معقوله : دراسة بعد الامتحانات !!!

[نمر بن عدوان]

اليوم جاتني رساله من مدرسة بنتي فحواها ان الدراسه بتستمر لين 8/7/2010 . معقوله دراسه بعد الامتحانات هذي وين صارت في اي مكان في العالم وشنهو الهدف منها.

يعني بدال مايقدمون الاختبارات وترجع مثل قبل في نهاية شهر 5 يفاجئونا بتمديد الدراسه لبعد الامتحانات .

بصراحه المجلس الاعلى قاعد يتخبط في مواعيد الامتحانات بين المراحل المختلفه وفي مدة السنه الدراسيه ومدة الداوم اليومي وللاسف لاحسيب ولارقيب .

مانقول غير الله يرحم ايام التربيه والتعليم

[الجزوع]

انا من شهر 5 دازين لي اوراق مع بنتي مفادها ان الدراسه تستمر الين 9-يوليو

الله كريم ، مب كفايه مداومين شهر سته كله في هالحر

[شاعر المليون]

لا تخلونهم يدامون بسيطة الإختبارات وخلصوها والشهادات عندهم إيش حادكم تودونهم خلهم يطرشون رسايل على كيفهم عيالنا مب رايحين ورانا سفر حد يدوام في شهر 7 الي درجة الحرارة فيه تصك 50 درجة وين قاعدين .

[ام السعف]

احنا قالوا لنا نفس الشي ،، مدارس خاصة بس التشديد حسب ما سمعت من المجلس الاعلى
كل اللي صار اني غيبتهم ،،

[نمر بن عدوان]

يعني ممكن نغيبهم وماراح يأثر على السنه الجايه او نتايجهم بعد الامتحان؟

[شاعر المليون]

يعني ممكن نغيبهم وماراح يأثر على السنه الجايه او نتايجهم بعد الامتحان؟

لا ما يأثر وإذا جاك شي عندي

الدراسة بعد الإمتحانات يسمونها تمدرس مادري المجلس الأعلى من وين جايب هالشي .

[&بوشهد&]

في كل الاحوال ماعندهم سالفة
الظاهر يبغون الطلاب يونسون المدرسات خبرك المدرسات يداومون لين نص 7

[La Bella]

لاتعليق:anger1::anger1::anger1:

[بعيد النظر]

والله انا اقول ..
عقب الامتحانات قعدوهم فـ البيت ابركلهم !!

واشوف الحل جدا" بسييط ..
قعد ولدك فـ البيت ولا يروح المدرسة , وعيال عمه وربعه نفس الشي ..
فـ اذا انت ما وديت ولدك وغيرك ما ودى ولده .. بيتسنعون المجلس الاعلى !
اما انك توديه و ولد عمه يروح ورفيجه .. والخ !!

اكيد انّ المجلس الاعلى عقب بيستمر فـ استهباله !

[راية الفخر]

لا ما يأثر وإذا جاك شي عندي

الدراسة بعد الإمتحانات يسمونها تمدرس مادري المجلس الأعلى من وين جايب هالشي .

تمدرس ( تخربط ، تخبط ، تغطرس ) كلها نفس المعنى في المدارس المستغفله

عطوا عيالكم الراحه وخلوهم مستريحين في البراد وشحادهم على الشمس والحر وهم مخلصين السنه الدراسيه .. واذا فيهم خير خل يحاسبونهم على الغياب ..
انا عن نفسي ما اعترف في ايام التمدرس وماخلي عيالي يداومون عقب الامتحان ولا حد يقول لهم شي وربعهم اللي يروحون يقولون لهم نص الصف غايب ولا يعطونهم شي غير انشطه يسدون فيها ساعات الدوام ..

[ROSE]

جيت ع الجرح وربي ان قلبي يتقطع ابي اتكلم مب قادره

فديتهم عيالي مب مصدقين كانوا متى بيخلصون عشان يجيون ونلتم

طلعوا لي بسالفة انه للحين اجازتهم في شهر 7 وهم بيخلصون الحين :anger1:

[ROSE]

طيب ابي اعرف شبيدرسونهم في هالوقت ؟

[بلوتنيوم]

طيب ابي اعرف شبيدرسونهم في هالوقت ؟

مابيدرسونهم:nono:
بيمدرسونهم :secret:

[معيذر جنوب]

دراسة خلصو
المنهج خلصوه
إمتحانات خلصو
شهادات إستلمو

تمدرس مافيها
إلا حصص نشاط
لعب وبس .

مايسوى عليهم

[s o s o]

طيب ابي اعرف شبيدرسونهم في هالوقت ؟

توفل :nice:

[saleh-85]

http://www14.0zz0.com/2010/06/17/10/123107301.jpg (http://www.0zz0.com)


ماتعرف قديري لين تجرب غيري :rolleyes2:


اذكر العام قالوا اللي مب مكمل دراسه بعد الأمتحانات بيحرمونه من الشهاده !!

اسألوا قبل تغيبون عيالكم

والله لا يحرمنا فرحة إعادة وزارة التربيه والتعليم وإلغاء التجربه المستقله المختله :omen2:

[ام السعف]

توفل :nice:

يقولون بيحضرونهم للسنة الياية

هو غصب طيب لازم ايام الدراسة تكون 180 يوم :telephone:
حتى لو الموضوع فيه لعب عيال و حضور من غير فايدة :omen2:

[s o s o]

يقولون بيحضرونهم للسنة الياية

هو غصب طيب لازم ايام الدراسة تكون 180 يوم :telephone:
حتى لو الموضوع فيه لعب عيال و حضور من غير فايدة :omen2:

اشدعوة لازم 180 هههههه

ذكرتيني بالعدة لازم اربعة اشهر وعشر ايام

[ام السعف]

اشدعوة لازم 180 هههههه

ذكرتيني بالعدة لازم اربعة اشهر وعشر ايام

اعتقد وان ما خانتني الذاكرة ان ايام الدراسة لازم تكون 180 يوم
خلينا ننتظر راي الاخصائيين في هالمجال لربما قمت اوزع شائعات
من فرط تدهور الذاكرة ،، الا من انت لو سمحتي ؟ :eek5:

[ROSE]

مابيدرسونهم:nono:
بيمدرسونهم :secret:

هل كيف لماذا ؟


توفل :nice:



مايبون يعرفون :(

[ام السعف]

هل كيف لماذا ؟





مايبون يعرفون :(

توفل لعب وتضييع وقت :shy:

[معيذر جنوب]

يقولون بيحضرونهم للسنة الياية

هو غصب طيب لازم ايام الدراسة تكون 180 يوم :telephone:
حتى لو الموضوع فيه لعب عيال و حضور من غير فايدة :omen2:

الدراسة هالسنة أكثر من 180 يوم خل نحسبها .

بداية الدراسة كانت 4 / 10 /2009 نحسب جميع الايام

شهر 10 ( 31 يوم ) راح منهم 3 أيام الصافي (27 يوم ).
شهر 11 ( 30 يوم )
شهر 12 (31 يوم )
شهر 1 ( 31 يوم )
شهر 2 (28 يوم ) بس نخصم منه 14 يوم أيام ( إجازة منتصف العام الدراسي ) الصافي (14 يوم )
شهر 3 (31 يوم )
شهر 4 (30 يوم )
شهر 5 ( 31 يوم)
شهر 6 (30 يوم)
شهر 7 ( 8 أيام )




27+30+31+31+14+31+30+31+30+8= 232 يوم .


مجموع أيام الدراسة = 232 يوم .

[ام السعف]

معيذر جنوب

شوف التصريح هذا كان في عام 2006 وما زاد عليه شي من تغيير في ايام التمدرس في
المدارس المستقلة :
قالت مديرة هيئة التعليم بالمجلس الأعلي للتعليم الأستاذة صباح الهيدوس

وردت على شكاوي طول اليوم الدراسي بالمدارس المستقلة بالتقيد بالمعاييرالدولية لعدد ايام الدراسة والمقررة ب 180يوما مشيرة الي ان المدارس التابعة للتربية لا تتجاوز فيها نسبة الدراسة اكثر من 100 يوم وهو ما اعتبرته اقل من المعدل المطلوب الذي وصل في بعض الدول الي نحو 220 يوما.

رابط الخبر :
http://www.education.gov.qa/content/resources/detail/13284

[**هـتــــــان**]

انا بقولكم السالفة ومافية السالفة هي كالتالي:- استهلاك طاقة المدرسين قد مايقدرون يعني يتمون قاعدين لاشغل ولا مشغلة وراتب يمشي فطلعوابنظام التمدرس والتغطرس لاستهلاك المدرسين بالاضافة لسالفة الاوفر افيو ووالبلاوي المطلوبة من المدرسين لتحضيرها للسنة الجاية ...

[ROSE]

توفل لعب وتضييع وقت :shy:

هذي هي لعب وتضييع وقت لو عرفنا انهم بيستغلون هالوقت في تدريسهم شي مفيد

كنا بلعنا الغصة وسكتنا


زين مايصير اكلم المدير اقول له انا بلعبهم وبضيع وقتهم بس خلهم يغيبون :secret:

[بو خليفه 123]

هذي هي لعب وتضييع وقت لو عرفنا انهم بيستغلون هالوقت في تدريسهم شي مفيد

كنا بلعنا الغصة وسكتنا


زين مايصير اكلم المدير اقول له انا بلعبهم وبضيع وقتهم بس خلهم يغيبون :secret:


ياليتني ارجع لأيام الدراسه و تكونين إنتي أمي :nice:

[نمر بن عدوان]

يعطيكم العافيه جميعا وفعلا والله شيء يرفع الضغط .

منزين الجو عندنا عشان الطفل يتم في المدرسه من الساعه 7لين2 ويشبهون عدد ايام الدراسه عندنا بعدد ايام الدراسه في أوروبا وبرادها وجوها الي لو تمشي فيه 24 ساعه ماتمل ولاتتعب .


عندي احساس ان هذي سياسه عشان الطفل يبتعد اكبر وقت ممكن عن تربية الوالدين وعن العلاقات الاسريه والترابط الاسري عدد ايام طويله ودوام يومي اطول متى الام والاب بيشاهدون عيالهم ويربونهم ويعلمونهم الصح والغلط . اول كنا نعتمد على وزارة التربيه والتعليم الحين شالوا التربيه وخلوا التعليم وبدون تربيه مافي تعليم .

[بولينجر]

شيسوون هناك؟؟؟ يخمون المدرسة؟!!!
غيبوا عيالكم ولا عليكم منهم.....

[سويسرا]

لاتخلينه يروح خله يستانس فالاجازه

شيبون هذيل ينوا واقعدوا

والله لو ولدي خلص امتحانات اقعده فالبيت وخلهم يبلطون البحر

[جهام]

المثالية مقطعها بعضها يالمجلس الاعلى

[ابوالعز]

تخبط في تخبط في تخبط

[مشموم]

غيبوا عيالكم ...وريحوهم ... وريحونا .
عندنا يسون لهم في ايم التمدرس حفلات والعاب ونطاطيات "خوش تمدرس"
بس عشان اليهال يداومون .

[سـ ع ـود]

بسيطه اذا ماسمعوا كلامنا ونداءتنا احنا بنتصرف بأنفسنا وبنغيب عيالنا

عن نفسي امس انا في ديزني لاند اخواني في اللعبه يلعبون والمدرسه مطرشين لي ضرورة حضور ابناءنا

قلت خير ان شاء الله انطروني عند اقرب لفه :)

[eXpert*]

للمره الاولى يتراود علي مصطلح التمدرس : خطر في بالي انها لربما لايصال فكرة للطالب ان المدرسة ليست تعليم × تعليم ، انما هنالك الجانب الترفيهي ،، بمعنى ادق لتحبيب الطالب في المدرسة ، فأن كان كذلك فأنا مع فكرة التمدرس .. .

أعتقد علينا كـ أولياء أمور أن نكون ايجابيين بعض الشئ ،، اذا كانت نظرتنا نحن سلبيه بهذه الطريقة ونذّم المدارس والمجلس الأعلى للتعليم و أيام الدراسة و المناهج !! فيا ترى كيف ستكون نظرة أبنائنا ؟

[صوت الضمير]

:) حنا بالجامعة وعطلنا اليوم كان اخر يوم

ومستانسن

حرام مايسوى عليهم الصغار مالومهم اذا كرهوا الدراسة

عقبالهم

أبداع