Macdonalds Reality

[M7ammad]

بسم الله الرحمن الرحيم
السلام عليكم ورحمت الله وبركاته
كيف حالكم ياجماعة الخير :>؟
طبعاً موضوعي اليوم موضوع غريب
موضوع اغلبكم مايعرفه ويمكن تتفاجؤون منه !
من منكم مايعرف مطلع ماكدونالدز؟
مطعم الوجبات السريعة ! المشهور عالمياً < مب كني اسوي دعاية :P?
المهم

ابيكم تشوفون هالفيديو وتعطوني رايكم !
http://www.************/watch?v=4IGtDPG4UfI&feature=channel

واللي مايفهم انقليزي بترجم له

موقع دايت.كوم فهالفيديو ويا المضيفة يتكلمون عن موضوع غريب شدهم ، هو عبارة عن وجبات ماكدونالدز اللي ماتتعفن !
صح ! ماتتعفن !
والبنت اللي لابسه اسود عندها هالوجبة اللي هي عبارة عن وجبة اطفال او كما يسمونه " هابي مييل"
من 4 سنين !
وتشرح وتقول وتراويكم انه البرغر الموجود ويا الروتي ماتعفن ولا صاده اي شيء يدل على انه تعفن مثل اللون الاخضر اللي يصيرله وهالسوالف
بس اللهم يابس ! وبس ! وعندكم الهمبرغر ماصايده ولا شي ولا الجبن وكلهم يابسين طبعاً
وانيي حق البطاط .. كنه فرش وجديد ! للحين كنه عليه دهن وملح وكنك توك طالبه !
وبعدين تشرح وتقول وتقارن بين بطاط طبيعي عمره 3 شهور فقط ..!
وتقارنه بين بطاط عمره 4 سنين !
وشوفو الفرق ؟!

السؤال اللي تطرحه : هل هالاكلات طبيعية اصلاً؟ لانه لو طبيعية كان تعفنت !
وشتسوي هالاكلات فبطونا
وليش اليهال ياكلونه
وليش اكثرنا مهووسين ويا هالمطعم ؟

وطبعاً فيه فيديو ثاني حق واحد مادري شسمه بس مشهور هو ومقاطع هالاكلات هاي الفيديو
http://www.************/watch?v=j-ljW5YEdao&feature=related

انتظر ردودكم

[محمد2]

بسم الله الرحمن الرحيم
السلام عليكم ورحمت الله وبركاته
كيف حالكم ياجماعة الخير :>؟
طبعاً موضوعي اليوم موضوع غريب
موضوع اغلبكم مايعرفه ويمكن تتفاجؤون منه !
من منكم مايعرف مطلع ماكدونالدز؟
مطعم الوجبات السريعة ! المشهور عالمياً < مب كني اسوي دعاية :p?
المهم

ابيكم تشوفون هالفيديو وتعطوني رايكم !
http://www.************/watch?v=4igtdpg4ufi&feature=channel

واللي مايفهم انقليزي بترجم له

موقع دايت.كوم فهالفيديو ويا المضيفة يتكلمون عن موضوع غريب شدهم ، هو عبارة عن وجبات ماكدونالدز اللي ماتتعفن !
صح ! ماتتعفن !
والبنت اللي لابسه اسود عندها هالوجبة اللي هي عبارة عن وجبة اطفال او كما يسمونه " هابي مييل"
من 4 سنين !
وتشرح وتقول وتراويكم انه البرغر الموجود ويا الروتي ماتعفن ولا صاده اي شيء يدل على انه تعفن مثل اللون الاخضر اللي يصيرله وهالسوالف
بس اللهم يابس ! وبس ! وعندكم الهمبرغر ماصايده ولا شي ولا الجبن وكلهم يابسين طبعاً
وانيي حق البطاط .. كنه فرش وجديد ! للحين كنه عليه دهن وملح وكنك توك طالبه !
وبعدين تشرح وتقول وتقارن بين بطاط طبيعي عمره 3 شهور فقط ..!
وتقارنه بين بطاط عمره 4 سنين !
وشوفو الفرق ؟!

السؤال اللي تطرحه : هل هالاكلات طبيعية اصلاً؟ لانه لو طبيعية كان تعفنت !
وشتسوي هالاكلات فبطونا
وليش اليهال ياكلونه
وليش اكثرنا مهووسين ويا هالمطعم ؟

وطبعاً فيه فيديو ثاني حق واحد مادري شسمه بس مشهور هو ومقاطع هالاكلات هاي الفيديو
http://www.************/watch?v=j-ljw5yedao&feature=related

انتظر ردودكم


لأن جيلنا وجيل عيالنا (جيل تك اوى ) كل وانت واقف . او كل وانت ماشي

[الوعد2016]

بالتوفيق للبحث العلمي
في الاصل غير صحي الاكل من الوجبات السريعه

[M7ammad]

منورين اخواني :)

اخوي محمد2
انزين البلدية ووزارة الصحة مايدرون عن هالسوالف؟

[خيال شمر]

كان فيه برنامج قبل تقريبا 10 ايام على قناة أبوظبي +1
وكان يتكلم عن الوجبات السريعه وركز المذيع على ماكدونلدز
المهم الرجال راح عيادة وعمل فحص كامل لنفسه وقعد مع الدكتور وقاله شلون الفحص وجاوبه الدكتور انه كل شي عندك تمام رد عليه المذيع وقاله يادكتور انا ماااااااكل الوجبات السريعه وخاصه ماكدونلدز لكن من بكره ولمدة شهر كامل راح يكون الفطور والغدا والعشاء من ماكدونلدز وراح ارجعلك بعد شهر يوم رجع عقب شهر وقاله الدكتور بالحرف الواحد لازم لازم لازم لازم لازم تووووووووقف انت قاعد تذبح نفسك والله العظيم قالها بالحرف الواحد زاد وزنه مايقارب 8 كيلو او اكثر الكبد عنده صار فيها مشاكل كل شي عنده ارتفع فوق فوق .. والله يستر علينا جميعا من الامراض :)

[M7ammad]

شفت شلون :)
مشكور اخوي على الاضافة
وانا حطيت الموضوع للتنبيه فقط

[كازانوفا]

من اسمه ماكدونالد يعني معفن
شاكره لك

[بويعقوب]

لا حول ولاقوة الا بالله

يا اخوان حاولوا لا تاكلون من هالمطاعم

ترى كلها نفس الشئ ماكدونالدز او هارديز او كنتاكي ,,,,

الله يحفظ عيالنا من هالسموم اللي ياكلونها

وجزاك الله خير يا صاحب الموضوع

[بلوتنيوم]

كان فيه برنامج قبل تقريبا 10 ايام على قناة أبوظبي +1
وكان يتكلم عن الوجبات السريعه وركز المذيع على ماكدونلدز
المهم الرجال راح عيادة وعمل فحص كامل لنفسه وقعد مع الدكتور وقاله شلون الفحص وجاوبه الدكتور انه كل شي عندك تمام رد عليه المذيع وقاله يادكتور انا ماااااااكل الوجبات السريعه وخاصه ماكدونلدز لكن من بكره ولمدة شهر كامل راح يكون الفطور والغدا والعشاء من ماكدونلدز وراح ارجعلك بعد شهر يوم رجع عقب شهر وقاله الدكتور بالحرف الواحد لازم لازم لازم لازم لازم تووووووووقف انت قاعد تذبح نفسك والله العظيم قالها بالحرف الواحد زاد وزنه مايقارب 8 كيلو او اكثر الكبد عنده صار فيها مشاكل كل شي عنده ارتفع فوق فوق .. والله يستر علينا جميعا من الامراض :)

الفلم اسمه Super Size Me
ولو تشوفه عمرك ماراح تقرب من اي مطعم للوجبات السريعة :)

[M7ammad]

يعطيكم العافيه
وصح حتى فالفيديو الثاني الرجال هاي هو اللي ممثل في Super Size Me

[شـــوق]

اشكرك يا M7ammad ع الرابط ،، وواضح ان نسبة المواد الحافظه عاليه في هذه الاطعمـــــه

طبعا حدث بلا حرج عن مضار المواد الحافظــــه..

[سويسرا]

من البلاوي اللي شفتها من هالمطعم قاطعته

[شنب]

ياريال في ناس اذا شافت هالسوالف تقول بااال شدعوه:omg:
و عقب اذا شافوا المطعم جدامهم .. على طووول ركيييض عند الفلبيني
:secret:(Two double big mac please)

[FIRE FLY]

اخوي محمد ..
الفيديوهات على اي موقع ؟؟

جربت اليوتيوب ما طلع لي !! لانه بعد www مشفرة عندي الكلمة بنجوم *****

ممكن تقول لنا اسم الموقع حتى نقدر نشوف الفيديو لا هنت .. :)

[نعيمه علي]

انا مع ان الاكل في هذه المطاعم امر غير صحي
ولكني غير مقتنعه بما شاهدته
لان اساسا نحن لو تركنا الوجبة لمدة ليلة تكون ثاني يوم ريحتها خايسه
ولو ظلت اكثر تخترب
فكيف هي مخليته لمدة اربع سنوات
احس الامر غير منطقي

هي صحيح اكلات غير صحية
ولكني اتناولها بين حين وآخر
ولا اكثر منها
ولكن المشهد غير منطقي

اطيب وارق تحياتي


.

[بدون]

الله يجزيك خير .

[M7ammad]

اخوي محمد ..
الفيديوهات على اي موقع ؟؟

جربت اليوتيوب ما طلع لي !! لانه بعد www مشفرة عندي الكلمة بنجوم *****

ممكن تقول لنا اسم الموقع حتى نقدر نشوف الفيديو لا هنت .. :)

اخوي بعد الـ www. اكتب
you tube .com
بس شيل المساحات

[M7ammad]

انا مع ان الاكل في هذه المطاعم امر غير صحي
ولكني غير مقتنعه بما شاهدته
لان اساسا نحن لو تركنا الوجبة لمدة ليلة تكون ثاني يوم ريحتها خايسه
ولو ظلت اكثر تخترب
فكيف هي مخليته لمدة اربع سنوات
احس الامر غير منطقي

هي صحيح اكلات غير صحية
ولكني اتناولها بين حين وآخر
ولا اكثر منها
ولكن المشهد غير منطقي

اطيب وارق تحياتي


.

مايندرى والله بس انا حطيته للتنبيه فقط !
وحتى فلم Super Size Me مشهور تقدرين تشوفينه

[نعيمه علي]

مايندرى والله بس انا حطيته للتنبيه فقط !
وحتى فلم super size me مشهور تقدرين تشوفينه




انا مع انه هذه الاطعمة مضرة
خاصة كثرتها
ولكني لا اقتنع بكل ما اراها
اذا كان غير منطقي

يعطيك العافية


.

[خيال شمر]

الفلم اسمه super size me
ولو تشوفه عمرك ماراح تقرب من اي مطعم للوجبات السريعة :)

جزاك الله الف خير وخلاص عقب البرنامج توبه :)

[freespirit]

تعليق بسيط..

مقدمة:

انا مغترب صار لي الحين خمس سنوات.. انا في صوب والطباخ في صوب.. كلش يعني مستحيل اطبخ :)
وفي الدوله اللي انا موجود فيها حاليا .. ايام الاسبوع كل الاماكن تسكر الساعه ست بالليل.. الا مكدونلدز

نجي للمهم:

يعني الله يسلمكم صار لي خمس سنوات ونص اكل من مكدونلدز تقريبا يوميا.. ماشوف صار لي شي ^_^
تعفن ولا ما تعفن وشدخل العفن بطريقه هضم الاكل؟ روح الله يسلمك خذ لك تيزاب من بطاريه موتر .. وانثره على البيج ماك وشوف شبيصير فيه ههههههههه ,,

يعني من الاخر.. ماتحب المطعم؟ لاتاكل فيه .. ماتبي عيالك يمتنون.. اكلهم في البيت والله الله في الخضار
بس لاتنشب لخلق الله بالتأليف حق مواقع نفعيه..المصدر حق الفيديو موقع نفعي .. اول ما دشيته طلعت لي دعايه .. الموقع اساسه اصلا اقناع الناس انه المتان اقل من الضعاف.. عشان جي لازم يضعفون .. عشان جي لازم تشترون من الsponsers

بس خلاص بروح ارقد .. :p

تحياتي

[M7ammad]

تعليق بسيط..

مقدمة:

انا مغترب صار لي الحين خمس سنوات.. انا في صوب والطباخ في صوب.. كلش يعني مستحيل اطبخ :)
وفي الدوله اللي انا موجود فيها حاليا .. ايام الاسبوع كل الاماكن تسكر الساعه ست بالليل.. الا مكدونلدز

نجي للمهم:

يعني الله يسلمكم صار لي خمس سنوات ونص اكل من مكدونلدز تقريبا يوميا.. ماشوف صار لي شي ^_^
تعفن ولا ما تعفن وشدخل العفن بطريقه هضم الاكل؟ روح الله يسلمك خذ لك تيزاب من بطاريه موتر .. وانثره على البيج ماك وشوف شبيصير فيه ههههههههه ,,

يعني من الاخر.. ماتحب المطعم؟ لاتاكل فيه .. ماتبي عيالك يمتنون.. اكلهم في البيت والله الله في الخضار
بس لاتنشب لخلق الله بالتأليف حق مواقع نفعيه..المصدر حق الفيديو موقع نفعي .. اول ما دشيته طلعت لي دعايه .. الموقع اساسه اصلا اقناع الناس انه المتان اقل من الضعاف.. عشان جي لازم يضعفون .. عشان جي لازم تشترون من الsponsers

بس خلاص بروح ارقد .. :p

تحياتي


اخوي جرب تدشه بس بدال ال*** اكتب you tube . com
بدون مساحات ..
وانا مثل ماقلت حاطه للتنبيه اذا انت ماصادك شي احمد ربك واشكره على نعمة الصحة
يمكن غيرك ياكل وآخر شي تصيده سوالف وبلاوي ! والفيديو كل هدفه من الموضوع انه الماك فيه نسبة عاليه جداً من المواد الحافظة ! لذلك لاتيعفن بسهولة واللي اعرفه انه المواد الحافظة لها اثار جانبية خصوصاً اذا زادت بشكل كبيره جداً

[محمد2]

منورين اخواني :)

اخوي محمد2
انزين البلدية ووزارة الصحة مايدرون عن هالسوالف؟

البلدية تدري ومستانسة وما تقدر تسوي لهم شي لأنها شركات عالمية (عصابة) وما تقدر تتدخل في شغلهم ,
خير مثال :
اتذكر قبل 10سنوات او اكثر . البلدية سوت حملة شنيعة على المطاعم المحلية والمحلات اللي تبيع السنبوسة(لأن الدهن الزايد مالت اليوم يخزونه حق باجر ويطبخ فية مرة ثانية . لأن مايبي يخسر صاحب المطعم .وهذا الشي مضر صحيا )
لأنها محلات ومطاعم مملوكة للفقارة مثل الهنود وغيرهم .اما الحين لوالبلدية تتدخل في هالشي (مستعدين يقنعونها بألف حجة وحجة وانهم شركات عالمية ووجباتهم حسب المواصفات والمعايير الدولية و....و..... 0 واذ مصختها البلدية وياهم مستعدين يرفعون عليها قضية ويكسبونها )

[M7ammad]

البلدية تدري ومستانسة وما تقدر تسوي لهم شي لأنها شركات عالمية (عصابة) وما تقدر تتدخل في شغلهم ,
خير مثال :
اتذكر قبل 10سنوات او اكثر . البلدية سوت حملة شنيعة على المطاعم المحلية والمحلات اللي تبيع السنبوسة(لأن الدهن الزايد مالت اليوم يخزونه حق باجر ويطبخ فية مرة ثانية . لأن مايبي يخسر صاحب المطعم .وهذا الشي مضر صحيا )
لأنها محلات ومطاعم مملوكة للفقارة مثل الهنود وغيرهم .اما الحين لوالبلدية تتدخل في هالشي (مستعدين يقنعونها بألف حجة وحجة وانهم شركات عالمية ووجباتهم حسب المواصفات والمعايير الدولية و....و..... 0 واذ مصختها البلدية وياهم مستعدين يرفعون عليها قضية ويكسبونها )

اوووف !!!!
وصلت لهادرجة !!؟
محد يقدر يسوي شي ولا يشتكي !:anger1:؟

[freespirit]

هالمطاعم مش مملوكه لشركات عالميه اخوي,, هو يستورد العده.. والاكل.. بس الملكيه محليه ميه في الميه

يعني تقدر تقول المالك محلي بس مأجر من الشركه الاصليه المعدات والاسم

نفس طريقه عبد الغني.. يستورد السيارات.. وشركته تويوتا.. بس اهو ماله شغل في التصنيع ولا شي بس مستورد