خالـــــد
16-06-2010, 09:37 PM
السلام عليكم ورحمة الله وبركاته
انا فتحت موضوع منفصل لاني الصراحه مواضيع هاليومين تصيبني بغثا
معليش تحملوني انا اخوكم وناصح لكم وعلى قولتهم شيبه ( مب وايد ترى :) )
المهم في نغمه هاليومين عجيبه غريبه وملاحظات لاخواني عل وعسى نستفيد من بعض
اولا : كثرت الشكاوي وكاننا شعب بس قاعد يتحندى ونبي غيرنا يحل مشاكلنا ؟؟
والاعذار جاهزه اجنبي موجود وماكل حقنا ؟؟
يا اخوان هذا الاجنبي ما جا هالبلد علشان يقعد يراعي مصالحنا ... هذا حصل فرصه عمل وقدم لوظيفه وحنا قابلناه ووافقنا عليه وجبناه وعيناه
تبيه يقول لا والله ولد البلد اولى ويستقيل ؟؟؟؟
يا الربع الحل عندك اثبات الذات والمثابره والابداع لا تقولون ما يصير الا يصير ونص واللي عنده عزيمه ما يوقفه شي
بتقولون لي هو المدير .... بسالكم من اللي عينه ؟؟؟؟
بتقولون اللي عندهم وظايف عليا ما يخافون الله ......... الله اكبر الحين كل القطريين اصحاب الوظايف العليا بهذا السخف خايف على كرسيه وما يبي الشغل يمشي ؟؟؟
ولنفرض ان المدير القطري العود فاشل فكل موظف ومصيره يتغير ... الحين ما يصير كلهم تعبانين .........
طبعا الموضوع يحتمل الصواب والخطأ بس والله اسطوانة الاجنبي صارت مشروخه ومكسوره ومشلخه وتسبب ياس عجيب وقلة حيله ما اعتقد ان حنا بهذي السلبيه
ثاني شي الديون
الحين اللي ياخذ دين اكيد انه رجال او حرمه كبيره لان البنك ما يعطي ديون لاي واحد !!... زين وين دينك يوم تروح تاخذ دين ربوي .. وينك يوم تحط على نفسك اثم كبير والله سبحانه وتعالى يتوعد اكل الربى فيقول له فاذنو بحرب من الله ورسوله ..... وين تبي الله يوفقك وانت تحارب الله ورسوله ........... بتقولي تبت اقولك جزاك الله خير هذا العشم من ولد بلادي المسارعه بالتوبه وعدم الرجوع ولو كل واحد قرر انه يتخلص من دينه الربوي وما يرجع له الله سبحانه وتعالى بيساعده واذا عانى شوي فليعتبرها تكفير ذنوب ويتحمل ما جنت عليه يداه
بتقولون طيب عادي نطلب من بومشعل يشل ديونا اقولك نعم ......... والله يعين بو مشعل عنده هم دوله وسياسات وميزانيات ومشاريع ومستقبل اجيال ولو يذكرون اخواني اول ما افتحت الاسهم وحصرها على القطريين ومنها كثير من الشركات وكانت منحه وفرصه للاستفاده منها ........ بس للحين الديون .......... خصص ارض وقرض علشان يخفف على الناس .... وللحين الناس مديونه ........ صدقوني لو يدفع الديون كلها بعد في ناس بتروح وبتاخذ على نفسها ديون .... طيب والحل ؟؟
المهم افكار وحبيت اشاركم فيها واتمنى من الله العلي القدير ان يفرج هم كل ذي كربه وباذن الله تتعدل الامور كلها وذيج الساعه المباركه اللي كل هل قطر يكونون مرتاحين فيها
لكن الحياه فيها المر والحلو ومافي شي سهل ولكل مجتهد نصيب وهذا اللي انا متاكد منه
تقبلو تحياتي
انا فتحت موضوع منفصل لاني الصراحه مواضيع هاليومين تصيبني بغثا
معليش تحملوني انا اخوكم وناصح لكم وعلى قولتهم شيبه ( مب وايد ترى :) )
المهم في نغمه هاليومين عجيبه غريبه وملاحظات لاخواني عل وعسى نستفيد من بعض
اولا : كثرت الشكاوي وكاننا شعب بس قاعد يتحندى ونبي غيرنا يحل مشاكلنا ؟؟
والاعذار جاهزه اجنبي موجود وماكل حقنا ؟؟
يا اخوان هذا الاجنبي ما جا هالبلد علشان يقعد يراعي مصالحنا ... هذا حصل فرصه عمل وقدم لوظيفه وحنا قابلناه ووافقنا عليه وجبناه وعيناه
تبيه يقول لا والله ولد البلد اولى ويستقيل ؟؟؟؟
يا الربع الحل عندك اثبات الذات والمثابره والابداع لا تقولون ما يصير الا يصير ونص واللي عنده عزيمه ما يوقفه شي
بتقولون لي هو المدير .... بسالكم من اللي عينه ؟؟؟؟
بتقولون اللي عندهم وظايف عليا ما يخافون الله ......... الله اكبر الحين كل القطريين اصحاب الوظايف العليا بهذا السخف خايف على كرسيه وما يبي الشغل يمشي ؟؟؟
ولنفرض ان المدير القطري العود فاشل فكل موظف ومصيره يتغير ... الحين ما يصير كلهم تعبانين .........
طبعا الموضوع يحتمل الصواب والخطأ بس والله اسطوانة الاجنبي صارت مشروخه ومكسوره ومشلخه وتسبب ياس عجيب وقلة حيله ما اعتقد ان حنا بهذي السلبيه
ثاني شي الديون
الحين اللي ياخذ دين اكيد انه رجال او حرمه كبيره لان البنك ما يعطي ديون لاي واحد !!... زين وين دينك يوم تروح تاخذ دين ربوي .. وينك يوم تحط على نفسك اثم كبير والله سبحانه وتعالى يتوعد اكل الربى فيقول له فاذنو بحرب من الله ورسوله ..... وين تبي الله يوفقك وانت تحارب الله ورسوله ........... بتقولي تبت اقولك جزاك الله خير هذا العشم من ولد بلادي المسارعه بالتوبه وعدم الرجوع ولو كل واحد قرر انه يتخلص من دينه الربوي وما يرجع له الله سبحانه وتعالى بيساعده واذا عانى شوي فليعتبرها تكفير ذنوب ويتحمل ما جنت عليه يداه
بتقولون طيب عادي نطلب من بومشعل يشل ديونا اقولك نعم ......... والله يعين بو مشعل عنده هم دوله وسياسات وميزانيات ومشاريع ومستقبل اجيال ولو يذكرون اخواني اول ما افتحت الاسهم وحصرها على القطريين ومنها كثير من الشركات وكانت منحه وفرصه للاستفاده منها ........ بس للحين الديون .......... خصص ارض وقرض علشان يخفف على الناس .... وللحين الناس مديونه ........ صدقوني لو يدفع الديون كلها بعد في ناس بتروح وبتاخذ على نفسها ديون .... طيب والحل ؟؟
المهم افكار وحبيت اشاركم فيها واتمنى من الله العلي القدير ان يفرج هم كل ذي كربه وباذن الله تتعدل الامور كلها وذيج الساعه المباركه اللي كل هل قطر يكونون مرتاحين فيها
لكن الحياه فيها المر والحلو ومافي شي سهل ولكل مجتهد نصيب وهذا اللي انا متاكد منه
تقبلو تحياتي