بوليش من الداخــل .. استفسار !

[ابو مشعل]

السلام عليكم ..
اود الاستفسار عن مغسله تقوم بعمل بوليش للسياره
من الـ ( داخل ) ..

" بوليش .. مب غسيل بو 20 "

صراحه عندي موتر مشمخ وايد ..
عند القير وفي عده اماكن ..

هل في مغسله او مكان معين ..

اعيد فيه حالة السيارة لسابق عهدها ؟ :p
ياريت اسم المكان .. وكم يكلف

يعطيكم العافيه :)

[شيخ الريان]

والله يالغالي عندك اللي داخل محطة بترول المسيله حلوه وااايد وشغلهم عدل
تحياتي

[ابو مشعل]

والله يالغالي عندك اللي داخل محطة بترول المسيله حلوه وااايد وشغلهم عدل
تحياتي

تسلللم يالذيب .. :victory:

بانتظارك اراء باقي الاخوة
وشرايكم بعد بالتيسير ؟ ولا مافيها بوليش ؟
:telephone:

[ابو مشعل]

up
..........

[Abdullah_89]

انا جربت مره الوسام اللي على خط سلوى وشغلهم رووووعه

كلفني تلميع داخلي وخارجي 550 والسياره كانت كروزر

شغل ماعليه كلام حتى يفتحون لك المكينة والمكيف وينظفون لك الموتر كأنه توه جديد من الوكالة واذا تبي يحطون لك اكياس عالكراسي بيحطون لك

والمسؤول هناك واحد اسمة Fat فلبيني ولازم تحجز قبل لاتودي موترك لان عنده وايد زحمة وضغط

وبالتوفيق

[Abdullah_89]

اخوي اسمحلي ماقدر اطرش رسايل لاني توني مسجل جديد وماكملت عدد المشاركات المطلوية

الله يسلمك اسم المكان ( الوسام لتلميع السيارات )

وانا انصحك توديله السيارة واهو يشوفها وبيكون صريح معاك على كل شي
اللي يقدر يشله بيقولك اقدر واللي مايقدر بيقولك مايقدر امييين وايد وشغلهم 100%

اما بالنسبة للرقم فأتصل بكيوتل 180 والله يعينك متى بيردون عليك واطلب رقم الوسام لتلميع السيارات في خط سلوى

ان شاء الله اكون فدتك

ولو في شي طرش لي رسالة وان شاء الله مو مقصر معاك

[ابو مشعل]

abdullah_89

ماااقصرررت والله يالذيب ..
عزيز وغاالي ..
بارك الله فيك
:)

[تايد]

أبو مشعل

أنصحك بـ الوســام

لهم فرعين :


الرئيسي: شارع سلوى


الفرع الجديد: محطه بترول اللاند مارك


وكلهم ممتازين

لكن عشان نكون واقعيين ,, ما أعتقد أنه يقدر يزيل الشموخ اللي أنت تقول عنها بنسبه 100% ,, هالشي طبعآ ممكن تتأكد منه لأني ممكن أكون مخطئ

بس ثق تمامآ انك راح تستلم سيارتك وأنت مبسوط خاصه لو سويت بوليش كامل :


خارجي


داخلي


مكينه


وعندهم خدمه (التلميع الأضافي) وهي إضافه لمعه اضافيه أو (طبقه لامعه) مثل ماسماها لي المسؤول في فرع اللاندمارك وهي أنهم يزيدون عدد المرَات

اللي يتم فيها تلميع السياره من 7 مرَات الى 12 مره تقريبآ ,, حسب كلام المسؤول يقول أن هالخدمه تحتاجها السيارات القديمه واللي عادة يكون طلائها

الخارجي باهت الى حد كبير


موفـــــق