مع اوضد تقضيه الاجازه مع الربع

[بوسعود911]

:telephone::weeping::omg:

[العقل المدمر]

مع لو كانت السفره قصيره وهالشي ما ياثر على علاقاته باهله
اما مرتك مسكينه حرام لازم تعطيها كرت اخضر تسافر بروحها بعد ويا ربعها :)

اتغشمر :shy:

[ثرية]

لو انا لو ولد باقضيها مع الربع ونااااااااااااااااااااااااااسه بصرااحه

[ضوى]

اخوي الفاضل

حياة العزوبية وسفرات الربع المفروض انها تنتهي مع زواجك وارتباطك ببنت الناس اللي صرت لها انت الزوج والاخ والاب والحبيب ، مب غلط تقعد ويا ربعك وتسافر معاهم وتطلع معاهم ، بس الغلط انك تخلي هالشئ اساسي بحياتك ، يعني اجازة الصيف قسمها لقسمين القسم الاكبر لزوجتك سافر وياها اطلع وياها خل هالاجازة لها وبس من غير ماتضايقها او تمن عليها ، القسم الاقل خليه لربعك ، طلعات بحر طلعات بر ، سفرة قصيرة ( مو سفرة لبلدان بعيدة ومدة طويلة ) يعني اسبوع كفاية تروح تغير جو معاهم حتى ترد نشيط ومشتاق لزوجتك ولشغلك

[حليتان*]

لو عزوبي اخذ راحتك


اما انك راعي بيت وعيال اقسم الاجازة وخل الافضليه لعيالك وبيتك

[رهج السنابك]

؛

أحس انك ماطرحت هالموضوع إلا لأنك حاس بتأنيب الضمير !!

؛

وانا من رأيي يا إما انك تسفر المسكينة معك ؛ لان من حقها هي بعد تسافر وتنبسط أو انك تخليها تسافر بروحها :) اختار احد الأمرين وانت وضميرك ؛

؛

[Doha Sun]

خذ هالمسيكينة معاك تراها تستاهل

[H.Alrumaihi]

حتى لو عزوبي .. الي يدرس برع مثلي وده يرجع يقعد عند هله .. وامي الي ماشفتها من ثلاث شهور .. :(

اما المتزوج مادري .. بعطيكم رايي اذا تزوجت ..

[cobra]

عَنْ أُمِّ الْمُؤْمِنِينَ عَائِشَةَ رَضِيَ اللَّهُ تَعَالَى عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي أَخْرَجَهُ التِّرْمِذِيُّ.

انا مع الاجازات العائلية ولله الحمد والمنه

[مرتبش]

الاجازة والسفر مع الزوجة اولى
واذا في وقت اضافي سافر بروحك واسمح لها تسافر مع اهلها

[Sharshooooor]

والله المناصفة في هالامور اكيد راح تحل المشكلة

ونصيحة مني

ضبط وقت حمالها في الصيف عشان مايقدرون يركبونها الطيارة

وتحط الحجة على الخطوط القطرية وتروح انت مع الربع وزوجتك تدعي لك وتدعي على اكبر الباكر :nice:

هالمرة انا سويتها واستانست الصراحة عندي اجازة 90 يوم وماراح تسافر زوجتي معاي

اترجاها تسافر معاي بس مسكينه ماتقدر مايركبونها الطيارة :nice:

[بولينجر]

اخوي الفاضل

حياة العزوبية وسفرات الربع المفروض انها تنتهي مع زواجك وارتباطك ببنت الناس اللي صرت لها انت الزوج والاخ والاب والحبيب ، مب غلط تقعد ويا ربعك وتسافر معاهم وتطلع معاهم ، بس الغلط انك تخلي هالشئ اساسي بحياتك ، يعني اجازة الصيف قسمها لقسمين القسم الاكبر لزوجتك سافر وياها اطلع وياها خل هالاجازة لها وبس من غير ماتضايقها او تمن عليها ، القسم الاقل خليه لربعك ، طلعات بحر طلعات بر ، سفرة قصيرة ( مو سفرة لبلدان بعيدة ومدة طويلة ) يعني اسبوع كفاية تروح تغير جو معاهم حتى ترد نشيط ومشتاق لزوجتك ولشغلك
أنا مع هالراي.....

[بلوتنيوم]

اجازة من الشغل
والا اجازة من البيت والى فيه :)

الذكي يقدر يوازن الامور ويعطي الجميع حقوقهم ومايضر اي طرف
اما الغبي بيكتشف مع الايام مقدار غبائه:omen2:

[STAR]

:telephone::weeping::omg:

^
^
^
حذفك للموضوع يدل انك حاس بتأنيب الضمير والتقصير..

نعم الزوجة اولى بالسفر .. فهي شريكة حياتك ...


الله يحفظك ويهديك ويخليكم لبعض

[هسلان]

العدل زين
يعني العائلة لها نصيب الاسد فيك
والربع الطيبين لهم جانب من الحب
ويمش المركب :victory:

[حقيقه]

العدل زين
يعني العائلة لها نصيب الاسد فيك
والربع الطيبين لهم جانب من الحب
ويمش المركب :victory:


الطيبين بس

[بوحارب]

نص هنا ونص هناك

ولو كان نص الربع اكبر افضل لأنك بتكون مستانس طول الوقت وماراح تكون عليك مسؤولية حد

الأهل لازم تقوم بمسؤوليتهم كاملة من توفير كل شي لهم

اما الربع يتقاسمون المسؤوليات ومحد راح يحس بالتعب

والسفر قطعة من العذاب في كل الأحوال

يسلمو

[bunaif]

عَنْ أُمِّ الْمُؤْمِنِينَ عَائِشَةَ رَضِيَ اللَّهُ تَعَالَى عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: خَيْرُكُمْ خَيْرُكُمْ لِأَهْلِهِ وَأَنَا خَيْرُكُمْ لِأَهْلِي أَخْرَجَهُ التِّرْمِذِيُّ.

انا مع الاجازات العائلية ولله الحمد والمنه

:nice::nice::nice:

[المغروره]

اقضيهاااااااااااا وياا امي وخواتي وخووااني ان شالله لو بالبيت بس ويااهم اكون
تحياتي لموضوعج

[بوخالد911]

ويه الاهل

يستاهلووون

[الأصيلة]

فيه شباب يودون أهلهم دبي كم يوم
وبعدين يرجع يسافر مع ربعه وين مايبغي
يعني سوى اللي عليه....

وما أكثرهم...؟؟؟
مساكين هالحريم المغلوب على أمرهم...

[pure]

مع اين مادري شنو الموضوع الاساسي بس اتوقع عن اجازة الصيف , مو ؟

اذا اهو :secret:

المره تقعد كم اجازه تجس النبض وتجوف ريلها ,, اذا مو معطيها ويه ولا مو معبرها

اذا جافت انه مو معبرها :(

تسوي له بالمثل واكبر طاااااااااااف بالحياه تعطيه ,,

تأجز بنفسها مع ربعها واهلها ,,

ان شاءالله بربوع بلادي :d

اهم شي انها ترفه عن نفسها ,, واهو مشكلته :omen2:

[بوسعود911]

اخواني واخواتي اشكر لكم حسن ردودكم الطيبة وملاحظاتكم

[Google]

مافيه أحلا من السفر مع الزوجة في الصيف ولكن في الشتاء ووقت المقناص مافي احلا من الربع