كيووووتل؟؟؟ عافكم الخاطر [الأرشيف] - منتديات شبكة الأسهم القطرية

مشاهدة النسخة كاملة : كيووووتل؟؟؟ عافكم الخاطر

JN000N

20-06-2010, 06:02 PM

السلام عليكم ورحمة الله وبركاته

بدون مقدمات بكتب اللي عندي حدي مقهوره على الشركه اللي اسمها كيوتل اقول لو يسمونها شي ثاني ابرك

ياما وياما سحبو من بيزاتنا وقلنا اوكي مب مشكله عندهم فالسستم يبين كل شي ومحد يظلم حد

لكن صارت من فتره قصه ولا اروووووووووع مع اللي يهبلوون كيووتل

تلفوناتنا كانت هلا وتحولت فاتوره حطونا 3 ارقام في فاتوره وحده << شدعوه دريوليه؟؟؟؟ لا واللمت 600 خوووش اثبتنا ان واحد منا راجو والثاني بابو والثالثه ميري :anger1:

في يومين الاحد صارت فاتوره الثلاثا منقطع التلفون و600 قلنا اوكي مب مشكله عادي دفعناها وقلنالهم يفصلونها ولا انفصلو << منطسين على عيونهم يمكن؟؟؟؟

دفعناها الثلاثا .. السبت انقطعت بألف وشي وآل ايه كله GPRS لان تلفوني ايفون واخواني 2 بلاك بيري قلنا اوكي الغلط مني انا عيل ومعروف الايفون يصرف فالنت راح الوالد الله يحفظه فصل الفواتير كل واحد بروحه وانا اشتركت في خدمه الانترنت الجوال ب400 فالشهر << على اساس انها غير محدود وعشان عقب ما يقولون لي تعديتي اللمت لان لي سوابق معاهم فهالموضوع
واشتركت فالشهري 130 فالشهر لاني ما تكلم فالتلفون وايد واعرف نفسي عدل :)

اول امس انقطع رقم اخوي رحت معاها كيوتل فرع اللاند الا يقول لنا عليه 1300 وشي طبعا هو دفع 200 لان يحسب انقطع بسبة انه فتح خدمة البلاك بيري وبقت كم؟؟ 1100 والمصري اللي كان موجود جيك على فاتورتي اللي كنت دافعه فيها 100 قال كانت 245 وصارت 145 قلتله زين هذي مالت وشو؟ في 400 ترى غيرها مالت الانترنت الجوال قال فاتورتج بدري عليها بتطلع في شهر سبعه

قلتله اوكي خلاص مشكووور والوصل ليحين عندي ووصل اخوي عنده..
ولين البارحه الساعه2 الفجر مجيكه يقول لي الموظف علي بس 145 لان كنت شاكه فالموضوع

اخرتها اليوم وتوني ابي اتصل الا يعطيني تلفوني مقطوع.. ويوم جيكت عالفاتوره الا يقول لي 1100 <<<< شدخل زين ممكن حد يفسرلي؟؟؟؟

كلمت الموظف قلت له اخوي انا مشتركه فالانترنت الجوال غير املحدود لوالفاتوره عليه ما راح تتعدى 400 واذا عالاتصال اقول لك انا اعرف نفسي ماتكلم فالتلفون وما يمديني اصلا اوصل 1000 حتى اذا على مكالماتي لان من عشر ايام بس فاتحين التلفونات..

معقووله يعني فالشهر ادفع حق كيووطل بالاف واتييني فواتير من حيث لا ادري؟؟؟؟؟؟؟؟

يعني الفاتوره اللي وصلتني من قبل كلش مب منطقيه

يعطيني الوقت كان 10:30:03 حلوو كان GPRS والفتره كانت 26:14:45
والجارج عليها كان 94.79
تحت شوي انزل الاقي الوقت نفسه ونفس الشي كان GPRS والفتره كانت 81:44:53 والجارج عليها كان 31.28

يلا فسرولي

وغيرها ارقام شكثر كل واحد يقول الزود عندي

يعني شنهي بوقه عيني عينك والا شسالفه.؟؟؟

Rashid554

20-06-2010, 07:01 PM

عادي شي طبيعي
انا تلفوني ماشوف عليه مخالفات بالعكس استانس على اسعار الفواتير مع انها ماتتعدى 1500 كل 3 شهور وصدقيني لو يطبقون نظام الثواني بكيوتل بترخص اسعار المكالمات يمكن ادفع 700 بس لان كل مكالماتي ماتتعدى دقيقه

ثاني شي بالنسبه للبوق كنت ماخذ برودباند المفتوح ابو 400 دفعت اول شهر 400 ثاني شهر جاتني 800 دفعت الـ 800 وامري لله يات الثالثه بعد 800 قلت يمكن حق الشهري الجاي وامنا بالله ودفعنا الـ 800 ييت الشهر الي عقبه صارت 1600 الصراحه هني قلت ستوب !! دفعت الـ 1600 وحولته حق بو 100
يعني عادي :)

JN000N

20-06-2010, 07:13 PM

البرودباند كانت عندي من قبل وحده ونفس الموضوع صار معاها كانت ب200 بالشهر شوي الا اول شهر واصلتني ب900 على طول رحت وحولتها ب400 يعني غير محدود وحتى قلت يمكن ال400 فيها ان والا شي بس ولد خالتي قال لي هذا هو يدفع كل شهر 400 ولا يزيد ولا ينقص يقول راص عليهم كل مره اجيك على فواتيري وكل يستفسر ويسأل اما انا يا غافلين لكم الله

كنلسنا البرودباند وكانت لها ايامها وخلصنا .. لكن انا مب دافعه ولا ريال زياده < ويعلها تكون زقوم فجبودهم

على وشو ادفع في عشر ايام توصل فاتورتي 1100؟؟ شدعوه ارضع فالتلفون؟؟ والصج اني ماتكلم فيه وايد انا اعرف نفسي قبل على كرتي القديم كنت ينقطع تلفوني بالثلاث شهور 1000 يعني باليااااالله يوصل وكنت شكثر اطرش مسجات واتكلم فيه الحين يوم اني ما تكلم فيه الا نادر وما طول بعد تطلع 1100؟؟

يعني هي نهبه عيني عينك

الحين شسوي؟؟؟ انا مب دافعه واشكره بيسوون حركاتهم السخيفه بيقطعون باقي الارقام عشان يحدوني ادفعها

وانا اقول ريال واحد مب دافعته ولو يطلعون لي فاتوره وافصفص ام اللي يابتها بعد مب دافعه انا اذكر قبل عشر ايام يوم فتحت الانترنت الجوال اتصلت 3 مرات اتاكد اذا الخدمه شغاله او لا وقالت لي الموظفه اي ومره ثانيه قال لي الموظف اي شغال وعادي استخدميها وكل شهر ب400
آآمنا بالله.. فتحت شهري 130 قلت عشان يحددون لي ومن اول 80% اعرف شللي لي واللي علي

مب معقووله كلش حتى المينون ما يصدقها البارحه الساعه 2 الفجر يكلمني الموظف يقول لي فاتورتج 145 واليوم قبل المغرب يقول لي 1100؟؟؟؟؟؟

الاستاندر

20-06-2010, 07:40 PM

السلام عليكم
تصدقين انا صار لي نفس الشي كنت مشترك في البروباند وعلى طول قطع والفاتوره مقاربه حق فاتورتج
كلمتهم شسالفه قالوا الخدمه سعرها هالشكل
قلت لهم 400 شنو هالشكل
قالوا لا مال شهرين قدام + 100 توصيل
المهم يكلمني واحد لايفهم عدل ولا هو فاهمني وكل كلمتين يقطع كلامي
وافتن عليه واقوله حولوني على قسم الحلول والمشاكل
وكلمتني وحده عز الله انها ماقصرت وفهمتني كل شي بس شي واحد مادش مخي
انا حسبتها معاها طلع صح كلامها 400 ريال في ثلاث شهور
قلت لهم عيل خلاص الشهر الجاي مب لازم ادفع ولا اللي بعده لان انا بكون دافع مقدم
قالت لي لا بيجيك مال الشهر الي بعده قلت لها شلون قالت هذا نظام السستم عندنا
وسويت روحي فاهم وصكرت
المهم السبوع الي طاف كان علي على البروباند 620 ريال
دفعت 220 ريال مافتح
شسالفه قالوا عليك متاخرات 200 ريال مال اي شهر مادري
قالوا لي ادفع 200 وبيفتح
يعني السالفه يحاولون يقنعونج بشي انتي مب مقتنعه فيه ولا يعطيج مصطلحات وكلمات صعبه عشان يابالفيت هو الفهيم واحنا الله يخلف علينا

بس من ناحية استخدام خدمة الشهري والله قبل كنت احس اني مظلوم الحين والله احس ان مافي احسن منها قلت فواتيري على الجوال بشكل كبير واستفدت من الشهري وايد

وترى اختي الانترنت الغير محدود في الجوال + خدمه البلاك بيري ياخذون عليها مقدم حق 3 شهور

المهم سولفت وايد وان شاء الله يفيدونج الاخوان اكثر

احب قطر

20-06-2010, 08:58 PM

السلام عليكم ورحمة الله وبركاته ، الظاهر ان في سوء فهم في الموضوع وللعلم بان كيوتل تاخذ اجار مقدم ، يعني مثلا اللي ماخذ اشتراك 400 ريال ، وهو اشترك بتاريخ 10 من الشهر وفاتورته تنزل تاريخ 20 ، اللي يصير ان كيوتل بتاخذ حساب 10 ايام + الشهر اللي نزلت فيه الفاتورة + شهر مقدم يعني بتوصل تقريبا 1200 ريال. واذا اي احد حاب يعرف تفاصيل فاتورته خل يطرش لي عالخاص.

حليتان*

21-06-2010, 01:01 AM

الله يعينج صرااحه

واذا على الايفون يقولون ان فوفو احسن !!! انا ماجربت

بس اخذي لج فودفون حق الايفون وحطي تلفون ثاني بوليت حق كيوتل ههههه

البدع

21-06-2010, 02:51 AM

الله يعينج صرااحه

واذا على الايفون يقولون ان فوفو احسن !!! انا ماجربت

بس اخذي لج فودفون حق الايفون وحطي تلفون ثاني بوليت حق كيوتل ههههه

غير صحيح

الاي فون مع فودافون ضعيف جدا

شبكة فودافون ضعيفة

كيوتل تحسنت كثير

الجوكر90

21-06-2010, 03:07 AM

السلام عليكم
يالربع والله ماكذب عليكم
ان كيوتل وفودا فون نفس الشي
انا مجرب الاثنين
وخطي الاول كيوتل والثاني فودا فون
واستخدم الاثنين بس اكثر شي كيوتل
بس الفرق الي كيوتل مب قادرين يوصلون له ان فودا فون شركه Professional
لو غلطوا يحاولون يصلحون غلطهم
بس كيوتل ضربوا روسكم فاقرب طوفه ولا بيفتكرون فيكم

في شي الناس القطريين مايعرفونه الي يسون نفسهم مب مفتكرين فالفلوس
ان مافي شركه بتنزل عرض بتحط عيوب هالعرض

وقاعده يديده لكم اي عرض ينزل من كيوتل اذا كان حق الشهري لازم المده لاتقل عن 3 شهور شي معروف ولا تدفعون مقدم

والله ثم والله الي يشتغلون فكيوتل مايعرفون شي ( اقصد البعض )
انا اتصلهم وواسالهم اساله مايعرفون اشلون يردون فيقولون بنحولك ع فلان
وفلان يحولني ع فلان ولين ما الخط ينقطع طبعا مب مني منهم لان انا دوم اشبك التلفون فالسياره واتكلم من سماعه السياره فعادي عندي
ولا مرات الاخ الكريم يعصب علي ويقولي انا مب اختصاصي هالشي وانا من الدعم الفني
عيل شالي دخلك فالموضوع وتكلمني
تعرف رد ماتعرف صكر ولاتعور راسي

بس مادري ليش الناس تحب تشترك فاشيا مالها داعي مثل البرودباند والادعيه وحق الابراج وتفسير الاحلام
يعني اذا انا ماراوح البر او البحر ليش اشترك فالبرودباند
يعني مافيني صبر انطر لين مارجع البيت عشان اشبك ع النت

ترى والله مكان عندي ايباد 3g كنت اخليه فالبيت
انا اطلع عشان استخدم النت ولا عشان ادور واستانس

وبعدين شدخل ايفون مع كيوتل
البلاك بيري اوكي اما الايفون ليش في شركه اسمها فودا فون
ترى فودا فون مب حق الاتصال بس حق النت
وان ماخاب ظني ان الاشتراك ب35 ريال شهريا

والمشكله ماتعرفون ولا تسالون
ليش لو سالتوا راح تدفعون فلوس
ترى والله السوال ابلاش
واسالوا الي مجربين مب واحد مايعرف شي او تسالون الي فالشركه لان اغلبهم يبون يخلون العالم تشترك وتبتلش

والي عنده شي خل يروح ict المجلس الاعلى للاتصالات
وهناك خل يشرح لهم كل شي ولازم تنطرون شهر
لان اذا قدمتوا بلاغ والشركه ماسوت شي فخلال شهر هني هم يدخلون
اما قبل الشهر ماراح يسوون شي

بس بقولكم شي
لو في واحد من الكباريه يتكلم ويتحرك راح تشوفون شركه ثانيه
مب شركه شاطره فاللف والدوران عشان الفلوس
والله جنهم محتاجين

بس صج الي يبو 10000 ينسجن ويلعنون ابو خامسينه
بس الي يبوق بالملايين يكون قدوه حق الغير

الله يرحمنه برحمته ان شاء الله

والسموحه ع الطوله

بوعبدالله779

21-06-2010, 05:33 AM

السلام عليكم انا واحد حولت رقمي من شهري إلى هلا لانه بكل امانه كل شهر الفاتورة ثابته 900 او 950 ريال مع انه ما عندي اتصالات وااايد لا محلية و دوليه بس الظاهر كيوتل تمشى معاك على طول على نفس الموجه يعني اذا انت متعود تدفع مبلغ معين راح تجيك الفاتورة بنفس القيمه لاتزيد ولا تنقص وانت وانا ندفع و ما ندري الفاتورة صح او غلط واذا حبيت تستفسر وتعرف تطلع انت الغلطان 100 في 100

JN000N

21-06-2010, 08:52 PM

انزسين ابي بالعربي احين كل عشر ايام بيقطعون خطي بالاف اشله أكد على عميان انا؟؟؟؟

شالفايده بتييني فاتوره تفصيليه عقب يومين بكون مظلومه فيها؟؟؟ حتى لو اللي فيها نصه خرييط نفس الفاتوره اللي قبل وانحط خشمي فالحمام ونقيتها الف وشي حق مدخ مابيم الثلاثا الى السبت حسبوها عاد جم يوم

الزبده احين ابي اعرف؟؟؟؟ كل شهر نفس الموال؟؟ ولو اني كنت دافعه مقدم شهر ٧ يا اخ احب قطر بارد بدفع ٥٠٠ فشهر ٧ والا خلاص كديتها مقدم وماراح ادفع؟؟؟

نوروني يللي عنده خبره الصراحه مب حاله مع هالنظام الدعله بلا سستم بلا بطيخ انا ابي حقي وابي اكون عميله عند شركه (((( تخاف ربها))) فالعملاء*

المرحب

21-06-2010, 08:58 PM

يلوموني لأني حولت جوالاتي إلى هلا !!!

بجد ارتحت وعرفت اللي لي واللي علي

وأتحدى أي شخص يراجع الفاتوره اللي تجي من كيوتل

الله يعينك على كيـــوطـــل

الجوكر90

21-06-2010, 11:48 PM

يلوموني لأني حولت جوالاتي إلى هلا !!!

بجد ارتحت وعرفت اللي لي واللي علي

وأتحدى أي شخص يراجع الفاتوره اللي تجي من كيوتل

الله يعينك على كيـــوطـــل

الطيب انا اختلف معاك بهل النقطه
انا فواتيري ثابته
يعني مشترك فالباقه بو 300 وتجيني الفاتوره 300 وشوي لاني اتكلم مكالمات خارجيه او الرسايل تزيد شوي

زنجبيل

22-06-2010, 12:47 AM

الله المستعان

Abu Abdullah

22-06-2010, 01:48 AM

اللــه المستعـــان

طموحي مبدع

22-06-2010, 04:29 AM

المصيبه انهم محتكرين السوق

بـن عدوان

22-06-2010, 05:47 AM

والله لو فودافون ارسالها قوي كنت عفت كيوتل ...

قلب الدوحة

22-06-2010, 07:41 AM

كيوتل معروف عنها تاخذ مقدم 3 شهور لأي خدة والظاهر ياأخت جنون مادفعتيهم مره وحده وتفضلي طريقة حسبة كيوتل لأي خدمة

(السلام عليكم حبيت اوضح لكم طريقة حسبة كيوتل للفاتورة واللي اكثر المشتركين يشتكون من المبالغ العالية ومثال على البروباند:

الفاتورة تصدر يوم 15 من كل شهر يعني تنحسب من 15 الى 14 اوكي طبعا لأني من النخبة وفي فواتير تصدر كل 18 وكل 10 وكل 27 كلا حسب فاتورته

مثلا اشتركت في خدمة وخلنا نقول البروباند بتاريخ 25/3/2010 والفاتورة تصدر 15/4/2010 وتكون فيها الآتي

التوصيل 100 ريال+80 للفترة من 25/3 الى 31/3 +400 ريال للفترة من 1/4/2010 لين 30/4/2010 +400 ريال للفترة من 1/5/2010 الى 31/5/2010

الفاتورة الجاية تصدر 15/5/2010 وفيها 400 ريال للفترة من 1/6/2010 الى 30/6/2010 وهكذا وان شاء الله اكون وصلت لكم الحسبة بالشكل الجديد)

مستثمر مبتدئ

22-06-2010, 07:47 AM

ياجماعة كيوتل يبيلها واحد يمشي معاها بالتفصيل الممل وانا جربت حسبة كيوتل االي قال عنها الاخ قلب الدوحة وطلعت بالضبط وعرفت كم فاتورتي عندي جوال شهري وشغلت عليه خدمة البلاك بيري ونفس اليوم سويت الحسبة ويوم نزلت الفاتورة طلع نفس المبلغ اشرايكم

بوحارب

22-06-2010, 01:22 PM

afk alkhater klaaaaaas

مشتاقة لقطر

22-06-2010, 02:03 PM

احب قطر ما يقصر ممكن يحل لج الموضوع

JN000N

23-06-2010, 12:26 AM

JN000N

23-06-2010, 12:27 AM

تاريخ ٦\٦ فتحت خدمة الانترنت الجوال
وتاريخ ٧_٦فتحت الشهري ١٣٠

قلب الدوحة

23-06-2010, 01:37 AM

تاريخ ٦\٦ فتحت خدمة الانترنت الجوال
وتاريخ ٧_٦فتحت الشهري ١٣٠

فاتورتج تاريخ كم تصدر؟؟ شوفي الفاتورة فوق على اليمين مكتوب تاريخ الفاتورة والفترة عشان اسوي الحسبة لج

JN000N

24-06-2010, 07:02 PM

فاتورتج تاريخ كم تصدر؟؟ شوفي الفاتورة فوق على اليمين مكتوب تاريخ الفاتورة والفترة عشان اسوي الحسبة لج

كانت ارقامنا ثلاثتنا مع بعض فاتورتنا وحده جنه هنود ،، بس عقب فصلوها وخذي الاولى اللي تنزل كل واحد بروحه

وقال الموظف ان المفروض تنزل فاتورتي شهر سبعه مامر يوم الا قاطعين جوالي اليوم الثاني

احب قطر

24-06-2010, 09:04 PM

اختي مثل ماذكرت لج عالخاص ، اذا تبين تعرفين التفاصيل كاملة لازم تطرشين لي رقم تلفون علشان نشوف ايش الموضوع كامل ويوضحون لج كل شي.