تحذير من التعامل مع هذا الموقع والمصمم

[AL-ANSARI]

السلام عليكم حبيت احذر اخواني في المنتدى من التعامل مع موقع قام صاحبه باخذ اموال

من ناس وخصوصا هل قطر على اساس يصمم لهم مواقع ولكنه بعد ما خذ الفلوس يتهرب

وينكر . الموقع في مصر ويصيد القطريين خصوصا عن طريق النت واذا تسمح لي ادارة

المنتدى احط اسم الموقع بحطه . طبعا انا وواحد قطري ثاني نصب علينا .الحمدلله اني تعاملت

معه بمبلغ بسيط ولما شفته يتهرب وعرفت انه نصاب وقفت التعامل معاه ولكن الضحيه الثانيه

نصب عليه بمبلغ كبير فوق ال30 الف كيف ؟

طريقته كالآتي : يصمم لك الموقع ويظبط لك كل شي وياخذ منك فلوس شغله عادي مثل اي

مصمم وبعد فترة يحاول يستغلك انك اذا مادفعت له المبلغ الي يبيه بيكنسل لك الموقع

وهذا الي سواه مع ناس وناس ثانيين ينصب عليهم من البدايه اذا حس انه بينصاد بسرعة

اللهم اني بلغت والله يبعد عنا وعنكم هالاشكال

[جنوب الدوحه]

جزاك الله خير وياريت لو تعطيني الموقع .. وبنسبه للمواقع المفروض ان الشخص يكون عنده علم بطريقه تغير الباسوردات .. عشان يظمن شغله .. او يتعامل مع مواقع معروفه ومجربه ..


لا هنت يا الانصاري على التنبيه .. وتقبل مروري :)

[AL-ANSARI]

جزاك الله خير وياريت لو تعطيني الموقع .. وبنسبه للمواقع المفروض ان الشخص يكون عنده علم بطريقه تغير الباسوردات .. عشان يظمن شغله .. او يتعامل مع مواقع معروفه ومجربه ..


لا هنت يا الانصاري على التنبيه .. وتقبل مروري :)


ويجزاك اخوي ....المبرمج يقدر يحط ثغرة في التصميم انه يتحكم اي وقت في الموقع

حاولت اطرش على الخاص اسم الموقع بس لازم اكمل 50 مشاركة اذا ادارة المنتدى تسمح

لي بحط الاسم على الاقل عشان الكل يحاسب.. السموحة اخوي

[الحجاجي]

هاي مشكله وصارت مع واحـد من اصدقائي مع مصمم بمصر ..

المشكله اخوي جنوب الدوحه
انه يكون ماخذ الخدمه من شركه اجنبيه كوكيل او عميل

والشركه الأجنبية ما تعرف غيره ..

يعني ما عليها من العملاء

وانت تبقى في ذمه هالشركه النصابــة

يعني يبقى الدومين او عنوان موقعك تحت رحمتهم
يقدرون يغيرونه باي وقت ويوقفونه ويوجهونه لموقع ثاني لهم ..

وايضاً نفس الشيء بالنسبة للمساحه
يقدرون يسترجعون الباسورد في ثواني

لانه ببساطه السيرفر عندهم ..

بالتالي العميل متورط ..

وهذا اللي صار مع شركــة مصريــة
كانت ماسكه موقع احـد اصدقائي

وطبعاً اول شيء سويته اول ما مسكت الموقع
نقلت الموقع من قاعدة بيانات وملفات لشركه اجنبيه اتعامل معاها من سنين ومضمونه
وبعدها حذفت الملفات ..

وغيرت وجهه الدومين ..

واكتشفو اللعبـــة ومسكوني عشان الدومين تحتهم
وبعد تحايل ومشاكل معاهم وراح لهم اخو صاحب الموقع مصر
وسوى مشكله كبيرة معاهم
بعدها وقعوه على تعهد ان مالهم اي مسؤوليه في المستقبل على الموقع
بعد ما دفعوه مبلغ .. ( مضطر عشان يخلص منهم )

وبالفعل نقلت الدومين كااامل من تحت رحمتهم
لشركه اجنبيه ...


هالفلم يصير كثير مع بعض شركات الاستضافة ..


بالتوفيق للجميع

[فويرط]

بلغ قسم مكافحة الجرائم الاقتصادية بإدارة البحث الجنائي

وان شاء الله هناك يقدرون يتوصلون له

اتصل لهم وقولهم المشكلة ، وبيقولون لك الحل اذا عندهم

وجزاك الله خير على التنبيه

ما قصرت

[AL-ANSARI]

بلغ قسم مكافحة الجرائم الاقتصادية بإدارة البحث الجنائي

وان شاء الله هناك يقدرون يتوصلون له

اتصل لهم وقولهم المشكلة ، وبيقولون لك الحل اذا عندهم

وجزاك الله خير على التنبيه

ما قصرت


ويجزاك اخوي كلمت الشرطة في مصر عن طريق صديق مصري وبحثوا عن اسم الشخص

النصاب صاحب الشركة بس للاسف اسمه فيه تشابه مع مصريين ثانيين رغم ان عندي اسمه

الرباعي .

[A H M A D]

جزاك الله خير .. الافضل لا تتعاملون مع اشخاص .. هناك شركات رسمية كثيرة وتكون مسجلة ببلدها

[قطرية فذة]

اعانك الله

[السهم البلاتيني]

جزاك الله خير على التنبيه

[فويرط]

ويجزاك اخوي كلمت الشرطة في مصر عن طريق صديق مصري وبحثوا عن اسم الشخص

النصاب صاحب الشركة بس للاسف اسمه فيه تشابه مع مصريين ثانيين رغم ان عندي اسمه

الرباعي .


مرحبا اخوي

انا من رأيي تكلم الشرطة اهنيه وبالاخص القسم اللي قلت لك عنه شوف ايش يقولون لك

[bojassem13]

جزاك الله خير الانصاري على النصيحه والتنويه
ومثل ماقالو لك الاخوان اواحد الاخوان لا تسجل عند اي حد الا اذا كنت متاكد منه او كانت شركه معروفه
ولا تنسى ان في شركات في الدوحه هذا اختصاصها
وادري ان اللي هناك يمكن يكونون احسن بس الي في الدوحه اوفي بلادك افضل لانك تقدر توصل له اذا سوا فيك نفس اللي تقول عنه


وللعلم بخصوص الكود للتحكم في باسوورد الموقع ممكن مبرمج بسيط انه يفيدك
واذا تبي عندي ناس ممكن يفيدونك بهالشي

[بـن عدوان]

ياليت لو تفيدنا ياخوي بالرابط

لاني خاطبت كذا شركة مصرية بخصوص التصميم !