استغلال القطريات ...!! إلى أين ؟؟

[الأصيلة]

http://vb.arabseyes.com/imgcache/48781.imgcache

معارض لاحصر لها تقام في كل مكان لمصممات العبايات بكل أشكالها...
كنا من قبل نسمع بمعرض أو معرضين
أحدهم قبل عيد الفطر والآخر قبل عيد الأضحى
أما الآن فأصبح كل أسبوع تقام هذه المعارض لمصممات أغلبهن
من البحرين أو من السعودية وأيضا من قطر...
فقد يقام 5معارض أو أكثر لكل مصممه في السنة...
أما الأسعار وما أدراك ما الأسعار تبدأ من 1500 ريال ولا تنتهي ....
تسعيرة بدون رقابه ...وتصميم متكرر في كل معرض مع اختلاف بسيط...
والزبائن من كل الأعمار والأجناس...
رسائل تنهال علينا كل يوم عبر الجوالات وأجهزة البلااك بيري
كـدعوة لحضور المعارض المقام في الفنادق أو في أحد المحلات التجارية المعروفة
معارض لمصممات أول مرة نسمع بهن ..
يقال أنهن يصممن موديلات للعبايات خاصة بالمرأة القطرية فقط
لا لـ شيء وإنما لأنها قادرة على دفع أي مبلغ...
فمثلا المصممة البحرينية لا تبيع هذه البضاعة على البحرينيات لأنها ستخسر
فهي ترفض البيع للبحرينيات حتى وهي في البحرين بحجة أن السعر
الذي تريده من وراء بيع هذه العباية لا يناسب البحرينيات...
مع أنها لا تستحق السعر المطلوب في الدوحة...
وكذلك المصممات السعوديات يبالغن بوضع الأسعار على العبايات....
شيء جميل ان يبدعن الخليجيات في التصميم ويعتمدن على أنفسهن في توفير دخل
محترم لهن من كسب أيديهن..عسى الله أن يتم نعمته عليهن...
ولكن المبالغة في الأسعار تجاوزت الحدود ...
فمثلا العباية التي تباع في السعودية بـ 500 ريال في السعودية يقفز السعر إلى 2000 ريال في قطر ويجد له قبول...
إذن هي لاتسوى أكثر من المبلغ المعروض عليها في بلدها الأصلي...
استغلال واضح جدا للقطريات اللاتي يعشقن الموضة والتغيير المستمر...
نعم هن لا يجبرن على الشراء ولكن يغريهن تكرار هذه المعارض
واختلاف التصماميم ..
وخاصة المراهقات يرغمن أمهاتهن على اقتناء آخر الصيحات من هذه العبايات
لمماثلة أقرانهن من البنات...
بالإضافة إلى أن العبايات أغلبهن ملونة ومزركشه أو ضيقة من خام الستريتش أو الحرير الخفيف
في لا تمت للباس الإسلامي بأي صلة أبدا ً...
وياليت هذه العبايات تلبس للمناسبات والحفلات
بل تلبس لزيارة الأسواق والخروج بها هكذا أمام الرجال...
حبذا لو كانت هناك ضوابط لهذه المعارض التي لا تنتهي
ومراقبة الأسعار وخاصة أنها تتفاوت من بلد إلى بلد...
( ندعو المصممات الخليجيات لـ وضع السعر الحقيقي المناسب لهذا التصميم ...
وعدم تجاوز التصاميم الملائمة للباس الشرعي
وتقليل الزركشة الزائدة...
عسى الله أن يبارك لهن في مكسبهن ..)

[Sharshooooor]

التجارة من هالنوع ماتقدر تقييم سعر العباية لان ممكن يكون فيها لمسات فنيه وان كانت التكلفة بسيطة والربحح 1000% تعتبر تجارة

والمشكلة في حريمنا لان لو على قولتك خففنا من هالمعارض او حدينا من الاسعار

حريمنا وبناتنا بيسافرون لهم

امس كنا نتكلم في الموضوع اللي يقول رحت الامارات اجيب عبي والثاني سافر البحرين يجيب عبي زوجته

واللي بالبريد توصل له العباية طبعا دافع مبلغ الشحن قبل :nice:

والمشكلة اغلى من اسعار قطر صاروا يعني مو عشان الرخص

[ابو محمد7]

ابسط قواعد الاقتصاد ان المتحكم الرئيسي في الاسعار هو العرض والطلب مع وجود عوامل اخرى

بكل بساطة لما يكون سعر العباية 500 ريال وفجأة يقفز الى 1000 ريال حتى لو قالوا هذي خامته مادري وشو ولا فيه شغل وغيره من الكلام بكل بساطة ممكن الناس ماتشتري اقصد الغالبية ماتشتري وبينزل السعر غصبا عن التجار !

لكن لما يسوون العباية ب 1000 والكل يشتري وزحمة وطلب مب طبيعي مب بس بتصير ب 1000 الا بتصير ب 2000 بعد شي طبيعي ونفس الكلام اذا كان في طلب وزحمة والكل يبي يشتري عادي بعد بيرتفع السعر

قيس على ذلك سيارة تعتبر من اشهر السيارات في قطر مهما يزيد سعرها تروح تبي تشتري يقول لك احجز وانتظر دور !!!! يعني مهما رفع الاسعار الطلب موجود وبقوة

خلاصة الكلام في عوامل تحكم الاسعار ولكن الناس لازم تفهم ان بيدهم دور كبير جدا في التأثير على الاسعار واللي يبي يجرب اختاروا سلعة غالية وقاطعوها وخل التاجر يعرف ان السبب غلاء الاسعار ودورا عن بديل وشوفوا اذا السعر ينزل او لا !

[STAR]

انزين حماية المستهلك يقدرون يسوووون شي؟؟؟!!!

اذا تبين من نفسهم ينزلوون الاسعار ف نو وي .....لازم حد يوقفهم عن حدهم...


شكرا عالطرح

[فلتة زمانها]

اللي يضحك انه البحرينيات اللي يبيعون العبي
مو متحجبات!!
بس يدرون بنات قطر مقصه ويدفعون على طول
صدقوني والله مافي احلى مِنْ العبايه الساده

[الصريحه]

وياج صراحه فعلا استغلال انشاءالله يلقون لهم حل

[اخر العنقود]

والله معاج حقي اختي
مره فالبحرين شريت عباه بسعر معقول وقالت لي الي اتبيع يوم عرفت اني قطريه قالت انا في قطر ابيعها اغلى من هالسعر
وختمتها في الاخير وقالت لاتعلمييييييييييين حد

[al-vtc]

هههههههههههههههههههههههههههه

انا اشهد لانه الله يسلمج القطرية وين ما تروح محلات معارض تشتري على طول بالسعر المطروح حتى لو كان غالي بس مادري شالسبب يمكن وباعتقادي انه تعتقد ما راح تلقى نفس المنتج في مكان ثاني بهالسعر

وانا تناقشت مع واحد من الجنسيات العربيه اللي كانو في المعرض الاخير اخر يوم طبعا وكنا شباب قالي ياخي احنا اذا بعنا ب 500 القطعه نفس القطعه نقدر نبعها ب 1500 يعني مافي فرق هني خاصه في الاسواق الخليجية

بصراحه بط جبدي حسسني انه احنا مقصه والله

[Sharshooooor]

اللي يضحك انه البحرينيات اللي يبيعون العبي
مو متحجبات!!بس يدرون بنات قطر مقصه ويدفعون على طول
صدقوني والله مافي احلى مِنْ العبايه الساده

يافلته زمانج عيب عليج هالكلام

تعبنا واحنا نقول ياجماعة لاتعممون

واتمنى ارجع اشوف تعليق منج باعتذار على هالجملة

وترى حتى الغتر اول من اخترعها الانجليز عادي يعني الرزق يجي من الله وبيد اللي يشتغل :nice:

[شموع قطريه]

من فتره وحده اعرفها شاريه عبايات من عند مصممه سعوديه قيمة الوحده بــ 3800 ريال يعني 4 عبايات بـ 15.200 ريال .. في ذمتكم وين تبونهم ينزلون في الاسعار اذا البنات اللي عندنا مقصه وفيهم سفاهه ماليه !!!

[بو خليفه 123]

بارك الله فيك يالاصيله

متابع لآراء خواتنا مرتادي السوق


أنا مهتم في هذا الموضوع جداً لأسباب عديده


تحياتي

[قطرية ونص]

جزاك الله خير على الموضوع فعلا الاسعار فيها مبالغة اللي ينباع في السعودية والبحرين ينباع 500ريال واقل في قطر يوصل 5000ريال لكن انا مالوم البيعات انا الوم بنات اهل قطر المغفلات انا اسفه على هاذي الكلمة فعلا انا مغفلة اذا اشتريت من عندهم وافضل لي اتصدق فيها على العوايل القطرية المتعففه والصابره على الغلاء الطاغي على الاسر

[بنت سيف]

عزيزتي الأصيلة ..

موضوع جميل وحلو .. ولي رأي .. مختلف ..

لماذا تصر القطريات على العباءة المزركشة؟؟

أليس للفشار الاجتماعي دور؟؟

القضية لا يدخل تحتها العباءة فقط ..
فالمشكلة في الاستعراض والتباهي أمام الغير ..

مشكلة مجتمعنا الأزلية " عندك تاكل .. لا .. عندك تغرم .. إيي"

تقول فلانة اشتريت عباءة .. بـ 3000 آلاف ريال .. وترد عليها صديقتها اشتريت لابنتي عباءة بـ2000 ريال ..

والقضية ليست عباءة .. بقدر ما هي فشار اجتماعي ..

وتحت الفشار الاجتماعي لا تأتي العباءة فقط ..

بل تأتي العباءة .. وشنطة اليد .. والحذاء .. والمكياج .. والعطر .. والمجوهرات والساعة ذات الحجم الكبير ..
ولا مشكلة فيما يأتي تحت العباءة .. فلا أحد يراه ..
هذا للنساء ..

أما الرجال ..
فتأتي الساعة .. وقلم الحبر .. والنعال (أعزكم الله) .. وأهم شيء .. السيارة ..

كل القصة .. تباهي على الآخرين .. أو فشار اجتماعي ..

وبالطبع .. هناك مستفيدين (أصحاب المحلات والتجار) .. من هذه القصة ..
بل ويروجون لها .. ويستغلون .. من يحب التباهي ..

هل تعلمين .. ما هو المؤسف ؟؟

المؤسف .. أن الكثير يذهب إلى الدول المجاورة لشراء .. مواد تموين المنزل .. لرخص السعر ..
وهم أنفسهم يذهبون للدول المجاورة .. لشراء العباءة الغالية السعر ..؟

اسمحي لي .. على الصراحة ..

ودمتِ بود

بنت سيف

[The Master]

احم...

سؤال عالطاير...بره الموضوع...اسمحي لي اختي راعيه الموضوع...

بخصوص الشوارب المشاركين في الموضوع؟؟؟...

ترا الموضوع حق النسوان...وبحت...انتوا وين داشين عرض؟؟؟...
ولا وصلنا لليوم اللي صرنا ابتاع كله...
اتمنى مايكون شي ثاني...احم

[محمد2]

اللي يضحك انه البحرينيات اللي يبيعون العبي
مو متحجبات!!
بس يدرون بنات قطر مقصه ويدفعون على طول
صدقوني والله مافي احلى مِنْ العبايه الساده

وانتي صادقة حق التفوشر

[The Master]

عزيزتي الأصيلة ..

موضوع جميل وحلو .. ولي رأي .. مختلف ..

لماذا تصر القطريات على العباءة المزركشة؟؟

أليس للفشار الاجتماعي دور؟؟

القضية لا يدخل تحتها العباءة فقط ..
فالمشكلة في الاستعراض والتباهي أمام الغير ..

مشكلة مجتمعنا الأزلية " عندك تاكل .. لا .. عندك تغرم .. إيي"

تقول فلانة اشتريت عباءة .. بـ 3000 آلاف ريال .. وترد عليها صديقتها اشتريت لابنتي عباءة بـ2000 ريال ..

والقضية ليست عباءة .. بقدر ما هي فشار اجتماعي ..

وتحت الفشار الاجتماعي لا تأتي العباءة فقط ..

بل تأتي العباءة .. وشنطة اليد .. والحذاء .. والمكياج .. والعطر .. والمجوهرات والساعة ذات الحجم الكبير ..
ولا مشكلة فيما يأتي تحت العباءة .. فلا أحد يراه ..
هذا للنساء ..

أما الرجال ..
فتأتي الساعة .. وقلم الحبر .. والنعال (أعزكم الله) .. وأهم شيء .. السيارة ..

كل القصة .. تباهي على الآخرين .. أو فشار اجتماعي ..

وبالطبع .. هناك مستفيدين (أصحاب المحلات والتجار) .. من هذه القصة ..
بل ويروجون لها .. ويستغلون .. من يحب التباهي ..

هل تعلمين .. ما هو المؤسف ؟؟

المؤسف .. أن الكثير يذهب إلى الدول المجاورة لشراء .. مواد تموين المنزل .. لرخص السعر ..
وهم أنفسهم يذهبون للدول المجاورة .. لشراء العباءة الغالية السعر ..؟

اسمحي لي .. على الصراحة ..

ودمتِ بود

بنت سيف

اختي بنت سيف...
ممكن سؤال...

وين المشكله في المفوشر...
واقصد المفوشر المتزن...يعني في حدود المعقول؟؟؟

انتظر ردك اختي...

[محمد2]

احم...

سؤال عالطاير...بره الموضوع...اسمحي لي اختي راعيه الموضوع...

بخصوص الشوارب المشاركين في الموضوع؟؟؟...

ترا الموضوع حق النسوان...وبحت...انتوا وين داشين عرض؟؟؟...
ولا وصلنا لليوم اللي صرنا ابتاع كله...
اتمنى مايكون شي ثاني...احم

هالشوارب اللي داشين في الموضوع على قولتك يهمه الموضوع (لأن هالنسوان هم خواتنا وبناتنا وحريمنا وامهاتنا , ) والا اش رايك ؟؟؟؟؟؟؟؟؟؟

[قطرية فذة]

لعلي ادخل في تفاصيل ولعل لكم الرؤيه

الخامات تباع بسعر موحد ليس غالي السعر كما يزعمون

الخياطه تختلف في نوعيتها

ان كانت ماكنه فسعر التطريز لايتجاوز 100 ريال فقط للعلم

ان كانت باليد يحق لهم زياده بالسعر لايتعدى 250 ريال

هذا برؤيتي الشخصيه

مثلي ابتاع العبائه آخر حد لها 150 ريال وخاليه

من سنتين كنت اشتريها بقيمه 60 ريال من السعوديه

اما الآن اختلف السعر بالارتفاع

من الامارات وان كانت مطرزه فقط كنت اساوم السعر وجدتها مطرزه اغلبيتها بقيمه 180 ريال

وهنالك عمل يدوي بالتطريز وعمل ماكنه

اجد الاجمالي وان كثر -250-200 ريال لا اكثر

(( العبائه للحشمه والعفاف والستر )) والملفت الملون لايحتاج له من بهرجه

ارى ان يوضع مايحد من السعر من الزياده

/

يسر الله لكم

[رذاذ]

احم...

سؤال عالطاير...بره الموضوع...اسمحي لي اختي راعيه الموضوع...

بخصوص الشوارب المشاركين في الموضوع؟؟؟...

ترا الموضوع حق النسوان...وبحت...انتوا وين داشين عرض؟؟؟...
ولا وصلنا لليوم اللي صرنا ابتاع كله...
اتمنى مايكون شي ثاني...احم

الشوارب الى داخلين فلست جيوبهم بسبب هالشي الغير معقول ..
كل شهر عباية ولا عبايتين

بس صراحه والاوفر عبايات البحرين :nice::nice::nice:
بـ 350 الى 600 ريال وتسوى على نقشتها وعلى نوع الخلق ام 1500 ريال

وكلن عنده اهل

[Sharshooooor]

اختي بنت سيف...
ممكن سؤال...

وين المشكله في المفوشر...
واقصد المفوشر المتزن...يعني في حدود المعقول؟؟؟

انتظر ردك اختي...

هاي مصطلح جديد والا اخفاء عيوب المفوشر ؟؟؟

مافي شي اسمة مفوشر متزن

في شغلة اسمها انيقه او كاشخه بس بعقل دون مبالغة

[بو خليفه 123]

اختي بنت سيف...
ممكن سؤال...

وين المشكله في المفوشر...
واقصد المفوشر المتزن...يعني في حدود المعقول؟؟؟

انتظر ردك اختي...


دام الموضوع يخص النسوان على قولتك ليش رجعت له و شاركت فيه مره ثانيه

[بـــــــنت النوخـّــــذه]

بس للامانه وكلمه الحق تنقال بعضهم تصميمهم وخاماتهم عجيبه ماتخترب يعني الاشياء الي مستخدمينها من سوارفسكي وخيوط والذي منه تجيكم اصليه وهذي مكلفه غير الخامه لما اتكون من النوع الطيب الي مايخترب 000
طبعا" صج في مبالغه لدى البعض ولكن البعض يحسبها من حيث التكلفه ومن حيث الجوده العاليه 000والبعض الاخر يحسبها من حيث غباء الحريم باتباع المسميات واماكن العرض للعبي<<<وياكثر هالنوعيه:nice:000
مثلا :

فلانه مصممه عبايات لها عرض في المجمع الفلاني المرموق في شارع كذا بجانب محل كذا للماركات العالميه ,,,<<<اهنيه اتحصلين بعض الحريم تخرعو ان الله في مجمع مرموق اكيد كشخه ويستاهل السعر 00بدون لاينظرون للجوده 00

يعني المسئله ومافيها مهب المصممات بل الي يروحون يشترون منهم هل اهي واعيه لجوده العبايه المقدمه هل تستاهل السعر وجوده العرض ولا بس جذيه مع الخيل ياشقرى ,,,,<<<اتضحكني هالنوعيه :)000
وفي الاخير والله اتمنى تروح موضه هالعبي الي كنها مساند لاعت جبودنا منها

ومتابعه الردود وشاكره لج الموضوع المميز مثلج:shy:

[بنت سيف]

اختي بنت سيف...
ممكن سؤال...

وين المشكله في المفوشر...
واقصد المفوشر المتزن...يعني في حدود المعقول؟؟؟

انتظر ردك اختي...

مراحب .. أخوي The Master

من تواضع لله رفعه ..

هناك فئة مثلا راتب الزوج 10 آلاف والزوجة 7 آلاف
هل من المنطقي .. أن يشترون لبناتهم الثلاث .. عباءة بـ 1500 على الأقل كل شهرين ؟؟؟

يحصل أمامي .. وبدون مبالغة .. مع العلم أن هناك التزامات كثيرة أمام هذه العائلة ..

أليس هذا نوع من الفشار الاجتماعي .. ليش كل شهرين
1500 × 3 = 4500 × 6 مرات في السنة = 27000

المجتمع .. صار لازم الكل يلبس فيه غالي ..
اللي يقدر واللي ما يقدر .. تقدر تقول نوع من الوجاهة الاجتماعية ..

وما في مراعاة من اللي يقدر للي ما يقدر .. ومثال العبايات والفشار الاجتماعي .. المنهك لأرباب الأسر .. يعاني منه الكثير ..

ماذا سيحصل .. لو الغني .. لبس شيء بسعر معقول ..؟
الحساب يوم الحساب .. ليس على المظهر .. ولا على بكم فصلت ولا شريت عباءة ..

** ** **

المهم .. دام الموضوع مب "للشوارب" ..

أنت ليش هني ..؟

لا تقول علشان ترد علي ..

تراني امزح >> وهذه سابقة لي .. لا تزعل ..

تحياتي

بنت سيف

[محمد2]

بس للامانه وكلمه الحق تنقال بعضهم تصميمهم وخاماتهم عجيبه ماتخترب يعني الاشياء الي مستخدمينها من سوارفسكي وخيوط والذي منه تجيكم اصليه وهذي مكلفه غير الخامه لما اتكون من النوع الطيب الي مايخترب 000
طبعا" صج في مبالغه لدى البعض ولكن البعض يحسبها من حيث التكلفه ومن حيث الجوده العاليه 000والبعض الاخر يحسبها من حيث غباء الحريم باتباع المسميات واماكن العرض للعبي<<<وياكثر هالنوعيه:nice:000
مثلا :

فلانه مصممه عبايات لها عرض في المجمع الفلاني المرموق في شارع كذا بجانب محل كذا للماركات العالميه ,,,<<<اهنيه اتحصلين بعض الحريم تخرعو ان الله في مجمع مرموق اكيد كشخه ويستاهل السعر 00بدون لاينظرون للجوده 00

يعني المسئله ومافيها مهب المصممات بل الي يروحون يشترون منهم هل اهي واعيه لجوده العبايه المقدمه هل تستاهل السعر وجوده العرض ولا بس جذيه مع الخيل ياشقرى ,,,,<<<اتضحكني هالنوعيه :)000
وفي الاخير والله اتمنى تروح موضه هالعبي الي كنها مساند لاعت جبودنا منها

ومتابعه الردود وشاكره لج الموضوع المميز مثلج:shy:



اوكية اختي بنت النوخذة وانا معاج ان هالعبايات من النوعية الجيدة . اللي خاماتهم عجيبه ماتخترب يعني الاشياء الي مستخدمينها من سوارفسكي وخيوط والذي منه تجيكم اصليه وهذي مكلفه غير الخامه لما اتكون من النوع الطيب الي مايخترب على قولتج ,
السؤال :
كم مرة تنلبس هالعباية اللي سعرها بالشى الفلاني ؟؟؟؟؟؟؟؟؟؟؟؟؟؟؟

[بـــــــنت النوخـّــــذه]

اوكية اختي بنت النوخذة وانا معاج ان هالعبايات من النوعية الجيدة . اللي خاماتهم عجيبه ماتخترب يعني الاشياء الي مستخدمينها من سوارفسكي وخيوط والذي منه تجيكم اصليه وهذي مكلفه غير الخامه لما اتكون من النوع الطيب الي مايخترب على قولتج ,
السؤال :
كم مرة تنلبس هالعباية اللي سعرها بالشى الفلاني ؟؟؟؟؟؟؟؟؟؟؟؟؟؟؟

سؤال وجيه اخوي بو محمد عاد اهنيه يعتمد على المرأه نفسها اذا من النوع الي اللهم لك الحمد هذا شي ثاني 000بالنسبه لي انا اشتري الغالي في حاله وحده اشتريه اذا عجبني من جميع الجوانب (وبعد دراسه لنوع الخامه/فخامه الصنع0الموديل 0000الخ) اذا عجبني شريته في حاله استصعب عليه تفصيل مثله ولكن افصل بتكلفه رخيصه اذا قدرت آخذ الموديل و افصل مثله بعد الله حط لنا عقل انفكر تفكير ايجابي مهب تفكير غبي اسمحلي 0وانخلي عمرنا مقصه 00

وبالنسبه لعدد اللبسات صراحه البسها وابدل بدفاف ثانيه عادي البسها كذا مره ليش لا 00 الانسانه بشخصيتها وطريقه رقيها باللبس وطريقه اضافه لمسات راقيه في كل مره تغيير من لوكها الاولي بالعباه مهب بعدد الدفاف وكم مره كررتها والذوق اللهم ياكافي 000

[ابو محمد7]

عزيزتي الأصيلة ..

موضوع جميل وحلو .. ولي رأي .. مختلف ..

لماذا تصر القطريات على العباءة المزركشة؟؟

أليس للفشار الاجتماعي دور؟؟

القضية لا يدخل تحتها العباءة فقط ..
فالمشكلة في الاستعراض والتباهي أمام الغير ..

مشكلة مجتمعنا الأزلية " عندك تاكل .. لا .. عندك تغرم .. إيي"

تقول فلانة اشتريت عباءة .. بـ 3000 آلاف ريال .. وترد عليها صديقتها اشتريت لابنتي عباءة بـ2000 ريال ..

والقضية ليست عباءة .. بقدر ما هي فشار اجتماعي ..

وتحت الفشار الاجتماعي لا تأتي العباءة فقط ..

بل تأتي العباءة .. وشنطة اليد .. والحذاء .. والمكياج .. والعطر .. والمجوهرات والساعة ذات الحجم الكبير ..
ولا مشكلة فيما يأتي تحت العباءة .. فلا أحد يراه ..
هذا للنساء ..

أما الرجال ..
فتأتي الساعة .. وقلم الحبر .. والنعال (أعزكم الله) .. وأهم شيء .. السيارة ..

كل القصة .. تباهي على الآخرين .. أو فشار اجتماعي ..

وبالطبع .. هناك مستفيدين (أصحاب المحلات والتجار) .. من هذه القصة ..
بل ويروجون لها .. ويستغلون .. من يحب التباهي ..

هل تعلمين .. ما هو المؤسف ؟؟

المؤسف .. أن الكثير يذهب إلى الدول المجاورة لشراء .. مواد تموين المنزل .. لرخص السعر ..
وهم أنفسهم يذهبون للدول المجاورة .. لشراء العباءة الغالية السعر ..؟

اسمحي لي .. على الصراحة ..

ودمتِ بود

بنت سيف

صدقتي بكلامج وفعلا احنا نعاني من المفوشر رجال ونساء الا من رحم الله

والمشكلة اذا الواحد قرر يكون عاقل ويقلل من المظاهر الكل يطالعج بنظرات وفي ناس تنظر لج نظرة دونية وغير ان البعض يقول عنك بخيل او متخلف او معقد

اما بالنسبة لسالفة الشوارب

اعتقد لو كان الموضوع عن الخياطة والتفصيل بيكون موضوع نسائي

واحنا قاعدين نشارك لان الموضوع اقتصادي واعتقد ان معظم الصرف يكون من الرجل ولان نفس الكلام ينطبق على منتجات اخرى

الموضوع ايضا فكري وثقافي نفس ماقالت الاخت بنت سيف موضوع المفوشر

احنا لازم نتكلم عن هالموضوع اكثر في مواضيع مستقلة بنفسها ونحاول نغير من نمط التفكير السائد ترى الكثير من مشاكلنا ممكن نخفف من أثرها لو غيرنا من تفكيرنا شوي شوفوا مثلا كم موضوع عن تكاليف الزواج وشوفوا شكثر ممكن نوفر ونقلل لو غيرنا من نمط تفكير المظاهر

احنا فعلا مجتمع يحب المفوش والمظاهر ندفع فلوس علشان ارقام مميزة حق التلفون والسيارة !

سيارات من اغلى مايكون !

حفلات زفاف بمستوى افتتاح بطولات ومهرجانات (مبالغة وكناية ) !

والحديث يطول

[ضوى]

السعر يخضع لعميلة العرض والطلب ، اذا فيه طلب زاد السعر واذا كثر المعروض قل السعر ، عملية عكسية لو بنات قطر تتوحد كلمتهم على ان سعر العباية مايتجاوز 500 ريال صدقوني مارح تتجاوزها لو شنو يصير طالما فيه زبائن اكيد بيروح السعر فوق

يازين عباية الراس والعباية السادة لا ويبيعونها ب310

[قطرية فذة]

السعر يخضع لعميلة العرض والطلب ، اذا فيه طلب زاد السعر واذا كثر المعروض قل السعر ، عملية عكسية لو بنات قطر تتوحد كلمتهم على ان سعر العباية مايتجاوز 500 ريال صدقوني مارح تتجاوزها لو شنو يصير طالما فيه زبائن اكيد بيروح السعر فوق

يازين عباية الراس والعباية السادة لا ويبيعونها ب310

والله يا اختي ياضوى حتى سعر البيع مايسوى 310

[ضوى]

والله يا اختي ياضوى حتى سعر البيع مايسوى 310

شتسوين هذا الموجود مجبورين ناخذ :( ، بس بيني وبينج اكدهم كد اطلع قيمتهم من قلب :shy:

[بـن عدوان]

أختي الكريمة ...

انا لو كنت تاجر وشفت الإقبال موجود على بضاعتي، قمت رفعت السعر وشفته العرض زااد !!

شي طبيعي اني برفع قد ما أقدر دام أنه الناس بتدفع، ودام مافي رقابة عليي صح ولا لا ؟

المشكلة الحين من جهتين:

الأولى والأهم : الناس( الحريم ) تدفع بدون حساب وماتفكر في غيرها.
الثانية : حماية المستهلك ...

تحياتي لج

[الأصيلة]

الشوارب الى داخلين فلست جيوبهم بسبب هالشي الغير معقول ..
كل شهر عباية ولا عبايتين

بس صراحه والاوفر عبايات البحرين :nice::nice::nice:
بـ 350 الى 600 ريال وتسوى على نقشتها وعلى نوع الخلق ام 1500 ريال

وكلن عنده اهل

أيضا الخبر والدمام والإحساء
برخص الماي العبايات...

[الأصيلة]

المشكلة صار عقل الأم بعقل بنتها اللي بعمر 15 سنة
ماتبغي بنتها أقل من بنات عمها والا صديقاتها...فتشتري بأغلى الأسعار ومن هنا تتدرب البنت على هذا الطبع..
وينتشرون في المجتمع هذي النوعيات...وهكذا


1000 مليون شكر لكل من مر بالوضوع وشارك
بكلماته وآرائه الماسية...

[الأصيلة]

بس للامانه وكلمه الحق تنقال بعضهم تصميمهم وخاماتهم عجيبه ماتخترب يعني الاشياء الي مستخدمينها من سوارفسكي وخيوط والذي منه تجيكم اصليه وهذي مكلفه غير الخامه لما اتكون من النوع الطيب الي مايخترب 000
طبعا" صج في مبالغه لدى البعض ولكن البعض يحسبها من حيث التكلفه ومن حيث الجوده العاليه 000والبعض الاخر يحسبها من حيث غباء الحريم باتباع المسميات واماكن العرض للعبي<<<وياكثر هالنوعيه:nice:000
مثلا :

فلانه مصممه عبايات لها عرض في المجمع الفلاني المرموق في شارع كذا بجانب محل كذا للماركات العالميه ,,,<<<اهنيه اتحصلين بعض الحريم تخرعو ان الله في مجمع مرموق اكيد كشخه ويستاهل السعر 00بدون لاينظرون للجوده 00

يعني المسئله ومافيها مهب المصممات بل الي يروحون يشترون منهم هل اهي واعيه لجوده العبايه المقدمه هل تستاهل السعر وجوده العرض ولا بس جذيه مع الخيل ياشقرى ,,,,<<<اتضحكني هالنوعيه :)000
وفي الاخير والله اتمنى تروح موضه هالعبي الي كنها مساند لاعت جبودنا منها

ومتابعه الردود وشاكره لج الموضوع المميز مثلج:shy:



عندك حق اختي بنت النوخذه
فعلا بعض التصاميم حلوة وراقية وخاصة إذا كانت اسود سادة بتطريزها وموديلها...
ثم إن اللي مضطرة للخروج لأداء المواجيب او المخالطات الإجتماعية...
فهي تحتاج أكثر من عبايه لزوم التغيير...
لكن المشكلة فقط في الأسعار المبالغ فيها حيث أن في موطنها الأصلي بربع السعر...
والبعض ماعنده مجال للسفر للبحرين أو السعودية من اجل شراء العبايات
لكن اللي متعودين ماشاء الله عليهم يجبونها بسعر زهيد...
لكن بعض العبايات صراحة مأساه في موديلها وترقيعاتها والسعر مهول ما يتصدق ...
والإستغلال واضح...ولو كان السعر تكلفة السوار فسكي والخيوط لكان السعر نفسه في كل مكان مب يتغير من بلد لـ بلد..
لكن أرحم من الإمارات اللي توصل عندهم سعر العباية 10،000 درهم او 20،000 درهم
بحجة إنها تلبس في الأعراس ولكن السعر مبالغ جدا جدا فيه...

[الجزوع]

يستاهلون هم ميتين على هالاستغلال ، وهالشي برضاهم طبعا مب الكل بعضهن ، وهالبعض خربوا على بنات واجد ، مره من المرات قلت لخياط عبايات : انتوا ليش اسعاركم مبالغ فيها؟ قال لي انت كتري فلوس واجد ،كلش حرمه قطري يشوف عبايه رخيص قول مايبي ليش رخيص؟ اكيد مافيه زين!! ( هاه وش رايكم؟)

[فلتة زمانها]

يافلته زمانج عيب عليج هالكلام

تعبنا واحنا نقول ياجماعة لاتعممون

واتمنى ارجع اشوف تعليق منج باعتذار على هالجملة

وترى حتى الغتر اول من اخترعها الانجليز عادي يعني الرزق يجي من الله وبيد اللي يشتغل :nice:

يه وانا شقايله عشان اعتذر ماغلطت على حد انا قلت اللي شفته
بعدين صج المصممات اللي شفتهم مو متحجبات يلبسون العبايه
بدون حجاب للعرض فقط

[bu abdulla]

من فتره وحده اعرفها شاريه عبايات من عند مصممه سعوديه قيمة الوحده بــ 3800 ريال يعني 4 عبايات بـ 15.200 ريال .. في ذمتكم وين تبونهم ينزلون في الاسعار اذا البنات اللي عندنا مقصه وفيهم سفاهه ماليه !!!
بعض الحريم مقصه ولا يفاصلون بالاسعار

[clouds]

شوفو البحرينيات يجيبونهم من الخبر...والقطريات من الخبر وسوق الشارجه مو دبي..وياخذون العبايات على 300-500 ريال بالكثير ويبيعونهم شوف عيني بالفين وشي..مره وحده شاريه عبايه من دبي ب800 وشافتها عليها وحده ثانيه قالت لها انتي خذتيها من فلانه (قطريه)قالت لا من دبي قالت وييي عيل انا خذتها ب4 الاف من فلانه وقالت تصميمي!!!والبحرينيات والسعوديات ماقصو على القطريات الا عقب ماشافو ان القطريات نفسهم اللي يبعيون العبي مبالغين في اسعارها...والله لو نقط العبايه احسن واوفر..كل وحده مسويه روحها شايل وديور وهم يشترون العبايه جاهزه من الهنود ويبيعونها بالالاف علينا

[حليتان*]

لو العالم مايشترون ما غلو السعر ...احنا معروفين ما نقدر نيود نفسنا :(

[meme~qatar]

حبيبتي

في خياطين يسوون احسن هالمصممات واسعارهم حلوة

بس الغلط فينا ندور الغالي حق المفوشر

[الكــاســــر]

إذا ما تغيرت عقلية المجتمع للأشياء هاذي راح يستمر الطلب عليها وبالتالي السعر ما بينزل وبيستمرون هالأجانب في مسلسلل الاستغلال

وأصلا العباية ليش شرعت؟ عشان الستر مب لغيره.. فماله داعي ألف وألفين على عباية كل الي فيها شوي تطريز ما يغير شكل العباية

شحلاة العباية السادة:)

[tulepq]

تسلمين يا الأصيلة على هذا الطرح ..

أنا ما يضحكني إلا إذا قالو: إحنا زباينا من البيت الفلاني .. والبيت العلاني .. :rolleyes2:


وأنا شيخصني ؟ :tease:

أنا إذا عاجبتني باخذها .. بس إني أحس إنهم يستغلون موضوع الأسامي هذا اللي أحس إنه ماله داعي ..

... متابعه معاكم

[@north_star@]

السبب في غلاء الاسعار الزباين نفسهم
لما يشترون بالغالي ويدورون اغلى شي فشي طبيعي انه التاجر بيرفع السعر وبيتم يرفع لانه بنظره انه الناس يدورون الغالي حتى لو كانت الخامة مب لهناك *

[فيزيائية]

تتكلمون عن استغلال القطريات وكأنهم (قصّر او ماعندهم مخ) وهم بكامل العقل والشخصية ....
اللي يعرضون مايلزمون حد يشتري بالغصب
بس بناتنا فديتج يموتون على شي مميز وغالي ومحد مسوي مثله !!
كأن عندهم بير فلوس وهاااات ياصرف كأنه واجب عليهم !!
لو كل وحدة حطت عقلها براسها ومالتفتت لهم ما هدوا بلادهم وجونا ركض يدورون على الكنز عندنا !!
الكنز=(بنت+فلوس ماتعرف شتسوي فيها)!!
للاسف نستخدام الفلوس بسفاهة وفي غير محلها...والسفيهات كثروا هاليومين...
ومن سوا نفسه سبوووووس ؟؟

[بوخالد911]

الله يستررر

[الأصيلة]

أختي الكريمة ...

انا لو كنت تاجر وشفت الإقبال موجود على بضاعتي، قمت رفعت السعر وشفته العرض زااد !!

شي طبيعي اني برفع قد ما أقدر دام أنه الناس بتدفع، ودام مافي رقابة عليي صح ولا لا ؟

المشكلة الحين من جهتين:

الأولى والأهم : الناس( الحريم ) تدفع بدون حساب وماتفكر في غيرها.
الثانية : حماية المستهلك ...

تحياتي لج

اخي بن عدوان
للتاجر الحرية في رفع أو خفض السعر حسب المشتري
لكن يكون الربح معقول لا أضعاف اضعاف التكلفة...
فلذلك يعتبر استغلال حتى لو الناس قادرة تدفع والأغلبية يضغطون على نفسهم حتى يجارون غيرهم...
التاجر الناجح الأمين يجاري السوق بالأسعار المعقولة
...

شكرا لـ مرورك أخي الكريم

[ابو محمد7]

إذا ما تغيرت عقلية المجتمع للأشياء هاذي راح يستمر الطلب عليها وبالتالي السعر ما بينزل وبيستمرون هالأجانب في مسلسلل الاستغلال

وأصلا العباية ليش شرعت؟ عشان الستر مب لغيره.. فماله داعي ألف وألفين على عباية كل الي فيها شوي تطريز ما يغير شكل العباية

شحلاة العباية السادة:)

خير الكلام ماقل ودل

هذا السؤال المطروح هني سؤال مهم جدا جدا ويحل مشاكل كثيرة !

من الاخر على قولتهم دايما اسأل سؤال ليش او شنو الهدف من الشي !

واخونا شرح مثال العباية اذا كان الهدف الستر فابسط عباية سادة بتأدي المطلوب اما اذا كان الهدف المفوشر الله يعين الجميع

وانا بعطيكم مثال ثاني

الناس اللي تسافر اوروبا وتقعد شهر وتصرف مبلغ وقدره ويمكن يكون اصلا سلفية

لازم بعد يطرح هالسؤال انا بسافر ليش ؟ شنو الهدف ؟ اذا كان تغيير جو وتجديد نشاط حتى زيارة دولة خليجية لمدة 4 او 5 ايام ممكن الواحد يتونس فيها

اما اذا كان الهدف المفوشر عاد الله يعينه

[الأصيلة]

بعض الحريم مقصه ولا يفاصلون بالاسعار

البنات المراهقات هم اللي مايحبون يفاصلون بالسعر
عندهم شي يفشل...
وما يرضون ان أهاليهم تفاصل بالأسعار...

[Abu Abdullah]

تسلمين يا الأصيلة على هذا الطرح ..

[اعالي الجنان]

السعر يخضع لعميلة العرض والطلب ، اذا فيه طلب زاد السعر واذا كثر المعروض قل السعر ، عملية عكسية لو بنات قطر تتوحد كلمتهم على ان سعر العباية مايتجاوز 500 ريال صدقوني مارح تتجاوزها لو شنو يصير طالما فيه زبائن اكيد بيروح السعر فوق

يازين عباية الراس والعباية السادة لا ويبيعونها ب310

اختي ضوى عباية الراس ماتزيد عن 200 وتعيش كم سنه وياج
والساده 100 ريال وكديها كد لين تطلع روحها
اما المزركشه لها وقت وتنقط بالكبت

[moonبنتnight]

وايد أسمع خرابيط 00 نفس الكلام على كل بضاعة 00 اما سوي جلابيات حق اهل البحرين لانه مديلات مميزة جداً وما سويها لا حق اهله قطر 00 يوم تشوف موديلات تقول ما يلامون ما عرضوها عليهم لانها ما تلبس 00 تلوع جبد 00 ولا أحد بشتريها 00

ولا مصممة سعودية مديلات الجلابيات ما تبيعها لا حق أميرات السعودية شوفي أقل سعر 12 ألف ريال 00 وهي ما تسوي هل مبلغ 00 ونفس شي مديلات الكويتية 00 جات عليهم فترة تقولين خلق سدو خيمة 00 ويقولن لا موضة 00 ويوم شافوها ما مشت هل بضاعة طاحوا على العبايات 00 مديلات روعة بأسعار معقولة بس شافوا سالفت المعارض 00 أرفعوا سعر لين توصل 6 ألف ريال للعباية ولا أحد يقدر يكلمهم ما دام في ناس بتشتري 00

[بورصــة]

بصراااااااحه فعلا نخسر وايد في العبايات ولين تكرر الموديل وطلع موديل جديد قطيناها

حتى ماصار لها شهر

العله فينا احنا

والحييييييين طلعت موضه جديده للعبايه يسمونها الاخطبوبط


ابي اعرف شلون بتطلع ^_^ لها اكثر من يد يعني هههههههههههههه


وبقولج اختي بعد فيه بنات يبون لج اقطع تطريز من الحسا جاهز يشترونه مناك المتر

بـ 25 ويبوعونها هني المتر 70 شوفي الفرق

[الأصيلة]

وايد أسمع خرابيط 00 نفس الكلام على كل بضاعة 00 اما سوي جلابيات حق اهل البحرين لانه مديلات مميزة جداً وما سويها لا حق اهله قطر 00 يوم تشوف موديلات تقول ما يلامون ما عرضوها عليهم لانها ما تلبس 00 تلوع جبد 00 ولا أحد بشتريها 00

ولا مصممة سعودية مديلات الجلابيات ما تبيعها لا حق أميرات السعودية شوفي أقل سعر 12 ألف ريال 00 وهي ما تسوي هل مبلغ 00 ونفس شي مديلات الكويتية 00 جات عليهم فترة تقولين خلق سدو خيمة 00 ويقولن لا موضة 00 ويوم شافوها ما مشت هل بضاعة طاحوا على العبايات 00 مديلات روعة بأسعار معقولة بس شافوا سالفت المعارض 00 أرفعوا سعر لين توصل 6 ألف ريال للعباية ولا أحد يقدر يكلمهم ما دام في ناس بتشتري 00

شكرا على مرورك اختي العزيزة
الجلابيات مأساة
مرقعة بطريقة غريبة ولحد الركبة يعني لازم معاها ليقنز...وكأنها حق حوامل يقولون هذي الموضة..
خلاص ضاعت معالم الجلابية العادية المطرزة ماعاد لها طاري عند الكثير...
في المعرض جا السوري جايب ما يشابهها وحط عليها نفس اسعار الكويتين 500 ريال مع انها ماتستاهل قماش عادي وأزياج رخيص يعني بسوريا ماتسوى
ولقى اقبال رهيب...
هالأيام صار ربح المصممات الخليجيات من بنات قطر فقط
كل 3 مصممات يأجرون سويت بفندق 5 نجوم ويعلقون بضاعتهم على الأسرة وعند الحمام واللي فوق السرير
يجون الحريم يقايسون ويشترون
صراحة طريقة بدائية جدا ومافيه خصوصية في المشتريات بس هي قاعدة وتستلم المبالغ
مافيه الا انواط زرقا..الجلابية أبدا
ماتقل عن 1500 هذي العادية والباقي 3000 أو 4000
والله والحريم يشترون
عاد يصيرالتنافس كل وحده تضطر تشتري حتى تشوفها الثانية..
تنافس غريب والمستفيد منه التاجر...
الله يبارك لهم ويزيدهم ويهديهم عشان يخففون من الإستغلال الواضح...

[Qatarianes]

الحسا ثلاث ساعات من اهني واسعار رخص التراب وبضاعه ولا اروع

[بـــــــنت النوخـّــــذه]

شكرا على مرورك اختي العزيزة
الجلابيات مأساة
مرقعة بطريقة غريبة ولحد الركبة يعني لازم معاها ليقنز...وكأنها حق حوامل يقولون هذي الموضة..
خلاص ضاعت معالم الجلابية العادية المطرزة ماعاد لها طاري عند الكثير...
في المعرض جا السوري جايب ما يشابهها وحط عليها نفس اسعار الكويتين 500 ريال مع انها ماتستاهل قماش عادي وأزياج رخيص يعني بسوريا ماتسوى
ولقى اقبال رهيب...
هالأيام صار ربح المصممات الخليجيات من بنات قطر فقط
كل 3 مصممات يأجرون سويت بفندق 5 نجوم ويعلقون بضاعتهم على الأسرة وعند الحمام واللي فوق السرير
يجون الحريم يقايسون ويشترون
صراحة طريقة بدائية جدا ومافيه خصوصية في المشتريات بس هي قاعدة وتستلم المبالغ
مافيه الا انواط زرقا..الجلابية أبدا
ماتقل عن 1500 هذي العادية والباقي 3000 أو 4000
والله والحريم يشترون
عاد يصيرالتنافس كل وحده تضطر تشتري حتى تشوفها الثانية..
تنافس غريب والمستفيد منه التاجر...
الله يبارك لهم ويزيدهم ويهديهم عشان يخففون من الإستغلال الواضح...

هاي وين اول مره اسمع جذيه يأجرون في فندق ويقايسون في الغرفه ؟؟؟؟؟

اههههههه والله فشلونا هالحريم يضحكون علينا الرياييل 00زين الحين يقولون علينا ماعندنا عقل 00:nice:

بس اختي الاهم ان الوحده ماتشتري بغباء يعني اتشوف هل الخامه تستاهل من النوع الطيب ومن القطع الي خامتها اصليه وهل التطريز او الشك او السوارفسكي اصلي هل طريقه الخياطه متقنه اهنيه بعدها انحدد السعر مشكله البعض يختي بس لان فلانه شرت انا بشتري من هذي الي الكل يشترون منها 000

لان لو فكرتي فيها وشريتي قطعه حرير طبيعي لتفصيل جلابيه مغربيه (لانها موضه الموسم:nice: ) طيب المتر بكم للحرير الطبيعي مايقل عن 200 ريال واخذي عاد الجلابيه المغربيه لازم قطعتين وامتارها كثيره يعني بتطلعين من شراء القطع اللازمه لجلابيه فخمه (مغربيه) ب 1400 ريال تقريبا وبتودينها اتفصلين مع الشك والتطريز والخرز والذي منه بتطلع عليج مع تكلفه القماش ب 2400 ريال انا حسبتها من تجربه شوفي ف قارني اختي الاصيله هالمبلغ وتحت يدج الاختيار لاجود انواع القطع وبين الجلابيات الجاهز بأردى الانواع ويقولون لج حرير طبيعي ولا سوارفسكي اصلي 00يقصون على هالحريم
يعني من الاخر لاتلومون البائعات لومو العقول الي تشتري ولا تدري بجوده الشي هل يسوى ولا مايسوى

[الأصيلة]

[size="4"]
لان لو فكرتي فيها وشريتي قطعه حرير طبيعي لتفصيل جلابيه مغربيه (لانها موضه الموسم:nice: ) طيب المتر بكم للحرير الطبيعي مايقل عن 200 ريال واخذي عاد الجلابيه المغربيه لازم قطعتين وامتارها كثيره يعني بتطلعين من شراء القطع اللازمه لجلابيه فخمه (مغربيه) ب 1400 ريال تقريبا وبتودينها اتفصلين مع الشك والتطريز والخرز والذي منه بتطلع عليج مع تكلفه القماش ب 2400 ريال [color="red"]انا حسبتها من تجربه شوفي ف

يعني من الاخر لاتلومون البائعات لومو العقول الي تشتري ولا تدري بجوده الشي هل يسوى ولا مايسوى

ياهلا فيج بنت النوخذه
في السوق الحرير الطبيعي عادي بـ 50 ريال المتر ويوصل 80 طبعا اللي حق الجلابيات
مايوصل 200
الا القطع اللي للفساتين وهذي تلقينها باماكن معينه
وطبعا افخم الأنواع عند الباجري بالسعودية...
فالقطعة كلها بـ 200 أو 300 وتفصيلها مغربي من 500 - 1000 يعني بالنهايه مارح تدفعين فيها أكثر من 1200 ريال...


شكرا لمرورك الأكثر من رائع

[بـــــــنت النوخـّــــذه]

ياهلا فيج بنت النوخذه
في السوق الحرير الطبيعي عادي بـ 50 ريال المتر ويوصل 80 طبعا اللي حق الجلابيات
مايوصل 200 الا القطع اللي للفساتين
شكرا لمرورك الأكثر من رائع

صج معقوله قص علي راعي المحل الي اعرفه الحرير انواع والجوده انواع في جميع القطع وانا ماخذه المتر ب 200 وماركه كفالي بعد 0على جلابيه مغربيه 0:shy:0عموما مثل ماقلت لج الجوده انواع ويعتمد في الاول والاخير على المشتريه نفسها :nice:

ممكن رقم الي يفصل مغربي ب 500 ريال رخيص صراحه^_^

[الأصيلة]

صج معقوله قص علي راعي المحل عيل لان الي اعرفه الحرير انواع وانا ماخذه المتر ب 200 وماركه كفالي بعد 000عموما مثل ماقلت لج الجوده انواع ويعتمد في الاول والاخير على المشتريه نفسها :nice:

صح الماركات غاليه لكن هذي نستعملها لتفصيل الفساتين مو للجلابيات الا اذا كان لبس الوحده كله جلابيات وما تلبس غيرهم..
لكن في أغلب محلات سوق الديرة الحرير مايزيد عن 60 ريال وبالمفاصل توصلينه 45 للجلابيات...

ورمضان كريم...

[المغروره]

الزين غالي لكن الازين ااغلااا والكل له بضااعه وسوقي
مافي استغلااال هذا رزق وكل وحده تعرف الاسعار ومعروف ان بنات قطر اغلا شي يلبسونه
وهذا رزق عندنا ولاعند الخليجيات
تمنيااتي للجمييع بمزيد من التوفيق

[كاتم الاسرار]

من فتره وحده اعرفها شاريه عبايات من عند مصممه سعوديه قيمة الوحده بــ 3800 ريال يعني 4 عبايات بـ 15.200 ريال .. في ذمتكم وين تبونهم ينزلون في الاسعار اذا البنات اللي عندنا مقصه وفيهم سفاهه ماليه !!!

صدقت يالغالي والله في كلامك المشكله مافي عقل مش الكل البعض

[almx]

أكيد بيرفعون الاسعار دام في مجموعة تدفع$$$$$$$
الله يرحم أيام عبايات الراس والبخنق

[ماري مار]

المشكله مب فيهم لان الطمع والاستغلال موجودين من زمان
المشكله فبناتنا وحريمنا الله يهديهم ,احنا اللي فتحنا لهم المجال

[بدون]

الله يهدي الجميع :)

[بـــــــنت النوخـّــــذه]

صح الماركات غاليه لكن هذي نستعملها لتفصيل الفساتين مو للجلابيات الا اذا كان لبس الوحده كله جلابيات وما تلبس غيرهم..
لكن في أغلب محلات سوق الديرة الحرير مايزيد عن 60 ريال وبالمفاصل توصلينه 45 للجلابيات...

ورمضان كريم...

حبيبتي الاصيله ارحم الله والديج 0000

انا معاج بس الحرير ماله خص بفساتين ولا جلابيات هذا يعتمد على المشتريه نفسها 00

وبالنسبه لسوق الديره صدقيني الحرير يبدأ ب 300 ريال وانتي نازله حسب الجوده والي يبيعون النوع الطيب محلات محدوده جدا: بسوق الديره

وخلي موضوع المحلات وسعر الحرير 00

انا ضربت مثال عشان ابين للكل ان مانشتري جلابيات ولا عبيّ من الي يبيعون الا واحنا عارفين الخامه تستاهل المبلع واهي من اي درجه ومن اي بلد وبعدها نسئل المواد المستخدمه في الصنع من اي درجه وهل تساهل المبلغ 000يعني نحسبها ولا انخلي هالبائعات يستغفلونا 000

وكل ما كانت الجوده عاليه وجودتها 100% كل ماكان السعر اغلى لكن الي حاصل مع احترامي للبائعات يجيبون لج القطع ارخصيه ولكن ممكن متطلبات الزينه في العباه او الجلابيه غاليه فيسوون تمويه يابلفيت قطعه فخمه والعكس صحيح 00نادر جدا مانحصل بضائع ذات جوده عاليه 100% من ناحيه القماش والصنع والمواد لان اساسا البائعه المتجوله بتخسر الا اذا عندها محل خاص هذا شي ثاني ويعتمد بعد على ذكاء المرأه في معرفه الي يسوى الي مايسوى

ف السؤال الحين :

هل كل وحده بتشتري عبايه ولا جلابيه تسئل عن جوده القماش وطريقه التزيين ولا بس تشتري على المنظر بس؟؟؟

[قلم حائر]

مرحبا للجميع
غلاء العبايات ظاهرة بدت مع غلاء وارتفاع الاسعار من قبل - والمشكلة ان يوم انزلت الاسعار - اسعار العبي ما نزلت .
وبعدين في بعض المحلات كونت لها زباين يعني حتى لو اغلوون بعد البنات بيشترون لانهم تعودوا انهم يتفاخرون انهم شروا من المكان الفلاني
وبعدين حتى التفصيل يبيله مقاصص يعني قصي راس الهندي وعقب بتحصلين سعر حلو
ذي السالفة صارت معاي كنت امفصلة عباة ب400 ورحت استلمها ويوم شافتها وحده سالت الهندي وقال لها ب800 وما اينزل وعقب راح اجيب شيلتي قلت للمرة عن سعر العباة عشان اتقاصص معاه - وعقب بكم يوم رجعت لنفس المحل لقيت مفصل نفس عباتي وعارضها ب 850 يعني شغل نصب
اهم شي ان احنا قبل ما انفصل انشوف الاسعار بكم محل وعقب انقرر
وانشالله الاسعار تنزل خاصة في نوع من العبايات( شيفون ودانتيل ) تبدا من 2500 يعني لو تنشق العباة تنرمي عقب وما اتصلح.
اتمنى ان نسمع اخبار طيبة حول عالموضوع

[خفوق]

اخخ هالموضوع جد يقهر بصراحه البنات القطريات البطرانات خربوا عليناا احنا الفقارى
انا من فتره رحت معرض العرايس اللي سووه امبيه الاماراتييات والكويتيات اسعارهم مو طبيعيه يعني يمكن ارخص شي 2000 ريال انا انصعقت ولو تشوفين جلابيات الاماراتييات يعني اوكي الخامه حلوه بس مافيها شي مميز كل اللي عندها 2500 و 3000 وفوق واللي بط جبدي وحده قطريه تخم بالثلاث والاربع من دون حتى ماتفاصل في السعر انزيين ليش عاد يابنات قطرر شوفوا بنات الكويت والبحرين والسعوديه جيدااااات ماشاء الله عليهم مايقطون فلوسهم الا وهم عارفين قيمه الشي وبعد وحده كويتيه كانت عارضه اسعارها موووو صج والله اتحداها اذا تبيعها بنفس السعر بالكويت والحين هالاسبوع بتسوي معرض والله مالومها من الربح اللي هي شافت انا من الحره سرقت فكره موديل وبروح اسويه عند بو هنود ارخص :shy:
ونفس الشي اللبنانيين اللي حاطين بنات قطر مقصه من قلب بذمتكم مكياج عروس وشعر ب 12 الف وقسم بالله حرام مادري بيحطون ذهب في الشعر ولا شالسالفه
المفروض نعرف قيمه هالفلوس مب انقططهم يمين ويسار على كل من هب ودب
ساعات احس ان البنات فيهم حاله نفسيه مايحلا الشي بعينهم الا اذا دفعوا فيه القيمه الفلانيه :rolleyes2:


وبس قرقرت وااجد :)

[الأصيلة]

اخخ هالموضوع جد يقهر بصراحه البنات القطريات البطرانات خربوا عليناا احنا الفقارى
انا من فتره رحت معرض العرايس اللي سووه امبيه الاماراتييات والكويتيات اسعارهم مو طبيعيه يعني يمكن ارخص شي 2000 ريال انا انصعقت ولو تشوفين جلابيات الاماراتييات يعني اوكي الخامه حلوه بس مافيها شي مميز كل اللي عندها 2500 و 3000 وفوق واللي بط جبدي وحده قطريه تخم بالثلاث والاربع من دون حتى ماتفاصل في السعر انزيين ليش عاد يابنات قطرر شوفوا بنات الكويت والبحرين والسعوديه جيدااااات ماشاء الله عليهم مايقطون فلوسهم الا وهم عارفين قيمه الشي وبعد وحده كويتيه كانت عارضه اسعارها موووو صج والله اتحداها اذا تبيعها بنفس السعر بالكويت والحين هالاسبوع بتسوي معرض والله مالومها من الربح اللي هي شافت انا من الحره سرقت فكره موديل وبروح اسويه عند بو هنود ارخص :shy:
ونفس الشي اللبنانيين اللي حاطين بنات قطر مقصه من قلب بذمتكم مكياج عروس وشعر ب 12 الف وقسم بالله حرام مادري بيحطون ذهب في الشعر ولا شالسالفه
المفروض نعرف قيمه هالفلوس مب انقططهم يمين ويسار على كل من هب ودب
ساعات احس ان البنات فيهم حاله نفسيه مايحلا الشي بعينهم الا اذا دفعوا فيه القيمه الفلانيه :rolleyes2:


وبس قرقرت وااجد :)

والله كلامج حقيقة ياخفوق...
صارت قطر هي مصدر أرباح الجميع...
والكل قام يتكلم بالكويت والسعودية والبحرين
ويقولون مانبيع الا لبنات قطر فلوسهم وايد ويدفعون..
المشكلة ياليت اللي يدفعون فيه يستاهل...
عاد موضوع اللبنانيات والمكياج مالها حل
( نفتح لها موضوع جديد ان شاء الله )

شكرا للمرور ياخفوق

[الأصيلة]

مرحبا للجميع
غلاء العبايات ظاهرة بدت مع غلاء وارتفاع الاسعار من قبل - والمشكلة ان يوم انزلت الاسعار - اسعار العبي ما نزلت .
وبعدين في بعض المحلات كونت لها زباين يعني حتى لو اغلوون بعد البنات بيشترون لانهم تعودوا انهم يتفاخرون انهم شروا من المكان الفلاني
وبعدين حتى التفصيل يبيله مقاصص يعني قصي راس الهندي وعقب بتحصلين سعر حلو
ذي السالفة صارت معاي كنت امفصلة عباة ب400 ورحت استلمها ويوم شافتها وحده سالت الهندي وقال لها ب800 وما اينزل وعقب راح اجيب شيلتي قلت للمرة عن سعر العباة عشان اتقاصص معاه - وعقب بكم يوم رجعت لنفس المحل لقيت مفصل نفس عباتي وعارضها ب 850 يعني شغل نصب
اهم شي ان احنا قبل ما انفصل انشوف الاسعار بكم محل وعقب انقرر
وانشالله الاسعار تنزل خاصة في نوع من العبايات( شيفون ودانتيل ) تبدا من 2500 يعني لو تنشق العباة تنرمي عقب وما اتصلح.
اتمنى ان نسمع اخبار طيبة حول عالموضوع

ياهلا بـ قلم حائر
أعتقد لو بقينا على ها الحال بتزيد الأسعار أكثر وأكثر
وبيزيد الإستغلال..
لازم وقفة من الجميع في وجه الغلا الي زاد على العبايات وياليتها تأدي المطلوب وتستر عدل...

شكرا لـ حضورك...

[بوعبدالله779]

المشكلة الاسعار ترتفع والبيع شغال يعني مافي امل انه الاسعار راح تنزل بس لو صارت المقاطعة مممكن تنزل الاسعار وفي الاخير يا زين البنت والحرمه وهي لابسه عباية لونها اسود ومافيها اي لون ؟؟؟؟؟؟

[الأصيلة]

[color="red"]وفي الاخير يا زين البنت والحرمه وهي لابسه عباية لونها اسود ومافيها اي لون ؟؟؟؟؟؟[/
color]
صادق والله يابوعبدالله...
أصلا هذا الرقي بعينه...
اللون الأسود الخالي من الألوان....

شكرا لك على المرور والتعليق...

[الأصيلة]

موضوع جميل وحلو .. ولي رأي .. مختلف ..

لماذا تصر القطريات على العباءة المزركشة؟؟

أليس للفشار الاجتماعي دور؟؟
أوافقك الرأي هنا..!!
نعم الفشار أصبح مغلف اجتماعي لكثير من السلوكيات وبالذات عند النساء ..
وبدأ عند بعض الرجال...
القضية لا يدخل تحتها العباءة فقط ..
فالمشكلة في الاستعراض والتباهي أمام الغير ..

مشكلة مجتمعنا الأزلية " عندك تاكل .. لا .. عندك تغرم .. إيي"

تقول فلانة اشتريت عباءة .. بـ 3000 آلاف ريال .. وترد عليها صديقتها اشتريت لابنتي عباءة بـ2000 ريال ..
والقضية ليست عباءة .. بقدر ما هي فشار اجتماعي ..
وتحت الفشار الاجتماعي لا تأتي العباءة فقط ..
بل تأتي العباءة .. وشنطة اليد .. والحذاء .. والمكياج .. والعطر .. والمجوهرات والساعة ذات الحجم الكبير ..
ولا مشكلة فيما يأتي تحت العباءة .. فلا أحد يراه ..
هذا للنساء ..
تطرقتي للشنطة عزيزتي وما أدراك ما الشنطة التي أصبحت أهم شيء في الدنيا
كما قالتها لي مرة أحدى الصديقات وباقتناع منها...
استغربت من هذا الخواء الذي أصاب عقول النساء...
تربط رقيها وأناقتها ووأنوثتها بالشنطة والمجوهرات...
متجاهلة الأخلاق وفن الأدب في التعامل مع الناس والحديث ومنطق الكلام والثقافة العامة...
والذي يكمن فيه الرقي الحقيقي...
أما الرجال ..
فتأتي الساعة .. وقلم الحبر .. والنعال (أعزكم الله) .. وأهم شيء .. السيارة ..
هؤلاء الرجال يحزنني منظرهم عندما ينفق كل راتبه في هذه الأمور السطحية ويستعرض بها أمام الآخرين...
ثم يقول مايبقى شيء من الراتب...
وإذا كان متزوجا يحرص على شراء شنطة لزوجته آخر موضة
حتى مايكون أحد أحسن منها
( لو عنده فائض مو مشكله لكن اللي على قد حاله )
وهؤلاء شفتهم بعيني وسمعت بهم...كل القصة .. تباهي على الآخرين .. أو فشار اجتماعي ..
وبالطبع .. هناك مستفيدين
(أصحاب المحلات والتجار) .. من هذه القصة ..
بل ويروجون لها .. ويستغلون .. من يحب التباهي ..
هل تعلمين .. ما هو المؤسف ؟؟
المؤسف .. أن الكثير يذهب إلى الدول المجاورة لشراء .. مواد تموين المنزل .. لرخص السعر ..
وهم أنفسهم يذهبون للدول المجاورة .. لشراء العباءة الغالية السعر ..؟
المواد التموينية لا أحد يراها ...!!
أما العباءة فهي مظهرها المهم الذي ترائي بها النساء...

اسمحي لي .. على الصراحة ..
صراحتك يابنت سيف راحة لنا جميعا
بل أبدعتي بالمداخلة والتي تصور الحال الحقيقي لبعض النساء للأسف

ودمتِ بود

عذرا غاليتي على التأخير في نقاش ردك المميز

[VIPLady]

متابعة فقط

[انا حره]

حتى المحلات الي بالسويكت بالخبر صارو يعرفون اهل قطر طبعا بطريقه اللبس ويعطوونهم سعر اعلى عشان لاكسرت الا هو بايعها بسعرها الاصلي يعني مقصه

يوم جا المعرض تفاجاءت بعبايه مفصلتها بالحسا ب400 وبالمعرض وحده بحرينيه تبيعا بالف وخمسميه

واتقول لا اختي القماش والكريستال غير قلت نفسها وتبين بجيبها لج بعد

[نعيمه علي]

طالما هناك مشتريات يقبلن بالدفع
فالاسعار سترتفع
والبعض للأسف يبحثن عن الأغلى كنوع من التفاخر والتميز

اطيب تحياتي غاليتي


.

[الأصيلة]

متابعة فقط

نحتاج لـرأيك الشخصي فهو يهمنا بالدرجة الأولى..
شكرا على المرور...

[بوحارب]

لعوزونا البنوتات بأفكارهم الغبية ^ ـ ^

[بوحارب]

متابعة فقط

شكلها العباية اللي عندج منقشه من فوق لي تحت :secret::nice:

[أجودية]

السلام عليكم ورحمة الله وبركاتة .....
كفيتي ووفيتي ...يا ألاصيلة .....انا هذا الموضوع قاهرني واحس ان القطريات يستغلون من قبل على قولتهم مصممات ....بل مصاصات فلوس .
ومافية احلى من العباية الستيرة التي تحفظ بها المرأة نفسها وعفتها وترضي ربها .

[ولد النواخذه]

مفروض يكون في دور أفضل من حماية المستهلك لمن يأتون لبيع بضائعهم على شكل معرض أو بشكل مؤقت فالمجمعات أو عرضها فالجرايد, نحتاج وقفة حقيقية من قبل حماية المستهلك ووزارة الاقتصاد في مثل هالأمور الي يكون فيها المواطن والمستهلك في وضعية المستغل من قبل بعض الجنسيات الخليجية للاسف...

[لـبـيـه]

هالمعارض الي تستوي عندنا مادخلو عقلي
الاسعار نااااار وع الفاضي

بقيمة عبايه وحده اهني اقدر اودي زوجتي للبحرين في الويك اند نغير جو ونسكن شقه محترمه ونشتري لها الي بخاطرها ونرجع

ركزو معاي ، تغيير الجو ذي كله بقيمة عبايه وحده اهني!

[قرناس قطر]

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
اللي يضحك انه البحرينيات اللي يبيعون العبي
مو متحجبات!!
بس يدرون بنات قطر مقصه :nice:ويدفعون على طول
صدقوني والله مافي احلى مِنْ العبايه الساده :nice:______________________________________

[هتـان قطر]

يقول المثل من خلا عمره سبوس..العبت به الدجاج

واحنا شوفة عينكم ..كلن عينه على جيوبنا كأن حنا قاعدين

على بير نفط ونغرف لهم بالمغرافة...

الخلل فينا ..مهب في احد غيرنا

و " لن يغير الله ما بقوم حتى يغيروا ما بأنفسهم "

[قرناس قطر]

يقول المثل من خلا عمره سبوس..العبت به الدجاج

واحنا شوفة عينكم ..كلن عينه على جيوبنا كأن حنا قاعدين

على بير نفط ونغرف لهم بالمغرافة...

الخلل فينا ..مهب في احد غيرنا

و " لن يغير الله ما بقوم حتى يغيروا ما بأنفسهم " نفر قطري شيخ في واجد فلوس :weeping: أصابعك يارفيق موب سوى

[انا حره]

لاحظت شي مثلا ببنات السعوديه اتقو مثلا لقيت شي وترى غالي الي يسمعها ايقول فوق الالف واخر شي تطلع جلابيه ب190 ريال

مفروض احنا انسوي نفسهم مايستهينون فينا التجار

لادخلنا محلاتهم يقولنا الشي ب500 والسعوديه لادخلت قالها 200

لانهم يعترضون ويهاوشون انه غالي ولا يستاهل بنات الدووحه لو شيقولون لهم بيدفعون لان عندهم انه ارخص من الدوحه

جاتنا وحده كويتيه زياره قالت ماتوقعت قطر هالشكل بلادكم كل شي فيها غاااالي

[الأصيلة]

ميزة بنات قطر يستحون من المفاصل لأن فيه ترجي وطلب وبعدين ينقلب صوت عالي شوي ومجادلة ...
فيطلع عليهم ها الحياء بأن التجار يستغلون سكوتهم ويعطونهم أسعار عالية
أما الباقي فيطلعون عين البائع بالجدال والمفاصل وخذ وهات فتلقاه أول مايدخلون عليه ينزل لهم إتقاء لـ جدالهم ...

أنا لاحظت هذا الشي...

[dream~qa]

فعلا في استغلال حتى من المحلات اللي في قطر

طبعا المحلات مستحيل تنزل للي تشتري وما تجادل حتى لو بهدوء يعني أمس مثلا كنت أبي أفصل عباية طبعا سادة لأنها للسوق قالي ب 300 قلت أوكي ( حتى ال 300 غالية )بس قلت له أبي كم ستريتش تخيلو قال ب 600 وأن هذا سعرها في المحل للزباين ..الصراحة قعدت له قلت له الحين الكم الصغير هذي ب 300 طبعا تغير شكله وحاول يقنعني أن الكم يحتاج شغل والماتريال يكلف عطيتها اياه كاش قلت له كلش كلش 50 زيادة ،،،، المهم نزل لي 200 ريال عن السعر الأصلي . يعني لو أحنا بعد نجادلهم في الأسعار ونوعية الخامة والشغل بيحسون أن اللي جدامهم مب مقصة المشكلة أنهم يحطون السعر والقطرية تشتري من غير ولا كلمة .. ومن جذية الكل قاعد يحط أسعار مبالغ فيها .

أما المعارض اللي يسونها المصممات فالحمدلله ما أروح لهم ولا أشتري منهم يمكن لأن ما عندي هوس موضة العبايات .

وسلامتكم .

مشكورة أختي الأصيلة على طرحك للمواضيع المتميزة .

[القلم الصريح]

مع الاسف انه ربعنا هل قطر كرماااااااء صاروا مثل يحتذى به في الاماكن الثانيه

انهم يدفعوا من غير مايكاسروا ولا ريال وهذا معروف في كل مكان في الخليج سواء رحتوا السعوديه ( الحسا)

ولا رحتوا البحرين ، ومره كنت مع الاهل رايح وياهم الحسا وشافوني اكاسر فالسعر استغربوا قالوا اول مره

ييمر علينا قطري يكاسر بالسعر ، يقول بالعاده القطريين مايناقشوا فالسعر ابدا لمه نقولهم السعر الفلاني

والبايع بنفسه يقول لي لمه يجيلي زبونه من السعوديه ابيع لها بسعر السعوديه ، لان لو اعرض عليها سعر

اللي ابيعه للقطريين ماراح تشتري وراح تقولي مبالغ في سعرك وغالي

[المزن الرياني]

وليش تسمينه أستغلال وتعممين على الجميع ؟!!

قولي البعض منهم مقصه وعقولهم على قدهم فسهل خداعهم

[VIPLady]

:victory:
شكلها العباية اللي عندج منقشه من فوق لي تحت :secret::nice:



نو
محد يسوي عبايات منقشه من فوق لتحت الا البلوش الحين
حلاته قصات ولو فيها الوان شي خفيييييييييييف ارقى


:victory:

[الأصيلة]

وليش تسمينه أستغلال وتعممين على الجميع ؟!!

قولي البعض منهم مقصه وعقولهم على قدهم فسهل خداعهم

بالعكس الموضوع واضح أنه يقصد البعض وليس الجميع...

[روضه الجنة]

في مثل يقول اللي عقلة في راسة يعرف خلاصة
وبالنسبة للمعارض البحرينية اللي في قطر فأنا ما اشري منهم لاني اعرف ان فالبحريين حتى نص السعر ما تجي !! ومره رحت معرض اخر يوم لازم ينزلون من سعر العباة كانت بــ1000 صارت بــ800
وتره نصيحة للبنات الالوان والاوفر والنقشات تره مب حلوة دفشة .. حلاتها العباة كلاسيكية ناعمة فيها نقشات خفيفة وسودة .. اما للمناسبات غير

[طلعة الروح]

الموضوع يبيله تكاتف من الكل ضد الاستغلال
وكل وحده تبدأ بنفسها
مب بس عشان التوفير ويستاهل ولا مايستاهل
عشان ما يحطونا انه احنا شعب مقصه في كل شي

[لاجئ عاطفي]

سؤال يطرح نفسه .. من اللي عود هالمصممات على البيع في قطر؟ انتوا يالقطريات لان اغلبكم يحب يدفع الالاف على اي شي واتفه شي حتى لو كان مايسوى فانتوا السبب والا شاللي يخليهم يركزون معارضهم عالقطريات فقط ؟ ثاني شي وشي معروف ان القطرية اتحب اتفاشر واتزابي في هالامور ماتحب تلبس الا ماركة وماتحب تكشخ الا بالالاف فليش انلومهم وانتوا السبب يالحريم ويا البنات ؟؟!!!

[موضي قطر]

والله انا مب شايفة عباية اصلاً ؟!! كل اللي اشوفة (( فساتين )) سواريه !!!!

[ام شوشي]

تدرون ليش ها الاستغلال لانة هم ماخذين فكرة عن بنات قطر انة يدفعون با لي يكون عادي ماعندهم مشكلة بس شوفو الدول المجاورة كل شي عندهم رخيص واسعارهم معقولة لانة اذا جاتهم البنت تبي تشتري حاجة وشافتها غالية اتركتها ومشت مش مثل اللي عندنا حاجة ماتستاهل يقولك ب2000 ريال انا با النسبة لي العباية افصلها بحدود ال 1000 ريال هاذي اغلى شي عندي والحمد لله انا من النوع اللي ما يواكب الموضة بكل شي بس اشوف اللي يناسبني منها واخذة والسمووحة على الاطالة

[الأصيلة]

يقول المثل من خلا عمره سبوس..العبت به الدجاج

واحنا شوفة عينكم ..كلن عينه على جيوبنا كأن حنا قاعدين

على بير نفط ونغرف لهم بالمغرافة...

الخلل فينا ..مهب في احد غيرنا

و " لن يغير الله ما بقوم حتى يغيروا ما بأنفسهم "

:nice:

[الأصيلة]

لاحظت شي مثلا ببنات السعوديه اتقو مثلا لقيت شي وترى غالي الي يسمعها ايقول فوق الالف واخر شي تطلع جلابيه ب190 ريال

مفروض احنا انسوي نفسهم مايستهينون فينا التجار

لادخلنا محلاتهم يقولنا الشي ب500 والسعوديه لادخلت قالها 200

لانهم يعترضون ويهاوشون انه غالي ولا يستاهل بنات الدووحه لو شيقولون لهم بيدفعون لان عندهم انه ارخص من الدوحه

جاتنا وحده كويتيه زياره قالت ماتوقعت قطر هالشكل بلادكم كل شي فيها غاااالي

صادقة والله يا انا حرة..
كل شي فيها غالي ترى من غلاة أهلها...

[الأصيلة]

فعلا في استغلال حتى من المحلات اللي في قطر

طبعا المحلات مستحيل تنزل للي تشتري وما تجادل حتى لو بهدوء يعني أمس مثلا كنت أبي أفصل عباية طبعا سادة لأنها للسوق قالي ب 300 قلت أوكي ( حتى ال 300 غالية )بس قلت له أبي كم ستريتش تخيلو قال ب 600 وأن هذا سعرها في المحل للزباين ..الصراحة قعدت له قلت له الحين الكم الصغير هذي ب 300 طبعا تغير شكله وحاول يقنعني أن الكم يحتاج شغل والماتريال يكلف عطيتها اياه كاش قلت له كلش كلش 50 زيادة ،،،، المهم نزل لي 200 ريال عن السعر الأصلي . يعني لو أحنا بعد نجادلهم في الأسعار ونوعية الخامة والشغل بيحسون أن اللي جدامهم مب مقصة المشكلة أنهم يحطون السعر والقطرية تشتري من غير ولا كلمة .. ومن جذية الكل قاعد يحط أسعار مبالغ فيها .

أما المعارض اللي يسونها المصممات فالحمدلله ما أروح لهم ولا أشتري منهم يمكن لأن ما عندي هوس موضة العبايات .

وسلامتكم .

مشكورة أختي الأصيلة على طرحك للمواضيع المتميزة .

والله احسن لج ياwahaj
العباية لا تزيد ولاتنقص بقيمة الوحده منا...
والحين المعارض تغيرت صارت لجلابيات رمضان
وشوفي الأسعار بالآلاف...

[الأصيلة]

مع الاسف انه ربعنا هل قطر كرماااااااء صاروا مثل يحتذى به في الاماكن الثانيه

انهم يدفعوا من غير مايكاسروا ولا ريال وهذا معروف في كل مكان في الخليج سواء رحتوا السعوديه ( الحسا)

ولا رحتوا البحرين ، ومره كنت مع الاهل رايح وياهم الحسا وشافوني اكاسر فالسعر استغربوا قالوا اول مره

ييمر علينا قطري يكاسر بالسعر ، يقول بالعاده القطريين مايناقشوا فالسعر ابدا لمه نقولهم السعر الفلاني

والبايع بنفسه يقول لي لمه يجيلي زبونه من السعوديه ابيع لها بسعر السعوديه ، لان لو اعرض عليها سعر

اللي ابيعه للقطريين ماراح تشتري وراح تقولي مبالغ في سعرك وغالي

القطري مايكاسر لأنه يلقى السعر أرخص بكثير من قطر..
لكن إذا شاف السعر عادي والله أغلبهم يكاسرون
لاتخافون عليهم...

[الأصيلة]

:victory:



نو
محد يسوي عبايات منقشه من فوق لتحت الا البلوش الحين
حلاته قصات ولو فيها الوان شي خفيييييييييييف ارقى


:victory:

كل شي والله يسوونه
والتقليد للغير هو الفيصل في اختيار العباية عند البعض طبعا...

[الأصيلة]

في مثل يقول اللي عقلة في راسة يعرف خلاصة
وبالنسبة للمعارض البحرينية اللي في قطر فأنا ما اشري منهم لاني اعرف ان فالبحريين حتى نص السعر ما تجي !! ومره رحت معرض اخر يوم لازم ينزلون من سعر العباة كانت بــ1000 صارت بــ800
وتره نصيحة للبنات الالوان والاوفر والنقشات تره مب حلوة دفشة .. حلاتها العباة كلاسيكية ناعمة فيها نقشات خفيفة وسودة .. اما للمناسبات غير

أغلب البنات ألاحظ يختارون الألوان حتى تلفت الأنظار لا أكثر...

[الأصيلة]

الموضوع يبيله تكاتف من الكل ضد الاستغلال
وكل وحده تبدأ بنفسها
مب بس عشان التوفير ويستاهل ولا مايستاهل
عشان ما يحطونا انه احنا شعب مقصه في كل شي

صح والله يبغي له مراقبة للأسعار من قبل وزارة الإقتصاد
مب كل من سوى معرض يرتاح بالأسعار وعلى كيفه

[الأصيلة]

سؤال يطرح نفسه .. من اللي عود هالمصممات على البيع في قطر؟ انتوا يالقطريات لان اغلبكم يحب يدفع الالاف على اي شي واتفه شي حتى لو كان مايسوى فانتوا السبب والا شاللي يخليهم يركزون معارضهم عالقطريات فقط ؟ ثاني شي وشي معروف ان القطرية اتحب اتفاشر واتزابي في هالامور ماتحب تلبس الا ماركة وماتحب تكشخ الا بالالاف فليش انلومهم وانتوا السبب يالحريم ويا البنات ؟؟!!!

عاد المفوشر عندنا في كل شي بس ترى مب الكل
اللي ماشافوا خير بس...

[الأصيلة]

والله انا مب شايفة عباية اصلاً ؟!! كل اللي اشوفة (( فساتين )) سواريه !!!!

أي فساتين صاروا جلاد لزاق مع عبايات الإسترتش هالأيام...

[الأصيلة]

تدرون ليش ها الاستغلال لانة هم ماخذين فكرة عن بنات قطر انة يدفعون با لي يكون عادي ماعندهم مشكلة بس شوفو الدول المجاورة كل شي عندهم رخيص واسعارهم معقولة لانة اذا جاتهم البنت تبي تشتري حاجة وشافتها غالية اتركتها ومشت مش مثل اللي عندنا حاجة ماتستاهل يقولك ب2000 ريال انا با النسبة لي العباية افصلها بحدود ال 1000 ريال هاذي اغلى شي عندي والحمد لله انا من النوع اللي ما يواكب الموضة بكل شي بس اشوف اللي يناسبني منها واخذة والسمووحة على الاطالة

عزيزتي لاحظت ان المعارض صارت كل وحده تجامل صديقتها أو معارفها اللي يسوون المعارض ويشترون منها ويستحون يفاصلون في السعر...

[بومحمد911]

المشكلة اني بعض البنات الله يهديهم عندهم بطرة غيرة طبيعية في كل شيء

اذا العباية سعرها 500 ريال في محل عادي ما تشتريه

واذا حصلت نفس العباية ب2000 ريال في محل داخل مركز تجاري تشتريه على طول

قمة الغباء

[الميزان 1969]

الصرااااااااااااااااحة من حقهم يغلون الأسعار لأن هدفهم مادري بالدرجة الأولى
لكن اللوم والشرهة على اللي عندنا اللي يقولون لهم تعالوا قصوا علينا احنا راضيين

[حقيقه]

عباية المناسبات مب مشكله سعرها اذا البنت عندها حق العباه مب تسلف او تضغط على عمرها عشان عباه


بس اتمنى شيء انه يوحدون موديل العبايات في الوزارات مثل ماشفت في احد البنوك

[الجوكر90]

السلام عليكم
جني امس شفت هالشي في فيلاحيو