رسالة الى عزيزتي الأم ...

[بوحارب]

السلام عليكم ورحمه الله وبركاته


اتمنى الأطلاع على هالموضوع اولاً ومناقشته واما الرساله في المشاركة التالية ....

هل انت مع او ضد تربية الأم للأولاد

او ان يكون الولد 24 ساعة مع امه !!!

صارلي موقف قبل ايام عندما كنت راح اخذ الأهل بعد الأنتهاء من الزيارة

والا الأهل جايين مع اولاد المرأة صاحبة البيت<<< جايين يسلمون على عمهم بوحارب :eek5:

والا بولد عمره تقريبا 3 سنين وشايلته الخدامة ههههههههه

المهم

اقولهم اشفيه الولد مايمشي؟؟
ولا وش السالفة ؟

قالوا بلا يمشي بس امه قالت ماينزل الأرض لأنه حافي :(

ومن هنا تبدأ الأم بالتربية الغلط ان تخلي الولد ناااااعم زيادة على الازم وتخاف عليه حتى من المشي حافي

اذكر انه تميت امشي حافي لين مادخلت المدرسة والحمدلله الأمور طيبة وانتوا كنتوا تسوون اكثر مني صح؟ :)

لكن يا اخواتي في الله ترى الدلال الزايد للأولاد خاصة مرفوووووض وعلموه على الخشونه شوي عشان يكون رجل بمعنى الكلمة ومايكون رجل ناعم

يمكن لو يطب حرامي البيت تلاقي الولد بيروح يلبس انعاله عشان يلحقه :eek5:

وشفت بعض الأمهات يمنعون اولادهم من الذهاب للمسجد بجانب البيت واعمارهم 7 و 8 سنين خوفاً عليهم :anger1:

وبعض الأمهات مايعرفون يلبسون عيالهم الا الشورتات والقمصان الكت ومن هالأمور اللي مالها اي داعي ولا تدل على شخصية الشاب الخليجي !!

مالكم حق يالحريم تسوون كذا في الورعان :)


معليش صحيح بعض الأباء مقصرين في التربية لكن الأم مدرسة مثل ما يقولون ونبي منج تطلعين لنا جيل خشن نعتمد عليه اذا دعى داعي الجهاد :) في يوم من الأيام

هالمواقف صارت قدامي وقلت لازم انبه اخواتي في الله على تربية الأولاد تربية صح مب تربية دلع :omen2:

والسموحة على الموضوع المخربط واتمنى الفكرة اوصلت

السالفه ماهي تهجس وتخميـن
والاقنـاة اعــلام والاجـرايـد

السالفه فعـل الرجـال المياميـن
حماية الماقـف وسـاع البنايـد

اللي لهم في كل محفـل عناويـن
قول وفعل ماهوب ناقـص وزايـد

زحول الرجال الغانمين المسميـن
اللي لهم فعـل المراجـل عوايـد

كسابة الطولات بالعسـر والليـن
تشوفهم وقت القسـى والشدايـد

تشوفهم في ماقف يبهـج العيـن
غربي نفود السـر نعـم الولايـد

[بوحارب]

رسالة الى عزيزتي الأم

نُريدُ منكِ شاب يلبس الثوب والقحفية

ولا نريد شاب لابس شورت ومزلط :looking:

نُريدُ منكِ شاب يذهب للصلاة في المسجد

ولا نريد شاب 24 قاعد مع خواته

نُريدُ منكِ ان تكوني انتي الأول والأخير في تربية الأولاد

ولانريد منكِ ان تعتمدي على تربية المدارس وغيرها !

نُريدُ منكِ شاب يعرف اذكار الصباح والمساء

ولا نريد شاب حافظ جميع الأغاني والألعاب

نُريدُ منكِ يعرف العادات والتقاليد

ولا نريد منكِ شاب حتى مايعرف يصب القهوهـ

نُريدُ منكِ شاب مختلط مع ابناء عمومته وابناء الفريج

ولا نريد منكِ شاب مخشوش في البيت ولا يتحرك من مكانه

نُريدُ منكِ نُريدُ منكِ نُريدُ منكِ .........الخ

[Bu Rashid]

بارك الله فيك اخوي بوحارب

الام مدرسة اخوي الكريم ... ولكن لا افراط ولا تفريط
ونمسك العصا من الوسط

[الجني]

موضوع مميز يا بوحارب

لي عوده ان شاء الله

[بوحارب]

بارك الله فيك اخوي بوحارب

الام مدرسة اخوي الكريم ... ولكن لا افراط ولا تفريط
ونمسك العصا من الوسط


صحيح الأم مدرسة وهذا ظنا فيها وان شاء الله انها تكون قد المسؤولية

:)

منووور يابوراشد ويا هلا بك ^ ـ ^

[بوحارب]

موضوع مميز يا بوحارب

لي عوده ان شاء الله

مرحبا الجني

انتظرك هنا واتمنى اسمع رايك في الموضوع :)

[الجووري]

احيييييييييييك على طرحك القيييييم

بس فيه نقطه مهمه ماذكرتها مثل مالام لها دور الابو له دووور وهو اللي ياسس الولد

والام عليها تربيه عياااالها ومن سن 7 سنوات يكون مع ابووه اغلب اللي نشوفهم تربية

امهاتهم والنعم فيهم بس وين دور الاب يكون الرد مشغول في تجارته او مسافر اواو..الخ


لاهنت على الطرح

[غزلان]

موضوع مهم جدا جدا جدا

هذا الى حاصل والأدمر الولد يسمع سواف ألأم مع خواتها وبناتها وتارك مجلس الرجاجيل حتى كلام عدل مايعرفون يتكلمون

[الجووري]

موضوع مهم جدا جدا جدا

هذا الى حاصل والأدمر الولد يسمع سواف ألأم مع خواتها وبناتها وتارك مجلس الرجاجيل حتى كلام عدل مايعرفون يتكلمون






طيب اختي غزلان صدقتي في اللي قلتيه واللوم نرده لمن في هالحاله ؟؟؟؟؟؟؟

[بوحارب]

احيييييييييييك على طرحك القيييييم

بس فيه نقطه مهمه ماذكرتها مثل مالام لها دور الابو له دووور وهو اللي ياسس الولد

والام عليها تربيه عياااالها ومن سن 7 سنوات يكون مع ابووه اغلب اللي نشوفهم تربية

امهاتهم والنعم فيهم بس وين دور الاب يكون الرد مشغول في تجارته او مسافر اواو..الخ


لاهنت على الطرح

هذا الموضوع يناقش الأم المغلوب على امرها

اللي زوجها مب فاضي لها ولعيالها:(

ونبيها تكون قد المسؤولية وأجرها على الله سبحانه

فيه اولاد تربوا على ايدي امهاتهم وطلعوا رجال على مستوى الدولة

والأب دائما يكون مشغول ومب فاضي واما شغل منه فايده
والا شغل لا يودي ولا يجيب مثل الجلوس في الشيشة 24 ساعة :eek5:

[بوحارب]

موضوع مهم جدا جدا جدا

هذا الى حاصل والأدمر الولد يسمع سواف ألأم مع خواتها وبناتها وتارك مجلس الرجاجيل حتى كلام عدل مايعرفون يتكلمون





اوف هذا اللي يقهرني لما يكون الولد مبسط مع الحريم ومخلي الرجال في المجلس :anger1:





طيب اختي غزلان صدقتي في اللي قلتيه واللوم نرده لمن في هالحاله ؟؟؟؟؟؟؟

الجووري تبي تقلبين الموضوع على الأب صح :telephone:

طيب اعتبري الأب عنده دورة من العسكرية لمدة 5 سنين

وش ذنب الولد في هالحالة يتربى تربية غلط !!

[Gh2o]

لا كبر الصبي بيقول يااااااااي ماقدر ماستحمل لا مابي وين ماما يوووه شنو هاي ليش جي تسوون يع لاعت جبدي
ويطلع ماااايع اتكالي وعقب مايطيح الفاس بالراس يدورون السبب !!

[غزلان]

طيب اختي غزلان صدقتي في اللي قلتيه واللوم نرده لمن في هالحاله ؟؟؟؟؟؟؟


حتى لو للأب جزء من المسؤوليه المفروض الأم ماتوافقه اذا قال لها اخذي الولد معاج ترفض وتبين له ان هالشي غلط ترى اباء هالسنين المشاغل والمسؤوليات ملهيتهم عن الصح والغلط في تربية البناء لو من البدايه ناقشت معاه ان البنات مسؤوليتها والولد عند عمر 5او6 سنوات مسؤوليته كان الحياه حلوه:)

[الجووري]

اوف هذا اللي يقهرني لما يكون الولد مبسط مع الحريم ومخلي الرجال في المجلس :anger1:


الجووري تبي تقلبين الموضوع على الأب صح :telephone:

طيب اعتبري الأب عنده دورة من العسكرية لمدة 5 سنين

وش ذنب الولد في هالحالة يتربى تربية غلط !!


هل معقوله ان كل رجال لاهي عن تربية عيااااله في معسكر :rolleyes2:

اخوي بوحااارب انا ماعممت على كل رجل انا اخص بعض الرجاااال اللي لاهيييييين

مو في معسكر ولا غيييره وش عذرهم انت وانا والاغلب يدري انا بعض الرجااال مايحب

المسئوليه يعني اهم شي عنده ان ماعليهم قاااصر خلاص هذي التربيه بعينه في نظره

وكلكم رااااع وكلكم مسئول عن رعيته

[mayoom]

عزيزتي الأم ..

كيف تصنعين ولدا يعتمد على نفسه ؟

1ـ إياك والدلال المفرط:

فمن نتائجه في الأحوال العادية الخجل والخنوع، فقدان الرجولة والشجاعة، وضعف الثقة بالنفس، والتدرج نحو الميوعة والتخلف عن الأقران ،
فهو يرى الناس في إقدام وشجاعة وهو في خوف وجبن، يرى الناس في حركة وعراك ومجاهدة، وهو في صمت وسكون وجمود، يرى الناس في تلاقٍ واجتماع، وهو في انطوائية وعزلة..

فولد هذا شأنه، وهذا حاله هل يكون إنسانًا سويًا؟!

وهل يكون عضوًا نافعًا للمجتمع؟!


2ـ تربية الولد منذ نعومة أظفاره على الصلابة:

إن قلت: إن هذه قسوة؛ فعليك أن تتأمل كيف تربى محمد صلى الله عليه وسلم طفلاً، ليكون خاتم النبيين والمرسلين.

يقول صلى الله عليه وسلم عن نفسه : [[ ما بعث الله نبيا إلا رعى الغنم ]] فقال أصحابه: وأنت، فقال: [[نعم كنت أرعاها على قراريط لأهل مكة ]].

وكان صلى الله عليه وسلم في صغره يلعب مع الغلمان، روى ابن كثير عن رسول الله صلى الله عليه وسلم أنه قال:
[[ لقد رأيتني في غلمان من قريش ننقل الحجارة لبعض ما يلعب الغلمان، كلنا قد تعرى وأخذ إزاره وجعله على رقبته يحمل عليه الحجارة،
فإني لأقبل معهم كذلك وأدبر إذ لكمني لاكم -ما أراه- لكمة وجيعة،
ثم قال: شد عليك إزارك، قال: فأخذته فشددته علَيّ، ثم جعلت أحمل الحجارة على رقبتي وإزاري عليَّ من بين أصحابي ]].
وكان صلى الله عليه وسلم يخرج للسفر للتجارة، وقد ثبت أنه عليه الصلاة والسلام سافر مرتين: مرة قبل البلوغ مع عمه أبي طالب، والمرة الثانية بعد البلوغ ..
وكان صلى الله عليه وسلم قد شارك في الحرب وهو دون الحلم، فما ذكرته كتب السير أنه كان ينبل على أعمامه في حرب الفجار.

فعلينا إذًا أن نربي أبناءنا على الخشونة منذ الصغر، اقتداء بفعل رسول الله صلى الله عليه وسلم، وقوله أيضًا في الحديث: [[ إياكم والتنعم فإن عباد الله ليسوا بالمتنعمين ]].


3ـ علميه أن الحياة كفاح وتعب وصبر ومصابرة:

إن هذا الطفل المدلل لا يشعر بأهمية العمل والاعتماد على النفس، ولا يتقن فن السعي والدأب والمصابرة.....لماذا؟

لأنه تعود دائمًا أن كل مطلوب مجاب، وكل مرغوب متاح بسهولة ويسر.

كما أنه تعود أيضًا أن دمعتين على خده تكفي لتحريك الجبال لخدمته وإراحته، وتلبية طلباته،
هذا الطفل إذا كبر سيجد نفسه عاجزًا عن مواجهة الحياة، عاجزًا عن تحمل المسؤولية؛
لأنه ببساطة لم يتعلم أن يبذل الجهد ليحصد الثمرة، بل تعود أن يجلس تحت الشجرة وتتساقط عليه الثمر بدون جهد..

جزاك الله خيرا أخي بوحارب على طرح هذا الموضوع لأهميته ..

[شيخ القبيلة]

شكرا على الموضوع الهام

[بوخالد911]

التربية عملية مشتركة ما بين الأب + الأم

والأب مسؤول بدرجة كبيرة بتربية الولد
يعلمه كيفية التحدث وكيفية القاء السلام على الرجال
تعويده على لبس الثوب

والحرص على اصطحابه الى الأعراس

تنبيه الولد عندما يتكلم بطريقة خاطئة ؛ مثل كلام الخادمة ؛ عندما يتكلمون عربي مكسرر

ملحوظة هامة : لو لاحظ الأب ان ابنه يقول ويردد كلمات انثوية مثل : ووووي و فديته وووو

يجب ع الاب تنبيه ابنه لهذا الأمر



تحياتي قبل تقليب صفحاتي


مسيوو / بوخالد911

[بوحارب]

منورين ولي عوده لجميع الردود :)

[tulepq]

يا حلو المواضيع اللي ترد الروح ..

وتحاكي الواقع بتوجيه رساله ( رائعه ) ...

يا بو حارب ..

هالجيل أغلبه ماله طعم ولا لون .. مشكل مابين لغة الخادمات ولغة الآباء .. ولغة الأمهات إن كانوا مب قطريات ..

إنت لاحظ حتى الأكل باليدين صار عندهم عييييييييييب .. مش بريستيج .. هذا مثال بسيط على التمرد الحقيقي للعادات والتقاليد .. :weeping:

ولاحظ عليهم .. جيل صعب التعامل معاه .. لأنه برأيي مشتت الذهن .. وحتى معنى الإحترام للي أكبر منه ما تشوفه موجود ..

إلا طولة لسان .. :anger1:

من المسؤول ؟؟

الخدامه اللي ربته ؟؟

ولا الأم اللي أهملته ؟

ولا الأب اللي صاكه الدنيا في وجهه من كل صوب .. ؟؟

[فيزيائية]

سؤال بريء....

انت تتكلم عن تربية الولد ؟؟

وين الوالد في السالفة اعلاه ؟؟

[الأغر]

موضوعك حلو ويعطيك العافيه

[بـــــــنت النوخـّــــذه]

بارك الله فيك اخوي بوحارب على هالنصيحه 0000

وللامانه ساعات تتصرف الام خوفا" على ولدها مثل سالفه الخدامه الي شايله الولد 00ولكن كان الاجدر بالام ان ماطلع ولدها الا وهو لابس نعال (تكرمون ) اهنيه يبين دور الام واهتمامها بولدها 000 من الناحيه الصحيه ولسلامته 00

المشكله بعض الامهات قاطين كل شي فوق الشغاله واكره شي لما اتخلي الشغاله شايله الولد 00يعني تراها انسانه وعندها عمود فقري يتأثر :eek5:


عموما" من الاخر محد سبب هذا التهاون بالتربيه الا كثره الخدم اعتراف وكلمه حق مانقدر ننكر 00ولكن العقل هو سيد الموقف في كل الامور 000

وياريتها جات يابوحارب على النعال تكرم بعض الحريم حتى مايدرون عن عيالهم شي لا من دراسه ولا من مأكل ومشرّب ليش جايبين عيال مادري 000

عموما" الله يصلح حال الكل ويخلي لهم عيالهم واذا قل الوعي والثقافه بالامور الاسريه توقع اي شي ^____^

[نعيمه علي]

كأنك تتكلم بلساني لما أنصح اللي معاي في العيلة
واقول لبعض الامهات
وايش فيها اذا مشى حافي
خل رجوله تتوصخ وخله يتعور
مافيها شيء
خله يصير رجال
وحتى في اللبس ارفض الملابس الملونة
وانه يجلس اكثر وقته مع البنات

الله يحفظ الجيل الجديد

لك اطيب تحياتي
اختك نبض



.

[AL-Jood]

اللي مب مقنعني تهميش دور الاب التربوي الابو مسؤول عن تربية ولده النساء طبعهم غير وعمر الام ماراح تكون مثال للاقتداء من الولد المثال لازم يكون الاب

وبعدين الام في هالزمن صارت للاسف مطالبه بكل شي تشتغل وتربي ولا بعد مسؤؤولة عن رجولة هالولد اللي من المفروض انها تكون مكتسبه من الاب وهو اللي يدفعه للاختلاط بعالم الرجال والمجالس وليست الام الام مسؤوليتها الرعايه التغذيه الرعايه الطبيه التعليم وبعد تعلمه يصير ريال ماشالله شبقى

[الجني]

كثير من الأمهات تغلبهن العاطفة فيدمرن

اولادهن بالدلال المفرط و و الخوف عليهم من كل شيء

و اعتقد ان ظاهرة الجنس الثالث بسبب الأمهات و جهلهن

يجب ان يتجرع الولد الخشونة و الركظ حافي و الشيل و الحط

و اتسائل اي الأب من تربية الأم ؟

[ROSE]

السلام عليكم ورحمة الله وبركاته

صحيح اخواني واخواتي اغلبنا كنا ندور بدون نعل في الحوش

وكنا ناخذ راحتنا باللعب ولا نخاف شي

بس هالشي ماكان صحي ترى

نلعب بدون خوف صح مافيها شي بس الحين الواحد ما يآمن على ولده يطلع خارج البيت

نلعب حفي مايهمنا شي بس الحين لا تخاف على عيالك خاصة التلوث الحاصل

في الشوارع من الهنود اللي يمشون وهم :secret: بالشارع



مانقدر نحمل الابو المسؤولية لان تربية الابناء في هالسن لين سن السابعة

يكون من مسؤولية الام وهي اللي تهتم في عيالها في هالسن حتى لما يدخل المدرسه

هي المسؤوله عنه بمعاونة الاب لو كان فاضي طبعا :secret:

دلال الام الزايد خطأ خاصة للاولاد لازم تكون حازمه معاهم

وفي نفس الوقت تعطيهم الحنان والحب

تحاول تخليهم يندمجون مع الشباب اكثر وان كان فيه شباب في البيت

بيت اهلها او اهل الزوج عشان يتعلم اللعب مع الاولاد مب البنات

عندنا بيت اخوي ماشاء الله كلهم صبيان وشيااااااااطين ماشاء الله عليهم

اي واحد فينا يجب ولد يوديه هناك ياخذ دورة صاعقة عندهم :secret:

ويتعلم الخشونه منهم هههههههههه

ودايما الام دورها انها تخلي عيالها يشوفون القصص اللي فيها اكشن

اذكر واحد من كثر مايشوف سبايدر مان يحاول يركب طوف وينط :secret:

ومره جاي يصيح يقول ليش مااقدر اطير مثله زين انه ماتكسر :omen2:


التربيه ياجماعه مهمه مهمه جدا في تشكيل شخصية الابناء

والبيت هو المؤسس الحقيقي لجيل المستقبل


اشكرك اخوي بوحارب على هالموضوع المهم

[Google]

يالبي قلبج يمه ويافديت ريولج يعل بنات الوقت هذا يفدونج .

[وضحى قطر]

انا بس لي تعقيب على سالفة المسجد وخروج الجاهل له الزمن تغير اخي الكريم والعمالة الحثاله زادت وجرايمهم من خططف واغتصاب زادت لاحول ولا قوة الا بالله صاروا ما يخافون بشي راس مالها تسفير احد افراد العماله يقولي لدريول بيت احد معارفنا وهو قال لمعزبة يقوله بابا صديقي يقول ان تبي تسافر وانت ما خاصت مدتك ومعزبك معيي سولة قضية الي تبي كلها كم يوم فالسجن وبيسفرونك حسبي الله عليهم
اما باقي الامور المذكورة نخاف على عيالنا ما بتفهمون شعور الامهات تخاف عليه من هبة الهوى خخخ الدلال الزايد غلط شي اكيد خصوصا على الذكر

وشكرا

[لاجل QT]

الغلط بعد يتحملة الاب قاط تربية العيال على الام وهو برة يتسكع مع ربعة رحلات وسفر...الام بطبيعتها حنونة ولينة و تخاف على ولدها من الهوا الطاير ..والاب علية الارشاد والتوجية الصحيح على شان الولد ياخذ من اطباعة...اذا قاطة كلة عند الام اكيد بيطلع الولد لين ..

[انا حره]

وعليا على بعض الامهات ودها ولدها يقعد بالمجالس ويتعلم المرجله بس ليه كله حاطين العبء عليها الابوو وين

مفرووض الله يهديك تسوي موضوع رساله الى الام والاب مو الام

في حريم يسوون الي يقدروون عليه والباقي لازم الاب يتكفل بوولده

[بوحارب]

عزيزتي الأم ..

كيف تصنعين ولدا يعتمد على نفسه ؟

1ـ إياك والدلال المفرط:

فمن نتائجه في الأحوال العادية الخجل والخنوع، فقدان الرجولة والشجاعة، وضعف الثقة بالنفس، والتدرج نحو الميوعة والتخلف عن الأقران ،
فهو يرى الناس في إقدام وشجاعة وهو في خوف وجبن، يرى الناس في حركة وعراك ومجاهدة، وهو في صمت وسكون وجمود، يرى الناس في تلاقٍ واجتماع، وهو في انطوائية وعزلة..

فولد هذا شأنه، وهذا حاله هل يكون إنسانًا سويًا؟!

وهل يكون عضوًا نافعًا للمجتمع؟!


2ـ تربية الولد منذ نعومة أظفاره على الصلابة:

إن قلت: إن هذه قسوة؛ فعليك أن تتأمل كيف تربى محمد صلى الله عليه وسلم طفلاً، ليكون خاتم النبيين والمرسلين.

يقول صلى الله عليه وسلم عن نفسه : [[ ما بعث الله نبيا إلا رعى الغنم ]] فقال أصحابه: وأنت، فقال: [[نعم كنت أرعاها على قراريط لأهل مكة ]].

وكان صلى الله عليه وسلم في صغره يلعب مع الغلمان، روى ابن كثير عن رسول الله صلى الله عليه وسلم أنه قال:
[[ لقد رأيتني في غلمان من قريش ننقل الحجارة لبعض ما يلعب الغلمان، كلنا قد تعرى وأخذ إزاره وجعله على رقبته يحمل عليه الحجارة،
فإني لأقبل معهم كذلك وأدبر إذ لكمني لاكم -ما أراه- لكمة وجيعة،
ثم قال: شد عليك إزارك، قال: فأخذته فشددته علَيّ، ثم جعلت أحمل الحجارة على رقبتي وإزاري عليَّ من بين أصحابي ]].
وكان صلى الله عليه وسلم يخرج للسفر للتجارة، وقد ثبت أنه عليه الصلاة والسلام سافر مرتين: مرة قبل البلوغ مع عمه أبي طالب، والمرة الثانية بعد البلوغ ..
وكان صلى الله عليه وسلم قد شارك في الحرب وهو دون الحلم، فما ذكرته كتب السير أنه كان ينبل على أعمامه في حرب الفجار.

فعلينا إذًا أن نربي أبناءنا على الخشونة منذ الصغر، اقتداء بفعل رسول الله صلى الله عليه وسلم، وقوله أيضًا في الحديث: [[ إياكم والتنعم فإن عباد الله ليسوا بالمتنعمين ]].


3ـ علميه أن الحياة كفاح وتعب وصبر ومصابرة:

إن هذا الطفل المدلل لا يشعر بأهمية العمل والاعتماد على النفس، ولا يتقن فن السعي والدأب والمصابرة.....لماذا؟

لأنه تعود دائمًا أن كل مطلوب مجاب، وكل مرغوب متاح بسهولة ويسر.

كما أنه تعود أيضًا أن دمعتين على خده تكفي لتحريك الجبال لخدمته وإراحته، وتلبية طلباته،
هذا الطفل إذا كبر سيجد نفسه عاجزًا عن مواجهة الحياة، عاجزًا عن تحمل المسؤولية؛
لأنه ببساطة لم يتعلم أن يبذل الجهد ليحصد الثمرة، بل تعود أن يجلس تحت الشجرة وتتساقط عليه الثمر بدون جهد..

جزاك الله خيرا أخي بوحارب على طرح هذا الموضوع لأهميته ..

اختي mayoom

اشكرج على هالرد الطيب والله يجزاج بمثله يارب :)

شكرا على الموضوع الهام
العفو شيخنا





التربية عملية مشتركة ما بين الأب + الأم

والأب مسؤول بدرجة كبيرة بتربية الولد
يعلمه كيفية التحدث وكيفية القاء السلام على الرجال
تعويده على لبس الثوب

والحرص على اصطحابه الى الأعراس

تنبيه الولد عندما يتكلم بطريقة خاطئة ؛ مثل كلام الخادمة ؛ عندما يتكلمون عربي مكسرر

ملحوظة هامة : لو لاحظ الأب ان ابنه يقول ويردد كلمات انثوية مثل : ووووي و فديته وووو

يجب ع الاب تنبيه ابنه لهذا الأمر



تحياتي قبل تقليب صفحاتي


مسيوو / بوخالد911

اشكرك بوخلود على الرد الطيب

وفعلا كلامك في محله

تحياتي قبل ان ارسل عطوراتي :o



يا حلو المواضيع اللي ترد الروح ..

وتحاكي الواقع بتوجيه رساله ( رائعه ) ...

يا بو حارب ..

هالجيل أغلبه ماله طعم ولا لون .. مشكل مابين لغة الخادمات ولغة الآباء .. ولغة الأمهات إن كانوا مب قطريات ..

إنت لاحظ حتى الأكل باليدين صار عندهم عييييييييييب .. مش بريستيج .. هذا مثال بسيط على التمرد الحقيقي للعادات والتقاليد .. :weeping:

ولاحظ عليهم .. جيل صعب التعامل معاه .. لأنه برأيي مشتت الذهن .. وحتى معنى الإحترام للي أكبر منه ما تشوفه موجود ..

إلا طولة لسان .. :anger1:

من المسؤول ؟؟

الخدامه اللي ربته ؟؟

ولا الأم اللي أهملته ؟

ولا الأب اللي صاكه الدنيا في وجهه من كل صوب .. ؟؟

المسؤول الأم 100%

لأنها هي المسؤوله عن اساس التربية للأطفال

ومب من مسؤولية الأب انه يقعد يربي واحد عمره سنه او سنتين

والله يهدي حريم هالأيام قاطين عيالهم ورايحين للدوامات ولا يدرون عنهم ولا عن اخلاقهم !

وفي الأخير بنشوف جيل ماله دعم ولا لون مثل ما قلتي

شكرا على مرورج


سؤال بريء....

انت تتكلم عن تربية الولد ؟؟

وين الوالد في السالفة اعلاه ؟؟
انه اتكلم عن تربية الطفل ولد او بنت

والوالد نص وقته برع البيت بين الدوام وبين مشاويره الخاصه

بعد الرجال مب مثل المرة 24 ساعه في البيت !

صح :D


موضوعك حلو ويعطيك العافيه
الله يعافيك :oops:

بارك الله فيك اخوي بوحارب على هالنصيحه 0000

وللامانه ساعات تتصرف الام خوفا" على ولدها مثل سالفه الخدامه الي شايله الولد 00ولكن كان الاجدر بالام ان ماطلع ولدها الا وهو لابس نعال (تكرمون ) اهنيه يبين دور الام واهتمامها بولدها 000 من الناحيه الصحيه ولسلامته 00

المشكله بعض الامهات قاطين كل شي فوق الشغاله واكره شي لما اتخلي الشغاله شايله الولد 00يعني تراها انسانه وعندها عمود فقري يتأثر :eek5:


عموما" من الاخر محد سبب هذا التهاون بالتربيه الا كثره الخدم اعتراف وكلمه حق مانقدر ننكر 00ولكن العقل هو سيد الموقف في كل الامور 000

وياريتها جات يابوحارب على النعال تكرم بعض الحريم حتى مايدرون عن عيالهم شي لا من دراسه ولا من مأكل ومشرّب ليش جايبين عيال مادري 000

عموما" الله يصلح حال الكل ويخلي لهم عيالهم واذا قل الوعي والثقافه بالامور الاسريه توقع اي شي ^____^
الله المستعان اختي :(

اهم شي لاتكونين مثل حريم اليوم لين الله يرزقج باليهال ومشكورة على المرور




كأنك تتكلم بلساني لما أنصح اللي معاي في العيلة
واقول لبعض الامهات
وايش فيها اذا مشى حافي
خل رجوله تتوصخ وخله يتعور
مافيها شيء
خله يصير رجال
وحتى في اللبس ارفض الملابس الملونة
وانه يجلس اكثر وقته مع البنات

الله يحفظ الجيل الجديد

لك اطيب تحياتي
اختك نبض



.

:tooth:


اللي مب مقنعني تهميش دور الاب التربوي الابو مسؤول عن تربية ولده النساء طبعهم غير وعمر الام ماراح تكون مثال للاقتداء من الولد المثال لازم يكون الاب

وبعدين الام في هالزمن صارت للاسف مطالبه بكل شي تشتغل وتربي ولا بعد مسؤؤولة عن رجولة هالولد اللي من المفروض انها تكون مكتسبه من الاب وهو اللي يدفعه للاختلاط بعالم الرجال والمجالس وليست الام الام مسؤوليتها الرعايه التغذيه الرعايه الطبيه التعليم وبعد تعلمه يصير ريال ماشالله شبقى
دور الأب يجي بعد ما يصير عمر الولد 5 سنين على الأقل !

بعد مب حلوة اودي ولدي عند ربعي المجلس وشوي الا الأخ ماخذ راحته وييعفس لنا الجو بريحه الشيسمونه :(

والأم مب مطالبه بكل شي بس هي تبي كل شي !

واحنا ما نبي منها الا انها تربي عيالها صح وتقلل من تواجد الأطفال بين ايادي الخدم

حتى الحين الطفل صار يحب الخدامة اكثر من امه ويبكي على الخدامة اكثر من امه صح ولا انا غلطان :)

كثير من الأمهات تغلبهن العاطفة فيدمرن

اولادهن بالدلال المفرط و و الخوف عليهم من كل شيء

و اعتقد ان ظاهرة الجنس الثالث بسبب الأمهات و جهلهن

يجب ان يتجرع الولد الخشونة و الركظ حافي و الشيل و الحط

و اتسائل اي الأب من تربية الأم ؟
صحيح كلامك يالجني

لازم يتجرع شي من الخشونه في هالدنيا حتى لو تقطه صوب الفرضه يتلفلف بين الطراريد بعد حلو خله يشم ريحه الزفره وش فيها يعني

على الأقل احسن من ريحة الكريمات الا كلها مواد كيماوية :sneaky:

ترى مافهمت سسؤال الأخير



السلام عليكم ورحمة الله وبركاته

صحيح اخواني واخواتي اغلبنا كنا ندور بدون نعل في الحوش

وكنا ناخذ راحتنا باللعب ولا نخاف شي

بس هالشي ماكان صحي ترى

نلعب بدون خوف صح مافيها شي بس الحين الواحد ما يآمن على ولده يطلع خارج البيت

نلعب حفي مايهمنا شي بس الحين لا تخاف على عيالك خاصة التلوث الحاصل

في الشوارع من الهنود اللي يمشون وهم :secret: بالشارع



مانقدر نحمل الابو المسؤولية لان تربية الابناء في هالسن لين سن السابعة

يكون من مسؤولية الام وهي اللي تهتم في عيالها في هالسن حتى لما يدخل المدرسه

هي المسؤوله عنه بمعاونة الاب لو كان فاضي طبعا :secret:

دلال الام الزايد خطأ خاصة للاولاد لازم تكون حازمه معاهم

وفي نفس الوقت تعطيهم الحنان والحب

تحاول تخليهم يندمجون مع الشباب اكثر وان كان فيه شباب في البيت

بيت اهلها او اهل الزوج عشان يتعلم اللعب مع الاولاد مب البنات

عندنا بيت اخوي ماشاء الله كلهم صبيان وشيااااااااطين ماشاء الله عليهم

اي واحد فينا يجب ولد يوديه هناك ياخذ دورة صاعقة عندهم :secret:

ويتعلم الخشونه منهم هههههههههه

ودايما الام دورها انها تخلي عيالها يشوفون القصص اللي فيها اكشن

اذكر واحد من كثر مايشوف سبايدر مان يحاول يركب طوف وينط :secret:

ومره جاي يصيح يقول ليش مااقدر اطير مثله زين انه ماتكسر :omen2:


التربيه ياجماعه مهمه مهمه جدا في تشكيل شخصية الابناء

والبيت هو المؤسس الحقيقي لجيل المستقبل


اشكرك اخوي بوحارب على هالموضوع المهم
وعليكم السلام والرحمه

العفو وانه اشكرج على ردج اللي اختصر الموضوع :):victory:


يالبي قلبج يمه ويافديت ريولج يعل بنات الوقت هذا يفدونج .
الله يخليها لك :)



انا بس لي تعقيب على سالفة المسجد وخروج الجاهل له الزمن تغير اخي الكريم والعمالة الحثاله زادت وجرايمهم من خططف واغتصاب زادت لاحول ولا قوة الا بالله صاروا ما يخافون بشي راس مالها تسفير احد افراد العماله يقولي لدريول بيت احد معارفنا وهو قال لمعزبة يقوله بابا صديقي يقول ان تبي تسافر وانت ما خاصت مدتك ومعزبك معيي سولة قضية الي تبي كلها كم يوم فالسجن وبيسفرونك حسبي الله عليهم
اما باقي الامور المذكورة نخاف على عيالنا ما بتفهمون شعور الامهات تخاف عليه من هبة الهوى خخخ الدلال الزايد غلط شي اكيد خصوصا على الذكر

وشكرا

صح كلامج بس لازم يكون عند الأم يكون أن الله هو الحافظ وماراح يصير شي الا بأمره وعلمه

ولو بنتم خايفين على عيالنا كذا ترى بينحرمون من الطلعه لأي مكان فهل يعقل هالشي !

العفو واسعدني مرورج

الغلط بعد يتحملة الاب قاط تربية العيال على الام وهو برة يتسكع مع ربعة رحلات وسفر...الام بطبيعتها حنونة ولينة و تخاف على ولدها من الهوا الطاير ..والاب علية الارشاد والتوجية الصحيح على شان الولد ياخذ من اطباعة...اذا قاطة كلة عند الام اكيد بيطلع الولد لين ..
ارجعي اقري الردود بتحصلين رد على نفس مشاركتج


وعليا على بعض الامهات ودها ولدها يقعد بالمجالس ويتعلم المرجله بس ليه كله حاطين العبء عليها الابوو وين

مفرووض الله يهديك تسوي موضوع رساله الى الام والاب مو الام

في حريم يسوون الي يقدروون عليه والباقي لازم الاب يتكفل بوولده

خلي الحريم يربون العيال صح لين عمر 6 او 7 سنوات الأب عقب بيكمل مشوار التربية

هذا قصدي من الموضوع اختي:)