للخبراء الرنج/ وش الاحلي والارقي الرنج روفر فوغ ولا سبورت؟

[فكتوريه]

السلام عليكم

امسي عليكم جميعا،

انا حالياً محتاره مابين الاثنين من ناحيه السواقه والصرف والخرابات، هل بالفعل الفوغ خراباته وايد! كما سمعت

انا سقت السبورت العادي والسوبر شارش ارتحت علي العادي كثير بس صرفيت البترول موت ..

الفوغ ماسقته ولكن ابي رايكم وخبرتكم ... انا في خاطري شي جديد السبورت منتشهر في الشارع.. ابي شي غير ولكن بشرط انه يكون غير بمعني ارقي

انا الشي الوحيد اللي مخليني متردده حجم السياره احسها كبيره وايد ؟؟ هل السايق يشعر بكبرها ولا هذا مجرد احساس انا بس اللي احسه :shy:!

انتظر ارائكم وياريت يكون الرد مفصل ليستفيد الكل

[بوالفاروق]

والله اختي عن نفسي ركبت وسقت الاثنين الفوج والسبورت

الفوج صج صج صج عجيييب ريييف وفله .. والسبورت نظامه سبورت ماعجبي وايد
يعني يابس مادري شلون بس اللي جربته 2010 طيااااااااااااره ..

اشوف الفوج اجدد واحد مب منتشر وايد مادري ليش يمكن سعره مرتفع

وسمعت انه خربات الرنج سبورت العادي خرباته اقل من السوبر
يعني واحد من الشباب عنده العادي وما شاء الله ما يشتكي من شي
اللهم التشيكات ..

في الاخير رأيي انا الفوووج وحجمه ما اعتقد انه كبير ..
يمكن لاني متين وماحسيت في هالشي وحسيت بالضيفة في السبورت لووول

بالتوفيق

[هام السحاب]

انصحج بالعراوي

[EXOTIC]

vouge

[قناص 787]

انصحج بالعراوي

غماره ولا غمارتين اخوي وش رايك تكون عليها كت قصدي شد بتطلع ارقى :)

[البدر 8]

فوغ وبس

[بويعقوب]

انصحج بالرنج الفوج

عن تجربه افضل بكثير من السبورت

من جميع النواحي

[=المريخي=]

الرنج الفوج :

http://www.privatefleet.com.au/images/upload/Image/new-cars/Range%20Rover/2008%20Range%20Rover%20Vogue.jpg

http://www.************/watch?v=PgaKXq-27VE&feature=related

رنج سبورت :

http://cache-08.gawkerassets.com/assets/images/12/2009/04/2010_Range_Rover_Sport.jpg


http://www.************/watch?v=9xpc-qhugxA

[السندان]

اللي اعرفه ان السبورت خرباته اكثر .. ولكن مالي خبره في الرنج

بالتوفيق

[ولد منصور]

انصحج بالرنج الفوج

عن تجربه افضل بكثير من السبورت

من جميع النواحي

:nice::nice::nice::nice:
وبالذات اللي إنت خابره يابويعقوب:victory:

[عاشق ميونخ]

انصحك بالفوج عن تجربة وابعد عن السبورت لانك لي نزلت منة بتتمسك ظهرك بس لازم تتأكد قبل متى راح يتغير الموتر بالكامل واللة يوفقك

[الوسيط العقاري]

vouge وبس

[aznet]

الصراحة مافي مجال للمقارنة :omg:
الفوج صج رنج:victory:اما لسبورت كأنه كارتون
انا جربت لاثنين الصراحة الرنج الفوج مافي مثلة
بس اكرر ((الفوج)) مش العادي او لسبور بأنواعة

[لاجئ عاطفي]

بالنسبه لي عندي سبورت سوبر والموتر ماعليه كلام خصوصا في فزته ورزته بس مثل ماقلتي يصرف بترول وايد اما بالنسبه للخرابات ماشوفه اخترب عندي لاني اسوي سيرفس اول بأول وسيرفسه يكلف حوالي 1700 ريال كل 12 ألف كيلو .. الفوج جربته ريف بالمقارنه مع السبورت لان السبورت سياره رياضيه فعشان جذي وعره اشوي ولكن كرزه فعلا السبورت اكشخ واحلا

[صغيرون قطر]

مرحبا

يكفي ان الرنج فوج رزه وفزه ورزعه

ام السبورت كانك راكب تاكسي

العذر والسموحه للجميع ركبت الموترين

[لاجئ عاطفي]

نسيت شغله .. كرسي السبووورت متعب يعني بالعربي يابس وايد ومب مريح انا كل ماروح فيه مشوار ظهري يعورني :(

[فكتوريه]

والله اختي عن نفسي ركبت وسقت الاثنين الفوج والسبورت

الفوج صج صج صج عجيييب ريييف وفله .. والسبورت نظامه سبورت ماعجبي وايد
يعني يابس مادري شلون بس اللي جربته 2010 طيااااااااااااره ..

اشوف الفوج اجدد واحد مب منتشر وايد مادري ليش يمكن سعره مرتفع

وسمعت انه خربات الرنج سبورت العادي خرباته اقل من السوبر
يعني واحد من الشباب عنده العادي وما شاء الله ما يشتكي من شي
اللهم التشيكات ..

في الاخير رأيي انا الفوووج وحجمه ما اعتقد انه كبير ..
يمكن لاني متين وماحسيت في هالشي وحسيت بالضيفة في السبورت لووول

بالتوفيق

مشكور اخوي بو الفاروق - شكل الفوغ بيكون اريح لي كثير من السبورت وبعد لو طلبت يكون في تكييف في الكراسي بيطلع فله

[فكتوريه]

انصحج بالعراوي

ههههه - علي فكره اول مره ركبت السبورت حسيت بهزه العرواي :secret:---

بس رزته مافيها كلام
والتقنيات الموجوده فيه مافي مثلها في اي سياره

[فكتوريه]

الرنج الفوج :

http://www.privatefleet.com.au/images/upload/image/new-cars/range%20rover/2008%20range%20rover%20vogue.jpg

http://www.************/watch?v=pgakxq-27ve&feature=related

رنج سبورت :

http://cache-08.gawkerassets.com/assets/images/12/2009/04/2010_range_rover_sport.jpg


http://www.************/watch?v=9xpc-qhugxa

مشكور المريخي علي اللنكات

[فــلان]

شنو فوغ هاي؟ قصدج فوج يعني؟

يعتمد على شخصية اللي بيشتري إذا كان بو عيال وبطنه مترين قدام أنصحه ياخذ فوغ قصدي فوج
أما إذا شخصيه رياضيه وصغيره فالعمر بين الـ18 - 40 لسبورت مناسب.

بالتوفيق إن شاءالله

[فكتوريه]

:nice::nice::nice::nice:
وبالذات اللي إنت خابره يابويعقوب:victory:

لو سمحت يابويعقوب & ولد منصور

شنو اللي انتوا خابرينه

ولا اقول الله يستر من اللي انتوا خابرينه :oops:

[فكتوريه]

انصحك بالفوج عن تجربة وابعد عن السبورت لانك لي نزلت منة بتتمسك ظهرك بس لازم تتأكد قبل متى راح يتغير الموتر بالكامل واللة يوفقك

هلا اخوي لا المديل سووا له لفت فيس موديل 2010 وبيتم ع حاله لين 2015 من كلام الوكيل

بس شكل من كلام الاخوان السواقه فيه اريح بكثير من السبورت

[فكتوريه]

الصراحة مافي مجال للمقارنة :omg:
الفوج صج رنج:victory:اما لسبورت كأنه كارتون
انا جربت لاثنين الصراحة الرنج الفوج مافي مثلة
بس اكرر ((الفوج)) مش العادي او لسبور بأنواعة

اخوي شنو تقصد يعني الفوج العادي و se ماتنصح فيه؟

وشنو الفرق هل تحس فيه في السواقه ولا في ثبات السيارة ام في راحه السواق ..

ياريت توضح لا هنت

[فكتوريه]

بالنسبه لي عندي سبورت سوبر والموتر ماعليه كلام خصوصا في فزته ورزته بس مثل ماقلتي يصرف بترول وايد اما بالنسبه للخرابات ماشوفه اخترب عندي لاني اسوي سيرفس اول بأول وسيرفسه يكلف حوالي 1700 ريال كل 12 ألف كيلو .. الفوج جربته ريف بالمقارنه مع السبورت لان السبورت سياره رياضيه فعشان جذي وعره اشوي ولكن كرزه فعلا السبورت اكشخ واحلا

مشكور اخوي علي المداخله .. في الشارع احس برزه السبورت والفوغ لما اشوفهم .. بس ماقد شفتهم يمشون مع بعض في نفس الشارع عشان اقارن

[فكتوريه]

مرحبا

يكفي ان الرنج فوج رزه وفزه ورزعه

ام السبورت كانك راكب تاكسي

العذر والسموحه للجميع ركبت الموترين

مشكور اخوي علي ردك ... ماادري اذا في الفوغ نفس السيارات الالمانيه يعني تسوق وماتحس بالشارع حفره مش حفره ولا يهمك ... تحس بالثبات مهما كان الطريق

هاي الشي كلش ماحسيته مع السبورت لانه وعره نفس مايقولون

[رياني qtr]

اختي تقولين تبين شي مميز اذا تبين تتميزين بعدي عن الرنج السبورت صار كنه سيكل حتى راعي البقالة عندنا في الفريج عنده واحد ابيض كت عليج بالفوج واذا تبين الافضل بين الاثنين وعن خبرة واستخدام الاثنين لفترة الفوج سيارة بس بعد في الي افضل منها وحاسبي لانه بيتغير شكله 2012 ويمكن تنزل اول دفعة حسب علمي بنص 11 وراح يكون التغير كامل
ولو تلاحظين المستعمل يعني 2008 و 2009 و 2010 بالسوق محد يشتريهم لانه التغير هالمرة بيكون كبير وقوي :nice:

[فكتوريه]

اختي تقولين تبين شي مميز اذا تبين تتميزين بعدي عن الرنج السبورت صار كنه سيكل حتى راعي البقالة عندنا في الفريج عنده واحد ابيض كت عليج بالفوج واذا تبين الافضل بين الاثنين وعن خبرة واستخدام الاثنين لفترة الفوج سيارة بس بعد في الي افضل منها وحاسبي لانه بيتغير شكله 2012 ويمكن تنزل اول دفعة حسب علمي بنص 11 وراح يكون التغير كامل
ولو تلاحظين المستعمل يعني 2008 و 2009 و 2010 بالسوق محد يشتريهم لانه التغير هالمرة بيكون كبير وقوي :nice:

مرحبا اخوي رياني

مشكور علي المشاركه ... اهم سووا فيس لفت وكثير من التغيير في موديل 2010, معقوله يغيروون بعد في الموديل ... الفرادن كنت عندهم يقولون موديل 2010 مضمون شكله لين 2015 !! مايندري عنهم بعد يمكن مش صج

زين اخوي لو ببعد عن الرنج شنو تنصح ؟

[رياني qtr]

مرحبا اخوي رياني

مشكور علي المشاركه ... اهم سووا فيس لفت وكثير من التغيير في موديل 2010, معقوله يغيروون بعد في الموديل ... الفرادن كنت عندهم يقولون موديل 2010 مضمون شكله لين 2015 !! مايندري عنهم بعد يمكن مش صج

زين اخوي لو ببعد عن الرنج شنو تنصح ؟


هلا اختي شي طبيعي بيقولون لج مابيتغير لانه مو معقولة بتشترين المعروض حاليا عندهم وشكلة بيتغير عموما اختي انتي حسبيها وشوفي هالشكل من متى تغير وكم سنة صار له
بتعرفين ان التغير قريب عشان اسهل عليج السالفة هم كل 10 سنوات مسكمل يغيرون
وانتي حسبيها من 2001 ماتغير شكله الى 2010 وعلى فكرة التغير الي اقصدة تغير جذري
والقرار لج عموما اختي لو تبين نصيحتي تبين سيارة تناسبج مادري اذا ميولج ضروري فور ويل تقدرين تاخذين صالون مثلا الي السي ال اس شكله بيتغير قريب وبينزل شكل رهيب جدا
او ال اس 350 بعد حلو وسيارات بناتية وماشوف وايد بنات يستخدمونهم وخلج من الرنجات الي صارت كنها سياكل حتى بابو عنده ومركب عليه رقم رباعي :nice:

[لـبـيـه]

للحين على سوالف الرنج انتو
على خبري صار كروه :)

[QaTaRViP]

اختي انصحج ابعدي عن الرنج صج انه موتر ورزه لاكن صراحه حرام فيه السعر لو خذتيه مثل 300 بعد 5 اشهور كم بتبعينه بنص السعر ولا اقل عني انا انصحج بلكزس فورويل صج انه وايد منه بشارع بس صراحه لا خراب ولا شي وسعره فيه وسياره عمليه وايد وكشخه وريحي نفسج من السيرفز والله يوفقج ويوفق الجميع

[عاشق ميونخ]

مثل ماقالو الاخوان الرنج راح يتغير السنة الجاية او بالكثير اللي بعدها ممكن تاخذين البورش كيان الشكل الجديد صراحة رهيب او لكزس االفورويل وعندج بعد البي ام الفئة الخامسة الجديدة اشوفها حلوة وشكلها جديد واللة يوفقج

[Gh2o]

بيتغير شكله قررررريب جدا جدا

[بوطلال71]

بالتوفيق ان شاء الله

[العضو الماسي]

بدون نقاش وبدون مجامله و أنتي مغمضه (( رنج روفر فوج )) أنا جربت 2004 القديم و 2006 بسوبر شارج و 2010 بوسوبر شارج ... وبصراحه سياره لايعلى عليها و بدون مجامله أقولج أنها أريف سياره فورويل ألى الأن ...

[عزووز قطر]

الرنج موضة قديمة وانتشر انتشار رهيب ..

والله نصيحة لكزس فورويل lx570 فخامة ورزة والخرابات قليلة ومتى الواحد ماتملل من الموتر ينباع في نفس اليوم .. ثابت في الشارع وريف لأبعد الحدود ...

[الامير]

حرام عليج اخذي لج بي ام اكس 6 ابيض من داخل عنابي او اسود وعليه مخفي خفيف اجناااااان حق الجنس الاطيف

[hamoor4ever]

لكزس او كيان اذا تحبين الكشخه وعلى الاقل سعرهم فيهم