ما أفضل ماركة تلفزيون + وين أحسن ورشة تلفزيونات lcd ؟

[halah]

السلام عليكم ورحمة الله وبركاته

عندي تلفزيون ماركة ال جي lcd اخترب والضمان خلص وورشتهم اللي في الصناعية ما يردون والوكالة سكرو التلفون في وجهي ومب عارفين شنسوي ووين نصلح التلفزيون.

وشكلي اذا ما تصلح بشتري واحد جديد وأفتك من خدمة ال جي التعبانة.

وبغيت أسألكم اخواني

وين أحسن ورشة ممكن تصلح لنا التلفزيون lcd ؟

وما أفضل ماركة تلفزيون من حيث وضوح الشاشة وخدمة ما بعد البيع؟

وجزاكم الله خير

[Gh2o]

اكره ماركه الlg تعبانيييييييين وماعرف ليش الناس تشتري من عندهم والله اخوي انا عندي سامسونغ صار له اربع سنين مستطرب عليه مشااااااء الله وعندي غيره باناسونيك بس استخدمي له قليل جدا فماقدر احكم

[بوراشد 66]

افضل تليفزيون وبدون منافس السامسونج وبعده مكن تاخذ السوني والتوشيبا لكن اهم شي ابعد
عن افشل شركة وماركة ال جي

[Navigator 85]

اشتريت سامسونج lcd

series 5

حجم الشاشة 42 انش

من فترة كان علية عرض بـ2850 ريال من المول

[00soma00]

سوني افضل ماركة

[بولينجر]

السوني بلا منازع وخدمة ما بعد البيع ممتازة.....

[ذيبة الريان]

ال جي ممكن اوكي في المكيفات ..

ولكن سامسونج وسوني أفضل تلفزيونات بلا منازع ..

والشي اذا اخترب وحياته قصيره اشتري شي جديد حتى لو كان غالي بس عمره طويل

[عاصم السوري]

اشتريت سوني عاملين عليه عرض 40 بوصة مع مسرح منزلي ب 2999 ريال

[airbus]

سامسونج وبعدها سوني

[BuFaisal]

ال جي ممكن اوكي في المكيفات ..

انا جربت انواع المكيف الي يتركب بالطوفه (الويندوز) .. ما يستاهل ريال

[saleh-85]

ال جي ممكن اوكي في المكيفات ..

ولكن سامسونج وسوني أفضل تلفزيونات بلا منازع ..

والشي اذا اخترب وحياته قصيره اشتري شي جديد حتى لو كان غالي بس عمره طويل


بالعكس يالذيبه

مكيفات الجي اتعس مكيفات لأن كل انواعها جايه نظام ريتوري :omen2:

واللي مايعرف هالنظام انا بشرح بطريقه مختصره

نظام الريتوري يريح الكومبريسر إذا وصل درجة الحراره الخارجيه حوالي 50 درجه ويفصل لفترات ويرجع يشتغل

كأني دافع فلوسي عشان اريح المكيف !! انا ادفع لراحتي انا :anger1:

المهم عليكم بالنظام القديم اللي شركة الجي ماعاد تجيبها وهو نظام البستن

ومن الشركات اللي للحين تجيبها جنرال فقط مش جنرال كول او جنرال الكترك , اقصد جنرال اللي وكيلها اسد عماد التجاريه
ومكيفات ميستوبيشي دايا ومكانهم في شارع سلوى عند شركة الطارق للسيارات

ومكيفات توشيبا بس مادري وين مكانها , لكن وكيلها المناعي

وآخيرا مكيفات افترون لكن مع الأسف معاد تجيب إلا طن ونص و وكيلها شركة الدوحه في شارع مشيرب


.............


عفست موضوع الرجال بالمكيفات :rolleyes2:

لكن الحين براضيه :nice:

اسمع مني وانا اخوك

بالنسبه للتصليح انا ما انصحك , لأن هالنوعيات إذا تبطلت عند اشخاص غير مختصين معاد تضبط وبتم تدفع تكاليف صيانه مالها داعي

يا ودها للوكيل مع اني ادري انهم تعبانين , او اخذ لك سوني 40 بوصه

وانا لقيته الليله 2996 في كارفور

تلفزيونات سوني تعتبر هي الأجود حتى الآن في النظام الصوتي ودقة الشاشه والألوان

وإذا كنت من هواة البلاي ستيشن فأخذ السوني ولا تمالي احد وانا المسؤول :)


لا تخلي فرق 200 أو 300 ريال تخليك تاخذ ماركه ثانيه

وبالتوفيق للجميع

[ASK2]

طبعاً سامسونغ وتقدر تشيك على التصنيف حتى على النت

[d.romance]

السوني وبس والحين عاملين عروض على جميع الموديلات

[htamimi]

عزيزي ...
اولا شاشات السي دي ال والبلازما ما تتصلح
وكلهم نفس الشئ
وما تسمع كلام احد
مع احترامي لكل الاراء

[كازانوفا]

والعمل؟؟؟ يعني بصراحه افكر اجيبلي واحد من التلفزيونات الكبيره بس على اخر رد صرت متردده لاني سبق وسمعت نفس الكلام من شخص مهندس له بالالكترونيات

[halah]

أشكر جميع الأخوة اللي ردوا

وجزاكم الله خير وما قصرتوا

[halah]

عزيزي ...
اولا شاشات السي دي ال والبلازما ما تتصلح
وكلهم نفس الشئ
وما تسمع كلام احد
مع احترامي لكل الاراء

زين وش التلفزونات الزينة؟

التلفزونات القديمة الكبيرة ما قاموا يصنعونها الحين

واللي موجود كله بلازما و ال سي دي وال إي دي

[الدوحه%]

السامسونغ بلامنازع وعقبه السوني ولعلمك التلفزيون السوني من داخل سامسونغ ..
وال ال جي ماينفع لا تي في ولا تكيف لا غساله ولا شي ...
وفوق ذيه الخدمة مش اوكي ..
بالتوفيق يارب ..

[كازانوفا]

لا التلفزيونات القديمه على تطور وبالحجم الكبير متوفره في اللولو الدور الثاني

[مريش]

اخوي سامسونغ وسوني افضل شركتين للتلفزيونات
مثل في الكيمرات كانون ونيكون :nice:

وسامسونغ منزلين تلفزيونات Led شيء خيال
بس اسعارهم غاليه ولاتشوفهم لان بتعور قلبك وبتكره Lcd

اظن ارخص تلفزيون Led سعره 7 وشيء في كارفور

:nice: لعوزتك ها :nice:

بس خذ سامسونغ 2999 مع كيمرا في كارفور وشاشه 432 بوصه اعتقد

او 32 ماخذينه قبل شهرين

[htamimi]

عزيزي ...
انا ما قلت لك لا تاخذ ال سي دي .
بالعكس حلو وممتاز وافضل من القديم
بس لا تحتار في الاختيار
اشتر اي تلفزيون ومش مشكلة النوع
بس شوف انت ايش تحتاج في التلفزيون
لان كل تلفزيون فيه مميزات ترفع سعره عن الثاني

[العقـرب]

سوني وسوني وسوني

وبعده سامسونج

[ن.سهيل]

سوني وسوني وسوني

وبعده سامسونج
وانا وياك يابو احمد
بثلاث
:thumbup1::thumbup1::thumbup1:

[htamimi]

وانا وياك يابو احمد
بثلاث
:thumbup1::thumbup1::thumbup1:

والله انها افشل شركة
وخدمة ما بعد البيع عندهم من اتعس ما يمكن
لاتصدقون كلامي
بس اكيد بتصدقون عيونكم
روحوا بنفسكم مركز خدمتهم في طريق سلوى وشوفوا المهازل الي تصير هناك
قعدوا بس ربع ساعة وبعدين احكموا

[شبيــه الريح]

والله اللي اعرفه انه السوني افضل وصح انه يستخدمون معالج سامسونج بس اهم الافضل مع العلم

انه تلفزيوني سامسونج وترى الاثنين حلوين بس بصراحه خدمتهم يعني لك عليها اخترب السامسونج

وتمو 3 لايام لين جو لي علشان ياخذونه وبعدين صلحوه يعني خذ التلفزيون 6 ايام اشوفها وايد

وخصوصا على كلامهم انه ماكان فيه شي بس قطعه صغيره حتى كلفني 100 ريال بس

[شبيــه الريح]

بس نصيحتي لراعي الموضوع دامك بتشتري شي اشتر ال3 دي نزل بالسامسونج وبينزل بالسوني

اخر الشهر وابعد عن اي ماركه ثانيه اهم الاثنين احسن شي