اخشى وقوع مصيبة

[ديمه]

السلام عليكم ورحمة الله

عندي مشكله وارغب في مساعدتكم لايجاد حل مناسب لها

المشكله بدت من عند ولد اخوي عمره 14 سنه عنده تلفون جوال من فترة يجيه ازعاج على الجوال من مصري يكلمه على اساس انه بنت يقول له ياخي انا ولد يقوله المصري طيب اسمك ايه ياحلوه اذا رد عليه احد غير الولد يسكر التلفون ويتصل في الاوقات اللي الولد في المدرسة الولد تازم علم ابوه اتصل بالارقام اللي يتصل منها المصري طلعت ارقام كباين من الشارع قدم بلاغ للشرطه قالوا له اوكيه اذا اتصل مره ثانية حاولوا تتجرجرونه في الكلام لين نحدد موقعه ونقبض عليه ( جزاهم الله خير )

لكن اللي صار انه اتصل وتم الولد يكلمه نص ساعة كامله و ابوه يتصل على المركز :telephone: و يرن لين تطلع روحه ولا يرد الضابط المسؤول تخيلوا يقول للولد تعال نطلع مع بعض نتمشى ونشرب وسكي :anger1: ابوه ثاني يوم الصبح راح لهم وتهاوش مع المركز وكلم الداخلية قالوا خلاص ثاني مره اذا اتصل مره ثانيه بس دقوا علينا ولين الحين من ثلاث شهور :telephone: ما صار شي هذا يتصل و عليه الامان ولا احد سوا له شي يقولون غيروا الرقم بس هل تغير الرقم حل الحين ابو الولد خذ التلفون و بيخلي الولد يواعده في مكان وحالف ان يخليه يندم على الساعة اللي فكر يجي فيها للدوحة

بصراحة انا خايفه على اخوي :weeping: اخاف يرتكب فيه جريمه وفي نفس الوقت ابي هالحشرة يتأدب :anger1:

تكفون اللي عنده حل يسعفني به

[بويوسف]

الحل انه يلغي الخط تماما ويطلع له رقم ثاني ..

[ساعي الخير]

السلام عليكم ورحمة الله

عندي مشكله وارغب في مساعدتكم لايجاد حل مناسب لها

المشكله بدت من عند ولد اخوي عمره 14 سنه عنده تلفون جوال من فترة يجيه ازعاج على الجوال من مصري يكلمه على اساس انه بنت يقول له ياخي انا ولد يقوله المصري طيب اسمك ايه ياحلوه اذا رد عليه احد غير الولد يسكر التلفون ويتصل في الاوقات اللي الولد في المدرسة الولد تازم علم ابوه اتصل بالارقام اللي يتصل منها المصري طلعت ارقام كباين من الشارع قدم بلاغ للشرطه قالوا له اوكيه اذا اتصل مره ثانية حاولوا تتجرجرونه في الكلام لين نحدد موقعه ونقبض عليه ( جزاهم الله خير )

لكن اللي صار انه اتصل وتم الولد يكلمه نص ساعة كامله و ابوه يتصل على المركز :telephone: و يرن لين تطلع روحه ولا يرد الضابط المسؤول تخيلوا يقول للولد تعال نطلع مع بعض نتمشى ونشرب وسكي :anger1: ابوه ثاني يوم الصبح راح لهم وتهاوش مع المركز وكلم الداخلية قالوا خلاص ثاني مره اذا اتصل مره ثانيه بس دقوا علينا ولين الحين من ثلاث شهور :telephone: ما صار شي هذا يتصل و عليه الامان ولا احد سوا له شي يقولون غيروا الرقم بس هل تغير الرقم حل الحين ابو الولد خذ التلفون و بيخلي الولد يواعده في مكان وحالف ان يخليه يندم على الساعة اللي فكر يجي فيها للدوحة

بصراحة انا خايفه على اخوي :weeping: اخاف يرتكب فيه جريمه وفي نفس الوقت ابي هالحشرة يتأدب :anger1:

تكفون اللي عنده حل يسعفني به

خليه يبلّغ النيابة ويقول لهم إن مركز الشرطة تراخى في أداء وظيفته في التصدّي لهذه المشكلة الأخلاقية .

[HIGHNESS]

ياربي شهالبلاده اللي في الداخليه ... بس شادين حيلهم في المخالفات ... اظن لو البلاغات الي من هالنوع عليها فلوس كان طارو ... المهم انا اشوف بما ان الشرطه موقفها سلبي ... غيروا الرقم وفكوا نفسكم من المشاكل عد ماتدرين باجر اخوج يتهمونه بشي ويقطون البلى عليه ... الله يكون بعونكم

[tawareq]

تغيير الرقم مب الحل

لانه بيتص في اي شخص ثاني وبيزعج الناس

لكن ها الاشكال لازم تتادب وتتسنع

هذا راي

[حبر سري]

شوفي اختي

الحل انه يخلي الولد يواعده فعلا , ويروح وياه بس من بعيد لي بعيد , ولازم يكون معاه ناس , ربعه او اخوانه مثلا

وبكل بساطة اول مايجي المصري بعد مايواعد الولد ويتطمن ان كل شي اوكيه , يطبون عليه ويمسكونه , ويبلغون الشرطة انها تجي تاخذه , ودام الابو امقدم بلاغ قبل , فهالشي بيسهل المهمة

عرفتي؟ اسمعي من اخوج حبر سري

بس لايضربونه ولا يمدون يدهم عليه , كل اللي يسوونه انهم يمسكونه ويتصلون في الشرطة

اعتقد هذا احسن حل في نظري

مسألة انه الولد يغير رقمه , يمكن هذا يكون حل حق الولد وهله , طيب واذا المصري حب يلعب نفس اللعب مع ناس ثانيين؟؟

اختي انا اشوف طريقتي احسن , علشان يفتك الولد واهله اول شي , ويفتك المجتمع من شر الفاسدين

[عالم المحيطات]

.... موضوع سهل جداً,,,

نفس الموقف صار حق واحد من الربع حق الخدامة بس..

خليه يتصل على الولد ويكلمه الولد عادي , بلفيت الولد يبي يطلع معاه بس ابوه مش راضي خلي المصري يعطيه بعض الخطط حق الشرده من ابوه والولد لازم يكون منسجم معاه.. طبعا خليه الولد طبيعي يواعد المصري.. وبعدها .. العنو ام الي جابته ومسحو فيه الارض وودوه المركز..

الجهات الي بتفيدكم..
العضيد
البحث الجنائي
الامن الوقائي
جهاز امن الدولة

من خلال تتبع المكالمة واستدراج الشخص..

شرايج تعطيني رقم الولد ووعد مني اجيب راسه المصري خلال اسبوع من تاريخه

اما مراكز الشرطة بصراحه مايسون اي شي قاعدن ضرب شاي وزقارة وتلفزيون..

تحياتي

vip-99

[ديمه]

الولد هاوشه وقاله ترا احنا بلغنا الشرطة وهدأ اسبوع ما يتصل كلش يوم شاف الوضع امان رد اسوا من الاول
وبعدين اخوي ناوي له على نية ويقول ما عاد ببلغ الشرطة هو بياخذ حقه بيده مادام ما نفع القانون
اما تغير الرقم مش حل لان احسه قنبله موقوته وشر اذا ما اكان مع ولد اخوي يمكن يطيح في مساكين ويأذيهم ولا يقدرون يسوون له شي

[الجنوبي 11]

نصحيه خلو الجهات المعنيه تتولى هذا الموضوع تحاشيا لوقوع ما لا يحمد عقباه وخوفي ان هذا الحشرة يعرف اهل البيت !

[غير البشر]

يعني المصري في الدوحه ؟؟

اذا في الدوحه والشرطه مانفعوكم بشي

سوو له كمين وحلو الموضوع بنفسكم :)

يعني خلي الولد يواعده وفي ناس منتظرينه وعندكم كم عجره

وبس ينزلون له ويطيحون فيه لين يتشلخ

الله يحفضكم منه

[ديمه]

نصحيه خلو الجهات المعنيه تتولى هذا الموضوع تحاشيا لوقوع ما لا يحمد عقباه وخوفي ان هذا الحشرة يعرف اهل البيت !


لا ما يعرف البيت اخذ الرقم عشوائي

واظن انه حارس مدرسة اظن كان يسأله امور تتعلق بالمدرسة والدوام وشغلات دلت انه يشتغل في مدرسة واغلب الظن انه حارس :secret:

الله يعين الطلاب اللي يحرسهم بنات والا اولاد

يقول اخاف اكلمك من جوالي ثاني يوم الاقي نفسي في المطار

[رياني qtr]

اخ يالقهراخ لو انه مسوي هالشي مع اخوي كانت بتصير علوم :anger1:خل يواعده ورايي مايروح بروحه خل ياخذ معاه كم واحد عضلات هالشخص مفروض يكون عبرة الغيره ويخلون العقل تغني على ظهره وويهه واذا اخوك يبي الفزعة يبشر بعزه والله

[خوي الدرب]

لا لا

الحل وهو الاحل الأنسب
يمشي معه ثم يواعده وبعد اللقاء المرتقب
يسحب المصري من أفاه
ثمن يدبغ لين يقول وين اليمة
وهذا حل اقسم بالله من أفضل وأنجع الحلول مع مثل هذه النوعيات

[عذبه]

خلو الجهات الامنيه تتدخل احس وابعدو نفسكم من المشاااكل

[ديمه]

اخوي ما شاء الله يلعب كرتيه وبيقدر عليه بس اخاف يذبحه والا يكون معاه ربعه ومعهم سكاكين والا سواطير ويسوون في اخوي شي هذولا مصاروه مجرمين بالفطره خصوصا انه ماراح يعلم احد معتمد على قوته الله يحفظه

[حقيقه]

انا صارت لي قبل بس الحمدلله الله يجزا اللي ساعدني كل خير ويطول بعمره
ماحتجت اني استعين بالشرطه
:(

حاسبي لايواعده اخوتس مب زين يمكن يكون هالمصري معاه شلة مصاروه ويأذونه

بس يواعده ويكون متفق مع الشرطه يمسكونه اول مايشوفونه

:(

[ديمه]

البارحة حرق التلفون اتصالات بعد من نفس رقم الكابينه قلت بتصل بالشرطة علشان يحددون مكانه ويمسكونه خصوصا ان اخوي هاليومين مسافر رن التلفون وشالوه قلت احمدك يارب طلع موظف البدالة حولني على الضابط المسوؤل :weeping: رن لين مات مره مرتين يقول الموظف يمكن طلع شوي برا 3 ساعات الله وكيلكم لين مليت وقفلنا التلفون
الولد عطيته رقم ثاني والرقم خذيناه منه بس هال........ لازم يتأدب

[meme~qatar]

مثل ماقالوا الاخوان
تخافين يكون معاه شلة مصاروة بسواطيرهم

اسلم حل ان تتفقون مع الشرطة يكونون متواجدين في الموعد

[حقيقه]

الخوف انه يعرف البيت ويعرف الولد وين يدرس :(

[قناص 787]

شوفي اختي

الحل انه يخلي الولد يواعده فعلا , ويروح وياه بس من بعيد لي بعيد , ولازم يكون معاه ناس , ربعه او اخوانه مثلا

وبكل بساطة اول مايجي المصري بعد مايواعد الولد ويتطمن ان كل شي اوكيه , يطبون عليه ويمسكونه , ويبلغون الشرطة انها تجي تاخذه , ودام الابو امقدم بلاغ قبل , فهالشي بيسهل المهمة

عرفتي؟ اسمعي من اخوج حبر سري

بس لايضربونه ولا يمدون يدهم عليه , كل اللي يسوونه انهم يمسكونه ويتصلون في الشرطة

اعتقد هذا احسن حل في نظري

مسألة انه الولد يغير رقمه , يمكن هذا يكون حل حق الولد وهله , طيب واذا المصري حب يلعب نفس اللعب مع ناس ثانيين؟؟

اختي انا اشوف طريقتي احسن , علشان يفتك الولد واهله اول شي , ويفتك المجتمع من شر الفاسدين

اقول يالغالي والله ثم والله ان مراكز الشرطه مايسون شي اذا قطري المشتكي لكن لو اجنبي مشتكي على قطري كلام ثاني بيلاحقونه لين دوامه صدقني مافي الا انه ياخذ حقه بيده ومراكز الشرطه مامنهم فايده الواحد ياخذ حقه بيده احسن له خل يتعلمون الادب صح

[ديمه]

مثل ماقالوا الاخوان
تخافين يكون معاه شلة مصاروة بسواطيرهم

اسلم حل ان تتفقون مع الشرطة يكونون متواجدين في الموعد

بس اذا الشرطة ما سجلوا كلامه ممكن يقول انهم يتبلون علي ويطلع من السالفه وما يسوون له شي

والشرطة مبلغين عندهم وما سووا شي ووقت الحزه ما يردون على اتصالاتنا لين امصخت السالفه ويقولون ليش اتصرفون من انفسكم ماااااااايردون على الاتصالات والشخص هذا حريص يكلم من كباين صدق انها من نفس الارقام ونفس المنطقة يعني بسهوله بيصيدونه بس ما يهمهم لين تصير جريمة

[ديمه]

اقول يالغالي والله ثم والله ان مراكز الشرطه مايسون شي اذا قطري المشتكي لكن لو اجنبي مشتكي على قطري كلام ثاني بيلاحقونه لين دوامه صدقني مافي الا انه ياخذ حقه بيده ومراكز الشرطه مامنهم فايده الواحد ياخذ حقه بيده احسن له خل يتعلمون الادب صح


صحيح كلامك وكلام الاخوان الظاهر ما ينفع الا شريعة الغاب بس والله لو واثقة ان اخوي بياخذ احد من ربعه معه كان ما همني خل هالحشره يتأدب بس الحين اخاف يكون معاه احد ويأذون اخوي

ابي ينقبض عليه قبل لا يرد اخوي من السفر ويبتلي فيه لانه باختصار بيضربه لين يموت تحت يده

[دلة الرسلان]

اختي غيروا الرقم وفكوا الولد من القلق مهوب زين تخلونه يسمع كلام واحد منحرف في ها

السن الصغير الله يحفظه لكم .

[محمد افندي]

أذا ما تبون المشاكل اخذو حقكم بالشرطة ..

اما اذا تقدرون تسون له كمين و تحطون رجيلكم على طول ما راح يعرفكم .. صفقوا لين يحب الرصيف بعدين خلي اخوس يفرك لها ..

الشيء الثاني لا تنسين تسجلين مكالمات المصري مع ولدكم .. كــ دليل

[Notepad]

أختي كلمي العضيد وراح يسون له كمـين ويجيبونه اهم راح يفهمونج كل شـي

[ديمه]

اختي غيروا الرقم وفكوا الولد من القلق مهوب زين تخلونه يسمع كلام واحد منحرف في ها

السن الصغير الله يحفظه لكم .

الولد طلعنا له رقم ثاني والرقم خذيته منه كانت مره وحده كلمه بامر من الشرطة نحسب عندنا سند طلع يالله بالخير بس هو للين الحين يتصل بعد كل التهديدات ولا كانه صاير شي يتكلم عادي هو غبي يبي يكلم قطرية بس ما ينتبه للصوت ومع كل الهواش ما يهمه مصر وهالشخص خطر لو غيرنا الرقم بينشب له في احد ثاني خل اللي ما يحترم نفسه يتأدب و يذلف لبلاده
وبعدين هو يمكن يكون حارس مدرسة فتخيلوا خطره على الطلاب بنات والا بنين خطره على الجيران يقول انا تعبااااان ارحميني بأه بذمتكم الشخص موب خطر يتم في البلاد

والله اني الحين اطرش هالرد وهو يتصل على الرقم من هالرقم اللي يعرف في وين هالكبينه يقول لنا ............... اذا مسوح احط الرقم بحطه لكم

[الراقيه سبشل]

اللهم عافنا
بلاوي مايندرى من وين تيجي

[Toomy]

إذايتصل من نفس الكابينه خل يراقبون المكان و بيصيدونه.

[ديمه]

إذايتصل من نفس الكابينه خل يراقبون المكان و بيصيدونه.

من يراقب عندهم البلاغ من شهور وكل يوم نكلم الضباط المسوؤلين في المركز اللي الظاهر انهم والله العالم طلعوا كلهم عندهم مشكله بأذونهم ما يسموعون رن التلفون

[جمال النعيمي]

اختي

طرشي على خاص وعطيني تلفون والد وصير خير أن شاء الله

[الرايــق]

الحل انه يخلي الولد يواعد الرجال وبنفس الوقت يكون الاب واحد من الشرطة موجود عند الموعد بدون علم هالمصري ..
وساعتها فعلا بيندم على اليوم الللي جا فيه الدوحة بنفس الوقت بتضمنين عدم فقد أعصاب الاب وتكسير راس المصري

اعتقد هذا افضل حل ..

[خالـــــد]

اختي

طرشي على خاص وعطيني تلفون والد وصير خير أن شاء الله


كفو والله



الله يخليك اذا مسكتوه بس سو نفسكم تقبضون عليه وخلو العصا تلعب على بطنه وظهره علشان يكون عبره

و ابي صوره له بعد الضرب خلني ابرد حرتي من هالاشكال

الله يعينكم

[الرايــق]

كفو والله



الله يخليك اذا مسكتوه بس سو نفسكم تقبضون عليه وخلو العصا تلعب على بطنه وظهره علشان يكون عبره

و ابي صوره له بعد الضرب خلني ابرد حرتي من هالاشكال

الله يعينكم

الله لا يهينك اذا مسكتوه طرشولي على الخاص بجيكم اكمل عليه انا بعد :anger1:

[ديمه]

والله ثم والله لولا الخوف على اهل بلادنا من هالبطران كان غيرنا الرقم وريحنا روسنا بس نعرف اذا تغير الرقم بيدور له صيده ثانيه

[الرادار]

السلام عليكم ورحمة الله وبركاته اختي

اولا ابعدوا الولد عن هالموضوع نهائياً

ثانيا ( ذكرتي في كلامج ان الي يتصل غبي ويبغي يكلم اي وحده ،،، روحوا للتحريات وخل اخوج يكلم الضابط ويقدم بلاغ واذا قاله كلموا واخذوه بالسياسه خل يقوله ما عندنا حد ممكن نعرضه ان يسمع الكلام الجارح من قبل المتصل ،،
وعطوهم الكرت .

والمفروض ان الشرطه عندهم سواء في قسم التحريات او غيره عنصر امني نسائي ( شرطيات) تعطونهم الكرت وهم يكلمونه لين ينمسك.

كلنا شفنا في دول نفس امريكا او اوروبا ( قسم مختص للقبض على هالمنحرفين الي يحاولون اغواء الاطفال سواء بالنت او بالاتصال ،، والله يحفظكم ان شاء الله وفي كل الاحوال امنعي اخوج ان يروح يقابله بدون علم الجهات الامنيه .

[JN000N]

انتو ما عندكم حد لين كلم مركز الشرطه يضربون له سلام؟؟

شوفي حبيبتي اقلها لين كلمتوهم قولولهم عقب ما تواعدون هالمصري الدعله
وقولولهم ترى احنا بلغنا اكثر من مره ولا جفنا شي واللي بيصير ان احنا تواعدنا مع هالمصري ويا ذابح يا مذبوح وكاني بلغت وانا مب مسؤول عن العواقب اللي بتصير عقب اخرها بيوصلكم خبر هالمصري

المهم انكم تبينون لهم انكم ناوينها شر..

احنا مره واحد بتاني بغا يدوس ابوي قال بمشي عالقانون واتصل عالمركز ويوم الضابط ما عطاه ويه قاله شوف انا مب قايلك انا من لكن ان ما ياتني الدورية الحين بتلاقوني حاط البتاني تحت التاير ودايس عليه <<< وخبرج هم يخافون على فئة الاجانب ياووه 3 دوريات وخلصو عالموضوع بسرعه وفوقه ضربو له سلام:nice:

[راية الفخر]

ماعندكم سالفه الصراحه ... شاغلين بالكم مع هالمصري المينون .. يبه اخذوا شريحة الرقم وكسروها نصين وطلعوا للولد رقم ثاني وانتهت السالفه .. ليش معورين راسكم معاه .. وولدكم شكله استانس على هبالة هالمصري ومكيف عليه ولا ليش يرد على اتصالاته .. امركم عجيب ولا تزعلين ..

[CH Engineer]

انا مره صارت لي سالفه مع مقيم..
واتصلت فواحد يشتغل فالداخليه وشرحت له السالفه قالي لاتسوي ولاشي بطرشلك دوريه..
وفعلا جات الدوريه وصارت حركه من المقيم استغربت منها
وحسسوني الشرطه انه المقيم بيروح موتره الحجز وهو بيتسفر..

بعدها باسبوع
الرجال مرتاح اكثر من اول
وكفيله واو...

انقهرت شوي ونسيت..
نصيحه خلي الولد يواعده واخوج يروح له..
واذا خايفه يكون معاه حد.. خلي اخوج يروح مع عيال عمه وربعه..

وكثر الدق يفك اللحام

[hamoor4ever]

عادي يخلي التلفون يرن كلها اسبوع ابسبوعين ثلاثه بيزهق وتنتهي السسالفه

[انسان]

شوفي اختي تروحون اول شي النيابه العامه وتشرحون حق وكيل النيابه الوضع اللي حاصل وانه من 3 اشهر والمشكله مستمره وتطلبون منه انه يحل لكم المشكله بالطريقه اللي يراها مناسبه لان هذا يعتبر تحرش بقاصر يعني بياكل هوى لين يقول بس

ثاني شي يواعد المصري في مكان عام بشرط يكون مع الولد ابوه او احد اقاربه ويكون بالتنسيق المسبق مع الشرطه مدنيه لان هم اللي بيتكفلون بالباقي

وعسى ربي يفرج عنكم هذي السالفه

[شنب]

انزين ليش ما تروحون كيوتل عشان تشوفون رقمه مسجل بأسم من؟

[ديمه]

ماعندكم سالفه الصراحه ... شاغلين بالكم مع هالمصري المينون .. يبه اخذوا شريحة الرقم وكسروها نصين وطلعوا للولد رقم ثاني وانتهت السالفه .. ليش معورين راسكم معاه .. وولدكم شكله استانس على هبالة هالمصري ومكيف عليه ولا ليش يرد على اتصالاته .. امركم عجيب ولا تزعلين ..


ياهوى قطر علشان هوى قطر واهل قطر احنا ما كسرنا الشريحة تدرين ليش لان انا بنفسي والولد بعد ماهاوشناه وسبيناه وقال له الولد احنا كلمنا الشرطة يمكن يخاف وينقلع ومع هذا ما تاب وتم يتصل واذا غيرنا التلفون وكسرنا الشريحه بيدور له صيده ثانيه يمكن يكون اخوج والا ولدج والا اختج والا بنتج وبيصير لكم مثل ما صار لنا

علشان ما نكون انا ومن ورائي الطوفان احنا ما كسرنا الشريحة والا انا غلطانه
ياهوى قطر ولدنا ما يكلمه الا واحنا على راسه لا حبيبتي لا احنا مستانسين ولا ولدنا مستانس لكن النمله اذا دنا زوالها طلع لها ريش

[ديمه]

ابشركم الرجال سووا له كمين و امسكته الشرطة :victory: وبيض الله وجه كل من تدخل

وحمى الله بلادنا واهلنا من كل فاسد

[ضوى]

اختي الكريمة تم حل الموضوع عن طريق تدخل احد من اعضاء المنتدى ؟؟؟

[كركم]

حلو..بس سالفة غريبة..الخوف يكون المصري ماخذ رقم الولد من واحد من ربعه ..سالفة انه متصل على الرقم بشكل عسوائي واصراره طول المدة هذي والخساير من ورى المكالمات واذا على قولتج حارس مدرسة شكثر ياخذ؟ ياليت تعطينا شسالفةهالمنحرف عشان ناخذ حذرنا

[ضوى]

شاكرة لج اختي على التوضيح

[قطر دزاين]

الحل يمسكونه مسك اليد ويسلمونه

وها الجنسيه عاثت في البلاد بالفساد

[حليتان*]

انزين شطلعت سالفته هالمصري ؟


اخاف طلع واحد من ربعه ....انا يسون فيني جي الشباب <<يقلدون اصوات بنات :(

[**هـتــــــان**]

اختي شكلة يعرف الولد وحاط عينة علية والولد مايدري ... انا اشوف انكم تخلون الولد يواعدة ويروح ابوة معاة ومعاة حد من جماعتة ...وتادبونة وتودونة المركز ...وزين علية بلاغ من قبل .

[لـبـيـه]

اذا تهور ابو الولد واضربه كف بس كف واشتكى المصري اقولج اياها من الحين راحت

على ابو الولد 10 صفر مواطن يضرب اجنبي ياويلي ويلاه لاكن اجنبي يضرب مواطن

اتوقع فيها تسويه وتوقيع تعهد ومع السلامه

[h9466]

الافضل الولد يواعد المصري وتكون الشرطة على علم بالوقت والمكان...وهم بنفسهم بيدبروه...لكن انه والد الولد ياخذ حقه بنفسه بصراحة يمكن في لحظة غضب يعمل في المصري حاجة ويدخل بعدها في سين وجيم..

[الرادار]

ابشركم الرجال سووا له كمين و امسكته الشرطة :victory: وبيض الله وجه كل من تدخل

وحمى الله بلادنا واهلنا من كل فاسد






خلاص يقولون انمسك

[المغروره]

ليش الشرطه والامن يغير الرقم
اويطنش له اكو اتجينا اتصالات من برااا الي يبي فلوس والي يبي ويبي ولا نرد
هذيلا نصابين شافوا الولد صغير يبون يطيحونه بمشكله
تحياتي

[ديمه]

ليش الشرطه والامن يغير الرقم
اويطنش له اكو اتجينا اتصالات من برااا الي يبي فلوس والي يبي ويبي ولا نرد
هذيلا نصابين شافوا الولد صغير يبون يطيحونه بمشكله
تحياتي

صحيح اتجينا اتصالات من برا نطنش لها يوم يومين ويروحون بس ثلاث شهور ازعاج ما اظن احد يتحملها وبعدين للمره المليون اللي يزعج بهالطريقة وضارب بعرض الحائط كل القوانين ولا معتبر لا احد ولا حامد ربه على النعمه اللي ملايين من جماعته يتمناها اظن هذا اللي نوى على زواله

وابشرج طلع سوابق وعليه قضايا طلع منها لعدم كفاية الادلة والله سبحانه يمهل ولا يهمل
والا المحترمين ما يتحرشون باحد ويحترمون انفسهم

لا زم نتخلص من الانانية و نفكر في سلامة المجتمع اللي نعيش فيه و نخلي في بالنا قوله صلى الله عليه وسلم (( لا يؤمن احدكم حتى يحب لاخيه ما يحب لنفسه )) ويشهد الله سبحانه ان هدفنا مو المشاكل كثر ما هو خوف على عيالنا وعيال وبنات بلدنا من هالافات اللي تجينا من كل صوب والا ولدنا طلعنا له رقم ثاني

ودامت قطر امنه مطمئنة

[حقيقه]

الله يستر ومايطلع من هالقضيه لعدم كفاية الادله

تدرين حسيت بالذنب اني مابلغت عن اللي كان مسبب لي ازعاج قبل فتره واستمر ازعاجه لي تقريبا ثلاث شهور

الحين اكيد حصل له صيده ثانيه :(

[ديمه]

الله يستر ومايطلع من هالقضيه لعدم كفاية الادله

تدرين حسيت بالذنب اني مابلغت عن اللي كان مسبب لي ازعاج قبل فتره واستمر ازعاجه لي تقريبا ثلاث شهور

الحين اكيد حصل له صيده ثانيه :(

لا الله سبحانه طيحه في شر اعماله واحنا مسجلين له ومثل هل الناس خطر على مجتمعنا ولازم نكون اقوياء صدق احنا ما نحب المشاكل بس اذا رديتيه مره ومرتين وما خاف اعرفي ان هالانسان مجرم ولازم نخلص الناس من شره تخيلي كل مره مكلم من كابينه غير صدق بنفس الدائرة بس بعد الرقم غير لانه طبعه مجرم وحريص .

ايه اختي سلبيتنا هي اللي تشجعهم يتمادون وفي قرارة نفسه يقول يعني بزعجها شوي لين تستجيب و اقصى شي بتسويه انها يتسكر التلفون وبدور لي صيده ثانية يمكن يكون اصراره على الايقاع بها اشد واقوى من الاولى لانه تعود وانا بصراحة اكثر خوفي انه حارس مدرسة ومصيبه اذا كانت بنات وانتي تعرفين بعض الامهات ( اشباه الامهات ) لو تأخرت بنتها ما تنشد عنها ابد انا مدرسة وفيه وحده من البنات طافها الباص تمت في المدرسة لين الساعة ثلاث العصر والدوام مخلص من وحده يوم اتصلنا في الام :anger1: إلا الام راقده ولا تدري ببنتها لا وتقول ابوها بيطلع من دوامه اربع وبيمركم لو البنت ما انتبهت لها الادارة وكان الحارس هالمصري اللي مزعجنا تتوقعين ايش ممكن يصير

صدق تفكيري راح لبعيد بس بعد لازم نخاف على اعيالنا واهلنا من الكل و أي واحد ما يحترم نفسها لازم نعلمه الادب علشان ما يتجرأ على غيرنا

اسفه طولت عليكم ودمتم بسلام

[meme~qatar]

اشكرج اختي ديمة على التوضيح ع الخاص

وجزاج الله خير على الافادة

[بولينجر]

اختي ديمه عندنا نفس المشكلة بالضبط ممكن توضحين لي وش سويتوا علشان تصيدونه؟

[رياني qtr]

تستاهلين اختي وشكرا على الخبر الحلو والله كنت احاتي اخوج لايروح يضربه وهو بروحة ترى الكارتية ماتكل عيش هاليومين وهالمصري يمكن متدرب بعد على قتال الشوراع :nice:

[ديمه]

تستاهلين اختي وشكرا على الخبر الحلو والله كنت احاتي اخوج لايروح يضربه وهو بروحة ترى الكارتية ماتكل عيش هاليومين وهالمصري يمكن متدرب بعد على قتال الشوراع :nice:


تستاهل خير

هذا اللي كنت خايفه منه

اللهم لك الحمد كما ينبغي لجلال وجهك وعظيم سلطانك

[رياني qtr]

الحل يمسكونه مسك اليد ويسلمونه

وها الجنسيه عاثت في البلاد بالفساد




انشهد :nice:

[حقيقه]

ديمه قولي لنا اشلون صادوووه ؟؟

[هتـان قطر]

الحمدلله على سلامة الولد..

ويستاهل ماجاه المجرم وان شالله ياخذ جزاه

ومعكم حق في اللي سويتوه..لانه بالفعل ابو طبيع ما يجوز عن طبعة

واذا خلص منكم بيفتر على غيركم

[ديمه]

الحمدلله على سلامة الولد..

ويستاهل ماجاه المجرم وان شالله ياخذ جزاه

ومعكم حق في اللي سويتوه..لانه بالفعل ابو طبيع ما يجوز عن طبعة

واذا خلص منكم بيفتر على غيركم


الله يسلمج من كل شر

الحمدلله رب العالمين والله يكفينا شرورهم

[سهم قطري]

تساهلون السلامة بس ماقلتي لنا شلون انصاد وشاللي سويتوه عشان نعمل احتياطاتنا للمستقبل

[gamal503]

شوفي اختي

الحل انه يخلي الولد يواعده فعلا , ويروح وياه بس من بعيد لي بعيد , ولازم يكون معاه ناس , ربعه او اخوانه مثلا

وبكل بساطة اول مايجي المصري بعد مايواعد الولد ويتطمن ان كل شي اوكيه , يطبون عليه ويمسكونه , ويبلغون الشرطة انها تجي تاخذه , ودام الابو امقدم بلاغ قبل , فهالشي بيسهل المهمة

عرفتي؟ اسمعي من اخوج حبر سري

بس لايضربونه ولا يمدون يدهم عليه , كل اللي يسوونه انهم يمسكونه ويتصلون في الشرطة

اعتقد هذا احسن حل في نظري

مسألة انه الولد يغير رقمه , يمكن هذا يكون حل حق الولد وهله , طيب واذا المصري حب يلعب نفس اللعب مع ناس ثانيين؟؟

اختي انا اشوف طريقتي احسن , علشان يفتك الولد واهله اول شي , ويفتك المجتمع من شر الفاسدين

صح والله كلامك مظبوط / يروح الولد يقابله ويتفق مع اكثر من شخص وفجاءة يمسكوة
خليه يتأدب

[ديمه]

ديمه قولي لنا اشلون صادوووه ؟؟



تساهلون السلامة بس ماقلتي لنا شلون انصاد وشاللي سويتوه عشان نعمل احتياطاتنا للمستقبل




تستاهل خير اخوي

الشرطه عطونا رقم جوال نتصل عليه ونعلمهم بالرقم اللي يتصل منه حددت مكانه من الرقم اللي يكلم منه وصادوه عند الكابينه وهو يكلم:victory:

[احساس غريب]

والله قهررر بس الحمدلله صادوووه...