والله هذي مب حالة .. حتى شاشة كاس العالم في اسباير صارت للعائلات

[الملا]

http://www.dohaup.com/up/2010-06-20/admin1485270940.jpg


والله حالة ، حتى شاشة كاس العالم في اسباير صارت للعائلات

امس وانا طالع من حياة بلازا ، قلت امر صوب اسباير زون عشان اشوف مباراة الدنمارك والكامرون وخصوصا والمباراة كان باقي منها ربع ساعة وتخلص وماالحق اشوفها في البيت . لكني تفاجأت بالسكيورتي يقولي بس العائلات
سؤالي للمسؤولين ماعرف وين تبون الشباب يقضون اوقاتهم اذا كل مارحنا مكان قلتو عائلات .

الحدائق للعائلات

مباريات كأس العالم في حديقة مفتوحة صارت للعائلات

المنتزهات للعائلات

وبعض المجمعات التجارية يوم الخميس للعائلات

وايش بقى ماسويتوه للعائلات ، ويوم الشباب يتمشون في المجمعات يطبون علينا بعض الفلاسفة ويتكلمون في الغزو الثقافي والخرابيطي

[ابو محمد7]

http://www.dohaup.com/up/2010-06-20/admin1485270940.jpg


والله حالة ، حتى شاشة كاس العالم في اسباير صارت للعائلات

امس وانا طالع من حياة بلازا ، قلت امر صوب اسباير زون عشان اشوف مباراة الدنمارك والكامرون وخصوصا والمباراة كان باقي منها ربع ساعة وتخلص وماالحق اشوفها في البيت . لكني تفاجأت بالسكيورتي يقولي بس العائلات
سؤالي للمسؤولين ماعرف وين تبون الشباب يقضون اوقاتهم اذا كل مارحنا مكان قلتو عائلات .

الحدائق للعائلات

مباريات كأس العالم في حديقة مفتوحة صارت للعائلات

المنتزهات للعائلات

وبعض المجمعات التجارية يوم الخميس للعائلات

وايش بقى ماسويتوه للعائلات ، ويوم الشباب يتمشون في المجمعات يطبون علينا بعض الفلاسفة ويتكلمون في الغزو الثقافي والخرابيطي

يعني انت الحين زعلان لان مجمع او اثنين في يوم واحد في الاسبوع عائلات !

اهلنا صاروا مايقدرون يدشون المجمعات من الشباب !

انا اروح معاهم الاند مارك واشوف الشباب كل اثنثن وثلاثة راكبين سيارة ودوارة عند باب المجمع بس حق الزحمة وأذية الناس وداخل المجمع تشوف لك في كل متر اثنين كاشخين حدهم وقاعدين يدورون حق الأذية بعد

انا ما اشوف ان في عندنا مشكلة من ناحية اماكن العائلات نفس ماذكرت

[عاشق الشهادة]

الشباب لكم الجزر:tease:


http://www.okaz.com.sa/new/Issues/20100620/Images/Cartoons/krkr.jpg

[Realistic]

هاذي الله يسلمك خطه من اسباير عشان يخلون الشباب يفكرون في الزواج :tease:

ياخي سؤال .. اشتبي في هالاماكن ؟ هم الظاهر مايبونا نروح هالاماكن .. يبونا نروح نطعس في العديد ونموت .. هاي توجه الدوله اليديد .. انهم يذبحون الشباب << اتغشمر لحد يصدق :shy:

عالعموم .. الله المستعان .. شوف هالمقطع ووسع صدرك

رابط مخالف

الاداره

[حليتان*]

خل يولون .عااد والعوايل كلهم اجانب

[Realistic]

خل يولون .عااد والعوايل كلهم اجانب

هممم بس مجرد سؤال : عوايل الاجانب مب شوفات وحريمنا شوفات يعني؟ :)

[الجووري]

هممم بس مجرد سؤال : عوايل الاجانب مب شوفات وحريمنا شوفات يعني؟ :)


:victory:

[الملا]

يعني انت الحين زعلان لان مجمع او اثنين في يوم واحد في الاسبوع عائلات !

اهلنا صاروا مايقدرون يدشون المجمعات من الشباب !

انا اروح معاهم الاند مارك واشوف الشباب كل اثنثن وثلاثة راكبين سيارة ودوارة عند باب المجمع بس حق الزحمة وأذية الناس وداخل المجمع تشوف لك في كل متر اثنين كاشخين حدهم وقاعدين يدورون حق الأذية بعد

انا ما اشوف ان في عندنا مشكلة من ناحية اماكن العائلات نفس ماذكرت

الحين خليت كل النقاط اللي ذكرتها واهمها هي حديقة اسباير ومباريات كأس العالم وركز في نقطة المجمعات بس

اوكي يمكن هالنقطة تكون محل نظر ولكن لو جيت وبحث عن الاسباب راح تشوف سبب منع الشباب العازب من بحجة العائلات هو سبب تواجدهم في المجمعات

[الملا]

الشباب لكم الجزر:tease:


http://www.okaz.com.sa/new/issues/20100620/images/cartoons/krkr.jpg

والله حتى الجزر اتوقع يحولونها للعائلات وياريت لو صج العائلات تروح ، كله كلام فاضي

[الموضوعي]

والله بعض شباب اليوم سفهاء الاحلام وماعندهم اي احترام للآخرين وللآداب العامة والذوق العام وقبل ذلك لتعاليم الإسلام فأحسن مكان لهم هو الاندية الرياضية او العديد

[بيرق العز]

شي طيب انها للعوائل
بعدين من اللي له نفس يقعد في هالحر والرطوبه رح بيتكم ودق سلف المكيف احسن لك من سباير زون(( منة الله ولامنة خلقه))

[tulepq]

بـــــــــــــــــــل .. لين الحين في شي إسمه عوايل ؟؟؟

صدمتوني والله .. زين والله ما إنقرضت هالكلمه

في عصر الإنفتاح الحين ,, وإحنا بعدنا على موضوع العوايل ..

عيل أبو العايله الفلانيه .. ما يشوف حريم العايلات الثانيه مب ريال يعني ؟ :anger1:

وش هالتناقض العجيب .. :secret:

وهالعائلات ما يحلالهم يشوفون هالمباريات إلا في الحدائق المفتوحه مثل الشباب ؟ :rolleyes2:


ليش ما يقعدون في بيتهم ويشوفون المباريات على راحتهم ( ويصارخون ) براحتهم إذا فاز فريقهم اللي يشجعونه أو إذا خسر ..

بلا هالحركاااااااااااات اللي مالها داعي قا إيش قال يتابعون مباريات وممنوع دخول الشباب ؟

[ابو محمد7]

الحين خليت كل النقاط اللي ذكرتها واهمها هي حديقة اسباير ومباريات كأس العالم وركز في نقطة المجمعات بس

اوكي يمكن هالنقطة تكون محل نظر ولكن لو جيت وبحث عن الاسباب راح تشوف سبب منع الشباب العازب من بحجة العائلات هو سبب تواجدهم في المجمعات

في فئة من الشباب هي السبب في هالشي والكل ملاحظ هالفئة , الشباب اللي يتحرشون بخلق الله ويأذونهم وكل واحد صاير لي كازانوفا جاي يغازل ويزعج الناس بكل قلة ادب وقلة حياء

لحد يقول لي مب الكل وهذولي فئة معينة ! صح بس شلون بنعرف والله هالشاب اللي داخل المجمع محترم ولا غير محترم !

انت اللي عممت الموضوع وقلت كل شي عائلات وذكرت مثال غير صحيح ابدا وضعيف

اما عن حديقة سباير وكاس العالم كان ممكن يسوون قسم للعائلات وقسم للشباب مثلا

[show car]

يااخوك حبكت يعني ماتروح الا اسباير

خل العوايل ترتاح اشوي .. انا اقول المتزوج او اللي يعول يقدر هالقرارات

والله يهدي الشباب

[غاليهم]

انا رحت اول امس سوق واقف خيمتهم حلوة وللعامة

بس الكراسي القدام حق العائلات

المشكلة الزوار كلهم من العمال يجون هربًا من الحر

[Fahad Alqahtani]

بالعكس احسن للعوايل . يعني الشباب مايقدرون يشوفون المبارايات الا في اسباير

خلو المتزوج يستانس شوي . على الاقل الشباب يقدرون يروحون اماكن ثانيه العوايل مايقدرون .

[ابو محمد7]

يااخوك حبكت يعني ماتروح الا اسباير

خل العوايل ترتاح اشوي .. انا اقول المتزوج او اللي يعول يقدر هالقرارات

والله يهدي الشباب

في هذي صدقت الواحد اذا يفكر في زوجته وامه واخته وبنته بيقدر هالقرارات ولما الواحد يطلع ويشوف الشباب في مجمح لاحقين لهم بنت متسترة وفي حالها ومزعجينها بكل همجية ويفكر في اهله يفور دمه

والله انا بعيدا عن الموضوع انصح الشباب بالابتعاد عن المعاكسات ومضايقة الناس لان في يوم من الايام يمكن يشوفك حد يقرب لهم جاي معاهم بس مثلا راح يصلي او دخل محل وساعتها ماراح يرحمك ولا احد بيفكك من يده وحتى القانون بيوقف معاه !

قبل لاتسوي شي فكر في عواقبه