!! سؤال غريب .. شنو تاكلون لما تسافرون ؟ !!

[رهج السنابك]

؛

بما اننا دخلنا فصل الصيف منذو مبطي؛

والبعض مخطط للسفر


سؤال لما تسافرون لدول اجنبية كيف تدبرون اعماركم مع الاكل؟ :(

بصراحه احنا لما نسافر نخاف ناكل اي شي لا يكون فيه " ويسكي ":secret:

لان مرة صار لنا موقف وحرمنا ناكل اي شي منيه والطريق

طلبنا ايسكريم وماكنا ندري انه مخلوط بويسكي

فسؤالي شنو تاكلون؟ هل عادي تشترون من الدكاكين الشيكولاتات والايسكريمات وغيره
طيب الكيك والفطاير؟ تاخذونها من اي محل وتاكلونها؟ حتى بدون ماتعرفون ان كان فيها دهن خنزير او خمور؟

رغم ان لحوم المسيحيين واليهود حلال لكن مدري ليه نفسي تتقرف اكل شي منها وانا عارفه انها مو مذبوحه بطريقة اسلامية يعني الدم متجمع فيها لان طريقتهم في الذبح مايقطعون الراس ويخلونها شوي يصفى الدم منها؛

طيب وان سافرتو لدولة بوذية مثلا؟ اش تسوون؟ وان سافرتوا لدولة مايعرفون انجليزي كيف تسألونهم ان كانت المخبوزات او الحلويات فيها دهن خنزير او خمور؟ :(

بالنسبة لنا السفر لدول اجنبية يعتبر مأساة في الأكل ولازم تنزل اوزاننا من قلة الاكل وخاصة من عقب موقف الايسكريم

؛

[PRINCESS]

كل مكان اسافره اكل سي فوود
الذ واصح اكل
ومايمنع اني اسال اذا اكو مطاعم عربيه
بس الشوكولا وهالسوالف؟
اشتريها وما جا ببالي الصراحه اذا فيها هالشياء او لا,
مااظن انواع الشوكولا اللي نعرفها فيها هالامور,

[غزلان]

الله يستر كلت كل انواع الأسكريمات والكيكات بالسفر ماجا في بالي اسألهم اذا فيه جلاتين خنزير او وسكي

بس بهارودز يوم اخترت كم نوع كافي قالت لي البياعه هذولا فيهم وسكي

[بولينجر]

الاجانب يدخلون الخمر وايد في الحلو والمالح.... دايما أسأل إذا الأكل فيه كحول وإلا لا.... والسمك والسي فود أسلم اختيار بالنسبة للحوم... بما إنها مذبوحة غير إسلامي..... على فكرة كيكة التيراميسو يعملونها أساسا بالخمر.... كل مكان في العالم.... لكن عندنا يسوونها بوصفة معدلة بدون خمر ما عدا الفنادق فيها خمر....
وبالنسبة للمخابز ما نشتري إلا لما نسأل عن المكونات....
أما الشوكولاته المغلفة أفضل خيار للحلو.... تقدرين تقرين المكونات.... ويوجد عندهم شوكولاته للنباتيين....

[بولينجر]

الله يستر كلت كل انواع الأسكريمات والكيكات بالسفر ماجا في بالي اسألهم اذا فيه جلاتين خنزير او وسكي

بس بهارودز يوم اخترت كم نوع كافي قالت لي البياعه هذولا فيهم وسكي



يحطون وسكي ورم بعد... ماعرفت اسمه إلا يوم كنت بأشتري آيس كريم.....

[رهج السنابك]

كل مكان اسافره اكل سي فوود
الذ واصح اكل
ومايمنع اني اسال اذا اكو مطاعم عربيه
بس الشوكولا وهالسوالف؟
اشتريها وما جا ببالي الصراحه اذا فيها هالشياء او لا,
مااظن انواع الشوكولا اللي نعرفها فيها هالامور,


؛

يوووه عاد اكثر شي يحطون فيه شحوم خنزير وكحوليات هي الشيكولاته والكيك والحلويات :weeping:

عشان جذي مانشتريها لو كان البائع غير ناطق بالانجليزية ولغة التعامل هي الاشارة لانه ماراح يفهم انا شنو قاعدة اقول له ؛؛ مع اني اخر سفرة كنت في بلد ناطقين بالانجليزية لكن اسأل البائعه هل المخبوزات فيها كحول تقول لي مدري!!

كان كل أكلنا من ماكدونالز لانه هو المطعم الوحيد اللي مكتوب عليه حلال! صج مرضنا من كثر ماناكله

[رهج السنابك]

الله يستر كلت كل انواع الأسكريمات والكيكات بالسفر ماجا في بالي اسألهم اذا فيه جلاتين خنزير او وسكي

بس بهارودز يوم اخترت كم نوع كافي قالت لي البياعه هذولا فيهم وسكي




؛

لا لازم تنتبهين اختي وتسألين لو كانوا يفهمون عليج اكيد بيقولون لج ان كان في الكيك اي كحول والفطاير لما تجيج وايد لينه وهشه ولذيذة معناها مخبوزة عدل بالكحول ؛ المشكلة كل شي يحطون فيه حتى صوص السلطات ومع طبخ الدجاج لانه يعطي طراوة وليونه ؛

يعني لو ماقالت لج البياعه ان فيه وسكي كان شريتي وانتي يا غافلين لكم الله :omg:

؛

[المغروره]

انا بصراحه اطبخ ما اكل برااااا
تحيااتي

[Gh2o]

عادي قبل لا اكل اسألهم اذا فيه كحول ولا لا

[miss-qatr]

الاجانب يدخلون الخمر وايد في الحلو والمالح.... دايما أسأل إذا الأكل فيه كحول وإلا لا.... والسمك والسي فود أسلم اختيار بالنسبة للحوم... بما إنها مذبوحة غير إسلامي..... على فكرة كيكة التيراميسو يعملونها أساسا بالخمر.... كل مكان في العالم.... لكن عندنا يسوونها بوصفة معدلة بدون خمر ما عدا الفنادق فيها خمر....
وبالنسبة للمخابز ما نشتري إلا لما نسأل عن المكونات....
أما الشوكولاته المغلفة أفضل خيار للحلو.... تقدرين تقرين المكونات.... ويوجد عندهم شوكولاته للنباتيين....

نفس كلام اخوي:)

[ورقــة أمــل]

مرة نطبخ ومرة من المطاعم حسب توافر المطبخ والادوات

[R.S.C]

فكرة كيكة التيراميسو يعملونها أساسا بالخمر.... كل مكان في العالم
بولينجر مب شرط يعملونها بالخمر لأني كلت قبل فترة من مطعم في أمريكا
ويوم جينا بنحلي انا والربع قلنا خل نسأل الموظف عن التراميسو اذا فيها كحول ولا لا كان الجواب ( مافيها )
بس هاي مايمنع ان الواحد يتأكد من المطاعم لأن يعتمد من مطعم لمطعم

الأرستقراطية أكلي من أي مطعم في الخارج عادي ولكن تأكدي إذا الأكل مطبوخ مع خمر او لا
وإذا المحتويات بدون لحم خنزير او دهن الخنزير لأن في بعض المطاعم يسوون النقانق
ويكتبون عليه beef 100% بس يكون ملفوف بلحم الخنزير :)
على العموم أنا طالب ادرس في أمريكا ودوم لما نروح مطاعم نقولهم ونأكد عليهم اننا ماناكل
لحم الخنزير وماناكل اي شي ينطبخ مع الخمر no bacon, no pork, no wine
ورحلة سعيدة ان شاء الله

[بولينجر]

بولينجر مب شرط يعملونها بالخمر لأني كلت قبل فترة من مطعم في أمريكا
ويوم جينا بنحلي انا والربع قلنا خل نسأل الموظف عن التراميسو اذا فيها كحول ولا لا كان الجواب ( مافيها )
بس هاي مايمنع ان الواحد يتأكد من المطاعم لأن يعتمد من مطعم لمطعم

الأرستقراطية أكلي من أي مطعم في الخارج عادي ولكن تأكدي إذا الأكل مطبوخ مع خمر او لا
وإذا المحتويات بدون لحم خنزير او دهن الخنزير لأن في بعض المطاعم يسوون النقانق
ويكتبون عليه beef 100% بس يكون ملفوف بلحم الخنزير :)
على العموم أنا طالب ادرس في أمريكا ودوم لما نروح مطاعم نقولهم ونأكد عليهم اننا ماناكل
لحم الخنزير وماناكل اي شي ينطبخ مع الخمر no bacon, no pork, no wine
ورحلة سعيدة ان شاء الله
صحيح اخوي مب شرط..... لكن اغلب الفنادق يسوونها بالخمر..... والنقانق كلامك صحيح عنها.... مرة شفت يلفونها ببطانة معدة او امعاء الخنزير..... والبعد عن اللحوم كليا أسلم....

[رهج السنابك]

؛

طيب لو مايفهمون انجليزي شلون نسألهم؟ :rolleyes2:

؛

[غزلان]

يحطون وسكي ورم بعد... ماعرفت اسمه إلا يوم كنت بأشتري آيس كريم.....


شنو يعني ورم:telephone:

زين نبهتوني الى اعرفه الكافي لازم اسأل اذا فيه وسكي بس الأسكريم ماجربت اسالهم

[بوخالد911]

لو شفت مطاعم عربية
بطييح فييها

لو ما حصلت


الفاست فووود

[alnoida]

؛

!! سؤال غريب .. شنو تاكلون لما تسافرون ؟ !!

؛

سؤالك ليس غريب بل في محله و وقته!!!

[البحار00]

مايبيله مكينه الطبخ بالبخار اول شيء ينحط في الشنطه

[بولينجر]

شنو يعني ورم:telephone:

زين نبهتوني الى اعرفه الكافي لازم اسأل اذا فيه وسكي بس الأسكريم ماجربت اسالهم
اسمه بالانجليزي Rum..... نوع من انواع الخمر.....
مثل هالايس كريم
http://www.haagen-dazs.com/products/product.aspx?id=123

[ضوى]

انا بالسفر احب اكل من المطااعم وبشكل كبير احب اجرب كل شئ
واللي لاحظته باوروبا هم اللي ينبهون علينا ترى هذا فيه واين او خنزير ماقصروا والله ، وهالشئ لاحظته اكثر شئ في النمسا وسويسرا وايد حريصين من هالناحية خاصة واحنا متحجبات ويبين علينا مسلمات
اما في لندن فالامور سهالات ولا يهمهم اكلت حلال والا اكلت حرام ، احب اكل السي فود اكثر شئ ببلدان اوروبية ومطاعم الحلال الله مكثرها ماتوهقنا من هالناحية ابدا والحلو اللي كانوا عيالي ياكلونه يسالون اذا حلال والا لا تعلموا ويارب مايدخل جوفنا شئ حرام يارب

اما اني اقعد اوسوس واطبخ في الشقة لا يبه انا رايحة استانس واسترخي اروح اطبخ

[غزلان]

اسمه بالانجليزي Rum..... نوع من انواع الخمر.....
مثل هالايس كريم
http://www.haagen-dazs.com/products/product.aspx?id=123


جزاك الله خير على التنبيه

دايما اسئلهم بأسم Wine من اليوم بضيف RUM

[بولينجر]

جزاك الله خير على التنبيه

دايما اسئلهم بأسم Wine من اليوم بضيف RUM


هو خمر (wine) ايضا مب شي غير عن الخمر... لكن لو قريتي انه موجود في مكونات الحلويات والايس كريم...... مثل الويسكي يعني..... اسم مختص بنوع من الانواع.....

[سفير قطر]

كل شئ ناكلة و نشربة

[بدوي]

جزاك الله خير على التنبيه

دايما اسئلهم بأسم Wine من اليوم بضيف RUM



اختي الـ Wine

نوع من انواع الخمور

ممكن يعطيج اكله فيها نوع آخر من الخمور غير الـ Wine

شامبانيا او فودكا ..... مثلآ

فـ أحسن لج قولي لهم

Without Alcohol

بجميييع انواعها وكان الله غفور رحيم :nice:



لحد يظن ظن السوء :eek5:

ترى والله العظيم ماشرب :weeping:

لكن السفر يعلم ترى :nice:

[شعنونة قطر]

هههه بدوي لاتخاف هالافلام ماخلت شي




صادفه اختي اللي قالت في اوروبا يعطونج خبر اذا فيها دهن خنزيرر او خمر

[koketa]

انا اكل معجنات واجبان وخضار وفواكهه



يعني اقاطع كل اللحوم ما عدا الاسماك لان ما اضمن ان الذبح حلال

بالنسبه للايس كريم والشكولاته اسألي البائعه عن نوع يكون خالي من الكحول

وبس

[غزلان]

اختي الـ Wine

نوع من انواع الخمور

ممكن يعطيج اكله فيها نوع آخر من الخمور غير الـ Wine

شامبانيا او فودكا ..... مثلآ

فـ أحسن لج قولي لهم

Without Alcohol

بجميييع انواعها وكان الله غفور رحيم :nice:



لحد يظن ظن السوء :eek5:

ترى والله العظيم ماشرب :weeping:

لكن السفر يعلم ترى :nice:


--

ماشاء الله عليك وذاوت الكحول احسن حل ..راح عني هالشي:nice:

ولو محشوم عن الشرب اخوي

يسلموا كتييييير

[Rashid554]

وقت السفر ماناكل الا من مطاعم عربيه في مناطق عربيه او مطاعم الفاست فود
والافضل طبعا فاست فود كنتاكي يمي يمي يمي

[الخير كله]

اقول بسم الله واكل من اكل الاجانب لان المطاعم العربيه كلها دهن بدهن..خاصه الاتراك

من اسبوعين خذت كيك طلع على خمر وحده اتقول قولي بسم الله واكليه خخخخخخخخخ

ما لها حل:eek5:

[wadha-qa]

-السي فوود ..

- الوجبات النباتيه ..

- و دايما قولي لهم بدون الكحوول ..

[fa6ma]

اوه شكثر كلنا بالغلط خصوصن الحلويات

اسالي اذا شكيتي بالاكل

وعادتن الاكل الي فيه خمر اتحسينه محمض وريحته خاايسه عفن يعني

ولحم الخنزير معروف شكله يبين
واكيد اكيد دايما اسألي قبل لاتاكلين

[fa6ma]

اقول بسم الله واكل من اكل الاجانب لان المطاعم العربيه كلها دهن بدهن..خاصه الاتراك

من اسبوعين خذت كيك طلع على خمر وحده اتقول قولي بسم الله واكليه خخخخخخخخخ

ما لها حل:eek5:


ههههههههههههههه عجيبه والله

بس مايهياج قلبج انج تاكلين اصلن اتلوع جبدج
لان يكفي ريحته المعفنه
له ريحهه مميزه في الاكل

[R.S.C]

في عصاير كثيرة بعد تكون مع خمر مثل عصير مارقريتا
وممكن يسووونها لج بدون خمر اذا قلتي لهم مثلا فيرجن مارقريتا
ولقدر الله شربتي عصير وحسيتي انه يحرق المعده << بيكون فيه نوع من الخمور

[ريان]

على فكره اكثر اطباق --السي فود-- تقدم مع Red Wine

لازم تسئلونهم عن هذا الشي

[Ginger]

عاد انتوا سالو قبل ما تاكلون .. مب تاكلون وبس

وعااادي احنا في اوروبا كانو البياعييين يقولون لنا هذا فيه خمر وفيه خنزير ولا مقلي بخنزير

وكل ما اروح مكان خاطري بتيراميسو يكون فيه خمر ورم لانه اساس الخلطه خخخ

وبالنسبه للدجاج واللحم انا سمعت العريفي يقول يصير تاكلون ( اكل المسيح واليهود)

كل يوم ماكدونالدز لين انفجرنا ... وفيه مطاعم تركيه وعربية شكثر

[Ginger]

وللعلم السي فود احيانا ينقلى بزيت خنزير اولهم نورد سي هههههههه يعني لحد يقول السي فود مافيه شي

[@north_star@]

اكلات بحريه وسلطات

[رهج السنابك]

؛
مو هذي هي المشكلة ان حتى السي فود ممكن يتنقع مع شوية خمر وينقلي بدهن خنزير }} لاعب جبدي

؛

وحتى الحلويات والايسكريم والمعجنات والخبز كلها ممكن تكون فيها خمور او خنازيروو :(

ومو شرط يبين الطعم انه معفن لو كان الطعم معفن على قولتكم ماكان الناس تقبلت تاكله ؛

وحتى الفاست فود اشك ان الشيبس او البرجر مقلي بدهن خنزير او الجبن يكون معمول بمنفحة خنزير

عاد اهم يموتون على شي اسمه خنزير .. وفعلا طعم لحمه الخنزير لا تقاوم لذيذة وطرية جداً }} ماذقته بس اسمع


بس صراحه من خلال هالموضوع اكتشفت ان فيه ناس تاكل اي شي وماتفكر بالحلال والحرام كنت متوقعه انا بس متوهقه اثاري اصلا الناس ماتفتكر بهالموضوع ولا على بالها ؛ الله يهديكم لازم تتأكدون

بس الورطه الكبيرة من الدول غير الناطقة بالانجليزية ماراح يفهمون علي؛

[Ginger]

الارستقراطيه

انصحج تسمعين العريفي لما ساله واحد عن الاكل في الخارج

قاله لا تركز على كل شي

قاله اذا شفت ان هذا لحم الخنزير اشكره قدامك لا تاكله ولا تركز في شنو هذا مقلي ولا تقرا خريطة الشبس تشوف مكوناته اذا في شحم خنزير ولا غيره

ترا حتى بعض الاكل اللي يوصل البلاد الله يعلم اذا فيه خنازير ولا !!

يعني اذا شفتي لحم خنزير لا تاكلينه

انزين اشدراج ان الدجاج ينذبح ذبح اسلامي ؟؟؟؟ العريفي قال يجوز ناكل الدجاج واللحم هناك


واذا انتي وايد تفكرين لا تسافرين حبيبتي لانج بتتعبين :)

[رهج السنابك]

الارستقراطيه

انصحج تسمعين العريفي لما ساله واحد عن الاكل في الخارج

قاله لا تركز على كل شي

قاله اذا شفت ان هذا لحم الخنزير اشكره قدامك لا تاكله ولا تركز في شنو هذا مقلي ولا تقرا خريطة الشبس تشوف مكوناته اذا في شحم خنزير ولا غيره

ترا حتى بعض الاكل اللي يوصل البلاد الله يعلم اذا فيه خنازير ولا !!

يعني اذا شفتي لحم خنزير لا تاكلينه

انزين اشدراج ان الدجاج ينذبح ذبح اسلامي ؟؟؟؟ العريفي قال يجوز ناكل الدجاج واللحم هناك


واذا انتي وايد تفكرين لا تسافرين حبيبتي لانج بتتعبين :)


؛
من يوم كنت طفله في المدرسه ادري ان ذبائح غير المسلمين من يهود ونصارى يجوز اكلها ؛؛
اما سالفه اني ما اركز هذي لازم ابحث في الموضوع اكثر واتاكد انه فعلا المفروض اكل على عماي
؛

[FAUCHON]

اغلب الدول فيها مطاعم عربيه الحين

وحتى لو اجنبيه بتلقين كلمه " حلال " مثل مطاعم لندن

[باراكودا]

سمك فقط ...............مع صاموني من مخابز الرغيف الساخن يكفيني أسبوعين .

[الخير كله]

امس كلنا خنزير ....

الله المستعان الحمد لله تنبهنا من اول لقمه ....

يععععععع

[حياة]

نسئلهم اول وهم بعد ترى متعاونين واااااجد

[ضوى]

امس كلنا خنزير ....

الله المستعان الحمد لله تنبهنا من اول لقمه ....

يععععععع

اعوذ بالله

اشلون تنبهتي اختي مبروكة ؟؟

[بوحارب]

اول شي عده الكرك لازم معاي في الشنطة

والأكل اي شي ماعندي مشكلة

[بوخالد911]

امس كلنا خنزير ....

الله المستعان الحمد لله تنبهنا من اول لقمه ....

يععععععع

اشلوون عرفتي؟:eek5::omg::eek5:

[Chambray]

ماكدونالدز وكويك :)

[الخير كله]

اعوذ بالله

اشلون تنبهتي اختي مبروكة ؟؟
والله مجرد شك لان السلامي اللي كان فوق البرغر لونه شبه وردي لو هم محمرينه زين...(ما ابي اذكر للحين نفسي تحوم منه)...
سألت الويتر قلت له هذا فيه خنزير
قال الاهو خنزير
سيده على اللعين اللي ياخذ الطلبات قلت له انا يوم اطلب منك ما قلت لك لا تحط خنزير هذا شنهو...:anger1::anger1::anger1:
بس اتصدقين ان كل الزباين حسيتهم مستليمين وجان يعطونه العين الحمرا مع انهم كفار ...
حسبي الله عليه

[الخير كله]

اشلوون عرفتي؟:eek5::omg::eek5:
:weeping::weeping::weeping:
سألت الويتر

[qtrose]

بالنسبة لي قد ما اقدر أدور على المطاعم الي تقدم الأكل الحلال ،

من النت يا عن طريق جوجل إيرث، أو البحث بالمحرك وأكتب عناوينهم

واحتفظ فيهم علشان ما أتوهق لما أكون هناك....

واتجنب المطاعم الثانية وخصوصاً الإيطالية لأن أغلب أكلاتهم فيها

خمر :rolleyes2:، ونصيحة مني للي بيسافرون أوروبا وأمريكا

تجنبوا مطاعم البيتزا ، لأن اللحوم الي يضيفونها للبيتزا أغلبها خنزير

وحتى لو طلبتوا بيتزا بالخضار ، تلاقون طعمها غريب !! خبركم نفس

القطاعة يستخدمونها لكل أنواع البيتزا!!!

ونصيحة ثانية اذا في مجال تطبخون في الشقة يكون أفضل وسلامتكم :)