ايران ؟؟؟؟؟؟؟؟؟؟؟؟؟؟؟؟؟من قد ذهب لها؟

[الصريحه]

السلام عليكم
ابي اروح ايران بس مااعرف وين اروح خصوصا احنا عائله وعندتا طفل عمره سنه
وها فيه اختلافات عقائديه بتصير لي لاني البس النقاب وزوجي ملتحي اخاف يحصل شيء لللي يعرف ياليت يرد علي بسرعه
ابي اروح شمال ايران يمدحون الاماكن الطبيعيه فيها

[دوحة الجميع]

خلك من إيران وروح ماليزيا أحسن مكان للسياحة للملتحي والمنقبة
وهذا الرابط الخاص للسياحة في ماليزيا :
http://www.daleel-malaysia.com/

[ضوى]

والله يا ان ايران احلى من ماليزيا الف مرة كفاية مافيها بوذيين ولا صينين واكلهم حلو وباردة وترد الروح

توكل على الله شمال ايران رووووعة وتاخذ لك نص ساعة من طهران الا انت بمكان ثاني عالي فوق

حلوووووووووو وكل شئ طبيعي ويرد الروح بس العاب انسى مافيها الا الطبيعة واكلهم روعة

[الصريحه]

خلك من إيران وروح ماليزيا أحسن مكان للسياحة للملتحي والمنقبة
وهذا الرابط الخاص للسياحة في ماليزيا :
http://www.daleel-malaysia.com/

جزيت خير لكن زوجي مصمم على ايران علشان يبي البرد والطبيعه وانات ماامانع لكن اخاف يكونون عنصريين او متعصبين او عندهم مثل مانعرف معتقدات خاطئه عن السنيين واجر اذيتهم او قتلهم
وشكرا

[الصريحه]

والله يا ان ايران احلى من ماليزيا الف مرة كفاية مافيها بوذيين ولا صينين واكلهم حلو وباردة وترد الروح

توكل على الله شمال ايران رووووعة وتاخذ لك نص ساعة من طهران الا انت بمكان ثاني عالي فوق

حلوووووووووو وكل شئ طبيعي ويرد الروح بس العاب انسى مافيها الا الطبيعة واكلهم روعة

بس شلون مع الاطفال لاني سمعت انها بدائيه الخدمات في الشمال
فماادري عن المطاعم ونظافتها واذا فيه محلات كافيه لمسلزمات الاطفال من حليب وخلافه
وشلون الصرف سمعت مافيه فيزا صعبه الواحد يتمشى بفلوسه؟؟؟؟؟؟؟؟؟؟؟؟

[ضوى]

بس شلون مع الاطفال لاني سمعت انها بدائيه الخدمات في الشمال
فماادري عن المطاعم ونظافتها واذا فيه محلات كافيه لمسلزمات الاطفال من حليب وخلافه
وشلون الصرف سمعت مافيه فيزا صعبه الواحد يتمشى بفلوسه؟؟؟؟؟؟؟؟؟؟؟؟

شوفي هي ملاهي وحيدة بطهران وديناهم وكانت جدا بدائية ، المطاعم نظيفة الصراحة والاكل

لذيذ ، بالنسبة لمحلات الاطفال حليب وهالاشياء الموجود صناعة ايرانية فقط ، والافضل تحطين

لج شنطة فيها كل اللي تحتاجين للطفل حليب اكل اطفال ، لا تعتمدين على صناعتهم يمكن ما

تتحملها معدة الطفل ، فيزا مافي ، بس في صراف الي في طهران في الشمال لازم كاش اعملي

حسابج بمبلغ كبير يعني 10000 ريال قطري للسكن والاكل والفسحات والسيارة اتوقع تكفي

بجد ماتذكر كم اخذ علينا بس كنا عيلة كبيرة انا وزوجي وعيالي 3 واختي وعيالها 4 ، اجرنا

فان من طهران وكان معانا طول سفرتنا يعني صج ارتحنا من العبالة والشقلة والتكاسي شوفي

يعني احنا ماكثرنا اعتقد 30 الف ريال مب اكثر والهل مب متذكرة ، رحنا منطقة في الشمال

اسمها غالرداش في جيلان حلووووووة وروعة ، ورحنا بحر جيلان روووعة كان فيه وقت

للحريم صج وناسة ، غير هذا ايران مافيها شئ يسوى بس الطبيعة جنان وباااردة

[وحيد-الشوق]

ايران حلوة وفي نفس الوقت مب حلوة << انا مازرتها بس فكرت مع واحد من الربع نزورها اذا صار نصيب

البلد بدائية كثير وحياتهم بسيطه حتى مطارهم تعبان عندهم اماكن حلوة خصوصا شمال ايران الطبيعة هناك رووعة جبال وخضره وجو حلو وفي الشتاء درجات الحرارة توصل لتحت الصفر وفي مكان يستحق الزيارة مغارة علي صدر واصفهان اسمع انها حلوة :telephone:

المشكلة الكبرى عائق اللغة الشعب مايعرف لاعربي ولا انجليزي يمكن في الفنادق يعرفون انجليزي وفي شيء ثاني بعد اكيد الكل يعرفه ...... :secret:

غير هذا البلد رخيصة وحلو الواحد يزروها للتغيير لكن في دول افضل منها :)

[الصريحه]

ايران حلوة وفي نفس الوقت مب حلوة << انا مازرتها بس فكرت مع واحد من الربع نزورها اذا صار نصيب

البلد بدائية كثير وحياتهم بسيطه حتى مطارهم تعبان عندهم اماكن حلوة خصوصا شمال ايران الطبيعة هناك رووعة جبال وخضره وجو حلو وفي الشتاء درجات الحرارة توصل لتحت الصفر وفي مكان يستحق الزيارة مغارة علي صدر واصفهان اسمع انها حلوة :telephone:

المشكلة الكبرى عائق اللغة الشعب مايعرف لاعربي ولا انجليزي يمكن في الفنادق يعرفون انجليزي وفي شيء ثاني بعد اكيد الكل يعرفه ...... :secret:

غير هذا البلد رخيصة وحلو الواحد يزروها للتغيير لكن في دول افضل منها :)

انشاءالله الله يكتب لنا اللي فيه الخير

[سفير قطر]

صيد لك واحد من قطر ايراني دليلة و روح معاة بتستانس

[ولد النوخذة]

ايران حلوه ويحتمون الناس فيها ويحترمون الملتحي والمنقبه واذا لك خاطر ابعث لك رقم سايق يتكلم عربي ممتاز وامين

[jassem777]

السلام عليكم
ابي اروح ايران بس مااعرف وين اروح خصوصا احنا عائله وعندتا طفل عمره سنه
وها فيه اختلافات عقائديه بتصير لي لاني البس النقاب وزوجي ملتحي اخاف يحصل شيء لللي يعرف ياليت يرد علي بسرعه
ابي اروح شمال ايران يمدحون الاماكن الطبيعيه فيها

السلام عليكم

اقسم بالله ذبحتكم بيزه

نصيحه من اخ ابعدي عن ايران لو يدفعون السفره بلاش

والله لي صديق راح لايران وانذبح فيها ولا عنده اي خربطه او شيئ من هذا القبيل

تكفين لاتروحين

[الصريحه]

صيد لك واحد من قطر ايراني دليلة و روح معاة بتستانس

ههههههه
اخاف يقولون خاطفينه

[الصريحه]

ايران حلوه ويحتمون الناس فيها ويحترمون الملتحي والمنقبه واذا لك خاطر ابعث لك رقم سايق يتكلم عربي ممتاز وامين

شكرا ياليت .

[الصريحه]

السلام عليكم

اقسم بالله ذبحتكم بيزه

نصيحه من اخ ابعدي عن ايران لو يدفعون السفره بلاش

والله لي صديق راح لايران وانذبح فيها ولا عنده اي خربطه او شيئ من هذا القبيل

تكفين لاتروحين

بسم الله لهذي الدرجه خوفتني
ليش احنا مسلمين واهم بعد
انت متاكدوليش اذبحوه؟؟؟؟؟؟؟؟؟؟

[بوخالد911]

هلا

لا تترددين

لو اخترتي ايران
خلاص
اعقليها وتوكلي

من طبعي ما حب اسئل واايد



للعلم ما رحت ايران

بس يمدحون شمالها

ززوري موقع : منتدى المسافرون العرب

تلاقين بعض التقارير

مووفقييين

[شعنونة قطر]

موفقه بس نبي تقرير حلو لاتنسينا

[Ţ σ σ t]

السلام عليكم

أختــي تجننن شمال أيران سبحان الخالق زرناها بس من فتره طويله يمكن 7 سنوات

وشعبها فقييير جداً لدرجة انها مابيهتم يتلفت عليكم

واذا عن العقائد فكلنا مسلمين وايران فيها يهود ومسيح وكل الديانات انتي موعامله شي توكلي على الله

وصدقيني بتستانسين بس لازم يكون معاكم دليل عشان اللغه يعني ...

وبالتوفيق يآرب ..

[سهم بن سهم]

ايران بلد جميل ومضياف وشعب عاطفي وكريم وبلد من اروع البلدان من جمال الطبيعة والجو العليل كانك في لبنان او ابها وخصوصا مناطق الشمال واقليم مازندران في الصيف ولا اروع .

ماعليك من اي كلام ينقال عن ايران وايران مثل تركيا وسوريا ومصر وغيرها من البلدان فيها الردي والزين وهذي طبيعة البشر ولكن في المقابل مافي اي مشكلة بالنسبة للمتدين بالعكس لباسهم مستور ومافي اي خرابيط في الشوارع من تفصخ وغيره ولا في ديسكوات ولا مراقص والبد زينه والسوق فيها حلو الاشياء رخيصة السعر والفنادق زينه ولكن مش نفس فنادق قطر شوي مستواها متدني يعني 4 نجوم وثلاث نجوم ولكن نظيفة ومحترمه والسبب لان البلد بعد الثورة كانت في حرب مع العراق وعليها حصار من الشركات الاجنبية وهي مقاطعة شركات الفنادق العالمية لانها امريكية علشان جذي شركة الفناقد الايرانية هي اللي تتولى ادارة الفنادق وهناك فنادق حلوه في طهران وزينه سعرها معقول تقريبا .

الحدائق واماكن التسلية موجوده في طهران للاطفال مثل حديقة الشعب ومدينة الالعاب وحديثة ارم وهناك الكثير من المطاعم والجلسات الحلوه هناك .

الخطوط القطرية تطير الى طهران العاصمة يوميا وافضل اي واحد ياخذ الخطوط القطرية احسن شي ساعة ونص انت في طهران من الدوحه .

اغلب عوائل الخليج يروحون طهران في الصيف واحسن تروح شمال طهران في الصيف حيث الجو الحلو والمناضر الطبيعية

لازم تاخذ تاشيرة من السفارة الايرانية في قطر بالنسبة للقطريين وتدفع رسوم تقريبا 250 ريال على كل جواز سفر .

بالنسبة للفلوس تحمل معاك دولارات وتاخذ كاش لان البطاقات الفيزا والامريكان والماستر غير مقبوله هناك .

اي استفسار بخصوص ايران انا حاضر وفي الخدمة

واي شي تبغي من هناك آآآآمر وانا خوك

تعال لي خاص

[sara jsm]

صباح الخير اختي ,,
بخصوص ايران ,, ماراح تحسين فيها انج غريبة ,,
لانج راح تلقين وايد ناس من الكويت وعمان والسعودية فيها ,,
وخاصة بالصيف ,, ولاتحسبين مايعرفون عربي كلش ,,
ترى سياحهم من كل البلاد العربية والاجنبية ,, يعني عندهم خلفية ولو بسيطة ,,
ماراح تكلفج السفرة وايد ,, خذي معاج عمله ايرانيه ,,
اظن المليون الايراني = 4000 ريال قطري ,, وتنصرف على شيكات بو100 الف ,,
او النقدي بو 1000 و 2000 تومان ,,
واظن الالف تومان = 4 ريال ,,
:
وبخصوص ولدج ,, خذي كل اغراضة معاج من هني ,,
الشامبو والصابون \ الحليب \ الغيارات \ وحتى الادوية ,,
لان مع تغير الجو راح يمرض طبيعي هالشي ,,
:
والاكل دايما نظيف خاصة لو طلبتي سوالف المشاوي والعيوش ,,
اظن اغلبنا جربه في الدوحة ,, لكن طعمه هناك الذ بوايد ,,
وانصحج تجربين الايس كريم اللي عندهم شي خيالي ,,
:
اختي دامكم بتروحون توكلوا على الله ,,
وتوقعوا انه راح ينقص عليكم ,, خاصة بسوالف الاسعار ,,
نفس باقي الدول العربية ,, حق الخليج تسعيره غير ,,
:)

لاتنسين تاخذين معاج كاميرا فيديو ,,
لانج راح تشوفين مناظر ماراح تتكرر ,, :victory:
وبالسلامة ان شاءالله ,,

[الصريحه]

موفقه بس نبي تقرير حلو لاتنسينا

اي تقرير وهو يقول ذبحتنا ببيزه شكلنا ينغير مسار الرحله

[الصريحه]

صباح الخير اختي ,,
بخصوص ايران ,, ماراح تحسين فيها انج غريبة ,,
لانج راح تلقين وايد ناس من الكويت وعمان والسعودية فيها ,,
وخاصة بالصيف ,, ولاتحسبين مايعرفون عربي كلش ,,
ترى سياحهم من كل البلاد العربية والاجنبية ,, يعني عندهم خلفية ولو بسيطة ,,
ماراح تكلفج السفرة وايد ,, خذي معاج عمله ايرانيه ,,
اظن المليون الايراني = 4000 ريال قطري ,, وتنصرف على شيكات بو100 الف ,,
او النقدي بو 1000 و 2000 تومان ,,
واظن الالف تومان = 4 ريال ,,
:
وبخصوص ولدج ,, خذي كل اغراضة معاج من هني ,,
الشامبو والصابون \ الحليب \ الغيارات \ وحتى الادوية ,,
لان مع تغير الجو راح يمرض طبيعي هالشي ,,
:
والاكل دايما نظيف خاصة لو طلبتي سوالف المشاوي والعيوش ,,
اظن اغلبنا جربه في الدوحة ,, لكن طعمه هناك الذ بوايد ,,
وانصحج تجربين الايس كريم اللي عندهم شي خيالي ,,
:
اختي دامكم بتروحون توكلوا على الله ,,
وتوقعوا انه راح ينقص عليكم ,, خاصة بسوالف الاسعار ,,
نفس باقي الدول العربية ,, حق الخليج تسعيره غير ,,
:)

لاتنسين تاخذين معاج كاميرا فيديو ,,
لانج راح تشوفين مناظر ماراح تتكرر ,, :victory:
وبالسلامة ان شاءالله ,,



جزيتي كل خير والله ماادري بصلي استخاره وبشوف

[الصريحه]

ايران بلد جميل ومضياف وشعب عاطفي وكريم وبلد من اروع البلدان من جمال الطبيعة والجو العليل كانك في لبنان او ابها وخصوصا مناطق الشمال واقليم مازندران في الصيف ولا اروع .

ماعليك من اي كلام ينقال عن ايران وايران مثل تركيا وسوريا ومصر وغيرها من البلدان فيها الردي والزين وهذي طبيعة البشر ولكن في المقابل مافي اي مشكلة بالنسبة للمتدين بالعكس لباسهم مستور ومافي اي خرابيط في الشوارع من تفصخ وغيره ولا في ديسكوات ولا مراقص والبد زينه والسوق فيها حلو الاشياء رخيصة السعر والفنادق زينه ولكن مش نفس فنادق قطر شوي مستواها متدني يعني 4 نجوم وثلاث نجوم ولكن نظيفة ومحترمه والسبب لان البلد بعد الثورة كانت في حرب مع العراق وعليها حصار من الشركات الاجنبية وهي مقاطعة شركات الفنادق العالمية لانها امريكية علشان جذي شركة الفناقد الايرانية هي اللي تتولى ادارة الفنادق وهناك فنادق حلوه في طهران وزينه سعرها معقول تقريبا .

الحدائق واماكن التسلية موجوده في طهران للاطفال مثل حديقة الشعب ومدينة الالعاب وحديثة ارم وهناك الكثير من المطاعم والجلسات الحلوه هناك .

الخطوط القطرية تطير الى طهران العاصمة يوميا وافضل اي واحد ياخذ الخطوط القطرية احسن شي ساعة ونص انت في طهران من الدوحه .

اغلب عوائل الخليج يروحون طهران في الصيف واحسن تروح شمال طهران في الصيف حيث الجو الحلو والمناضر الطبيعية

لازم تاخذ تاشيرة من السفارة الايرانية في قطر بالنسبة للقطريين وتدفع رسوم تقريبا 250 ريال على كل جواز سفر .

بالنسبة للفلوس تحمل معاك دولارات وتاخذ كاش لان البطاقات الفيزا والامريكان والماستر غير مقبوله هناك .

اي استفسار بخصوص ايران انا حاضر وفي الخدمة

واي شي تبغي من هناك آآآآمر وانا خوك

تعال لي خاص

يعطيك العافيه بس بعد ذبح السني القائد امس خفت كثير اخاف يصير تعصب وندش في هذي المعمعه

[القلم الصريح]

ايران دوله اسلامه وهي جاره لنا ولاتسمعين الكلام الخرابيط تعصب وتشدد ومادري وشو ، ايران كبيره ونص شعب الايراني منفتح في كل شي من لبس والكشخه ومطاعم ومجمعات وغيره وغيره ، وشمال ايران جنة الله في الارض وجدا مسالمين ، وبتلاقين عرب شكثثثثثثثثر لدرجه انتي بتنصدمين مابتحسين عمرج قاعد في دوله اجنبيه وبتحسين انج قاعده في دوله خليجيه او عربيه من كثر الزوار اللي بتشوفيهم

[@السفير@]

ماأنصح الذهاب الى ايران لعدم الاستقرار الأمني وخاصه مع العائله