذا خايف انها تطلب فلوس زود ولا تكثر من صرفها
انت قدها وتقدر تتحكم بهالأمور

:)

SomeOne

16-06-2010, 11:29 PM

قولها بان راتبك مقطوع ،

بومبارك505

17-06-2010, 12:02 AM

ياخي اكذب عليها وانشاالله انها كذبه بيضه

وهم قطر

17-06-2010, 01:03 AM

ياليتك قايل السالفه منقوله ولا من ايميل ولا سايره لواحد من الربع

اخوي هذي من ضمن الاسرار العائليه ماتقولها لصديقك كيف تقولها امام الناس

يمكن بكره تقول سالفه ثانيه اعظم منها

في اعتقادي انك زوج حديث العهد

اخوي اذكر لله وفيه من يعطيك الحل غير هذا المكان عسى لله يهديكم ويجمع بينكم على طاعته

FHN

17-06-2010, 01:55 PM

الحل عندي :

قول لها الراتب بعد الخصومات وليس قبل

مثلاً لوراتبك 20000 وينخصم منه 6000 قول لها راتبي 14000 أحسن حل في

نظري

وقولنا أيش قررت

رايك ممتاز .. هذا يسمونه التوريه ان الانسان يكتم نصف الحقيقة ومايكذب %

قطرية7

17-06-2010, 02:04 PM

مع احترامي لك هذي الامور خاصه ومالها داعي تنحط بالمنتديات ،، :telephone:

بولينجر

17-06-2010, 02:21 PM

أخوي انت أدرى باللي يناسبك.... وفي الأخير هي الأقرب لك..... وإذا كنت خايف من الحنة تقدر تحط خطوط حمراء انت المتحكم في مقدار الصرف..... والزواج يقوم على الصدق والاحترام......

حقيقه

17-06-2010, 02:36 PM

معقوله فيه ناس كذاا ؟؟

لهالدرجه يعني

اعتقد هذي شريكة حياتك ولو مب قد الثقه اشلون حياتكم ماشيه ؟؟

حليتان*

17-06-2010, 04:13 PM

لو انا منك بعطيها كشف حساب

لابس بشت

17-06-2010, 04:27 PM

شسالفه
زوجتي ليش ماتعرف راتبي ؟
عرفت ولا ماعرفت ايش المشكله؟؟
هذي بعد سالفه حد يحتار فيها

بـــــــنت النوخـّــــذه

17-06-2010, 05:32 PM

زوجتي مصره على معرفة كم أتقاضى من راتب شهري

وتلح علي بشكل يومي

منذ أن تزوجتها

أن تعرف كم هو معاشي

فهل أخبرها بذلك أم لا

وما هي السلبيات والإيجابيات التي سوف أجنيها من إخباري لها كم هو معاشات بعض

والله العظيم وبدون مبالغه وهذا حلف ساعات اتكيسل اروح اسحب من الصراف الالي وادز بطاقتي مع السايق يسحب لي اويسدد لي فاتوره واعطيه الرقم السري على التلفون 00 او الخادمه تشتري شي ليّ من بطاقتي الي فيها تفاصيل معاشي 00طبعا" ما اخطيت هالخطوه الا لاني عندي خدمه الرسائل البنكه لاي عمليه تتم بالبطاقه 00

وهذا تصرف مع خدم فمابالك مع ناس عايشه معهم تحت سقف واحد ونصفي الاخر ؟؟؟؟؟؟؟؟؟

فليش الزوجه الي اهي نصفك الثاني ماتقول لها 00؟؟؟؟؟؟؟؟؟؟؟؟؟؟

معقوله فيه جذيه ناس عايشين تحت سقف واحد مايدرون عن معاش بعض :eek5:
انزين عادي اشفيها المفروض اتعرف كل شي عنك

فمادري شنهو سببك انك اتخبي عن زوجتك يعني خايف لا تفلسك ؟؟؟؟يعني ترى يقولون :
البنت من رجالها والخيل من خيالها

8
8
8
في حاله ذهول :eek5:

اييييييييييييييييييه لك الجنه يابوي حله وحلاله واسراره عند امي والله هالشراكه ولا بلاش

نصيحه لكل زوج انه يحسن النيه بزوجته الفلوس تروح وتجي

مبارك سعد

17-06-2010, 05:37 PM

اخوي هذة زوجتك وحليلتك وكاتمة اسرارك ليش تبخل عليها (بالرقم ) الا رقم قولة راتبي كذا بحدود

كذا مافيها شئ الله يهديك خليها تعرف وترتاح نفسيتها مب اتخليها على اعصابها مسكينة اسالفة مب

عودة علشان تكبرها كان من البداية قلتلها علشان تمشي الامور طبيعية من حق كل زوجة تعرف كم

راتب زوجها مش من المعقول ان تعرف الزوجة راتب زوجها الا اذا مات اخوي قولها كم راتبك خلها

ترتاح وتطمئن ويكون عندها علم براتبك واذا هي من النوع المبذر انت امسك بزمام الامور

قطري123

17-06-2010, 06:54 PM

شكلها ناوية نية شينة

المغروره

17-06-2010, 11:37 PM

ان كيدهن عظييم
ليش تسال عن الرااتب فلوسهاااااا وبجييها اهي وعيالهاا اخر حريم
انا اشوفه عيب ومنقود
ماله داعي
تحيااتي

ســـهم

17-06-2010, 11:53 PM

ياويلك

راح تستنزف راتبك وتخليك تاخذ قرض بعد

وعقب تقول لك والله ولا يوم شفت منك خير ... :(

Qt.1

18-06-2010, 05:11 AM

بصراحه احترت شقول لان السوؤال اسمح لي يعني من الاساس ماله داعي...
زوجتك وام عيالك وشريكة حياتك ماتعرف كم راتبك ..!! عيل من ايعرف..؟؟
وليش اصلاا خاش عنها...؟؟ انا شفت مواضيع غريبه كثيره لكن مثل هالموضوع ماشفت ولااظن اني بشوف :rolleyes2:

STAR

18-06-2010, 10:37 AM

هاذي زوجتك..المفروووض ماتخشوون ع بعضكم شي..‏!!‏

Qatar4all

18-06-2010, 10:45 AM

حلوة الفكرة :..

ولد الخال

18-06-2010, 04:24 PM

الشكر

لجميع الأخوات والأخوة

لكل من ساهم في الرد وتنوير الطريق لي لأتخاذ القرار المناسب

بوحارب

18-06-2010, 06:14 PM

مستر بن

18-06-2010, 10:33 PM

شيء يراجعلك الصراحة

بوحارب

19-06-2010, 01:47 AM

هذي حركات الحريم مب زينه فديتج

تفتح عيون الناس عليهم وياكلونهم واذا لج عين الناس لها عيون وبعدين هاي تسبب الحنه والحنه تقطع الرزق باجر يسولفون فكل مره جوف فلان راتبه جم مب فلان والخ الخ هذي تضره ماتنفعه
احسن خل الناس غافلين والمره لسانها ماينمسك يفرط بسرعه احسن مايقولها عشان لو حد تزبى قدامها ماتروح هي بعد تتزبى وتفتح عيونهم وتكتفي بقول الحمدلله مب مقصر معانا ف ولا شي وبس ومالهم حايه الناس يعرفون كم راتبه

حركاااااااااات هالرد

هالتفكير المضبوط يابنت :)

حقيقه

19-06-2010, 03:14 AM

اللي يقول مب لازم الزوجه تعرف كم الراتب

اسمحولي اقولهم انه ماعندهم سالفه

دام شريكة حياته وام عياله اللي مابينها وبينه حاجز نهائياً يخش عنها هالموضوع

مافيه ثقه وبس
هذا هو الرد

بوخالد2

19-06-2010, 04:30 AM

الهدف من الموضوع مثلا ؟؟

PRINCESS

19-06-2010, 12:06 PM

الهدف من الموضوع مثلا ؟؟

لا بو خالد اني جا ببالي سؤال ثاني غير سؤالك
يعني معقول رجال مو عارف يتصرف بابسط المواقف؟؟:eek5:
شدعوه؟؟؟
وشنو يعني اذا رادت تعرف كم راتبك؟؟
علم لو كيميا؟؟
هي وحده من 2
اما تقول اما تقول لها مالج شغل وبس
الظاهر المتزوجين مال هالزمان يحتاج لهم دورات تثقيفيه بكيفيه اتخاذ القراراتالصعبببببببببه
بالزواج:secret:

gamal503

20-06-2010, 09:34 AM

اوف معقولة زوج ما يعرف راتب زوجته او زوجة ما تعرف راتب زوجها والله اول مرة اعرف بصراحه

غريبة فعلا بس اعتقد لازم تعرف شريكة حياتك واقرب حد لك

BuFaisal

20-06-2010, 10:53 AM

السلام عليكم

ما عليك من الحريم هنيه اكيد بيساندون حرمك المصون لانها طبيعة النساء ولا شيء غريب بذلك
الراتب الخاص بك من خصوصياتك ولا حق لها بمعرفته ما دام حقها يوصل لها وما دام انك تصرف على البيت بحقه ولا تقصر عنهم بشيء
لو ان زجتي تعمل ولا تخبرني كم راتبها لن ازعل بالعكس احترم خصوصياتها وقرارها جدا

بشكل عام ....
من تعرف الزوجة براتب الزوج تبدا الحنّه والزنة وزيادة الطلبات للتساوى مع الراتب او اكثر
بشكل عام الحرمه ان لم تكن عاقلة كثير بتصرف فلوس الزوج علشان لا يتزوج فوقها
انا ما اتكلم عن حرمك المصون بل النساء بشكل عام
وسواء الاخوات ردوا وعلقوا على كلامي فهذا رايي والقرار لك

الخلاصة :
لا يوجد أي نفع للزوجة بمعرفة كم راتب الزوج ان كان يصرف عليها وعلى البيت بحقه ولا يقصر عليهم بشيء
هناك خصوصيات لكل الطرفين وهذه احداها

حـمـد قـطـر

20-06-2010, 12:25 PM

عمري ماسألت زوجي عن راتبه بس اهو بنفسه قالي ،،،،،،،،، إذا الزوج مومقصر على زوجته وعياله مافي داعي المره تصر تعرف راتب زوجها ،،،،،،،،،،،،

هذا الكلام المنطقي ... هي اشدخلها دام انها مرتاحه...وانت اشفيك امعاند اتقولها

هند88

20-06-2010, 12:55 PM

سؤال غريب !!
وبعض الردرود اغرب!!

ياراعي الموضوع انت تعرف شنو معنى كلمة زوجتي؟؟

يعني نصفي الثاني

بس ماراح ازيد شي

Um Sultan

20-06-2010, 01:47 PM

في رايي تقولها رقم اقل من راتبك الحقيقي

عشان ماتضغط عليك بالطلبات والمصاريف وتقولك راتبك كذا جيب لي كذا وكذا

الله يوفقكم

بورصجية

20-06-2010, 01:52 PM

من حقها تعرف
موش هي شريكة حياتك في كل حاجة
اشمعنى مخبي عليها دي؟؟

وانا اعتقد انو الموضوع بينك وبينها
انت تعرفها اكتر مننا
وتعرف تحكم على الموقف اكتر مننا
وانت الراجل يعني تعرف تاخد قرار في موضوع يخصك انت وزوجتك بس

موش احنا الي هنحدد قرارات حياتك

ولد الخال

21-06-2010, 07:38 PM

والله انه اشوف مب ضروري ان الزوجة تعرف كم راتب الزوج !

بالنسبة لي الأهل ماعرفوا كم راتبي الا عقب فتره طوييييييييلة وانه اللي قلته بنفسي وانصدموا من الراتب هههههه الحمدلله

والموضوع فيه سلبيات اكثر من الأيجابيات لأنه اذا كان راتبك قوي بتلاقيها تطلبك كل شي وحتى لو شي ماتبيه بعد بتطلبه الا اذا كانت قنوعه وتفكر بعقل وعندها في راسها مخ مب جوتي ههههه

مشكور أخوي بوحارب

صدقت

الحريم كل ما يكون راتبك قوي بتزيد طلباتهم

توجد مقوله بين الحريم تقول : " لا تخلين فلوس وايد عند رجلك، لأن كل ما كثرت إفلوسه بيروح يتزوج عليك "

ولذلك ما تلاقي حرمه في حريمنا قنوعه، وتفكر بعقل، وعندها في راسها مخ، بل كل ما تلاقيه في راسهم جوتي بسبب هذه المقوله

الله يهداهم ويصلح حالهم

لاجل QT

21-06-2010, 07:53 PM

BuFaisal

21-06-2010, 09:58 PM

من رايي ان الزوج اللى يحب زوجتة هو اللي يشاركها في كل شي وفي ادق التفاصيل... ومايخش عنها شي...
شوفو اي شخص يخش شي معناتة خايف من شي..
الحياة الزوجية شراكة بين الطرفين ...كل ماكان الزوج قريب من زوجتة وصريح معاها ..كل ماعطتة الزوجة من محبتها اكثر واكثر

طبق هذا على نفسك وقولي وش يصير معاك بعدين
خلك واقعي واترك كلام الشعر هذا لانه مش واقعي
كل طرف له اشياء خاصه معينه وهذا من حقه بشرط ان لا تكون عيب ولا حرام ولا غلط

بنت ذياب

22-06-2010, 05:04 AM

مسكينة مايسوى عليها تبي تعرف كم الراتب :(

انتشرت السالفه بالمنتديات :(

بصراحة انتوا يالرياييل المفروض الوحده ماتسالكم عن شي

لا عن الراتب
وولا وين رايحين
ولا وين رادين
ولا شي

كل شي عندكم خصوصية

هههههههههههههههه

نجود

22-06-2010, 05:54 AM

عذرا بس ماعرف شو المشكله انها تعرف كم راتبك ...؟؟؟
عموما هذا شياء انت تقرره مو احنا لاتشاور فيه انت زوجها وانت الي عايش معها وتعرف طبعها...؟؟
ادا كانت طول مدة زواجكم ماقصرت معها بقدر استطاعتك وعلى قد راتبك فعادي لو قلت لها بتكون ريحتها...
ادا كنت طول مدة زواجك مقصر عليها وانت مقتدر فهذا هو قمة القهر لها وبجد برحمها ..
اذا كنت طول فترة زواجك تعطيها اكثر من مقدرتك فاانت رجل نادر وبتكبر بعينها زياده ..

وعموما الحرمه ماتصر على معرفة راتب الزوج الا في حاله وحده ادا كانت طلباتها غير مجابه هي تبي تعرف عشان ماتظلمك وتعبك وتثقل عليك او عشان تتاكد فعلن انو اذا قلت لها انا مامعي فانت صادق مامعك ..
وتقبل رايي
ام نايف

ولد الخال

22-06-2010, 05:34 PM

شيء يراجعلك الصراحة

مستر بن

مشكور على المرور

ظبيــღــه

23-06-2010, 05:40 PM

ولذلك ما تلاقي حرمه في حريمنا قنوعه، وتفكر بعقل، وعندها في راسها مخ، بل كل ما تلاقيه في راسهم جوتي بسبب هذه المقوله

باال ..عيل الله يعينك على الحريم الي عندك:omen2::rolleyes2:

شجرة الدر

23-06-2010, 06:10 PM

اخوي هو يعتمد على حسب شخصية الزوجه وااكيد انت زوجها اكثر واحد اتعرفها إذا كانت انسانه قنوعه وعقلانية فمااظن فيها شي إذا قلت لها يمكن اصرارها هذا يكون من باب ان هي اقرب الناس لك والمفروض انتو الاثنين يكون كل واحد فيكم يكون مثل الكتاب المفتوح جدام الثاني مابينكم اي اسرار ،،

بس اسمحلي إذا كانت شخصية الزوجه غير مبالية او استغلاليه وانت تعطيها مصروفها اللي يكفيها فخله سر احتفظ فيه لنفسك ،،

والله يعينك ،،