استفسار ....طريقة تحضير المندي ؟؟؟

[عربسات]

السلام عليكم

شخباركم انشاءالله انتوا بخير المهم..:nice:

الاسبوع الي طاف شريتلي من السعوديه فرن خاص لطبخة المندي هي تقريباً عباره عن جدر كبير طابقين وفي النص شبكين العلوي للاودام والي تحت للعيش .... وانا ما عندي اي فكره في طريقة الاستعمال ولا اشلون يطبخونه بس شفته دش في خاطري وشريته

فا الي عنده فكره في طريقة التحضير او الاستعمال خليه يفيدنا وجزاكم الله الف خير مقدماً

( للعلم الموضوع للشباب والبنات )

[المخفي]

ادخل منتدى مكشات و بتستفيد ان شاء الله

ممكن صورة للفرن

[sung kyo]

لو قايل كيمتشي يمكن أعلمك لكن مندي ما أعرف :nice:

[بلوتنيوم]

باقي على المندى دقايق :)

[قطرية7]

والله كنت اسوي المندي في الفرن العادي وفي قالب عادي بدون جدر ،، وطلع لذيذ ، مايبيله شي تحمس البصل بزيت على النار وبعدين تحط عليه كمون مطحون وملح بس وتحط عليه ماي وتحط عليه العيش وبعدين تنقل الخلطه بقالب عشان ينطبخ في الفرن بحيث يكون مستوى الماي على اعلى من العيش بشوي تغطيه بالقصدير عدل وتخرم القصدير بالشوكه وتحط عليه (على القصدير الي مغطي العيش) الدجاج (مقطع انصاص) المبهر (( بملح وكمون مطحون بس )) وتغطيه بالكامل بالقصدير عدل وتحطه بالفرن الحاااااار لمدة ساعه تقريباً وبعدين ترفع القصدير عن الدجاج بس عشان يتحمر وبالعااااافيه ترى خووش مندي جربوووه:victory:

[حليتان*]

ماعرف اسويه ...بس اول مره اعرف ان له جدر خاص ....اخبر يسونه في الرمل !!!

[الجووري]

فيه طريقه تحضير للمندي بطريقه سهله ونكهه لا يعلى عليها اذا تبين الطريقه

بلغيني :)

[meme~qatar]

فيه طريقه تحضير للمندي بطريقه سهله ونكهه لا يعلى عليها اذا تبين الطريقه

بلغيني :)

حطي الطريقة للجميع
خلينا نستفيد:shy:

[وهم قطر]

اوووو هذي مزاجي أن كنت رايق شوف لله يسلمك طريقته

القدر تحت على الشبك وتحط فيه كل الي تبيه من عيش وبهارات ولا تحط قطره زيت اوعه

الحم تعلقه وتخليه يقطر دهنه في القدر ولا تشيل الشحم كله هو مكان الزيت بيكون وسكر عليه

وأحسب من الوقت ساعه وربع بالضبط وعليك بالعافيه

[الجووري]

حطي الطريقة للجميع
خلينا نستفيد:shy:

هذي نفس طريقتنا بس مدعمه بالصور :nice:

مندي الدجااااج

بسم الله نبدأ:


اول شي اسلقي الدجاجه في (خمس حبات هيل وعودين قرفه ومكعب ماجي)

http://www.alsaifonline.com/up2010/09H69097.jpg
انا سلقتها بالضغط تقدري تستخدمي القدر العادي


وهنا قبل اقفل عليها

http://www.alsaifonline.com/up2010/hvE69097.jpg

وهنا بعد مااستوت

http://www.alsaifonline.com/up2010/BPW69097.jpg

صفي مرقة الدجاج واسلقي فيها الرز واذا احتاج ملح زودي

http://www.alsaifonline.com/up2010/iXI69097.jpg

وهنا الرز بعد مااستوى

http://www.alsaifonline.com/up2010/eoD69173.jpg

خذي شوي من الرز وحطيله لون وخليه على جنب لوقت التحضير


http://www.alsaifonline.com/up2010/0uD69171.jpg

حطي الدجاج بالصينيه

http://www.alsaifonline.com/up2010/Osx69173.jpg


واعملي خلطة الدجاج وهيا عبارة عن:


((ملعقتين صلصه وملعقتين زيت زيتون ولون مذاب في ملعقتين مويه او ممكن تستخدمي منقوع الزعفران ))<<تكفي لحبة دجاجه

http://www.alsaifonline.com/up2010/9dH69173.jpg


غطي الدجاج فيها من جميع الجهات

http://www.alsaifonline.com/up2010/9fw69173.jpg

دخليها الفرن 10 دقايق


وبتكون كذا

http://www.alsaifonline.com/up2010/mT769173.jpg

حطي الدجاج عالرز

http://www.alsaifonline.com/up2010/FZS69171.jpg

وحطي في وسطهم صحن فيه زيت وحطي عليه جمرة مولعه

http://www.alsaifonline.com/up2010/e9R69171.jpg


واكتميه زييييين لمدة 10 دقايق لما تنطفي الجمرة

http://www.alsaifonline.com/up2010/7lU69171.jpg


واعملي الحمسه

عبارة عن (حبه بصله مقطعه شرايح وحبه جزرة مبشورة وملعقه صغيره قرفه مطحونه وهيل مطحون وربع مكعب ماجي)<<الالتزام بالبهارات لازم


http://www.alsaifonline.com/up2010/PlF70613.jpg

حطي البصل الجزر في الطابي مع شوية زيت واذا ذبل اضيفي القرفه والهيل والماجي

http://www.alsaifonline.com/up2010/gFM70334.jpg

لما تصير هيك وطفي عليها :victory:

http://www.alsaifonline.com/up2010/BpF69097.jpg

وقدميييييييييييييييييييييييييي يييه

مع البيض المسلوق وشرائح الليمون والفلفل


http://www.alsaifonline.com/up2010/hNk70334.jpg

وطريقة مندي اللحم نفس الشي بس بدال الدجاااج لحم :nice:

[المخفي]

نفس هذا القدر

http://img25.imageshack.us/img25/1150/sonaidybermeel10.jpg

[meme~qatar]

يسلموا اختي الجووري

يعطيج العافية
والطريقة سهلة
وجاري التطبيق

[حراير قطر]

هاي طريقتي للمندي

http://www.qatarshares.com/vb/showthread.php?t=341518

شوف اخوي

ولع الفحم وخله يصير جمر ...

وعقب حط ماي بالقدر حق العيش

سو نفس المقادير اللي بالرابط ...

وتبل الدجاج خله ساعه بالتتبيله

وعقب حط القدر على الجمر والدجاج فوق الشبك

وغط البرميل بخيشه وصكر عليه عدل وحط المغطاه

وخله ساعه لين يستوي ...

وعليكم بالعافيه مقدما ولا تنسى اتصور له لنا :nice: