حل مقترح .. لمواجهة ارتفاع اسعار قاعات الافراح

[كلاسيك قطر]

بسم الله الرحمن الرحيم


يعاني الكثير من الشباب من كثرة مصاريف الزواج , فبعد المهر والشبكة وغيرها من تجهيزات الاعراس اطلت علينا في الفترة الاخيرة صالات الافراح لتضع من نفسها عقبة جديدة امام المقبلين على الزواج.

صالات الافراح اصبحت ضمن القائمة الطويلة التي ترهق ظهر من يقدم على الزواج
حيث شهدت اسعار تاجيرها قفزة كبيرة .. والمتضرر الاكبر هو الشاب القطري ..

في ظل ارتفاع الاسعار هذا لماذا لا نشاهد تدخل حكومي في هذا الشأن؟ .. لا سيما وأن تأخير سن الزواج أو العزوف عنه سيلقي بظلاله على المجتمع نفسه عاجلاً أم آجلاً

لماذا لا تتكفل الحكومة بانشاء صالتين لحفلات الافراح ويتم تاجيرهم بسعر رمزي معقول للمواطنين القطريين.. والانشاء يكون بواقع قاعتين .. احداهما للنساء والاخرى للرجال

وبهذه الطريقة تستطيع الحكومة مواجهة ارتفاع اسعار صالات الافراح .. و تسهيل عقبات الزواج للشباب المقبلين عليه .. ويتم تنظيم العملية .. بحيث ان القاعات لا يتم حجزها الا لحفلات الاعراس فقط .. وليست لبقية المناسبات ..


================

اخواني انا امس رحت كل فندق استفسر عن صاله الافراح
لحضت انه اسعارهم 130 او 110

وارخص صاله الدانه وصاله الدوحه

قاعه نادي الدانه حوال 79 الف
وقاعه الدوحه الاحتفالات 60 الف

وانزين وباقي الصلات ليش مايسون نفس اسعار الدانه وقاعه الدوحه الاحتفالات

حرام والله

[ودي أكون]

الله يعين اخووي :rolleyes2: .. ياااهي ديون بتجي ع ظهره :tooth:


الحمدالله اني بنت :shy:

**


بس صج ليش مايسوون نفس الامارات .. نفس الفكره المطروحه ..

بس المشكله عقب وين بتحصل حجز عليه .. راح اتصير نفس الاراضي وبنك التنميه :secret:

انطر اسمك في اي كشف :secret:


برب :shy:

[كلاسيك قطر]

اشكرج والله

وله خلهم يسون نفس البحرين الصاله اب 30 الف او اقل شي 20 الف

هاي شي حلو والله

واما الامارات تجهيز كامل مع الكوشه وكل شي اب 60 الف

واله امس رايح والله

[عزووز قطر]

والله للأسف ان هالحلول موجودة من زمان
بس للأسف ان محد راضي يتحرك ..

وياليت تخلي الحكومة تستثمر في الخارج مثل شراء هارودز وفورسيزن القاهرة ونادي ملقا الاسباني والفندق اللي في لندن ،، وان شاءالله اذا جاتهم أرباح الاستثمارات بيفتحون الصالات المجانية للمواطنين

مو احنا من أغنى الشعوب في العالم!!؟ .. :rolleyes2:

[ابو محمد7]

ان شاء الله الدولة تتدخل وتساعد الناس , للعلم فقط انا متزوج وصراحة حجز القاعتين فقط كلفني مبلغ كبير والحمدلله على كل حال

[ودي أكون]

اشكرج والله

وله خلهم يسون نفس البحرين الصاله اب 30 الف او اقل شي 20 الف

هاي شي حلو والله

واما الامارات تجهيز كامل مع الكوشه وكل شي اب 60 الف

والله امس رايح والله

من 30 الى 50 الف شي معقول ومقبول خاصه في هالفتره معليه مومشكله ..

لكن بلفعل اسعار الصالات اللحين ارتفعت وهالشي يزيد من المهور ..!!

ومع ذلك ترا احنا احسن شي من شقيقتنا الامارات ..القاعات الغير مدعومه من الحكومه .. القاعه مع الاكل وكل شي عادي يوصل لك مابين 300 الى 400 الف !!

فصدق .. قاعتين ترا مايكفوون .. راح اتصير ضرب ومضارب على الحجوزات .. فانت طالب انهم يخلونها عالاقل 5 قاعات :shy:

وال 30 الف راح يكون ايراد بيدخل للدوله .. يعني بتسفيد الدولة :shy:

شفت كيف انا اشجعك فالطرح عشان يتقبولون الفكره :shy:

[كلاسيك قطر]

من 30 الى 50 الف شي معقول ومقبول خاصه في هالفتره معليه مومشكله ..

لكن بلفعل اسعار الصالات اللحين ارتفعت وهالشي يزيد من المهور ..!!

ومع ذلك ترا احنا احسن شي من شقيقتنا الامارات ..القاعات الغير مدعومه من الحكومه .. القاعه مع الاكل وكل شي عادي يوصل لك مابين 300 الى 400 الف !!

فصدق .. قاعتين ترا مايكفوون .. راح اتصير ضرب ومضارب على الحجوزات .. فانت طالب انهم يخلونها عالاقل 5 قاعات :shy:

وال 30 الف راح يكون ايراد بيدخل للدوله .. يعني بتسفيد الدولة :shy:

شفت كيف انا اشجعك فالطرح عشان يتقبولون الفكره :shy:


الله يعطيج العافيه اختي والله

احنى مانبي شي منهم نبي يرخصون القاعات بس علشان انسوي كل شي

[ابو محمد7]

والله مب معقولة ان تكاليف الزواج بالمتوسط 300 الف تقريبا ويمكن حتى 350 واحيانا توصل لين 500

احنا ممكن نطالب بحل مثل المذكور وبالاضافة حق هالشي لازم احنا بعد يكون لنا دور وممكن نسوي شيين

اولا نقلل من طلبات الزواج

ثانيا نقلل الطلب على الاشياء الغالية وندور بدائل علشان الاسعار تنزل

هالكلام انا قلته قبل شوي في موضوع ثاني وبعيده وصدقوني هذا من اساسيات الاقتصاد السعر يتحكم فيه العرض والطلب كعامل رئيسي بالاضافة الى عوامل اخرى

يعني قللوا الطلب وبيقل السعر

والله اعلم

[كلاسيك قطر]

اشكرك يالغالي يا ابو محمد

الحين العالم كلها تبي اتعرس برع

هاي المشكله في رفع الاسعار

[تهامي باشا]

القوانين والتشريعات سهل تغييرهم
لكن السؤال هل من الممكن تغيير عقليات الناس وأساليب تفكيرهم وعاداتهم ؟

المشكلة الرئيسية في الناس وليست في الحكومة
ترى معظم المصاريف الزايدة بسبب احنا من ملجة وخطوبة وحنه وعرس وهدية وصباحية هذا غير المصاريف الزايدة من شبكة وهدايا ونقوط ونثريات وشهر عسل و...الخ

[كلاسيك قطر]

القوانين والتشريعات سهل تغييرهم
لكن السؤال هل من الممكن تغيير عقليات الناس وأساليب تفكيرهم وعاداتهم ؟

المشكلة الرئيسية في الناس وليست في الحكومة
ترى معظم المصاريف الزايدة بسبب احنا من ملجة وخطوبة وحنه وعرس وهدية وصباحية هذا غير المصاريف الزايدة من شبكة وهدايا ونقوط ونثريات وشهر عسل و...الخ


اباقولك شي انا

الحين الملجه والخطوبه هاي شي عااادي

اهم شي القاعات

[عساف]

في دولة الكويت تتوفر صالات للأفراح نساء ورجال في كل منطقة بسعر رمزي

عقبالنا عقب 100 سنه

[تهامي باشا]

خبرك عتييييييج ياكلاسيك قطر
ذاك أول الملجه والخطوبة حفلة عادية ... الحين تدخلهم جنك داخل عرس

[كلاسيك قطر]

اشكرك يالغالي

لاهنت

[كلاسيك قطر]

خبرك عتييييييج ياكلاسيك قطر
ذاك أول الملجه والخطوبة حفلة عادية ... الحين تدخلهم جنك داخل عرس

يالغالي المجله والخطوبه هاي شي عادي عندي اقدر ادفع

المشكله في القاعه يالغالي

[ابو محمد7]

القوانين والتشريعات سهل تغييرهم
لكن السؤال هل من الممكن تغيير عقليات الناس وأساليب تفكيرهم وعاداتهم ؟

المشكلة الرئيسية في الناس وليست في الحكومة
ترى معظم المصاريف الزايدة بسبب احنا من ملجة وخطوبة وحنه وعرس وهدية وصباحية هذا غير المصاريف الزايدة من شبكة وهدايا ونقوط ونثريات وشهر عسل و...الخ

صدقت وهي مب بس المشكلة الرئيسية هي بعد المشكلة اللي نملك لها الحل بيدنا او بطريقة تفكيرنا

فعلا صارت عندنا بدال ليلة عرس 4 او 5 ليالي !

حفلة خطوبة ! ليلة الحنا ! ليلة العرس ! واستقبال او هدية !

[كلاسيك قطر]

مشكوووووووورين والله ويزاكم الله الف خير

[كلاسيك قطر]

للرفع

[جوال 11]

الجمعيات الخيرية لابد أن يكون لها دور في التخفيف من مصاريف الزواج وجمع الأموال لبناء قاعات للزواج بسعر رمزي وحث المحسنين لهذه الأعمال التي تساعد الشباب وتعينهم وتلقي عن كاهلهم مصائب وبلاوي القروض التي يصبح الزوج مقيداً بها طيلة حياته

[واحد ثقة]

لانريد من الحكومة ان تبني قاعات أفراح ،،

نريد منها فقط أن تفتح التراخيص لمن أراد أن يبني قاعة أفراح لكي يكون هنالك تنافس ، وصدقني بأن الأسعار ستهوي بشكل غير طبيعي ،،

أما ماهو حاصل الآن فهو احتكار للقاعات لأجل عيون بعض الهوامير ،،

[N7eEeS]

وشلون هوامير قطر تكبر بطونهم بعدين مايصير اقتراحك مرفوض .

[@فهد@]

وانا اشوف هل قطر شكثر يتزوجون في السعوديه .. يقول لك اروح اتزوج من الالف لين الياء كل شي حتي الزوجه من هناك ماتكلفني نص الي ادفعه في قطر ..

اعوذ بالله من الغلا صاله ب 100 الف في الليله ..

هناك شي غلط ..؟؟ وايضا الناس الي تدفع تشجع هالشي .. الدنيا صارت مظاهر .. وماراح نحصل ورا المظاهر الي مثل هالشي واسواء

[كلاسيك قطر]

الله المستعان والله

بس شاب الحين شنو ارخص صاله الافراح

[الـقـاسـي]

لو يبون بيسون من زمان .. مراح تاخذ وقت ..
لاكن شوف من اللي مش راضي

[الـقـاسـي]

الله المستعان والله

بس شاب الحين شنو ارخص صاله الافراح

مراح تحصل ارخص من صالة بيتكم.. عرس بسيط هذا هو الحل

[كلاسيك قطر]

اكيد بس المكان صغير
يعني مايساعد والله

الي اشوفه الحين احسن وارخص ونظافه

قاعد الجيوان

[كلاسيك قطر]

وانا امس والله نبي انسوي تنزيلات



يقول كلمو المدير

[احساس غريب]

والله حرام اللي قاعد يسير خصوصا اني تملكت ولين الحين ماحجزت القاعه حق الحريم الصراحه والله بلوه مب معقوله هالاسعار الخياليه انا ماجل زواجي وايد بس عشان اقدر ارتب امور العرس والحجز ..

[كلاسيك قطر]

والله حرام اللي قاعد يسير خصوصا اني تملكت ولين الحين ماحجزت القاعه حق الحريم الصراحه والله بلوه مب معقوله هالاسعار الخياليه انا ماجل زواجي وايد بس عشان اقدر ارتب امور العرس والحجز ..

يالغالي نفس حالك

[koketa]

اعتقد ان الاسعار تختلف على حسب سعر الفرد

يعني مب لازم تاخذون اغلى سعر للمنيو

خذوا اقل منيو وضيفو اكل زياده من عندكم

[Mr.Hamad]

لي الحين العقلية عند البعض خصوصاً الذين هم في موقع القرار
ما تطورت ولا إرتقت إلي أقل درجات الديمقراطية وعدم الإحتكار

ياخي ليش الاحتكار في عدم فتح صالات للزواج بأسعار معقولة؟
مثل ماهي في الكويت والسعودية

الواحد بيتزوج مو مسوي شي يسود الوجه

أتذكر واحد من الشباب تكلم في وطني الحبيب يبي يتزوج بس ما قدر
وقال: "الحين لو أروح للحرام أسهل وأبسط من الزواج الي هو بالحلال" !!!

خلاص ما شبعوا أهل هالقاعات من فلوس وجشع .. يدرون أنه لا يوجد لا حسيب ولا رقيب

والله العظيم أنا حاظر عرس واحد من الشباب مآخذ من السعودية وكان عرسه هناك
صالة رجال وصالة حريم مع الخدمة من قهوة وشاي وعصائر
ما تكلفت عليه في حدود ال 15 ألف ريال

لا والمشكلة الأدهى والأمر بعد ما يخسر الواحد من تكاليف الزواج
تطلع البنت علة وأبوها وأمها أعل منها

[الداهية]

سؤال يا إخوان

اذا انا عندي ارض 3000 متر مربع

و حطيت فيها خيمه كبيرة من خيم البداد بصفة ثابته

و حطيت مكيفات مع مولدات كهرباء

و تركت الخيمة سبيل (يعني بلاش)

هل البلدية تسمح بذلك ؟

[عليه العوض]

لانريد من الحكومة ان تبني قاعات أفراح ،،

نريد منها فقط أن تفتح التراخيص لمن أراد أن يبني قاعة أفراح لكي يكون هنالك تنافس ، وصدقني بأن الأسعار ستهوي بشكل غير طبيعي ،،

أما ماهو حاصل الآن فهو احتكار للقاعات لأجل عيون بعض الهوامير ،،

هنا تكمن الشكله ما ذكرته عين الصواب الاحتكار والطمع سبب غلا صالات الاعراس
يا ريت يرحمو الشبات المقبلين على الزواج وفك الحصار

[الـعــضــيـد]

سؤال يا إخوان

اذا انا عندي ارض 3000 متر مربع

و حطيت فيها خيمه كبيرة من خيم البداد بصفة ثابته

و حطيت مكيفات مع مولدات كهرباء

و تركت الخيمة سبيل (يعني بلاش)

هل البلدية تسمح بذلك ؟

اتوقع بيكون الشي عادي لان ملك خاص
بس اتوقع توفر الشروط الصحية مثل طفائية حريق

الله يوفق

[الـعــضــيـد]

السلام عليكم

بس الي اخبرة ان على عدد الاشخاص يعني تضرب المبلغ في عدد الاشخاص الي انت عازمهم
كم وصل سعر الشخص في القاعات والفنادق
على هذا الاساس صار غالي

[الجوكر90]

السلام عليكم
يالربع القاعد فالكويت اقصد نفس قاعه الدانه ب10000 او 12000
طبعا صاله فاضيه