::: النظرة الشرعية حلال ام حرام :::

[do7awi]

مشكلة العادات و التقاليد غريبه جدا ..

العادات أتت من كلمة عادة و تعود .. يعني شي تعودنا عليه. و ليش نتعود على شي قبيح؟ نقدر نتعود على شي طيب و يكون هو عادتنا.. صح؟

على العموم اللي قبلي كفوا و انا ما بزيد. لكن يا جماعه اعبدوا ربكم و لا تعبدون العادات و التقاليد.

[ماريسا]

مشكلة العادات و التقاليد غريبه جدا ..

العادات أتت من كلمة عادة و تعود .. يعني شي تعودنا عليه. و ليش نتعود على شي قبيح؟ نقدر نتعود على شي طيب و يكون هو عادتنا.. صح؟

على العموم اللي قبلي كفوا و انا ما بزيد. لكن يا جماعه اعبدوا ربكم و لا تعبدون العادات و التقاليد.

العادات و التقاليد تدخل في ثقافة المجتمع و هي ما تميزه عن غيره .. بس المشكلة لما تكون هالعادات قبيحة و مسيئة و ظالمة و ضد الفطرة !!

و فعلاً أهم نقطة قلتها "اعبدوا ربكم و لا تعبدون العادات و التقاليد" لأن هذا اللي لاحظته متعصبين للعادات و التقاليد اهم عندهم من تعاليم دينهم ..

[المقهوره]

المقهورة :

يقول الشيخ موافي، ويؤكد «منع النظرة الشرعية في حالة رغبة أحد الطرفين بها (حرام) قطعاً، لأن ذلك مخالف لسنة النبي عليه الصلاة والسلام من جانب، ويترتب عليه آثار وأضرار كبيرة من جانب أخر نتيجة الظلم الذي وقع، وهذا ما يتنافى مع الشرع، (فالرؤية) هي عين الشرع والحق، وأي عرف يتعارض مع الشرع لا قيمة له ولا وزن.

الشيخ موافي عزب

http://www.alarab.com.qa/details.php?docid=72137&issueno=413&secid=16

العنوان يخالف المحتوى

يتزوج بنت عمه دون أن يراها أو تراه
النظرة الشرعية للخاطب أجازها الدين وصادرتها العادات


اجازها يعني يجوز يعني اختياري يا ابو محمد تتكلم في شي اختياري ومب محرم
والمشايخ ا ختلفوا بس ماعمري سمعت انه حرام إلا من هالشيخ

يجوووووووووووووووووووووووووووووووووز

والحرام هو الحجر يعني الزواج الاجباري او الوصف الخطا من قبل الاهل
يعني تكون حولا ولا فيها انحراف
ماشافوها الحريم شافوها
بس اصروا انه يتزوجها يمكن انعجبوا باخلاقها يعني الكذب من اهله


وفوق هذا كله
لاتدخل في امور الدين اكثر من كذا
ولا تحرم ما احله الله ورسوله

وفي قول عليه أفضل الصلاة والسلام: «من استطاع منكم أن ينظر إلى ما يدعوه إلى نكاح المرأة فليفعل»

من استطاع ما قال غصبن عن ابوها وطوايفها يشوفها الخاطب يعني يشوفها
لو هي اجباري على الاب او ولى الأمر كان جاء حديث واضح بخصوص هالموضوع

يعني لاتحرم بمجرد شفت رد
عندك مليون شيخ وشيخ في قطر وفي السعوديه والكويت والخ من الدول اتصل واسألهم وشوف ردهم
ولا تقعد تدور لك ادله بالنت

[المقهوره]

اتفق مع اخوي الفيصل
والنظره الشرعية حلال من حق
الخاطب والمخطوبة لا غبار على هذا الموضوع

لكن انا واخوي الفيصل نتكلم بخصوص شروط وطرق النظرة الشريعة
اعتقد ان النظرة الشرعية ليس لكل من هب ودب
كل شخص بتقدم حق البنت بيطلب يشوفها او يجلس معاها
حتى لو بوجود حد من اهلها؟


النظرة الشريعة تجي في الاخر بعد السؤال عن الخاطب
والمخطوبة من ناحية الخلاق والدين والموافقة المبدية

بعض الناس يفكر ان النظرة الشرعية معنتها فقط ان يطلب من اهل
البنت ان يشوفها ويجلس معاها.

عن جابر بن عبد الله قال : قال رسول الله صلى الله عليه وسلم : ( إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل )

ركز على كلمة ان استطاع في الحديث هذا دليل ان مش اجباري او شرط
النظرة الشرعية

النظرة الشرعية لها طرق كثيره اخرى
ممكن بختلاق الصدفه ممكن عن طريق وصف اهل المتقدم للبنت
ممكن حتى يشوفه بعد الملجه
هذا الموضوع فيه متسع من القول


وثبت عن الرسول صلى الله على وسلم انه اكتفى بوصف المخطوبة
عن أنس بن مالك رضي الله عنه " أن النبي صلى الله عليه وسلم أراد أن يتزوج امرأة ، فبعث امرأة تنظر إليها فقال : شُمِّي عوارضها وانظري إلى عرقوبيها " الحديث أخرجه الحاكم (2/166 )

هذا الي اقوله من امس
اقول انه اختياري مب اجباري وابو محمد وستار رافضين

يقولون حرام الاب ويأثم

اقول لهم مايأثم وانا متصله امس على الدعوه والارشاد

الاب مايأثم

يقولون لا حرام عليه

[المقهوره]

مشكلة العادات و التقاليد غريبه جدا ..

العادات أتت من كلمة عادة و تعود .. يعني شي تعودنا عليه. و ليش نتعود على شي قبيح؟ نقدر نتعود على شي طيب و يكون هو عادتنا.. صح؟

على العموم اللي قبلي كفوا و انا ما بزيد. لكن يا جماعه اعبدوا ربكم و لا تعبدون العادات و التقاليد.

واذا العادات والتقاليد لا تخالف الشرع

نتركها بس على شان نرضي فئه من الناس

[STAR]

هذا الي اقوله من امس
اقول انه اختياري مب اجباري وابو محمد وستار رافضين

يقولون حرام الاب ويأثم


الاب مايأثم

يقولون لا حرام عليه

سلامتج.. محد قال اجباري.!!! وبنفس الوقت قلت لج وراح اتم اقوول الاب ماله حق يرفض النظرة الشرعية اذا بنته كانت تريد ذلك..
من اسمها نظرة شرعية . يمنعها ليش؟؟

يابنت الناس النقاش عقيم معااج.. يبه كيفج تزوجي بدون نظرة محد قالج شي ترى... :nice:

[المقهوره]

سلامتج.. محد قال اجباري.!!! وبنفس الوقت قلت لج وراح اتم اقوول الاب ماله حق يرفض النظرة الشرعية اذا بنته كانت تريد ذلك..
من اسمها نظرة شرعية . يمنعها ليش؟؟

يابنت الناس النقاش عقيم معااج.. يبه كيفج تزوجي بدون نظرة محد قالج شي ترى... :nice:

الحمد لله متزوجه وعندي احلى بنت واحلى ولد ومرتاحه وبدون نظره شرعيه
ماشفته ولا سولفت معه بعد

ومستقره حياتنا ولله الحمد بكمل شهر 11 السنه 8

وكلنا كذا ناخذه على الوصف او الذكرى
لاننا ماناخذ الا من القبيله نفسها او االاهل

[ابو محمد7]

العنوان يخالف المحتوى

يتزوج بنت عمه دون أن يراها أو تراه
النظرة الشرعية للخاطب أجازها الدين وصادرتها العادات


اجازها يعني يجوز يعني اختياري يا ابو محمد تتكلم في شي اختياري ومب محرم
والمشايخ ا ختلفوا بس ماعمري سمعت انه حرام إلا من هالشيخ

يجوووووووووووووووووووووووووووووووووز

والحرام هو الحجر يعني الزواج الاجباري او الوصف الخطا من قبل الاهل
يعني تكون حولا ولا فيها انحراف
ماشافوها الحريم شافوها
بس اصروا انه يتزوجها يمكن انعجبوا باخلاقها يعني الكذب من اهله


وفوق هذا كله
لاتدخل في امور الدين اكثر من كذا
ولا تحرم ما احله الله ورسوله

وفي قول عليه أفضل الصلاة والسلام: «من استطاع منكم أن ينظر إلى ما يدعوه إلى نكاح المرأة فليفعل»

من استطاع ما قال غصبن عن ابوها وطوايفها يشوفها الخاطب يعني يشوفها
لو هي اجباري على الاب او ولى الأمر كان جاء حديث واضح بخصوص هالموضوع

يعني لاتحرم بمجرد شفت رد
عندك مليون شيخ وشيخ في قطر وفي السعوديه والكويت والخ من الدول اتصل واسألهم وشوف ردهم
ولا تقعد تدور لك ادله بالنت

المقهورة يالمقهورة يا أميرة ياشطورة

انا ماحرمت شي !

وانتي يمكن تخلطين بين ردودي وردود اعضاء ثانيين

انا شبه متفق معاج في نقطة وبعيدها للمرة الرابعه يمكن

اذا الخاطب والمخطوبة مقتنعين تماما بدون اي ضغط عليهم ومايبون النظرة الشرعية هذا شي يرجع لهم ومب غلط والافضل اتباع وصية الرسول عليه الصلاة والسلام

لكن مايحق للاب او ولي الامر يحرمهم من هالشي واذا سوا هالشي بيكون ظلمهم وحسابه على الله

عاد حلال حرام مكروه ماعرف

وانا لقيت هالكلام في النت حق شيخ معتبر وكلامه اقنعني جبته لج

واذا قدرت احصل فتوى بجيبها لج

[المقهوره]

المقهورة يالمقهورة يا أميرة ياشطورة

انا ماحرمت شي !

وانتي يمكن تخلطين بين ردودي وردود اعضاء ثانيين

انا شبه متفق معاج في نقطة وبعيدها للمرة الرابعه يمكن

اذا الخاطب والمخطوبة مقتنعين تماما بدون اي ضغط عليهم ومايبون النظرة الشرعية هذا شي يرجع لهم ومب غلط والافضل اتباع وصية الرسول عليه الصلاة والسلام

لكن مايحق للاب او ولي الامر يحرمهم من هالشي واذا سوا هالشي بيكون ظلمهم وحسابه على الله

عاد حلال حرام مكروه ماعرف

وانا لقيت هالكلام في النت حق شيخ معتبر وكلامه اقنعني جبته لج

واذا قدرت احصل فتوى بجيبها لج



نصيحه مني
لاتجيب اي فتوى

لاني مقتنعه بالي سمعته والي انا عليه
ويكفي اني سأئله كثير مشايخ في هالموضوع وجه لوجه او بالتليفون


وردي كان للي قالت حرام يمنعها

وانه يعتبر زواج بالاكراه

فهمت

[Q.N.B]

الحمد لله متزوجه وعندي احلى بنت واحلى ولد ومرتاحه وبدون نظره شرعيه
ماشفته ولا سولفت معه بعد

ومستقره حياتنا ولله الحمد بكمل شهر 11 السنه 8

وكلنا كذا ناخذه على الوصف او الذكرى
لاننا ماناخذ الا من القبيله نفسها او االاهل


صدقتي يالمقهورة

أنا مثلج متزوج من غير نظره شرعية وتوفقت من جميع النواحي ولله الحمد والمنه وباكمل 8 سنين إن شاء الله

أهم شي الواحد يستخير ربه والله سبحانه وتعالى ماراح يخيب ظن عبده فيه

حلوه هاذي كل من خطب طلعنا له البنت يشوفها وعقب يقول لا مابي وغيره يجي والثالث والرابع ... صار الموضوع عرض شوفات

[ابو محمد7]

نصيحه مني
لاتجيب اي فتوى

لاني مقتنعه بالي سمعته والي انا عليه
ويكفي اني سأئله كثير مشايخ في هالموضوع وجه لوجه او بالتليفون


وردي كان للي قالت حرام يمنعها

وانه يعتبر زواج بالاكراه

فهمت

فهمت طال عمرج وما بجيب لج شي

[ابو محمد7]

صدقتي يالمقهورة

أنا مثلج متزوج من غير نظره شرعية وتوفقت من جميع النواحي ولله الحمد والمنه وباكمل 8 سنين إن شاء الله

أهم شي الواحد يستخير ربه والله سبحانه وتعالى ماراح يخيب ظن عبده فيه

حلوه هاذي كل من خطب طلعنا له البنت يشوفها وعقب يقول لا مابي وغيره يجي والثالث والرابع ... صار الموضوع عرض شوفات

وصية الرسول عليه الصلاة والسلام الله يوحي له الله سبحانه وتعالى

انت تقول عنها " حلوه هاذي كل من خطب طلعنا له البنت يشوفها وعقب يقول لا مابي وغيره يجي والثالث والرابع ... صار الموضوع عرض شوفات "

؟؟؟؟؟؟؟؟؟؟؟؟؟؟؟؟

[ابو محمد7]

انك تقول انا اعرف ان هالشي مباح بس انا مابي اطبقه لانه مب اجباري وانا مب مرتاح له هذا كلام مقبول وقابل للنقاش

اما انك تنتقد وتستهزء في تعاليم الدين و وصية الرسول الكريم عليه الصلاة والسلام وتعاليم الدين

وتشوف نفسك ان انت وذكائك ومنطقك واللي يماشي هواك افضل من كلام الرسول عليه الصلاة والسلام فهذا مرفوض

المسلمين ياخذون دينهم ويعيشون حياتهم من القران والسنة مب من اللي يشوفه فلان صح وغلط

ولا تظن انك انت اكثر غيرة على بنات المسلمين من الرسول عليه الصلاة والسلام ! استغفر الله

انتقاد النظرة الشرعية مرفوض وكلام غير قابل للنقاش

[بنت قطريه]

الموضوع عادات وتقاليد ووجه نظر ومعتقدات الناس وذي وجهه نظري

[Q.N.B]

انك تقول انا اعرف ان هالشي مباح بس انا مابي اطبقه لانه مب اجباري وانا مب مرتاح له هذا كلام مقبول وقابل للنقاش

اما انك تنتقد وتستهزء في تعاليم الدين و وصية الرسول الكريم عليه الصلاة والسلام وتعاليم الدين

وتشوف نفسك ان انت وذكائك ومنطقك واللي يماشي هواك افضل من كلام الرسول عليه الصلاة والسلام فهذا مرفوض

المسلمين ياخذون دينهم ويعيشون حياتهم من القران والسنة مب من اللي يشوفه فلان صح وغلط

ولا تظن انك انت اكثر غيرة على بنات المسلمين من الرسول عليه الصلاة والسلام ! استغفر الله

انتقاد النظرة الشرعية مرفوض وكلام غير قابل للنقاش


أقول عين من الله خير ولا تقولني شي ماكنت اقصده بكلامي

أنا أقصد أن أكثر إلي يطلبون النظره الشرعية غير جديين في الزواج ومب كفو زواج أصلاً

وأكثر من شخص عقب النظره يقول مابغيها خلاص ماعجبتني ... تقوله ليش ؟؟؟ يقول شوي متينه ... وغيره يقول شعرها مش مثل مانا متصوره ... والثالث يقول ماتناسب ذوقي والرابع يقول ضعيفة شوي واالخامس يقول ستايلها مش مثل ستايلي

أعذارهم أقبح من الذنب

يعني أتركوا الدين والأخلاق وسمعة اهلها الطيبين وقاموا يدققون في أشية يمكن انها تتعدل مع الأيام

يعني رجاجيل هالأيام مهب مثل رجاجيل قبل إلي يشترون أهل البنت وسمعتهم قبل أي شي

وفي الختام أحب أقولك مهب أنا إلي استهزء بتعاليم ديني .. استهزائي كان للأشخاص مهب للنظره المتعارف عليها شرعاً ويمكن أنا ماعرفت اوصل الفكرة بس لا تتهمني إني أعارض كلام الله وكلام الرسول عليه الصلاة والسلام

[ابو محمد7]

أقول عين من الله خير ولا تقولني شي ماكنت اقصده بكلامي

أنا أقصد أن أكثر إلي يطلبون النظره الشرعية غير جديين في الزواج ومب كفو زواج أصلاً

وأكثر من شخص عقب النظره يقول مابغيها خلاص ماعجبتني ... تقوله ليش ؟؟؟ يقول شوي متينه ... وغيره يقول شعرها مش مثل مانا متصوره ... والثالث يقول ماتناسب ذوقي والرابع يقول ضعيفة شوي واالخامس يقول ستايلها مش مثل ستايلي

أعذارهم أقبح من الذنب

يعني أتركوا الدين والأخلاق وسمعة اهلها الطيبين وقاموا يدققون في أشية يمكن انها تتعدل مع الأيام

يعني رجاجيل هالأيام مهب مثل رجاجيل قبل إلي يشترون أهل البنت وسمعتهم قبل أي شي

وفي الختام أحب أقولك مهب أنا إلي استهزء بتعاليم ديني .. استهزائي كان للأشخاص مهب للنظره المتعارف عليها شرعاً ويمكن أنا ماعرفت اوصل الفكرة بس لا تتهمني إني أعارض كلام الله وكلام الرسول عليه الصلاة والسلام

انا خليت هالمشاركة عامة وماوجهتها حق احد

ومشاركتك اقتبستها وحطيت لك سؤال علشان استوضح منك

والافضل انه يجي ويشوفها واذا ماعجبته مايتم الموضوع بدل ما انه يعقد عليها وعقب يكون الطلاق

وبعدين المجتمع له طريقته في هالموضوع محد فاتح الباب حق كل انسان يمشي بالشارع !
لما يتقدم رجال سنع وينسأل عنه ويكون على خلق ودين وماعليه كلام ويكون موضوع جاد بعدين ممكن يجي وقت النظرة الشرعية وطبعا بعد زيارة الاهل و وصف البنت للشاب والشاب للبنت وعند البعض يشوفون الصور

النظرة الشرعية لها معنى كبير وهو القبول والراحة وبعدها يجي دور الشكل

[مسك روز]

اخوي تزوج مرتين

المره الاولى : بدون النظره الشرعيه


تم وياها اسبوع عقب طلقها ، اول شي مارتاح لشكلها ثانيا حتى اسلوب ماعندها


المره الثاني: كانت في نظره شرعيه ، قبل الملكه بيوم


وكان وياها ابوها و3 من اخوانها ، البنت اطلعت بعبايتها وماكان مبين منها


غير الوجه والكفين ، ثاني يوم تم الزواج ،، والحين عايشين حياتهم


وبرجع اقول لكل قاعده شواذ ،،،




ولحد يقتبس كلامي ويعلق :shy:

[STAR]

المقهورة الله يخلي لج اسرتج..انزين بسألج
يعني لو تزوجت واحد لا هو شافني ولا انا شفته..وعقب الملجة انا ماعجبته ووماتقبل شكلي..

تتوقعين شنو بيكون مصيري؟!!!‏

[بـــــــنت النوخـّــــذه]

المقهورة الله يخلي لج اسرتج..انزين بسألج
يعني لو تزوجت واحد لا هو شافني ولا انا شفته..وعقب الملجة انا ماعجبته ووماتقبل شكلي..

تتوقعين شنو بيكون مصيري؟!!!‏


بتحملين اسم مطلقه مايبيله تفكير :weeping: بس عاد ليش مايكون اهو ما اعجبج وطلقينه اهههه وان شاء الله مايصير والله يستر عليج دنيا وآخره :nice:

[بـــــــنت النوخـّــــذه]

وبعدين المجتمع له طريقته في هالموضوع محد فاتح الباب حق كل انسان يمشي بالشارع !
لما يتقدم رجال سنع وينسأل عنه ويكون على خلق ودين وماعليه كلام ويكون موضوع جاد بعدين ممكن يجي وقت النظرة الشرعية وطبعا بعد زيارة الاهل و وصف البنت للشاب والشاب للبنت وعند البعض يشوفون الصور

النظرة الشرعية لها معنى كبير وهو القبول والراحة وبعدها يجي دور الشكل

http://www.aroosqatar.net/vb/images/smilies/Ta_clap.gif

اعتقد بعد هذا الرد ينتهي الجدال وكلن حر في تصرفه وموروثاته والنتائج المستقبليه

[ام السعف]

والسلام عليكم ورحمة الله وبركاته

[مكنتوش]

للحين تتهاوشون

[ام السعف]

للحين تتهاوشون

وانت شمدخلك في وسط الهواش ؟

[مكنتوش]

وانت شمدخلك في وسط الهواش ؟

ابي اشوف من طق من

[STAR]

بتحملين اسم مطلقه مايبيله تفكير :weeping: بس عاد ليش مايكون اهو ما اعجبج وطلقينه اهههه وان شاء الله مايصير والله يستر عليج دنيا وآخره :nice:

امممم صح اما اكون مطلقة او اكون الزوجة الاولى ( يعني راح يتزوج علي) وطبعا
فالنهاية خلع هههههههه

بس اذا هو ماعجبني شكله مايهمني.. مشكلتي لا اهتم للمظااهر... واشووف كل الناس حلوين:shy:

[STAR]

ولحد يقتبس كلامي ويعلق :shy:

ان شاء الله :secret:

:tease:

[koketa]

نجاح الزواج او فشله لا يعتمد على النظره الشرعيه


اعرف كذا واحده شافت ريلها يوم الملجه وما شاء الله زواجهم ناجح وما في مشاكل

وفي زواجات اعتمدت على الخطوبه وفشلت والعكس صحيح

يعني الموضوع نصيب وتفاهم

[كـفـاحـي_QTR]

الظاهر نظام
ابومحمد 7
اضرب وهرب:)

[الحره]

لاسباب كثيره كل انسان ووجهت نظره .. بس انا بعلق على ردج الي هو تبي اتزوج فلبنيه ؟

ليش انتي انسانه والفلبنيه حيوانه؟ ولا انتي الله خلقج وعلى راسج ريشه وهي خلقها حيوانه؟

هاي صفه من الصفات الي ماحبها بالخليجيات الغرور الي مادري على وشو :nice:

واكتفي بها القدر من الرد

هههههههههههه اجديت فيها :app:

[قطرية فذة]

المسآله بالرؤيه الشرعيه انه بعد ماسمع الذي يطيب لنفسه ان تقر عينه بالاثبات ان تراه ويراها بوجود محرم

لاباس ان كانت محجبه او ضهر منها مايدعوه لنكاحها او خرجت كاشفه للشعر بدون حجاب

انا لاافتي انا اتكلم مما اجازه العلماء ومما عملنا به مع اخوتي

القبول امر لابد منه سواء للرجل او المرأه

واقعنا الحالي به العلم منتشر وموضوعك هذا كفيل بأن يفتح الآفاق في التوعيه

زادكم الله من نعيمه

[بـــــــنت النوخـّــــذه]

( انا ضد الزواج من خليجيه )

وجهت نظر

اههههه عيل ماراح اتعور راسك بالنظره الشرعيه لانه بالساهل بتشوفها :nice:

ومتابعه معاكم موضوع النظره الشرعيه:)

الا تعالو ليش دوم اتركزون على النظره الشرعيه من الرجل للمرأه ليش ما يكون بعد نظره شرعيه من المرأه للرجل؟؟؟؟؟؟؟:p

[بوخالد2]

وش فيها الفيليبنية؟ مخلوقة من طين و انت مخلوق من ذهب؟

:nice::nice::nice::nice:

[باظلوف]

ترى النظرة الشرعية مهمة للمرأة والرجل على حد سواء

يعني حتى الريال ممكن ترفضه البنت اذا ما عجبها!

سيدنا عمر رضي الله عنه قال ((( لا تزوجوا بناتكم من الرجل الدميم فإنه يعجبهن منكم مثلما يعجبكم منهن)))

وممكن النظرة الشرعية تكون محرجة للرجل بعد :)

[a7med0_0]

انا مع النظره الشرعيه ومع المحادثات الهاتفيه بعد الملجه بس
واللي يعارض هالشي خله يتذكر ان الدريول يطلع مع اهله وبروحهم
وهو موب مخلي مكان موب رايح يتمشى فيه مع ربعه واللي فيه غيره يغيــــــــــــــــــــــــــــــــــــــــــــــر صح موب بالمزاج
بس فيه ناس يتمادون ويقوم يطبع وياها بروحهم يتمشون او بعذر العرس ونتشرى له

[بوخالد911]

مش صعووبة ولا شي


عيل لما ترووح السووق
الاف من الناس تشوفها

[omega]

الموضوع لا فيه احراج ولا شي

هذا حق للبنت وحق للرجل

وشرع الله يصلح في كل زمان ومكان

[المقاول 1]

( انا ضد الزواج من خليجيه )

وجهت نظر

:nice:
والله انك صااااااااااااااادق

بس فيه نسبه 5 في 100 ينحطون على الجرح يبرى بس صعب تلاقيهم

[STAR]

نجاح الزواج او فشله لا يعتمد على النظره الشرعيه




السالفة مب سالفة نجاح والا فشل.. السالفة هل هذا حق للبنت ام لا؟!!!!

[نيساني]

السالفة مب سالفة نجاح والا فشل.. السالفة هل هذا حق للبنت ام لا؟!!!!



حق الاثنين اختي:):)

[كـفـاحـي_QTR]

omega انت رجعتنا الى نقطة الصفر:)
بشرح لك بطريقة مبسطه حتى تستوعب الموضوع
النظرة الشرعية حلال مافيها خلاف
سؤال لك
لو جاكم واحد متقدم لاختك
طبعا انت راح تخليه يشوفها
بوجودكم معاهم
نفرض بعدين ماصار نصيب
وجاكم شخص ثاني وخطبها وشافها وماصار نصيب
وثالث ورابع ماصار نصيب ..مجرد مثال..
انت تشوف هالشي مافي احراج لكم !!؟

علشان ماتحصل هالامور
لازم تكون النظرة الشريعة باختلاق الصدفة
او استراق النظر من بعد والافضل بدون علم البنت
اشرح لك اختلاق الصدفة؟
تنسيق بين اهل الخاطب واهل المخطوبة لروية البنت بدون علمها (بالروية اقصد)
وفي حالة اذا الرجل ماعجبته او مارتاح لها ماراح يكون في اي حراج او تتاثر نفسيتها
الان اصلا هي ماتدري انه شافها .
مع كل ذلك النظرة الشريعة
تجي في اخر مراحل الخطوبة
وتكون لشخص ثقة وبعد الموافقة المبدية من الطرفين.

في واحد من الاعضاء يقول في وقت النظرة الشرعية
بحضر لها (المخطوبة) سؤالين
لا لا لا ينتظرونك !؟ لاتنسى بس تكتب الاسلئة في ورقه:nice:

بصراحة اعذر اهل المخطوبة اذا ماوفقوا على النظرة الشرعية
والسبب هالاشكال!؟

[جنوب الدوحه]

هناااك من اصحااب اللحى الذين يدعون التدين والوتشدد .. يحرم زوج بنته من انه يكلمها او يشوفها اليين العرس والبنت تذهب مع دريول و تدرس او تشتغل وتروح مجمعات وتكشف وجهها لجميع الناس الى هذا المسكين الي اهو ريلها .. صادفتني في حياتي الكثير مكن بمثل هذي الحالات .. عجبي !!

[STAR]

حق الاثنين اختي:):)

اي حق الاثنين..:nice:

[الراقيه سبشل]

شلون يعني يشوف البنت بدون ماتدري

باجر شبيسوي من وراها بدون ماتدري؟:) !

وانت ماتقدر تشتري بيت بس من خلال وصف وصفوه لك .. اكيد لازم تعاين البيت

وكذلك لازم النظرة الشرعيه عشان تشوف شريكه حياتك الي بتتم معاك العمر كله :)

[خليفة77]

ياجماعة الخير اولآ النظره الشرعيه مب حرام ثانيآ خلو الناس في حالها اللي يبي يشوف يشرط عليهم قبل عقد القران ويحطهم بالامر الواقع ,,, ((وحلاة الثوب رقعته منه وفيه)) وشكرآ لصاحب الموضوع .

[حبتور]

النظرة الشرعية تجعل كلا الطرفان الزوج والزوجة في حالة إستقرار وعدم توتر تحتاج إلى ثقافة مجتمع

[كـفـاحـي_QTR]

شلون يعني يشوف البنت بدون ماتدري

باجر شبيسوي من وراها بدون ماتدري؟:) !



هذا الموضوع لا يستوعبه الا الكبار
ما حاورني جاهل ٌ إلا وغلبني وماحاورت عالما ً إلا وغلبته
ههههههههههه شدخل الحين شبيسوي من وراها بدون ماتدري!؟
كان سكتي ابرك لج ...تعبنا وحنا نشرح ونعطي امثله واحاديث ...
عموما انا راح اكتفي عن المشاركة في هذا الموضوع
:) مع احترامي للجميع

[Bo-7assan]

يعطيكم العافية جميعا على الحوار الطيب بغض النظر عن اختلاف وجهات النظر اللي واجبه ان الكل يحترمها مهما كانت.

في البداية انا بدخل معاكم عرض مثل مايقولون باكثر من نقطة, بالنسبة للاخوان اللي يقولون فاتحين البيت شارع لكل من هب ودب يطالع ويخرج فاعذراً هل انت فاهم النظرة الشرعية والخطوبة ؟

في بداية الامر اتم المحادثة بين الامهات والزيارة الاستكشافية على قولة احد الاخوان وبعدها يتم فتح الموضوع " بين الحريم " وفي حالة " الموافقة المبدئية " اللي تجي بعد مايسئلون عن الرجال واهله ويطلع " والنعم فيه " من حقه " شرعاً " ان يطلب النظرة الشرعية وهي المرحلة الاخيرة قبل الملجه واللي يتم قبلها ايضاً صلاة الاستخارة , يعني لو كان من الاصناف اللي ذكرت سابقاً ماراح يوصل لهذي المرحلة اساساً راح يتم رفضه قبل لايتقدم او حتى يعتب عند اعتبة البيت.

النقطة الثانية اللي اذكرتها اختنا المقهورة اللي فيها تحامل كبير صراحة على ماتسميهم " رجال " ونسميهم " شواذ " و " اشباه الرجال " بالاعمال الخسيسة اللي قد تحصل لكن لنفترض الحالة عكسية ان تم الزواج على بركة الله واطلعت البنت ليلة الدخلة مش بكر فهل هنا ينطبق الكلام اللي قلتيه سابقاً عن الرجال على البنات ؟!

النقطة الثالثة وهي الاهم ياجماعة الخير وهي فوائد النظرة الشرعية وهي حلال ولايجوز لاي مخلوق ان يحرمها " شرعاً " او " يستهزأ " بها فهي وصية وسنة وهدي نبينا عليه الصلاة والسلام سواء عن قصد او غير قصد فنرجوا منكم الابتعاد عن مثل هذي الاساليب, ونرجع لمحور النقطة هي السكينة اللي تطرح في قلب الزوجين او النفور وهو شيء من البشر ويحدث في كل محاور حياتنا فكم شخص قابلناه اول مرة وارتحنا له واشخاص اخريين نفرنا منهم وابتعدنا عنهم خلال نظرات بسيطة لاتتعدى 5 دقائق ؟!
اما من ذكر عن الصدفة فالافضل ان تكون بعلم الشخصين فمثل ما للرجل الحق فهو ايضا من حق الفتاة.


وفي الاخير النظرة الشرعية ليست فرضاً ولكنها مستحبة وسنة من سنن النبي عليه الصلاة والسلام ولها فوائد كثيرة .

ونراكم باجر على خير وخلونا نلحق على صلاة الفجر هههههههه

[بـــــــنت النوخـّــــذه]

اختيstar عندي سؤال بريئ :

هل الشخص المعدد يحتاج في كل مره للنظره الشرعيه :secret:؟

[بوحارب]

متى بيينا الدور ونشوف هالنظرة الحلال :(

[omega]

omega انت رجعتنا الى نقطة الصفر:)
بشرح لك بطريقة مبسطه حتى تستوعب الموضوع
النظرة الشرعية حلال مافيها خلاف
سؤال لك
لو جاكم واحد متقدم لاختك
طبعا انت راح تخليه يشوفها
بوجودكم معاهم
نفرض بعدين ماصار نصيب
وجاكم شخص ثاني وخطبها وشافها وماصار نصيب
وثالث ورابع ماصار نصيب ..مجرد مثال..
انت تشوف هالشي مافي احراج لكم !!؟

علشان ماتحصل هالامور
لازم تكون النظرة الشريعة باختلاق الصدفة
او استراق النظر من بعد والافضل بدون علم البنت
اشرح لك اختلاق الصدفة؟
تنسيق بين اهل الخاطب واهل المخطوبة لروية البنت بدون علمها (بالروية اقصد)
وفي حالة اذا الرجل ماعجبته او مارتاح لها ماراح يكون في اي حراج او تتاثر نفسيتها
الان اصلا هي ماتدري انه شافها .
مع كل ذلك النظرة الشريعة
تجي في اخر مراحل الخطوبة
وتكون لشخص ثقة وبعد الموافقة المبدية من الطرفين.

في واحد من الاعضاء يقول في وقت النظرة الشرعية
بحضر لها (المخطوبة) سؤالين
لا لا لا ينتظرونك !؟ لاتنسى بس تكتب الاسلئة في ورقه:nice:

بصراحة اعذر اهل المخطوبة اذا ماوفقوا على النظرة الشرعية
والسبب هالاشكال!؟



انا ذكرت ان هذا الموضوع مافي اي احراج

اما مسألة ان يشوفها بالصدفة هاي صعبه جدا
خاصة البنت كيف ممكن اتشوف الرجل بالصدفه يعني

طبعا كل واحد حر في رأيه

شكرا على الموضوع

[الشقيان]

اي حق الاثنين..:nice:

:nice:

[ابو محمد7]

omega انت رجعتنا الى نقطة الصفر:)
بشرح لك بطريقة مبسطه حتى تستوعب الموضوع
النظرة الشرعية حلال مافيها خلاف
سؤال لك
لو جاكم واحد متقدم لاختك
طبعا انت راح تخليه يشوفها
بوجودكم معاهم
نفرض بعدين ماصار نصيب
وجاكم شخص ثاني وخطبها وشافها وماصار نصيب
وثالث ورابع ماصار نصيب ..مجرد مثال..
انت تشوف هالشي مافي احراج لكم !!؟

علشان ماتحصل هالامور
لازم تكون النظرة الشريعة باختلاق الصدفة
او استراق النظر من بعد والافضل بدون علم البنت
اشرح لك اختلاق الصدفة؟
تنسيق بين اهل الخاطب واهل المخطوبة لروية البنت بدون علمها (بالروية اقصد)
وفي حالة اذا الرجل ماعجبته او مارتاح لها ماراح يكون في اي حراج او تتاثر نفسيتها
الان اصلا هي ماتدري انه شافها .
مع كل ذلك النظرة الشريعة
تجي في اخر مراحل الخطوبة
وتكون لشخص ثقة وبعد الموافقة المبدية من الطرفين.

في واحد من الاعضاء يقول في وقت النظرة الشرعية
بحضر لها (المخطوبة) سؤالين
لا لا لا ينتظرونك !؟ لاتنسى بس تكتب الاسلئة في ورقه:nice:

بصراحة اعذر اهل المخطوبة اذا ماوفقوا على النظرة الشرعية
والسبب هالاشكال!؟

بخصوص الجزء الاخير من كلامك

احترم نفسك يا انسان وعن الغلط

وهذا راي واجب عليك تحترمه

واعوذ بالله من هالاشكال وهالاساليب اللي ماتعرف ترد تقوم تستهزء بالراي وتغلط

[المقهوره]

انتوا الين الحين تتهاوشون


قلنا لكم باختصار

الي يبي يشوف يشوف

والي مايبي خلاص كيفه


وكلن عارف القبيله الي يخطب منها قبل لا يخطب هل النظره عندهم عادي ولالا.


فليش الطواله في الكلام

[كـفـاحـي_QTR]

رجعنا حق اللخبطة والخرابيط
هالموضوع تكلمنا فيه من قبل


مش هذه مداخلتك على موضوعي!؟ قبل لايتم دمجه مع موضوع النظرة الشريعة
ابومحمد 7 انت اخر واحد يتكلم احترام الرأي الاخر
توك راد!؟ علي يابومحمد 7وانت كل يوم في المنتدى
عقب ما انا اوقفت عن المشاركة في هذا الموضوع!؟
عموما ياابومحمد هد اعصابك ووسع خاطرك
وعرف ان من دق الباب جاه الجواب
وفي ردك الاخير
ماراح ارد عليك يابومحمد 7
لان حدن احشمه ... وحدن احشم نفسك عنه
مع احترامي للجميع

[ضوى]

الحين النظرة الشرعية قلت وايد لانه في صور فوتوغرافية اعتقد انها اوضح ويقدر يتمقل فيها اكثر ويشوف اذا تعجبه والا لا ، وهالشئ وايد يجنب الاحراج للبنت ، وسبحان الله اذا صار القبول بالصورة مبدئيا ممكن يطلب يشوفها بحضور الاهل حتى يتطمن قلبه اكثر وتكون واضحة له تماما

[A.L.I]

عاااااااااااااااااااااااااااااااااااااديه ومافيها شي

[ضوى]

وبعدين مهب كل من هب ودب ممكن يشوف البنت النظرة الشرعية ، اصلا النظرة الشرعية ماتصير الا لما الواحد يسال عن الريال وهل هو ولد حلال ودين وفيه خير والا كل يوم رايح شايف له بنت نظرة شرعية ورافضها يعني هالشئ فيه تحفظات ، وهالرد للاخ اللي يقول اذا اختك شافها واحد واثنين وعشرة اشدعوة اهلها مايميزون الريال الخير من الريال الخرطي ؟

[ماريسا]

الحين النظرة الشرعية قلت وايد لانه في صور فوتوغرافية اعتقد انها اوضح ويقدر يتمقل فيها اكثر ويشوف اذا تعجبه والا لا ، وهالشئ وايد يجنب الاحراج للبنت ، وسبحان الله اذا صار القبول بالصورة مبدئيا ممكن يطلب يشوفها بحضور الاهل حتى يتطمن قلبه اكثر وتكون واضحة له تماما

شالفايدة اذا كله شغل فوتوشوب يغني عن المكياج :nice:

[ابو محمد7]

انتوا الين الحين تتهاوشون


قلنا لكم باختصار

الي يبي يشوف يشوف

والي مايبي خلاص كيفه


وكلن عارف القبيله الي يخطب منها قبل لا يخطب هل النظره عندهم عادي ولالا.


فليش الطواله في الكلام


انا اتوقع انتي الحين صرتي تعرفين اني اتقبل الرأي الاخر والموضوع الحين موضوع اسلوب مب اختلاف وجهات نظر

[ابو محمد7]

مش هذه مداخلتك على موضوعي!؟ قبل لايتم دمجه مع موضوع النظرة الشريعة
ابومحمد 7 انت اخر واحد يتكلم احترام الرأي الاخر
توك راد!؟ علي يابومحمد 7وانت كل يوم في المنتدى
عقب ما انا اوقفت عن المشاركة في هذا الموضوع!؟
عموما ياابومحمد هد اعصابك ووسع خاطرك
وعرف ان من دق الباب جاه الجواب
وفي ردك الاخير
ماراح ارد عليك يابومحمد 7
لان حدن احشمه ... وحدن احشم نفسك عنه
مع احترامي للجميع


اولا لازم تقتبس مداخلتي كاملة وتجيب مداخلتك ايضا

انا قلت لخبطة وخرابيط لانك قلت ان النظرة الشرعية تجوز قبل والحين ماتنفع !

واعتقد هذا افتاء بغير علم وكلام الكل يتفق على انه خاطيء تماما محد يقدر يقول ان النظرة الشرعية كانت تجوز قبل والحين ماتجوز !

اما الجزئية اللي انت علقت عليها هي مجرد تصرف ممكن البعض يسويه وممكن البعض لا , يختلف من عائلة الى اخرى في ناس عندهم النظرة الشرعية نظرة في ثواني وفي ناس تسمح بدقيقتين او ثلاث وممكن يكون في كلام بسيط جدا بين الاثنين

وبعدين انا هاجمت كلامك ما هاجمتك انت !

انت كتبت " هالاشكال " وهذي القشة لانك غلطت علي انا

و واضح جدا من كلامك انت ان اللي كتبته مجرد انتقام ورد لانك ماعرفت ترد على كلامي

اما عن كوني توني راد فهذا لاني ما انتبهت

وانا احترم الرأي الاخر واحترم الناس ما اغلط على احد الانتقاد ممكن يوجه للافكار والاراء مب للاشخاص

[بويوسف]

أخواني النظرة الشرعية مب كل واحد يدخل يدرعم ويشوف البنت .. مثل ماقالت اختي الفاضلة ضوى .. لازم ينسأل عنه هو من واهله من وعقب مايكون هناك قبول من الطرفين تبقى النظرة الشرعية قبل الملجة .. تطبيقا لسنة الرسول عليه افضل الصلاة والسلام ..

لا رأي بعد رأي الدين والشريعة . ولكن اللي رافض هالشي فهو شي يخصه وحده ولادخل بهذا بالشرف والعرض والكرامة .. هي عادات وتقاليد ولأسباب مختلفة.

[ابو محمد7]

أخواني النظرة الشرعية مب كل واحد يدخل يدرعم ويشوف البنت .. مثل ماقالت اختي الفاضلة ضوى .. لازم ينسأل عنه هو من واهله من وعقب مايكون هناك قبول من الطرفين تبقى النظرة الشرعية قبل الملجة .. تطبيقا لسنة الرسول عليه افضل الصلاة والسلام ..

لا رأي بعد رأي الدين والشريعة . ولكن اللي رافض هالشي فهو شي يخصه وحده ولادخل بهذا بالشرف والعرض والكرامة .. هي عادات وتقاليد ولأسباب مختلفة.

هالكلام شبه متفق عليه

والناس تختلف في ارائها وانا واحدى الاخوات هني اختلفنا بشدة ولكن كل واحد محترم الثاني

ممكن انتقد رايك ونتناقش لكن مب مسموح لاحد ينتقد شخص ويغلط عليه

كلمة " هالاشكال " اسلوب مرفوض وبما انك مشرف حبيت اوضح هالشي واشوف رأيك فيها

[كـفـاحـي_QTR]

اولا لازم تقتبس مداخلتي كاملة وتجيب مداخلتك ايضا

انا قلت لخبطة وخرابيط لانك قلت ان النظرة الشرعية تجوز قبل والحين ماتنفع


ياأخي كان المفروض عليك انك تناقشني وتبين لي اذا انا مخطي في الطرح
اما انك تقول عن كلامي في لخبطة ((وخرابيط))!!؟

وتقول انا ماعرفت ارد عليك في الموضوع!؟
شكلك تكذب الكذبة وتصدقها:)
وبعدين معاك يا ابومحمد 7 اذكر الله
ومبروك عليك وعلى الجميع الشهر الفضيل:)

[Ussop]

لو تسهلت الأمور وصار من العادي إن الخاطب ينظر لمخطوبته قبل ما تتم الإجراءات الرسمية، فهذا راح يوفر الكثير على الإثنين، فبالنسبة للشباب "الجاديين" والمقبلين على الزواج يعتمد إستمرارهم بفكرة الإرتباط من "فلانة" على شكلها وهل هي تناسب الخاطب أم لا...

لذلك أشوف أفضل حل، إما إن الشاب يتحبل لمخطوبته ويحاول يشوفها بأي طريقة، أو يتم تسريب صورة للبنت...

وأعتقد إن بهذي الطريقة، ما راح تنحرج البنت ولا أهلها، وكذلك راح نختصر كثير من الأمور كالوقت والجلسات الرسمية.

[المتألم]

!!

معقوولة في ناس في 2010 ليحين تفكيرهم جذي..!!

[/u][/color] ...


العقول اليابسة المتشنجة لا تتأثر بالأوقات ولا بالزمن كثيرا
بعض العقول والنفسيات تقدم القوانين الأجتماعية على الأحكام الشرعية
وهذا يحصل بكثرة في بلداننا العربية وبشكل فاجع ..


مشكله عندما يعتقد البعض أنه بهذه الحركة يصبح أكثر غيرة وأكثر سترا
وأكثر كرامة .. بينما هو بعيد كل البعد عن هذه الأمور ..

برأيي أن الرجل الذي يقبل هكذا وضع يستحق ما هو عليه ..

[ابو محمد7]

ياأخي كان المفروض عليك انك تناقشني وتبين لي اذا انا مخطي في الطرح
اما انك تقول عن كلامي في لخبطة ((وخرابيط))!!؟

وتقول انا ماعرفت ارد عليك في الموضوع!؟
شكلك تكذب الكذبة وتصدقها:)
وبعدين معاك يا ابومحمد 7 اذكر الله
ومبروك عليك وعلى الجميع الشهر الفضيل:)


انا انتقدت كلامك وانفعلت دفاعا عن الدين وأخذتني الحماسة ويمكن هذا خطأي

اما انت غلطت علي انا وبدافع الانتقام فقط