سباق للسيارات يؤدي لوفاة شابين قطريين على طريق أبو نخلة(فوزيةعلي) الشرق

[عنزي قطر]

سباق للسيارات يؤدي لوفاة شابين قطريين على طريق أبو نخلة2010-06-17


فوزية علي:
لقي شابان قطريان حتفهما في حادث مروري مؤسف على طريق أبو نخلة، وأعاد الحادث إلى الاذهان ظاهرة سلبية طالما حذرت منها الجهات المعنية في إدارة المرور بوزارة الداخلية وطالما كافحتها بشتى الوسائل والطرق التوعوية، إذ وقع الحادث بحدود الساعة الثالثة فجرا عندما كان الشابان يتسابقان بسيارتيهما على طريق ابو نخلة فاجتمعت عوامل التهور والسرعة والتسابق بالسيارات لتؤدي الى وقوع حادث مؤسف راح ضحيته شابان في العشرينيات من العمر.
وتقوم إدارة المرور بحملات توعية متواصلة حول أخطار التسابق بالسيارات والذي عادة من تنتج عنه حوادث كارثية ومأساوية، اذ يتسبب المتسابقون في الأذى لأنفسهم أولا وللآخرين ثانيا، ولكن رغم هذه الحملات التوعوية فما يزال بعض الشباب غير مكترثين بالاضرار التي تنتج عن مثل هذه الحوادث فيهلكون انفسهم والاخرين دون ان يشعروا.

http://www.al-sharq.com/articles/more.php?id=199104



الله يرحمهم يارب العالمين

بصراحه الخبر محزن جدا لكن شد انتباهي الصحفيه القطرية فوزية علي كتبت الموضوع ولم تتوقف عند الخبر فقط والخبر فيه من النصائح الكثير هذا هو دور الاعلام الحقيقي الف شكرا للاخت فوزية علي وكثر الله امن امثالها وهي فخرللجميع

[bo_hamad]

إنا لله وإنا إليه راجعون


الله يغفر لهم أن شاء الله ويصبر اهليهم و لا حول ولا قوة الا بالله

[بوخالد911]

شنقوول بس في هالشباب الطاايش


ولا من متعظ !!!

الا القليل

[سهوم المنايا]

الله يرحمهم ويغفر لهم يارب


لو عندي صلاحية قسم بالله لا اسووووي قانون


اول شي بخصص افراد من التحريات على المواتر

اي موتر فيه صوت هدرز او تريبو او اي بلوى فيها على طول يتم سحب الموتر ويتصدر ولايحق للراعيه استرجاع الموتر وتكون لجنه خصيصا لسماع الموتر

اذا شاف سباقات في شوارع الدوحة يتم تسجيل ارقامهم ومن ثم تكليف دوريات خاصة لكي تجيب الموتر ويتصدر

اي شي فيها عبث على طول يتصدر

ويكون هناك افراد خصيصا لاصطياد مثل هؤلاء الشباب

لا بعد الافراد مايكونون قطرييين بحط اجانب ولهم مكافاءت بعد....

شباب الدوحة راحوا كلهم تحت الحدايد ولافيه قانون صارم

والمشكلة انهم يتفاخرون اذا انقلب واحد

وانا شايف واحد مستانس انه منقلب

والله مدري ويش اقول

لكن لاحول ولاقوة الا بالله

[راعي البيرق]

هؤلاء مالهم الا حد الحرابة في الارض وتشهيرهم باسمائهم واسماء عوائلهم
وصورهم لكي يكونوا عبرة للناس كما يقام حد الحرابة في المملكة واذاعة اسماء
المجرمين كاملا

[عنزي قطر]

إنا لله وإنا إليه راجعون


الله يغفر لهم أن شاء الله ويصبر اهليهم و لا حول ولا قوة الا بالله

اللهم امين يارب العالمين

السرعه والتهور احد الاسباب الرئيسية بالحوادث :(

[المقهوره]

الله يرحم الشابان ويغفر لهم ويصبر اهاليهم


بس هالموضوع ماراح ينتهي على كثر الحوادث الي تصير في هالشارع إلا انه ومازالوا كل جمعه ولا الخميس يتسابقون فيه هذا رالي بالنسبه لهم

والمشكله ان هالشارع خطر

[كازانوفا]

الله يرحمهم ياريت تذكر اسمائهم عشان نعرفهم
لا حول ولا قوة الا بالله

[فلتة زمانها]

الله يرحمهم برحمته
بعضهم طايش ومتخرع مو مصدق نفسه انه يسوق
المرور مب مقصرين فالقوانين بس من يلتزم هالايام

[الجزوع]

الله يرحمهم برحمته راحوا شباب قطر ، الله يصبر اهاليهم ، يعني في خلال الاسبوع ذا راحوا حول 6 شباب اذا ماكانوا اكثر ، لاحول ولا قوة الا بالله وانا لله وانا اليه راجعون ...

[عنزي قطر]

شنقوول بس في هالشباب الطاايش


ولا من متعظ !!!

الا القليل





حياك الله أخوي يوجد شباب مدرك للخطر وانا اخوك والله يهدي الجميع ان شاءالله

[بن موسى]

الله يرحمهم ويصبر اهلهم
والصراحة المشكلة انا اشوفها في البلاي ستيشن اغلبهم صغار في السن وعلى بالهم السيارة مثل اللعبة يصدم ويتقلب وبعدها يركب سيارة ثانية وما يصير لة شي وخلاص تعود ومايدري مسكين ان السيارة غير

[عنزي قطر]

الله يرحمهم ويغفر لهم يارب


لو عندي صلاحية قسم بالله لا اسووووي قانون


اول شي بخصص افراد من التحريات على المواتر

اي موتر فيه صوت هدرز او تريبو او اي بلوى فيها على طول يتم سحب الموتر ويتصدر ولايحق للراعيه استرجاع الموتر وتكون لجنه خصيصا لسماع الموتر

اذا شاف سباقات في شوارع الدوحة يتم تسجيل ارقامهم ومن ثم تكليف دوريات خاصة لكي تجيب الموتر ويتصدر

اي شي فيها عبث على طول يتصدر

ويكون هناك افراد خصيصا لاصطياد مثل هؤلاء الشباب

لا بعد الافراد مايكونون قطرييين بحط اجانب ولهم مكافاءت بعد....

شباب الدوحة راحوا كلهم تحت الحدايد ولافيه قانون صارم

والمشكلة انهم يتفاخرون اذا انقلب واحد

وانا شايف واحد مستانس انه منقلب

والله مدري ويش اقول

لكن لاحول ولاقوة الا بالله


قول الله يهديهم أخوي وبارك الله فيك على حبك للشباب ردك واضح انه حرقت قلبك وجزاك الله خير وصدقت يالغالي شباب الدوحة راحوا كلهم تحت الحدايد

يالغالي السبب عدم الالتزام بقوانين المرور والسرعه وحط مليون خط على السرعة يالغالي

[المليونير الفقير]

حسب علمي الشبان واحد مالكي والثاني مري الله يرحمهم جميع ويصبر اهلهم واتمنى من ادارة المرور وضع قوانين صارم للسرعه واقترح عليهم ان قانون اي سياره تسابق يتم مصادرتها وسجن صاحبها 6 اشهور وهاذا القرار سيضع حد للسرعه ولتهور

[al-vtc]

الله يرحمك يا يوسف المالكي

والريال الثاني ما اعرفه بعد الله يرحمه ويغفر له

[سهوم المنايا]

مشكلة السرعة والاستعراض ياليتها بعد تقف على موت المصابين

يعني عادي الواحد هو مسرع والا يستعرض يلف على الواحد متعمد ويدعمه

ومن ثم يتهاوشون ويتذابحون ومن ثم تكبر السالفه الى الاخوان ويتهاوشون ومن ثم تصير بين القبيلتين ويتذابحون بسبة استعراض والا واحد طاف الثاني....

تراها صارت السوالف هذي مش من نسج الخيال

وكل هذا بسبه سيارة

على قولة حسن الساعي خط احمر يا ادارة المرور

[عاشق الشهادة]

معظم الشباب تنقصهم ثقافه احترام نظام المرور ؟
سؤال : هل يتحمل الشباب المسؤولية وحدهم ؟
أين دور المؤسسات الثقافيه والتوعويه من الشباب طوال السنه وليس بالمناسبات فقط ؟

[alwahesh]

إنا لله وإنا إليه راجعون


الله يغفر لهم أن شاء الله ويصبر اهليهم و لا حول ولا قوة الا بالله

[محمد افندي]

وش أسامي المتوفيين ضروري :(

[بو فهد]

سؤال

هل قاتل نفسه يغسل ويصلى عليه ؟ .

[سهوم المنايا]

معظم الشباب تنقصهم ثقافه احترام نظام المرور ؟
سؤال : هل يتحمل الشباب المسؤولية وحدهم ؟
أين دور المؤسسات الثقافيه والتوعويه من الشباب طوال السنه وليس بالمناسبات فقط ؟

هم وحدهم ولاغيرهم من يتحمل المسؤولية

بس المفروض المرور يحطون حد لهم مش يوقف في زاوية دوار ويسجل المخالفات


اما المؤسسات وتوعية هذا كلام فارغ ولامنه فايدة في مجتمعنا لان الصاحي هو اللي بيسمع التوعية اما مهوسين السيارات مراح يسمعون شي وان اسمعوا ماراح يطبقون اجل ويش فايدة التوعية مادام مايسمعني الا الصاحي

عشان كذا المفروض في قانون صارم من قلللللللللللللب :nice:

[عاشق الشهادة]

هم وحدهم ولاغيرهم من يتحمل المسؤولية

بس المفروض المرور يحطون حد لهم مش يوقف في زاوية دوار ويسجل المخالفات


اما المؤسسات وتوعية هذا كلام فارغ ولامنه فايدة في مجتمعنا لان الصاحي هو اللي بيسمع التوعية اما مهوسين السيارات مراح يسمعون شي وان اسمعوا ماراح يطبقون اجل ويش فايدة التوعية مادام مايسمعني الا الصاحي

عشان كذا المفروض في قانون صارم من قلللللللللللللب :nice:





المرور يحطون حد لهم ؟؟ مثال نورنا بارك الله فيك :telephone:
واين دور الاسرة من فلذات أكبادها ؟

[سهوم المنايا]

المرور يحطون حد لهم ؟؟ مثال نورنا بارك الله فيك :telephone:
واين دور الاسرة من فلذات أكبادها ؟



اول مرة الشاب ينصاد على طول الموتر يتصدر وسجن 6 اشهر

ثاني مرة ينصاد الموتر ايضا يتصدر وسجن لمدة سنة

ثالث مرة ينصاد يحكم عليه لمدة 10 سنوات


يكون صارم صارم صارم صارم يعني مافيه واسطات


اما عن دور الاهل صدقني الاهل مايقدرون يسوووووون شي والا لو يقدرون كان ماسمعنا عن وفيات باسباب سرعة وسباقات واستعراض

[باراكودا]

خبر محزن شباب في عمر الزهور غابوا عن الحياة في لحظة طيش
يجب دراسة هذه الظاهره وأيجاد حلول ناجعة والسوال المطروح الان
هل الحملة المرورية فشلت ؟

[عاشق الشهادة]

اول مرة الشاب ينصاد على طول الموتر يتصدر وسجن 6 اشهر

ثاني مرة ينصاد الموتر ايضا يتصدر وسجن لمدة سنة

ثالث مرة ينصاد يحكم عليه لمدة 10 سنوات


يكون صارم صارم صارم صارم يعني مافيه واسطات


اما عن دور الاهل صدقني الاهل مايقدرون يسوووووون شي والا لو يقدرون كان ماسمعنا عن وفيات باسباب سرعة وسباقات واستعراض






قوانين المرور لابد ان تكون صارمه على الجميع وبدون اسثناء ؟
ومثل ماقلت لك انالاهل هم بالاساس في تربيه ابنائهم وليس قوانين المرور كما ذكرت ؟


انا باقولك قصه واحد عمره بالعشرينات وهذا الشاب ادمن على البلاك بيري بحد الجنون المهم عمل حادثيين في اقل من 10 ايام والسبب البلاك بيري والله ثم والله ان اهله سحبوا منه السيارة وخيروه بين البلاك بيري او السيارة والمفاجئة انه اختار البلاك بيري ,
الي ابي اقوله ان الاهل لهم دور كبير وبالاخير لابد ان نؤمن بالقضاء والقدر .

[المقهوره]

مشكلة السرعة والاستعراض ياليتها بعد تقف على موت المصابين

يعني عادي الواحد هو مسرع والا يستعرض يلف على الواحد متعمد ويدعمه

ومن ثم يتهاوشون ويتذابحون ومن ثم تكبر السالفه الى الاخوان ويتهاوشون ومن ثم تصير بين القبيلتين ويتذابحون بسبة استعراض والا واحد طاف الثاني....

تراها صارت السوالف هذي مش من نسج الخيال

وكل هذا بسبه سيارة

على قولة حسن الساعي خط احمر يا ادارة المرور


فيه واحد على شان الثاني لف عليه بالشارع بالغلط قام وطلع السلاح واذبحه واظن كثير يعرف السالفه هذه على شان شنوووووووووووو على شان لف عليه بس

[دلة الرسلان]

الله يغفر لهم ان شاء الله ويصبر اهلهم

[^^^EAGLE^^^]

الله يرحمهم ويغفر لهم ويهدي شبابنا ويحفظهم

هل يعني اذا نامت اعين المرور عن احدى المناطق ان يقوم الشباب
او يخطط البعض منهم لكسر القوانين زعما منهم ان اوقات الليل
تقيهم من الأعين التي تسعى جاهدة لحمايتهم ، هل هذا ما يفكر به الناس
لماذا تختلف الأراء عندما نسمع خبر وفاة ووفاة شباب في عمر الزهور
لماذا تختلف اراءنا بأن نطبق القوانين الصارمة وان نضع اشد من القوانين
المطبقة حاليا ، لماذا يرى البعض منهم ان قيمة مخالفة حزام الأمان كبيرة
وعندما نسمع خبر وفاة شبابنا نسعى الى تطبيق القوانين وباشد وبحزم وفاعلية اكبر
هل نضع اللوم على ادارة المرور على سعيهم الدؤوب للحفاظ على تطبيق القوانين التي
من شأنها ان تحفظنا وتحفظ شبابنا ، هل بعد هذه الأخبار نضع اللوم على ان المخالفة
قيمتها كبيرة ، والله مهما كبرت قيمة المخالفة ماديا فإنا تكون صغيرة عندما نسمع
بخبر وفاة شاب من شبابنا ونحزن لهذا المصاب والسبب اننا لم نطبق القوانين
ظننا منا ان هذه القوانين هي موجهة ضدنا ومن اجل الحد من حريتنا

وقفة صادقة نتمنى ان يقف عندها كل شاب كل فرد من افراد المجتمع
ان نحترم القوانين وان نطبقها على انفسنا حتى نربي جيلا يتمتع بصفاتنا
يرث منا الالتزام والإحترام

ومرة أخرى أسال الله سبحانه وتعالى ان يرحمهم بواسع رحمته وان يهدينا ويهدي شبابنا

[بو فهد]

الله يرحمهم ياريت تذكر اسمائهم عشان نعرفهم
لا حول ولا قوة الا بالله
واحد منهم محشادي الله يرحمة

[bus3od]

انتوا طايحين فالشباب و الشباب هم السبب و الشباب طايش و الخرجي كل يوم مطلع قانون يتصيد لهم و حاط دوبه من دوبهم بهالطريقه ترى مب واصلين لشي بتخف الحوادث والسباقات لفتره و بترجع وكل واحد يناحس الشباب و يسحب مواترهم يبلفيت شوفوني أنا خايف على أرواحهم

يا جماعه هالمشكله ماتنحل بالمناحس و كل يوم قانون وكل يوم ساحبين موتر هالمشكله لازم تنحل من الجذور من وين تبدأ المشكله من هالمكان لازم نمحيها و عقب بنشوف شلون بتوقف السباقات فالشوارع
أول و اهم سبب هو المدارس الثانويه و الإعداديه اي نعم المدارس
المدرسه الاعداديه يجيها الطالب من الابتدائيه على نياته و في نهاية الدوام وهو طالع يشوف مواتر متجمعه و مسوين لهم ساحة استعراض و كل طلاب المدرسه يشوفونهم و يصفقون ، شبيكون موقف هالطالب أكيد بينبهر بهالشي و بيظن أنه شي بطولي لأن كل خوياه مستانسين و يصفقون لهالشخص الي يستعرض فتتكون في عقله صورة البطل للشخص الي يستعرض و يحاول يقلده و هالشي يصير يوم هالطالب يدش الثانويه وهناك بيشوف بعض الطلاب الي اعمارهم ماتتجاوز ال 15 و ال16 عندهم مواتر وكل واحد مرتز في موتره و المشكله ساعات الموتر يكون مزود ، اهني يروح هالطالب و يحن على ابوه عشان يطلع له موتر نفس ربعه و بعض الأباء مايحبون يبخلون على عيالهم وعلى طول يطلع له ذاك الموتر و اليوم الثاني الحبيب رايح فيه المدرسه و طبعا اهني هو صارت له هيبه قدام ربعه لأن عنده موتر و في نهاية الدوام لازم يرويهم انه بطل و هاذي هي الصوره الي خذها ايام الاعداديه و يستعرض قدام المدرسه و ربعه يصفقون له ، وهو راجع البيت بيشوف له واحد نفسه يبي يسابق و بيسابق معاه لين الله لايقول يصير فيه شي وعقب ابوه يندم

و ثاني سبب هو محلات تزويد السيارات ، الشباب محصلين كل شي متوفر قدامهم بس ركب و سابق في اقرب خط و السالفه وصلت ان في كراجات مخصصه لفرجان معينه و يسمونهم بالاسامي مثلا هذا كراج الفريج الفلاني و هذا كراج هذا الفريج وكل واحد يتفنن فالتزويد ولازم يكون أقوى من كراج الفريج الثاني و غير الشباب الي يسافرون الامارات و البحرين عشان يزودون سياراتهم لأن هناك القطع أرخص

الحلول :
1- اذا ادارة المرور صدق خايفه على ارواح الشباب و صدق تبي توقف هالظاهره ، توقف دوريه قدام كل مدرسه اعداديه و ثانوية للبنين اول شي يشيكون على لياسن الطلاب الي يسوقون و ثاني شي يمنعون الاستعراض لحد يقول لي المدارس عددها وايد ، يوم الدوريات توقف على كل اشاره ودوار وتخالف محد قال الاشارات و الدوارات عددها وايد ، و الي يبي يحافظ على أرواح عيال بلاده مايتحجج
2- منع محلات التزويد و ايقاف نشاطها نهائيا اي نعم ولحد يقول هاذي ارزاق ناس الي يبي يترزق يقدر يسوي كراج عادي مب حق تزويد و المفروض يصدر قرار بإغلاقها نهائيا مب يعطونهم فتره لتعديل الوضع لأن بهالطريقه بيعطونهم فرصه انهم يدورون طريقه ثانيه لجلب أغراض التزويد يمكن تهريب او غيره
3- منع اي سياره مزوده قادمه من الخارج من الدخول للدوله ، ويتم هالشي بالتاكد أن السياره غير مزوده عندما تخرج من الدوله و عند الرجوع يتم فحصها فإذا تبين انها مزوده يتم تصديرها او سحبها


اسمحوا لي على الاطاله بس هذا رأيي و هذا الي انا شفته كشاب و الي يبي الحلول تراها موجوده بس المشكله المرور عندنا يناحسون و يسوون الي في راسهم تحت مسمى ( حماية الارواح)

و شكرا

[راية الفخر]

واحد منهم محشادي الله يرحمة

لا الحادث مال المحشادي والقريني غير وهالحادث غير واللي متوفين فيه مالكي ومري .. الله يرحمهم ويصبر اهلهم

[مــــلاك]

لا حول ولاقوه الا بالله ..:( الله يرحمهم ويغفر لهم
الله يحفظ شبابنا ويهديهم ويصلحهم

[قطري123]

لاحول ولا قوة الا بالله
الله ايصبر اهلهم

[][ الوحيد ][]

عقب بيطلعون لنا المرور ,, وبيقولون

(( الحوادث والوافيات قــلت في هالسنه ))

ماقول غير الله يرحمهم ان شاءالله ويصبر اهلهم ,,
ويحفظ كل شباب قطر

[بواردي]

خل حزام الامان اللي ذبحونا فيه في الاسواق وعند الاشارات والازدحامات ينفع المرور
والله يرحمهم ويغفر لهم

يعني لو في دوريات متواجدة على الخطوط السريعة بشكل دائم

ابرك من المليون رادار اللي رازينهم في شورع الدوحة


بلد المليووووووووووووون رادار

[الـعــضــيـد]

الله يرحمهم ويغفر لهم يارب


لو عندي صلاحية قسم بالله لا اسووووي قانون


اول شي بخصص افراد من التحريات على المواتر

اي موتر فيه صوت هدرز او تريبو او اي بلوى فيها على طول يتم سحب الموتر ويتصدر ولايحق للراعيه استرجاع الموتر وتكون لجنه خصيصا لسماع الموتر

اذا شاف سباقات في شوارع الدوحة يتم تسجيل ارقامهم ومن ثم تكليف دوريات خاصة لكي تجيب الموتر ويتصدر

اي شي فيها عبث على طول يتصدر

ويكون هناك افراد خصيصا لاصطياد مثل هؤلاء الشباب

لا بعد الافراد مايكونون قطرييين بحط اجانب ولهم مكافاءت بعد....

شباب الدوحة راحوا كلهم تحت الحدايد ولافيه قانون صارم

والمشكلة انهم يتفاخرون اذا انقلب واحد

وانا شايف واحد مستانس انه منقلب

والله مدري ويش اقول

لكن لاحول ولاقوة الا بالله



انا مؤيد 200%
واهم شي السيارة تصدر

[خفوق]

لاحول ولا قوه الا بالله
مادري هالشباب مستعجلين على القبر ولا شسالفتهم مايخافون الله في اهاليهم وفي انفسهم مايدرون ان هذا يعتبر انتحار
الحوادث قضت على الشباب حسبنا الله ونعم الوكيل
الله يرحمهم ويغفر لهم ويصبر اهاليهم

[بوخالد911]

الله يهدي كل طاايش ومتهوررر

[بــو فهــد]

الله يهديهم ..
المشكله مب في القوانين
المشكله في طريقة تطبيق القانون .. انا طلبت من قبل ومن خلال المنتدى ان وفد من المرور يروح يشوف شلون تتطبق القوانين في امريكا " على اعتبار ان امريكا دوله متطوره الخ "
بتكلم في كم نقطه لاحظتها اللي خلتني وخلت اغلبية الطلاب الدارسين هناك ملتزمين بالقوانين ..
١- كل سيارة شرطه فيها رادار .. وماتجيك مخالفه غيبيه " الا في حالة الرادار الثابت طبعا وهو مثل بيض الصعو " تتوقف في الشارع وتتعطل عشان مخالفتك وتاخذ مخالفتك بيدك - طبعا تتوقف سواء مخالفتك حزام او تجاوز او سرعه .. على حسب شلون صادوك :)
٢- نظام النقاط .. هو عندنا في الدوحه بس ماشوف منه لزمه اذا انك بتودي اي حد تعرفه او تعطيه كم فلس عشان يحط المخالفات على ليسنه ؟!
٣- اي موتر مسابق ينسحب على طول ببرقدون وانت دبر نفسك :) تكسي ولا تخلي حد يجي ياخذك .. وموترك يصير ملك للدوله

هذا اللي في بالي حاليا .. اتمنى تؤخذ هالنقاط بعين الاعتبار .. :)

الله يرحمهم ويغفر لهم ويصبر اهاليهم ..

[الرادار]

الله يرحمهم ويغمد روحهم الجنه ،،
حوادث الوفيات تعاني منها جميع دول مجلس التعاون .. يضيفون لشروط ومواصفات السيارات الخليجيه
سرعه قصوى (١٢٠ او ١٤٠ كم ) .

[عنزي قطر]

حسب علمي الشبان واحد مالكي والثاني مري الله يرحمهم جميع ويصبر اهلهم واتمنى من ادارة المرور وضع قوانين صارم للسرعه واقترح عليهم ان قانون اي سياره تسابق يتم مصادرتها وسجن صاحبها 6 اشهور وهاذا القرار سيضع حد للسرعه ولتهور

حياك الله أخوي المليونير وكلامك صح :nice: اغلب الحوادث الي راح ضحيتها شبابنا سببها التهور وعدم التقيد بالقانون الله يهديهم ان شاء الله ..

الله يرحمهم ويصبر اهلهم ان شاء الله

[الصريحه]

لا حول ولاقوه الا بالله العلي العظيم
مالقوا شيء يشغلهم

[basma222]

إنا لله وإنا إليه راجعون


الله يغفر لهم أن شاء الله ويصبر اهليهم و لا حول ولا قوة الا بالله

[بن محمود]

قال الله تعالى (( ولاتلقوا بأيديكم الى التهلكة )) صدق الله العظيم

هل تعرفون معنى هذا الامر ...
هؤلاء الذين يموتون بسبب سباق السيارات وهذه الامور التافهة
يجب ان يعلموا انهم يعصون الله تعالى
فيموتون وتنتهي حياتهم بمعصية الله تعالى



ولا ادري كيف يرضى اي انسان لنفسه هذه الخاتمة الفاسدة لحياته
وكيف يقابل ربه يوم القيامة وقد افنى عمره في سباق السيارات ...:secret:


الله يرحمهم

[Doha Sun]

شباب عايشين في فراغ .. وانتهو في القبور

[limited]

وين دوريات الخرجي ما تطلع لنا في شارع سلوى؟؟؟؟؟؟؟؟؟؟ ولا هم تخصص اختفاء خلف الاشارات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟







انا قلتها مليون مره


لو المرور همهم سلامة مواطنينا ينشرون دورياتهم على خط الشمال وخط سلوى الدولي؟؟


لكن شنسوي؟


احس لهم يحولون اسمهم من ادارة المرور الى الهيئة العامه لجباية الضرائب


ولا عزاء لاهل قطر المساكين

[سفير قطر]

الله يرحمهم

[Eyeliner]

الله يرحمهم :(

[عنزي قطر]

انتوا طايحين فالشباب و الشباب هم السبب و الشباب طايش و الخرجي كل يوم مطلع قانون يتصيد لهم و حاط دوبه من دوبهم بهالطريقه ترى مب واصلين لشي بتخف الحوادث والسباقات لفتره و بترجع وكل واحد يناحس الشباب و يسحب مواترهم يبلفيت شوفوني أنا خايف على أرواحهم

يا جماعه هالمشكله ماتنحل بالمناحس و كل يوم قانون وكل يوم ساحبين موتر هالمشكله لازم تنحل من الجذور من وين تبدأ المشكله من هالمكان لازم نمحيها و عقب بنشوف شلون بتوقف السباقات فالشوارع
أول و اهم سبب هو المدارس الثانويه و الإعداديه اي نعم المدارس
المدرسه الاعداديه يجيها الطالب من الابتدائيه على نياته و في نهاية الدوام وهو طالع يشوف مواتر متجمعه و مسوين لهم ساحة استعراض و كل طلاب المدرسه يشوفونهم و يصفقون ، شبيكون موقف هالطالب أكيد بينبهر بهالشي و بيظن أنه شي بطولي لأن كل خوياه مستانسين و يصفقون لهالشخص الي يستعرض فتتكون في عقله صورة البطل للشخص الي يستعرض و يحاول يقلده و هالشي يصير يوم هالطالب يدش الثانويه وهناك بيشوف بعض الطلاب الي اعمارهم ماتتجاوز ال 15 و ال16 عندهم مواتر وكل واحد مرتز في موتره و المشكله ساعات الموتر يكون مزود ، اهني يروح هالطالب و يحن على ابوه عشان يطلع له موتر نفس ربعه و بعض الأباء مايحبون يبخلون على عيالهم وعلى طول يطلع له ذاك الموتر و اليوم الثاني الحبيب رايح فيه المدرسه و طبعا اهني هو صارت له هيبه قدام ربعه لأن عنده موتر و في نهاية الدوام لازم يرويهم انه بطل و هاذي هي الصوره الي خذها ايام الاعداديه و يستعرض قدام المدرسه و ربعه يصفقون له ، وهو راجع البيت بيشوف له واحد نفسه يبي يسابق و بيسابق معاه لين الله لايقول يصير فيه شي وعقب ابوه يندم

و ثاني سبب هو محلات تزويد السيارات ، الشباب محصلين كل شي متوفر قدامهم بس ركب و سابق في اقرب خط و السالفه وصلت ان في كراجات مخصصه لفرجان معينه و يسمونهم بالاسامي مثلا هذا كراج الفريج الفلاني و هذا كراج هذا الفريج وكل واحد يتفنن فالتزويد ولازم يكون أقوى من كراج الفريج الثاني و غير الشباب الي يسافرون الامارات و البحرين عشان يزودون سياراتهم لأن هناك القطع أرخص

الحلول :
1- اذا ادارة المرور صدق خايفه على ارواح الشباب و صدق تبي توقف هالظاهره ، توقف دوريه قدام كل مدرسه اعداديه و ثانوية للبنين اول شي يشيكون على لياسن الطلاب الي يسوقون و ثاني شي يمنعون الاستعراض لحد يقول لي المدارس عددها وايد ، يوم الدوريات توقف على كل اشاره ودوار وتخالف محد قال الاشارات و الدوارات عددها وايد ، و الي يبي يحافظ على أرواح عيال بلاده مايتحجج
2- منع محلات التزويد و ايقاف نشاطها نهائيا اي نعم ولحد يقول هاذي ارزاق ناس الي يبي يترزق يقدر يسوي كراج عادي مب حق تزويد و المفروض يصدر قرار بإغلاقها نهائيا مب يعطونهم فتره لتعديل الوضع لأن بهالطريقه بيعطونهم فرصه انهم يدورون طريقه ثانيه لجلب أغراض التزويد يمكن تهريب او غيره
3- منع اي سياره مزوده قادمه من الخارج من الدخول للدوله ، ويتم هالشي بالتاكد أن السياره غير مزوده عندما تخرج من الدوله و عند الرجوع يتم فحصها فإذا تبين انها مزوده يتم تصديرها او سحبها


اسمحوا لي على الاطاله بس هذا رأيي و هذا الي انا شفته كشاب و الي يبي الحلول تراها موجوده بس المشكله المرور عندنا يناحسون و يسوون الي في راسهم تحت مسمى ( حماية الارواح)

و شكرا




حياك الله اخوي ولي عودة للموضوع للنقاش


عنزي قطر