التقطير في الجهات الحكومية والشبة الحكومية والجهات الخاصة

[Abdullah_89]

ابي اتكلم عن موضو التقطير
نسمع ان في تقطير للوضايف لكن للاسف كلام من غير فعل

وايد قطريين مو لايقين شغل وكفاءة وشغلهم احسن من غيرهم


انا عن نفسي عندي فالشغل لما يجينا كتاب تفنيش لتطبيق نظام التقطير سبحان الله المدير مادري شلون يغير الموضوع بكبرة ويمشيه ولا كأنه شي صاير

انا سنتين وماشفت ترقيه وراتبي يادوب يكفي
والموظفين اللي يجيبونهم من برع ياخذون دبل راتبي ومايشتغلووون :rolleyes2:

ابي اعرف رايكم فالموضوع :weeping:

[Sharshooooor]

ابي اتكلم عن موضو التقطير
نسمع ان في تقطير للوضايف لكن للاسف كلام من غير فعل

وايد قطريين مو لايقين شغل وكفاءة وشغلهم احسن من غيرهم


انا عن نفسي عندي فالشغل لما يجينا كتاب تفنيش لتطبيق نظام التقطير سبحان الله المدير مادري شلون يغير الموضوع بكبرة ويمشيه ولا كأنه شي صاير

انا سنتين وماشفت ترقيه وراتبي يادوب يكفي
والموظفين اللي يجيبونهم من برع ياخذون دبل راتبي ومايشتغلووون :rolleyes2:

ابي اعرف رايكم فالموضوع :weeping:



هم قصدهم التقطير على القطريين :weeping:

واذا عن الامثلة ترى وايد وصدقني في هيئة حكومية ارفقت كشف بتفنيش قطريات
مادري كم عددهم الصراحة وقاموا يستقدمون اجانب من برى جدد
مع العلم ان القطريات خبره في هالمكان

الله كريم

[Abdullah_89]

والله حرام اللي قاعد يصير

المفروض القطري والقطريه مايتفنشون

[سيف العشق]

ياخوك لاتقطير ولابطيخ

انا مسؤول في الشؤون الاداريه وقبل سنتين جانا نفس الكتاب وصدقني سوينا مقابلات

فيه شباب يقولون العرض شوي لأنهم جايين من وزارات ثانيه

وفيه شباب مخلصين الثانويه ويقولون المعاش شوي

وبخصوص البنات اغلبهم يوافقون

عرضت على لجنة شؤون الموظفين 80 قطري وقطريه عشان يمشونهم

وبعدها تبدل المدير وجا مدير جديد وحذف كل الطلبات ووظف اجانب وبخصوص القطريين

قال اطلبوهم مره ثانيه خلونا نشوف يعني بالعربي ماراح نوظف الا اللي نبيه

[La Bella]

الله كريم

[المغروره]

لاتقطير ولاشي
ابشرك شوف الي بصير مع الوزير الجديد الله يستر بس
بنتم دووم ع الهامش والاجانب مثل الطيور

[Abdullah_89]

اخوي سيف العشق

اي والله صادق في كلامك

الله يعين

انزين ماتبي تاخذ الcv مالي تراه يبيض الويه :)

[Abdullah_89]

La Bella

الله كريم

[هسلان]

تقطير تقطير:con2:
كنها مرة علي هالكلمة
لكن للأسف ما درسناها في المدرسة
ياليت المسؤولين يفسرونها لنا أيش تعني هالكلمة :rolleyes2:

[لمعة الالماس]

حسبي الله ونعم الوكيل

الله ع الظالم

واتمنى تكون في مصداقية بالنسبة للتقطير والتوظيف والرواتب يا يوحدونها مع الاجانب والا يشوفون لهم حل

[Abdullah_89]

التقطير كلام فاضي ماله أساس

يجيبون ناس من برع ويوظفونهم مكان القطري

مثال على ذلك : الأجنبي يستحق سيارة وبيت لا وبترول ببلاش اما القطري يادوبك 1500 ريال بدل كل شي

الله كرييييييييييييييييييييييييييييييييم

[واقعي وصريح]

بصراحة بنك قطر الوطني يطبق سياسة التقطير بحذافيرها

[Abdullah_89]

واقعي يطبقها واهم المدير العام اجنبي

وين قاعدين

ماأقول الا حسبي الله ونعم الوكيل

حتى الاجانب صاروا يشوفون نفسهم علينا

والله اللي يبي يجي المكتب عندي يشوف شقاعد يصير فيني

قسم بالله انا الوحيد القطري في طابق فيه تقريبا 75 موظف

لا هاي يقولك البنك عندهم تقطير وانا صارلي سنتين على نفس الراتب والاجانب راتبي كامل يعادل بدل سياره ولا بدل سكن

حسبي الله ونعم الوكيل

[طلعة الروح]

يهمل ولا يهمل

تعب القلب وهو يشتكي

وبعدين يقولون ليش القطريين يشردون من الدوام ولا ما يتمون على وظيفه وحده من الهنا اللي شايفينه طبعا

[كيفـي]

شعارات رنانة.. ولو حصلوا بديل أجنبي خذوه براتب اضعاف راتب القطري..

والقطري الميزانية ماتكفي له.. ومافي وظائف شاغرة..

وهنيالهم الأجانب.. محظوظين في بلد ينادي بعكس الواقع..

[UM.Rashid]

تقطير

اكثر من 7 مقابلات

وكلهم بنكلمك قريب ان شاء الله

واول مقابله مره عليها فوق ال10 شهور

وبعدين نكتشف وظفو اجانب في المنصب

في كل مكان ماشي التقطير لكن ماشي بشكل عكسي

وهو التنقيص بالقطريين وليس زياده عددهم

الله يعين بس

[Google]

أنا بتكلم عن المؤسسات الشبه حكومية أو بالاحرى الشركات وخصوصا شركات النفط والغاز مثل راس غاز , قطر غاز, بيرل , دولفين, اوريكس , اوكسيدنتل ,,,,, الخ , هالشركات يقولون نعمل على تقطير 60% من العدد يكون للقطريين ثم نتفاجاء بأن الستين في المائه اكثرهم بنسبة 85% يكونون operator و Assistance Operator هذا ومن غير السكورتيه وطلبة التدريب . وعدد المهندسين قليل والأداريين الكفوء قليل . هذا حال الشركات الكبيرة فما تتوقع في الوزارات ؟؟؟ على الدنيا السلام

[المغروره]

يهمل ولا يهمل

تعب القلب وهو يشتكي

وبعدين يقولون ليش القطريين يشردون من الدوام ولا ما يتمون على وظيفه وحده من الهنا اللي شايفينه طبعا
والله انك صااج حتاا تعبت نفسياا وقلبي تعب....الله يكون بعونا

[بدون]

القطري ينهري شغل و إذا غلط اعتفس الويه عليه
و الأجنبي له الضحكة العريضة و الغشمرة و الراتب غلط و لا ما غلط
لكن الحمد لله على كل حال
الله يمهل و لا يهمل